အောက်တိုဘာလရဲ့ ဒုတိယ တနင်္လာနေ့

ရေးသူ- (ကို)အောင်မိုးဝင်း

အောက်တိုဘာလရဲ့ ဒုတိယ တနင်္လာနေ့ကို “ကိုလံဘတ်စ်နေ့” အဖြစ်သတ်မှတ်တယ်။ ရုံးပိတ်ရက်အဖြစ်ကြေငြာတယ်။
အမေရိကားကို စရောက်ခါစတုံးက ရက်အင်ဒီးယန်း စစ်ပွဲများဘာသာရပ်ကို လေ့လာခဲ့ဘူးတယ်။ ကိုလံဘတ်စ်နေ့ ဆိုတာ ဘယ်လောက်အငြင်းပွားဖွယ်ဖြစ်ခဲ့သလဲ ဆိုတာ ကို အဲ့ဒီကျမှ သိတော့တယ်။ ဥပမာ- အမေရိကန်သမိုင်း နဲ့ ပတ်သက်တဲ့ ကျောင်းသုံးစာအုပ်တွေမှာ Columbus discovered America ဆိုတဲ့စာကြောင်းကို မြင်တိုင်း၊ ဒေသခံတိုင်းရင်းသားတွေ နဲ့ အမေရိကန်သမိုင်းကို နားလည်သူတွေက “ရှာဖွေတွေ့ရှိသည်” ( Discover) ဆိုတဲ့ စကားလုံးကို မသုံးဖို့ ကန့်ကွက်ကြတယ်။ Discovery အစား၊ “ကျူးကျော်သည်” ( invade ) ဆိုတဲ့ စကားလုံးကို ပြင်ဆင်သုံးစွဲဖို့ တောင်းဆိုကြတယ်။

