“အဲလ်ဒီ(ALDI)” ကုန်ပဒေသာဆိုင်လုပ်ငန်းဖြင့် ချမ်းသာခဲ့သော ကမ္ဘာကျော် ညီအကိုနှစ်ဦး

ကားလ်(Karl) နှင့် သူ့ညီ သီအို(Theo) တို့ကို ဂျာမန်နိုင်ငံ အနောက်ပိုင်း
အီဆန်(Essen) မြို့မှာ မိုင်းလုပ်ငန်းတစ်ခုက အလုပ်သမားဖြစ်သူ ဖခင်နှင့်
ကုန်ခြောက်ဆိုင် ခပ်သေးသေးကို ဖွင့်လှစ်ရောင်းချတဲ့မိခင်ဖြစ်သူတို့ကနေ
ပထမ ကမ္ဘာစစ်ပြီးကာစ ၁၉၂၀ ခုနှစ်နဲ့ ၁၉၂၂ ခုနှစ်တို့မှာ မွေးဖွားခဲ့ပါတယ်။

သူတို့ညီအကို နှစ်ဦးစလုံး၏ အမည် အပြည်အစုံများက Karl Albrecht နှင့်
Theo Albrecht တို့ဖြစ်ပြီး သူတို့နာမည်များရဲ့ နောက်ပိုင်း စကားလုံးဖြစ်တဲ့
“အဲလ်ဗီခ်ျ” (Albrecht) ဆိုသော အမည်ဟာ သူတို့မျိုးရိုး အစဉ်အဆက်
ယူဆောင်ထားတဲ့ မိသားစုအမည် (surname) ဖြစ်ပါတယ်။ သူတို့ညီအကို
နှစ်ဦးကို ချမ်းသာကြွယ်ဝသူများဖြစ်လာအောင် တွန်းပိုခဲ့တဲ့ “အဲလ်ဒီ”(ALDI)
ဆိုတဲ့ အမည်ဟာ Albrecht-Diskount ဆိုတဲ့ “အဲလ်ဗီခ်ျ သက်သာဆိုင်”
ဆိုတဲ့ ဂျာမန်စကားလုံးထဲက ပထမစာလုံး Albrecht ကနေ အေ “A”နှင့်
အယ်လ် “L”၊ ဒုတိယ စာလုံး Diskount ကနေ ဒီ “D”နှင့် အိုင် “I”တို့ကို
ယူပြီး A+L+D+I = ALDI ဆိုတဲ့ အမည်ကို မွေးဖွားခဲ့တာပါ။

အကိုဖြစ်သူ ကားလ် (Karl Albrecht) ဟာ ယနေ့တိုင် သက်ရှိထင်ရှား
ရှိပြီး အသက်အားဖြင့် ၉၂ နှစ် ရှိပါပြီ။ ညီဖြစ်သူ သီအို (Theo Albrecht)
ကတော့ လွန်ခဲ့တဲ့ ၂၀၁၀ ခုနှစ် ဇူလိုင်လက အသက် ၈၈ နှစ်အရွယ်ဖြင့်
ကွယ်လွန်သွားပါပြီ။ ညီဖြစ်သူ သီအိုဟာ ၁၉၇၁ ခုနှစ်က ၁၇ ရက်ကြာ
ပြန်ပေးဆွဲခံရလို့ အမေရိကန် ဒေါ်လာ ၂ သန်း ပေးချေပြီး လူဆိုးတွေ
လက်က လွတ်မြောက်ခဲ့ရသူပါ။ ၁၉၇၁ ခုနှစ် အဲဒီ အဖြစ်အပျက်နောက်ပိုင်း
မှာ သူတို့ ညီအကို နှစ်ဦးဟာ သူတို့ရဲ့ ပုဂ္ဂိုလ်ရေးပိုင်ဆိုင်ရာ အချက်အလက်
တွေ သတင်းနဲ့ မီဒီယာတွေ၊ လူအများစု သိမြင်နိုင်တဲ့ ရှုထောင့်တွေပေါ်မှာ
ထင်ထင်ပေါ်ပေါ် ဖေါ်ပြလေ့ မရှိအောင် နေလေ့ရှိပါတယ်။

ညီဖြစ်သူ သီအိုဟာ အမေရိကန် အခြေစိုက် ကမ္ဘာကျော် TRADER JOE’S
ကုမ္မဏီကြီး၏ တစ်ဦးတည်းသော ပိုင်ရှင်လည်း ဖြစ်ခဲ့ဘူးပါတယ်။