တကယ်တော့ သူတို့ ပြောခဲ့သလိုပါပဲ။ အမေရိကားတိုက်က ကိုလံဘတ်စ် မလာခင်ကတည်းက ရှိနေတာမို့လား။ ရက်အင်ဒီယန်း စစ်ပွဲ ဘာသာရပ်ဆိုတော့ ပိုဆိုးတာပေါ့။ ကျောင်းသုံးစာအုပ်မှာ ကိုလံဘတ်တယောက် အမေရိကားတိုက်ကို discovery ခဲ့တယ် ဆိုတဲ့ စကားလုံးပါနေတော့၊ အတန်းထဲမှာရှိတဲ့ ဒေသခံတိုင်းရင်းသားတချို့က ခုံကို လက်ဝါးနဲ့ ရိုက်ပြီး ဒီကျောင်းသုံးစာအုပ်ကို ဘာလို့ မပြင်ရတာလဲ ဘာညာ ဆိုပြီး ပြဿနာရှာတော့တယ်။
ဆရာကလည်း ဟုတ်တယ်။ ဒီ ကျောင်းသုံးစာအုပ်ဟာ invade ဆိုတဲ့ စကားလုံးကိုပဲ သုံးရမယ် ဆိုပြီး အလျော့ပေးရတော့တယ်။ တကယ်တော့ သူတို့ပြောနေတာတွေက မမှားပါဘူး။
ကိုလံဘတ် ထက် အရင်၊ (၁၁) ရာစုနှစ်လောက်မှာကလည်းက လူဖြူတွေ အမေရိကားတိုက်ဆီကို အလည်ရောက်ခဲ့ဘူးပါတယ်။ ကိုလံဘတ်က (၁၆) ရာစု အစ၊ (၁၅၀၃) ခုနှစ်လောက်ကျ ရောက်လာတာကိုး။
ဒါပေမယ့်၊ ကိုလံဘတ်စ် က ခရစ်ယာန်ဘာသာပြန့်ပွားရေး ဦးတည်ချက်ကလည်း ပါသလို၊ တဘက်မှာတော့ ဒေသခံတိုင်းရင်းသားတွေကို အစုလိုက်အပြုံလိုက် သတ်ပစ်ခဲ့တဲ့ သမိုင်းကလည်း ရှိတယ်။
ဒါကြောင့်လည်း၊ အမေရိကန်ပြည်ထောင်စု အနောက်ခြမ်းဒေသ ( အထူးသဖြင့် ရက်အင်ဒီယန်း မျိုးနွယ်စုတွေ အားကောင်းတဲ့ ပြည်နယ်) တွေမှာ ကိုလံဘတ်နေ့ကို ဒေသခံတိုင်းရင်းသားတွေရဲ့ နေ့အဖြစ် ပြောင်းလဲခေါ်တွင်စေတယ်။ တောင်ဒေကိုးတားပြည်နယ်မှာဆိုရင် ၁၉၉၀ ခုနှစ်လောက်ကတည်းက ကိုလံဘတ်နေ့ကို အသိအမှတ်မပြုပဲ၊ သူတို့ရဲ့ နေ့အဖြစ် သတ်မှတ်စေတယ်။
မကြာသေးမီက ဝါရှင်တန်ပြည်နယ် ဆီယဲ့တယ်ဒေသ အပါအဝင်၊ မနီဆိုးတားပြည်နယ် မှာဆိုရင်လည်းလည်း ကိုလံဘတ်နေ့အစား၊ ဒေသခံတိုင်းရင်းသားတွေရဲ့ နေ့အဖြစ် ပြောင်းလဲခေါ်ဆိုလာခဲ့ကြတယ်။
နယူးယောက်အထက်ပိုင်းဒေသ က တက္ကသိုလ်တွေမှာ အခုလို ကိုလံဘတ်စ်နေ့ကို ရောက်ပြီဆိုရင် ရက်အင်ဒီးယန်း ပစ္စည်းရောင်းတဲ့ ဆိုင်တွေ နဲ့ ကျောင်းသားတချို့ က လက်ကမ်းစာစောင်တွေဝေကြတယ်။
လူမျိုးစုသုတ်သင်ရှင်းလင်းမှု၊ မုဒိမ်းမှု နဲ့ ကျူးကျော်ဝင်ရောက်မှုအတွက် ကိုလံဘတ် ကို အသေရရ အရှင်ရရ၊ ဖမ်းဝရမ်းထုတ်ထားတဲ့ ပိုစတာကြီးလည်း ချိတ်ဆွဲထားသေးတယ်။
တကယ်တော့ ကိုလံဘတ်စ်နေ့ကို ဆန့်ကျင်ဆန္ဒပြကြတဲ့ ပွဲတွေက အမေရိကားရဲ့ ပြည်နယ်တော်တော်များများမှာ နေရာအနှံ့။
ဒါပေမယ့် တဘက်မှာတော့ အမေရိကန်- အီတလီ သားတွေကလည်း ကိုလံဘတ်နေ့ကို ထောက်ခံကာကွယ်ကြတယ်။ ကိုလံဘတ်စ် ရဲ့ ကျေးဇူးကြောင့် သူတို့တတွေ အမေရိကားတိုက်မှာ အခုလို နေထိုင်ခွင့်ရကြတယ် လို့ ဆိုတယ်။
နှစ်ပေါင်း (၅၀၀) ကျော်သွားပြီ။ အငြင်းပွားဘွယ် သမိုင်းတွေက အရိပ်လို ကပ်ပါနေဆဲ။
သေချာတာ တခုကတော့ အလိုလောဘကြီးလွန်းတဲ့ ကမ္ဘာမှာ၊ ကိုယ့်ရဲ့ လူ့အဖွဲ့အစည်းကို မပျက်သုဉ်းစေချင်ရင်၊ ကမ္ဘာနဲ့ ရင်ဘောင်တန်းနိုင်တဲ့ နည်းပညာတွေ၊ အသိပညာတွေ ရှိဖို့လိုအပ်ပါတယ်။ တခြားနိုင်ငံက နယ်မချဲ့စေချင်ရင် ကိုယ့်ဘာသာ အင်အားကြီးမားအောင် လုပ်ဖို့လိုပါတယ်။ အဲ့သလို လုပ်နိုင်ဖို့ဆိုတာ
အစိုးရတရပ်အနေနဲ့ ပြည်သူလူထုအပေါ် ရိုးသားရမယ်။ အမြင်ကျယ်ရမယ်။
ဦးဆောင်နိုင်တဲ့ စွမ်းရည်ရှိရပါမယ်။

Read more »

မြန်မာ့အိမ်ယာ အဆောက်အဦးများ ဆိုလာစွမ်းအင် နည်းပညာကို သုံးသင့်ပြီ

နေရောင်ခြည်ကို ယူ၍ အကြိုးအမြတ်ထုတ်သူများ

ယနေ့ ၂၁ ရာစုမှာခေတ်မီ မြို့ပြအိမ် များနဲ့ ထုတ်လုပ်မှု ဆိုင်ရာ ကုမ္ပဏီကြီး တွေဟာ သဘာဝကို အခြေခံပြီး ဘေးပတ်ဝန်းကျင်နဲ့ကိုက်ညီအောင် ဆောက်လုပ်ထားတာကိုတွေ့မြင်လာရပါပြီ။    နေရောင်ခြည်စွမ်းအားကို အသုံးပြုပြီး နိုင်ငံတကာအကြီးစား ကုမ္ပဏီများဟာသူတို့ရဲ့ နှစ်စဉ်စွမ်းအင်သုံး ကုန်ကြငွေ  ဘတ်ဂျက် ကို ၂၀ % မှ ၃၀%  အထိ လျှော့ချပြီး အမြတ်အကြိုး ၀င်ငွေ ၅၀% မှ ၆၀% ထိလုပ်နိုင်တာကို တွေ့မြင်ရပါတယ်။ ဒီထက်မက ခေတ်သစ် မောလ်ဒန် အိမ်များနဲ့ ရုံး  အဆောက်အုံးများဟာလည်း  ခိုင်ခန့်လှပပြီး ကျန်းမာရေးနဲ့သင့်တော် တဲ့ ပုံပန်း သဏ္ဍာန် နဲ့တည်ဆောက်ထားတာကို စာဖတ်သူအနေနဲ့တွေ့မြင်မှာပါ။ ဒါ့ကြောင့်   ဒီတပတ်မှာတော့် ကမ္ဘာမှာ Photovoltaic PV Solar Energy ကို အသုံးအများဆုံးဖြစ်သည့်  နိုင်ငံတစ်နိုင်ငံရဲ့ အိမ်ပိုင်းဆိုင်ရာ ဆောက်လုပ်ပုံနဲ့ နေရောင်ခြည်အခြေခံလျှပ်စစ်အားများဘယ်လို အကြိုးပေးနေ တယ်ဆိုတာကို တင်ပြလိုက်ရပါတယ်။
 

ကမ္ဘာ့ထိပ်သီးသဘာဝစွမ်းအင်ပြောင်းပိုင်ရှင်

ကမ္ဘာမှာ Green Energy သဘာဝစွမ်းအားကို နံပတ်၁ အနေနဲ့ စွမ်းစွမ်းတမံ သုတေသန နဲ့လက်တွေ့ကျင့်သုံးနေတာကတော့် ဥရောပတိုက်ရဲ့ အလယ်မှာရှိတဲ့ဂျာမနီနိုင်ငံဖြစ်ပါတယ်။