အကိုဖြစ်သူ ကားလ် ဟာ ဒုတိယကမ္ဘာစစ်အတွင်း ဂျာမန် အာဏာရှင်
အဒေါ့ဟစ်တလာရဲ့ နာဇီပါတီမှာ ပါတီဝင်ဖြစ်ခဲ့ဘူးပါတယ်။ ၁၉၃၅ ခုနှစ်
ကနေ ၁၉၄၅ ခုနှစ်အထိ စစ်မှုထမ်းခဲ့ပါတယ်။ စစ်အပြီး အလုပ်လက်မဲ့
ဖြစ်နေတဲ့ သူတို့ ညီအကိုဟာ မိခင်ဖြစ်သူရဲ့ ကုန်ခြောက်ဆိုင် စီးပွားရေး
လုပ်ငန်းကို စတင်လုပ်ဆောင်ခဲ့ကြတာပါ။ ၁၉၅၀ ခုနှစ်မှာ သူတို့ ညီအကို
နှစ်ဦးဟာ “ရာရ်” (Ruhr) မြစ်ဝှမ်းဒေသ တလျှောက်မှာ ကုန်ပဒေသာ
ဆိုင်ပေါင်း ၁၃ ဆိုင်ကို ပိုင်ဆိုင်လာပါတယ်။
**** အဲဒီအချိန်က သူတို့လုပ်ငန်းရဲ့ ဆွဲဆောင်မှုက ကုန်ပစ္စည်းများ
အပေါ် အမြတ်နည်းနည်းသာ ဈေးတင်ထားပြီး ၀ယ်သူစိတ်ကြိုက်ဖြစ်ရေး
ဆိုတဲ့ ဦးတည်ချက်ပါ ....

သာမန် အလယ်အလတ်တန်းစာ စီးပွားရေး လုပ်ငန်းစု ကုမ္မဏီအဆင့်
ကနေ ၁၉၆၀ ခုနှစ်မှာ သူတို့ ညီအကိုဟာ ဈေးဆိုင်ခွဲပေါင်း ဆိုင် ၃၀၀
ကို ပိုင်ဆိုင်တဲ့ လုပ်ငန်းရှင်အဆင့် ရောက်ရှိလာပါတယ်။ အဲလို သူတို့
ကျော်ဖြတ် အောင်မြင်ခဲ့တဲ့ အဆင့်မှာ သူတို့ပိုင်ဆိုင်တဲ့ ဈေးဆိုင်များဟာ
အကောက်ခွန်ဆိုင်ရာ အငြင်းပွားဖွယ် ဆေးလိပ်ဗူးတွေကို ရောင်းချ
ခဲ့တယ်လို့ ဆိုပါတယ်။
(*** အဲဒီခေတ်က ဂျာမန်နိုင်ငံဟာ အရှေ့ဂျာမန်နဲ့ အနောက်ဂျာမန်
ဆိုပြီး နှစ်နိုင်ငံရှိခဲ့ပါတယ်။ ပါလီမန် လက်ယာ နိုင်ငံရေး စနစ်ကို ကျင့်သုံး
တဲ့ အနောက်ဂျာမဏီနိုင်ငံဟာ Capitalism စနစ်အတိုင်း အခွန်က ရတဲ့
ဝင်ငွေနဲ့ ရပ်တည်ခဲ့ပါတယ်။ ဒါကြောင့် အနောက် ဂျာမဏီနိုင်ငံက အရက်၊
ဘီယာနဲ့ စီကရက်ဆေးလိပ် ဈေးဟာ အရှေ့ဂျာမဏီလို့ ခေါ်တဲ့ ကွန်မြူနစ်
စနစ်ကျင့်သုံးတဲ့ နေရာထက် ဈေးပိုကြီးပါတယ်။ ဒါကြောင့် အရှေ့ဂျာမဏီ
ဖက်ကနေ အနောက်ဂျာမဏီဖက်ကို အရက်၊ ဘီယာနှင့် စီကရက်တွေ
မှောင်ခိုတင်သွင်းမှုအချို့ ရှိခဲ့ပါတယ်။