ဂျာမနီစွမ်းအင်ဝန်ကြီး ငှာနဟာ နှစ်စဉ်နှစ်တိုင်း သူ့နိုင်ငံရဲ့ သဘာဝစွမ်းအင် ရင်းနှီးမြုပ်နှံမှုအတွက် ယူရိုိ သန်းပေါင်း ၁၅% မှ၂၀% အထိပုံမှန် သုံး နေပါတယ်။ ၂၀၀၉ ရှင်းတမ်း အရ ဂျာမန် စွမ်းအင်ဝန်ကြီးဌာနဟာ 2020 နှစ်အ ထိ သန်းပေါင်း ၆၀၀ ယူရို ရှိတဲ့ စွမ်းအင်လုပ်ငန်းကြီးများရင်းနှီး ချဲ့ထွင်သွားမည့်အကြောင်းကြေငြာခဲ့ပါတယ်။ နေ၊ရေ၊ လေနဲ့ ဇီဝကို အခြေခံတဲ့ စွမ်းအင်လုပ်ငန်းများ လုပ်ဆောင်မယ့် နိုင်ငံစွမ်းအင် ကဏ္ဍမှာဂျာမန် ပြည်သူလူထုအများဟာလည်း စွမ်းစွမ်းတမန်ထောက်ခံပြီး စွမ်းအင် အခွန် အနေနဲ့ ပေးဆပ်သွားမယ်လို့ပြောသွားပါတယ်။ ယနေ့ ဂျာမနီနိုင်ငံ ၁၆ ပြည်နယ်အားလုံးမှာ Photovotaics နေရောင်ခြည်အခြေခံ Solar Panel ကို အိမ်တိုင်း မှာတွေ့နိုင်ပါတယ်။ အများဆုံးတွေ့နိုင် တဲ့ပြည်နယ်တွေကတော့်စီးပွားဖွဲ့ဖြိုးမှုအင်အားအတောင့်ဆုံးပြည်နယ်များဖြစ်တဲ့ တောင်ပိုင်းပြည်နယ် Baden Württemberg (မားစီးဒီးကားထုတ်ပြည်နယ်) နဲ့ Bavaria (ဘီအမ်ဒဘလူကားထုတ်) ပြည်နယ်တွေဖြစ်ပါတယ်။ ၂၀၁၁ နှစ်ချုပ်အရ Baden Württemberg ပြည်နယ် က ၃၅၈၁ မီဂါဝတ် ၊ Bavaria က ၈၀၆၇ မီဂါဝတ်နဲ့ နေရောင်ခြည် စွမ်းအင်ကိုဖြန့်ဖြူးပေးခဲ့ပါတယ်။ ယနေ့ဂျာမနီ ကို လေယာဉ်ပေါ်မှကြည့်လိုက်မယ်ဆိုရင် အိမ်ခေါင်မိုး အားလုံးတိုင်းမှာ Solar Panel ကို တပ်ဆင်ထားတာတွေ့ရပါတယ်။ ဂျာမနီလို့ပြောလိုက်ရင် လူပု ဂိုလ် တွေကြီးပြီး အိမ်တွေလည်းကြီးမယ်လို့ထင်ရပေမယ့်ဂျာမန်အိမ်တော်တော်များဟာ သေးငယ်ပါတယ်။ တချို့အိမ်တွေဆိုရင် ကျွန်တော်တို့မြန်မာပြည်နယ်တွေမှာရှိတဲ့ အိမ်လောက်တောင်မကြီးပါဘူး။ အချို့အိမ်ဆိုရင် တဲပုတ်စာလေးလောက်ပဲရှိပါတယ်။ ပုံစံမျိုးအားဖြင့်ကတော့် ခေါင်မိုးနှစ်ခုပိုင်းဟာစောင်းစောင်းလေးနဲ့ အောက်သို့စောင်းကျနေပါတယ်။

ဂျာမန်ပြည်သူများဟာသဘာထိန်းသိမ်းရေးကို အင်မတန်ဦးစားပေးတဲ့ လူမျိုးများဖြစ်ကြ ပါတယ်။ဒါ့ကြောင့်သူတို့ရဲ့ လူနေမှု နေထိုင်စားသောက်တဲ့ စနစ်မှာလည်း လိုအပ်တာထက် ပိုလျှံသည့် စနစ်ကိုမသုံးပါဘူး။ ဒီတော့် မိသားစုဝင် ၃ ယောက်နေရမယ့် အိမ်ဟာ ၃ ယောက်နဲ့ အဆင်ပြေအောင်ဆောက်လုပ်ထားပါတယ်။ နေရောင်ခြည်သိပ်မရတဲ့ နိုင်ငံတစ်နိုင်ငံအနေနဲ့ Solar ပြားနဲ့ စွမ်းအင်ကို ယူနေတယ်ဆိုတော့် သံသယ၀င်စရာပါဘဲ။ ဒါပေမယ့် စက်မှု နည်းပညာကောင်းတဲ့ ဂျာမနီဟာယနေ့ ကမ္ဘာမှာ Solar Panel Manufacturing ကဏ္ဍမှာ No. 1 ဖြစ်ပါတယ်။

တို့မြန်မာသင်ခန်း ယူစရာ

မြန်မာပြည်မှာစွမ်းအင်နဲ့ပတ်သက်လာရင်ခက်ခဲမှုများတွေ့ရှိနေတယ်ဆိုတာကို လူတိုင်းတွေ့ကြုံခံစားမိ မှာပါ။ ဒါပေမယ့်လက်ရှိပြည်တွင်း လျှပ်စစ်စွမ်းအင်ကို ၁၀၀% အားကိုးရန်မလိုပဲ အခြားသော နေရောင်ခြည်စွမ်းအင်ကို လည်းအားကိုးရန်ပြည်သူများအနေနဲ့ Alternative Source of Energy အခြားနည်းလမ်းပေးစွမ်းအင်များကိုရှာရန်လိုလိမ့်မယ်လို့မြင်ပါတယ်။

လက်ရှိအကောင်ထည်ဖော်နိုင်တဲ့နည်းလမ်းက Solar Power Panel များဖြစ်ပါတယ်။  နေရောင်ခြည်နည်းပါးတဲ့ ဂျာမနီ ဟာ Solar Energy ကို ဦးစားပေးနေတယ်ဆိုတော့်နေရောင်ခြည်အမြဲရနေတဲ့မြန်မာပြည်က ဘာဖြစ်လို့ နေရောင်ခြည် လျှပ်စစ်အားကို မရနိုင်ရမှာလည်းဆိုတဲ့ မေးခွန်းတွေထွက်လာပါတယ်။ ယနေ့ခေတ်သစ်အဆောက်အုံများ နဲ့ ကုမ္ပဏီကြီး အများဟာ Glass House ပုံစံမျိုးနဲ့  Solar Panel များကိုတပ်ဆင်ပြီး သူတို့ရဲ့နေ့စဉ်လုပ်ငန်းဆောင် တာများကို ထိရောက်စွာ လုပ်နေပါတယ်။