***၁၉၆၂ ခုနှစ်မှာ အဲလ်ဒီ (ALDI) ဆိုတဲ့ အမှတ်တံဆိပ်ကို ကုန်ပဒေသာ

ဆိုင်တွေမှာ ချိတ်ဆွဲပြီး ဈေးကွက်ထဲ နေရာယူခဲ့ပါတယ်။

***၁၉၆၆ ခုနှစ်မှာ သူတို့ညီအကိုဟာ ပိုင်ဆိုင်မှု ဘဏ္ဍာငွေတွေကို တရားဝင်

ခွဲယူခဲ့ကြပါတယ်။ သို့ပေမယ့် ကုမ္မဏီပိုင်ဆိုင်ရာ ပူးပေါင်းမှုကိုတော့ ဒီအတိုင်း

ဆက်လက် ထားရှိခဲ့ပါတယ်။

-အကိုဖြစ်သူ ဖြစ်သူ ကားလ်(Karl)ဟာ “အဲလ်ဒီ(ALDI)” တောင်ပိုင်း ကုမ္မဏီ

အစုအဖွဲ့ရဲ့ အကြီးအကဲ၊ ပိုင်ရှင်အဖြစ် ရပ်တည်ခဲ့ပြီး သူ့လက်အောက်မှာ

ကုမ္မဏီပေါင်း (၃၁)ခု၊ ဈေးဆိုင်ပေါင်း (၁၆၀၀) ရှိခဲ့ပါတယ်။

-ညီဖြစ်သူ သီအို(Theo) ဟာ “အဲလ်ဒီ(ALDI)” မြောက်ပိုင်း ကုမ္မဏီ

အစုအဖွဲ့ရဲ့ အကြီးအကဲ၊ ပိုင်ရှင်အဖြစ် ရပ်တည်ခဲ့ပြီး သူ့လက်အောက်မှာ

ကုမ္မဏီပေါင်း (၃၅)ခု၊ ဈေးဆိုင်ပေါင်း (၂၅၀၀) ရှိခဲ့ပါတယ်။

***ယနေ့တော့ “အဲလ်ဒီ(ALDI)” ကုမ္မဏီဟာ ကမ္ဘာအနှံ ဈေးဆိုင်အခွဲ

ပေါင်း (၉၀၀၀) ကျော်ကို ဖွင့်လှစ် ရောင်းချနေပါပြီ။

-“အဲလ်ဒီ(ALDI)” ကုမ္မဏီရဲ့ လည်ပတ် ပိုင်ဆိုင်မှု ငွေ ပမဏဟာ

၂၀၀၉ ခုနှစ် စာရင်းဇယားများအရ အမေရိကန် ဒေါ်လာ သန်းထောင်ပေါင်း

၅၃ ( ၅၃- ဘီလယျံ) ရှိပါတယ်။

-အကိုဖြစ်သူ ကားလ် (Karl) ဟာ လက်ရှိ ဂျာမန်နိုင်ငံမှာ အချမ်းသာဆုံး

ဖြစ်ပြီး ဥရောပတိုက် ချမ်းသာကြွယ်ဝသူများ စာရင်းမှာ နံပါတ် (၄)ဦး

မြောက်ဖြစ်ပါတယ်။ သူ့ပိုင်ဆိုင်မှုက အမေရိကန်ဒေါ်သာ သန်းထောင်ပေါင်း

25.4 (၂၅.၄ ဘီလယျံ)ကို ပိုင်ဆိုင်ပါတယ်။ အင်္ဂလန်နိုင်ငံက Leeds United

ဘောလုံးကလပ်အသင်း ပိုင်ရှင်လည်း ဖြစ်ပါတယ်။

-၂၀၁၀ ခုနှစ်က ကွယ်လွန်သွားတဲ့ ညီဖြစ်သူ သီအို(Theo) ဟာ ကမ္ဘာပေါ်

မှာ ၃၁- ဦးမြောက် အချမ်းသာဆုံး ဖြစ်ခဲ့ပြီး အမေရိကန် ဒေါ်လာသန်းထောင်

ပေါင်း 16.7 (၁၆.၇ ဘီလယျံ) ကို ပိုင်ဆိုင်ခဲ့ပါတယ်။ သူ့ကွယ်လွန်တော့

သူ့နေရာကို သူ့သား အငယ်ဖြစ်သူ “ဘက်ဟိုး” (Berthold Albrecht) ဆက်ခံ

ပါတယ်။ “ဘက်ဟိုး”လည်း ပြီးခဲ့တဲ့ ၂၀၁၂ ခုနှစ် နိုဝင်ဘာလမှာ ကွယ်လွန်

သွားပြန်တော့ သီအိုရဲ့ သားအကြီးဖြစ်သူ သီအိုဂျူနီယာ (Theo Albrecht. Jr)

ဆက်လက် တာဝန်ယူထားပါတယ်။

***** ယနေ့တော့ “အဲလ်ဒီ (ALDI)” ကုန်ပဒေသာဆိုင် စီးပွားရေးအုပ်စု

ဟာ နိုင်ငံပေါင်း (၁၇) နိုင်ငံဖြစ်တဲ့ ... ဂျာမန်၊ သြစတြေရီးယား၊ သြစတြီးရီးယား၊

ဘယ်ဂျီယန်၊ ဒိန်းမတ်၊ ပြင်သစ်၊ ဟန်ဂေရီ၊ အိုင်ယာလန်၊ လူဇင်ဘတ်၊ နယ်သာလန်၊

ပိုလန်၊ ပေါ်တူဂီ၊ စလိုဗေးနီးယား၊ စပိန်၊ ဆွစ်ဇာလန်၊ အင်္ဂလန်၊ အမေရိကန်

နိုင်ငံတွေမှာ အကိုဖြစ်သူ ကားလ် (Karl) ဦးဆောင်တဲ့ “အဲလ်ဒီ(ALDI)” တောင်ပိုင်း

အုပ်စုက ဆိုင်ခွဲပေါင်း (၄၄၃၀)ဆိုင်၊ ညီဖြစ်သူ သီအို(Theo) အရိုက်အရာကို ဆက်ခံ

တဲ့ တူဖြစ်သူ သီအိုဂျူနီယာ ဦးဆောင်တဲ့ “အဲလ်ဒီ(ALDI)” မြောက်ပိုင်းအုပ်စု

က ဆိုင်ခွဲပေါင်း (၄၈၀၅) ဆိုင်တို့ကို ဖွင့်လှစ်ပြီး နေရာ ယူထားပါတယ်။

*** တကယ်တော့ သူတို့ညီအကို နှစ်ဦးစလုံးဟာ ပထမ ကမ္ဘာစစ်ပြီးကာစ

၁၉၁၈ ခုနှစ်က သာမန် အခြေခံလူတန်းစားမျှသာ နေထိုင်စားသောက်ရတဲ့

မိသားစု တစ်စုကနေ မွေးဖွားကြီးပြင်းခွင့် ရခဲ့သူတွေ ဖြစ်ပါတယ်။

(*** ဓါတ်ပုံထဲက ပုံအကြီးက အကိုဖြစ်သူ ကားလ်- Karl ဖြစ်ပြီး

ပုံအသေးက ညီဖြစ်သူ သီအို- Theo ပါ။)

Read more »

ဂုဏ်သိက္ခာရှိပြီး တိုင်းပြည်က ချစ်တဲ့ သန်းကြွယ်သူဋ္ဌေးတစ်ဦး သို့မဟုတ်

ဂုဏ်သိက္ခာရှိပြီး တိုင်းပြည်က ချစ်တဲ့ သန်းကြွယ်သူဋ္ဌေးတစ်ဦး သို့မဟုတ်
ကမ္ဘာကျော် Maersk သင်္ဘောလိုင်းပိုင်ရှင် မတ်စ်မကင်လီ မိုလာ (Mærsk Mc-Kinney Møller) ဆိုတဲ့ သူတစ်ဦး ကမ္ဘာမြေပေါ်မှာ ရှိခဲ့ဘူးပါတယ် ...

-သူ့ကို ၁၃ ရက် ဇူလိုင်လ ၁၉၁၃ ခုနှစ် (ဗိုလ်ချုပ်အောင်ဆန်း မွေးနေ့နဲ့ တွက်မယ်ဆိုရင် ကျနော်တို့ ဗိုလ်ချုပ်ထက် ငါးလ တိတိ ငယ်ပါတယ် ...) -နေ့မှာ မွေးဖွားခဲ့ပါတယ် ...။
၁၆ ရက် ဧပြီလ ၂၀၁၂ ခုနှစ်မှာ ကွယ်လွန်သွားပါပြီ (မြန်မာလို နှစ်ဆန်း တစ်ရက်နေ့ပေါ့) ...