အကောင်းဆုံးဥပမာနဲ့ပြောရရင်ကမ္ဘာ့အကြီးဆုံးကုမ္ပဏီများဖြစ်တဲ့ Apple, IKEA နဲ့ Walmart တို့ဖြစ်ပါတယ်။ ဒီကုမ္ပဏီတွေဟာ Solar Energy Panels တွေကိုတတ်ဆင်ပြီး လုပ်ငန်းများကို လုပ်ဆောင်ရာ ၂၀၁၂ Solar Energy Industries Association ၏ရှင်းတမ်းအရ ဒေါ်လာသန်းပေါင်း ၄၇.၃ တန်တဲ့စွမ်းအင် ပမာဏကို စုဆောင်းနိုင်ခဲ့ပါတယ်။ မြန်မာပြည်မှာလည်း အသေးစားလုပ်ငန်းတွေမှာ ဤကဲ့သို့ သဘာဝကို အခြေခံတဲ့ စွမ်းအင်သုံးလုပ်ငန်းများ ချဲ့ထွင်လျှင်အကျိုးမြတ်ပေးဖို့ စာရေးသူ အနေနဲ့မြင်ပါတယ်။ ဒါ့ကြောင့်မြို့ပြကြီးများဖြစ်တဲ့ရန်ကုန်၊မန္တလေး၊မကွေး၊ပဲခူးစသည့်ဒေသတွေမှာ စီးပွားရေးလုပ်ငန်းများ အတွင်း လုပ်နိုင်ရန်  မြန်မာပြည်မှာလည်းဤကဲ့သို့နေရောင်ခြည်ကို အခြေခံပြီးကိုက်ညီမဲ့ အဆောက်အုံဒီဇိုင်းများ ကိုလည်း အင်ဂျင်နီယာများ မှ ဆောက်လုပ်နေပါတယ်။ ဤကဲ့တို့ ဒီဇိုင်းဆန်းပြီး Solar Panel များတပ်ဆင်နိုင်မယ့် အိမ်ခြံ တိုက်ခန်းများကို အင်တာနက်မှတဆင့် House.com.mm ကဲ့သို့အကျိုးဆောင်အ်ိမ်ရှာဖွေရေးလုပ်ငန်းများမှလည်းလွယ်ကူစွာရှာဖွေနိုင်ပါတယ်။  ဆိုလာ နည်းပညာနဲ့ ပက်သက်လို့လည်း မြန်မာပြည်မှာ လှုပ်ရှား ဆောင်ရွက်မှုတွေ အင်မတန် များပြား လာနေ ပါပြီ။ Popular Myanmar  နဲ့ Myanmar Internet Journal  တို့လို ပြည်တွင်းက ဝဘ်ဆိုဒ်တွေရဲ့ နည်းပညာ နဲ့ ပြည်တွင်း သတင်း ကဏ္ဍ တွေမှာ ဆိုလာ နည်းပညာ အကြောင်း နဲ့ ပြည်တွင်း က အသုံးပြု နေမှု အကြောင်း များကို မြင်တွေ့ လေ့လာ ကြည့်နိုင် ပါတယ်။

 အကြီးစားစက်မှုလုပ်ငန်းများအတွက် Solar Power ဟာလိုအပ်တဲ့စွမ်းအင်ကို မပေးနိုင်သေးပေမယ့်လည်း ခေတ်မီ ရုံး၊အိမ်။ဆေးရုံများမှာတော့်ထင်မြင်ထားတာနဲု့ပိုပြီးအကျိုးပေးနေပါပြီ။ ဤစနစ်ကိုကုမ္ပဏီကြီးများနဲ့ တတ်ဆင်နိုင်တဲ့ အ်ိမ်မိသားစုတိုင်း အထူးသဖြင့်မြန်မာပြည် ကျေးလက်ဒေသများ အားလုံးမှာ သုံးစွဲမယ်ဆိုရင် တစ်နိုင်ငံလုံးအတိုင်းအတာ လျှပ်စစ်သုံးအား ဟာမျှတမှုပိုရှိပြီးပြည်သူများအတွက် အထောက်အကူဖြစ်မှာဖြစ်ပါတယ်။ ပုံမှန်အားဖြင့်ပေးရတဲ့လျှပ်စစ်အခွန်မှလည်း အကုန်ကျသက်သာပြီး ပို ၍စုဆောင်းမိမှာဖြစ်ပါတယ်။ စက်မှုထွန်းကားတဲ့ဂျာမနီ၊အမေရိကန်တို့လို နှိုင်းယှဉ်ရန်မသင့်တော်ပေ မယ့်လည်း သူတို့ထံမှ ဈေးသက်သာစွာနဲ့ရနိုင်တဲ့ Solar Technology နည်းစနစ်ကိုတေ့ မြန်မာပြည်မှာ ရာနှုန်းပြည့်ကောင်းမွန်စွာ သုံးစွဲနိုင်မယ်လို့မျှော်လင့်ပါတယ် မြန်မာ့ရောင်ခြည်ကို အသုံးပြုပြီး မြန်မာပြည်သူ များရဲ့ စီးပွားရေး နဲ့ မိသားစုဝန်ဆောင်မှုလုပ်ငန်းများပို၍အောင်မြင်နိုင်ရန်ရည်စူးလျက်……....

ကိုဆိုင်း

ဘာလင်

Read more »