-သူဟာ ဒိန်းမတ်နိုင်ငံမှာ အချမ်းသာဆုံး ပုဂ္ဂိုလ်တစ်ဦးဖြစ်ပြီး ကမ္ဘာကျော် ကွန်တိန်နာ သင်္ဘောလုပ်ငန်း ပိုင်ရှင်လည်း ဖြစ်ပါတယ်၊ ၂၀၀၇ ခုနှစ်က စာရင်းဇယားများအရ သူ့ပိုင်ဆိုင်မှုဟာ တစ်ဦးတည်း အမေရိကန် ဒေါ်လာ သန်းထောင်ပေါင်း ၂၃ ဘီလယျံ၊ အုပ်စုလိုက် ပိုင်ဆိုင်မှုအရ အမေရိကန်ဒေါ်လာ သန်း ၂၅ ထောင် ဖြစ်ပါတယ်၊ ရေနံနဲ့ သဘာဝဓါတ်ငွေ့ အစုရှယ်ယာပိုင်ဆိုင်ရာ ကိန်းဂဏန်းတွေကတော့ ခန့်မှန်းချေ အမေရိကန်ဒေါ်လာ ဘီလယျံပေါင်း ၆၈ ဘီလယျံ လောက် ရှိပါတယ် ...

-သူဟာ သူနေထိုင်တဲ့ Hellrerup မြို့နယ်အုပ်ချုပ်ရေးရုံးထံ နှစ်စဉ် အခွန်ငွေ အမေရိကန်ဒေါ်လာ သန်း ၅၀ ထက် မနည်း အခွန်ပေးဆောင်တဲ့ သူပါ၊ နိုင်ငံတော်ထံကို အဲဒီထက် ငါးဆလောက်ရှိတဲ့ အခွန်ကို နှစ်စဉ် ပေးဆောင်ပါတယ် (သူ့ပိုင်ဆိုင်မှုက ကမ္ဘာနဲ့အ၀ှမ်းဖြစ်ပြီး၊ ဒိန်းမတ်က လုပ်ငန်းအရ ဒိန်းမတ်မှာ အခွန်ဆောင်ပြီး အခြားနေရာက လုပ်ငန်းတွေအတွက် အခြားနိုင်ငံတွေမှာ အခွန်ပေးရပါတယ်) ....

-သူဟာ ပိုက်ဆံ ချမ်းသာလို့ သူ့တစ်ပါးအပေါ် မောက်မောက်မာမာ ကြမ်းကြမ်းတမ်းတမ်း အထက်စီးကနေ ပြောဆိုဆက်ဆံတဲ့သူမျိုး လုံးဝ မဟုတ်ပါဘူး၊ သာမန် အခွန်ထမ်း ပြည်သူတစ်ဦးလို ဘ၀ကို ရိုးရှင်းစွာ ဖြတ်သန်းခဲ့ပါတယ် ...

-သူ့ဘ၀ တလျှောက်မှာ သူ ပိုင်ဆိုင်မှုတွေနဲ့ ပက်သက်ပြီး သတင်းနဲ့ မီဒီယာတွေ၊ အစိုးရ အကောက်ခွန် အရာရှိတွေကို အချိန်မရွေး ဖိတ်ခေါ်ပါကြောင်း အကြိမ်ကြိမ် ပြောဆိုခဲ့ပါတယ်၊ သူ့ရဲ့ သန့်ရှင်းတဲ့ ပိုင်ဆိုင်မှုကို အစစ်ခံရဲသူ တစ်ဦးပါ ....

-သူဟာ ဥရောပတိုက်က သူဋ္ဌေးတွေ အားလုံးထဲမှာ အသန့်ရှင်းဆုံး ဂုဏ်သိက္ခာရှိသူ လို့ နာမည်ကြီးသူ တစ်ဦးပါ ....

-သူဟာ ဒုတိယကမ္ဘာစစ်အတွင်းက ပြည်ပြေးတစ်ဦး အဖြစ် အမေရိကန် ပြည်ထောင်စု နယူးယော့မြို့မှာ နေထိုင်ခဲ့ပါတယ် ...

-သူဟာ ဒိန်းမတ်နိုင်ငံရဲ့ ထင်ရှားတဲ့ အဆောင်အဦး တော်တော်များများကို ဒေါ်လာ သန်းချီပြီး အကုန်အကျခံ ဆောက်လုပ် လှူဒါန်းခဲ့ပါတယ် (ဥပမာ Copenhagen Opera House) ...

-သူ ကွယ်လွန်တဲ့နေ့ အသုဘ အခမ်းအနားကို တက်ရောက်လာတဲ့ ဒိန်းမတ် ဘုရင်မကြီးက “ကျမတို့ နိုင်ငံရဲ့ အင်မတန် ကြီးမြတ်တဲ့ ပုဂ္ဂိုလ်ဟာ ကျမတို့ အားလုံးကို ထားရစ်ခဲ့ပါပြီ” ...လို့ ၀မ်းနည်းစကား ဆိုခဲ့ပါတယ် ....

Read more »