Saturday, 28 December 2013

ဧရာဝတီမြစ်အကြောင်း ညက အိမ်မက် မက်တယ်

ညက ဧရာဝတီမြစ်ကြီးအကြောင်း ကျနော် အိမ်မက် မက်ပါတယ်။ ....
တကယ်ပါ .... ဗျာ ....
ကျနော့်အိမ်မက်ထဲမှာ စစ်တပ်က လက်ရှိ ဦးသိန်းစိန် အစိုးရထံကနေ နိုင်ငံတော်

အာဏာကို သိမ်းယူလိုက်ပါတယ် ... ပြီးတော့ စစ်တပ်က မြစ်ဆုံ စီမံကိန်းကို
ဆက်လုပ်မယ်လို့ ကမ္ဘာသိအောင် တရားဝင် ကြေညာ ပါတယ် ...

လူတချိူ့ဟာ သမ္မတဟောင်း ဦးသိန်းစိန် လွမ်းချင်းတွေကို ဖောဖောသီသီ

ဖွဲ့ဆိုကြတယ် ....
အဲလို လူတွေကို ကြည့်ပြီး သက်ပြင်း အခါခါ ချမိတဲ့ ကျနော် ...
အင်တာနက်ပေါ် တက်လိုက်ပြန်တော့ ...
မျက်နှာစာအုပ်(ဖေ့ဘွတ်) ပေါ်က ကျနော့်မိတ်ဆွေ တချိူ့ကတော့

မျက်ရည်တွေ ပိုးပိုးပေါက်ပေါက် ကျလို့ ....
သူတို့ မျက်ရည်ကျတဲ့ နှုန်းဟာ ဆီးဂိမ်းပွဲတုန်းက တရုတ်မီးပန်းတွေထက်
များပြီး မြန်လည်း မြန်ပါတယ် ....

အဲဒါနဲ့ ကျနော်လည်း ဧရာဝတီမြစ်ကြီးကို ဘယ်သူတွေများ အသဲအသည်း

ကာကွယ်စောင့်ရှောက်နေသလဲလို့ ... လိုက်ရှာ လိုက်မေးကြည့်တာပေါ့ ....
နိုင်ငံရေးပါတီတွေလည်း မတွေ့ရ ...
အရပ်ဖက် အဖွဲ့အစည်းတွေလည်း မမြင်ရ ...
NGO တွေလည်း မကြားရပါဘူး ဗျာ ....

ဧရာဝတီမြစ်ကြီး ကံဆိုးချက်ကတော့ ခေတ်လူငယ်တွေ စကား ဌားပြီး

ပြောရရင် “ကိုး” လောက် ရှိတယ် ....
ဗိုက်ဟောင်းလောင်းနဲ့ ကဗျာဆရာတချိူ့ရယ် ....
မေးရိုးတွေ ငေါ့ထွက်နေတဲ့ စာရေးဆရာ အချိူ့ရယ် ....
လမ်းလျှောက်လွန်းလို့ ခြေထောက်တွေ ဖောရောင်နေတဲ့ တက်ကြွသူ အနည်းငယ်ရယ် ....

ဧရာဝတီကို ကာကွယ်မယ်ဟေ့ ဆိုပြီးများ ဧရာဝတီမြစ်တလျှောက်က မြို့တွေမှာ အဖွဲ့တွေ ဘယ်လောက်တောင် ဖွဲ့ထားသလဲလို့ လိုက်ရှာကြည့်ပါသေးတယ် ...

မီးပဲ ပျက်နေလို့လား မသိဘူး ...
ဘာ ဆိုင်းဘုတ်မှ ကျနော် မတွေ့ခဲ့တာတော့ အမှန်ပါ ဗျာ .....
 

သြော် ... ဧရာဝတီဆိုတဲ့ မြစ်ကြီး ရေ ...
ကျနော့်အိမ်မက်ထဲကလို ...
ခင်ဗျား ကံ မဆိုးပါစေနဲ့ .... ဗျာ .....
Read more »

Saturday, 31 August 2013

ဘလော့ရေးသားသူများ၏ ဘလော့ဒေး (3108=Blog)





ကျနော်လည်း ဖေ့ဘွတ်ပေါ်မှာ ဒီနေ့ကျရောက်တဲ့ ဘလော့ဂါများနေ့အတွက်
အမှတ်တရ ရေးပေးကြဖို့ နီးစပ်ရာ ညီအကို မောင်မနှတွေထံ တောင်းဆို
တိုက်တွန်းထားတာ ကြာပါပြီ။ သို့ပေမယ့် ကိုယ်ကိုယ်တိုင်ကြတော့ ဟိုလှည့်ဒီလှည့်
ကွန်ပြူတာရှေ့ ငုတ်တုပ်ထိုင် ဘလော့လိုင်းထဲ မရှိဘူး။ ဖေ့ဘွတ်ထဲပဲ အရင်ဝင်၊
ဘလော့တွေကို သစ္စာဖောက်၊ ဖေ့ဘွတ်လိုင်းမှာ စီးမျှော်ရင်း အခုတော့ တချိန်က
ကျနော် အင်မတန် ချစ်ပါတယ်ဆိုတဲ့ ကျနော့်ဘလော့ဟာ အိပ်မောကျနေပါပြီ။

ကျနော် ဘလော့စရေးတဲ့ ၂၀၀၈ ခုနှစ် ဖေဖ်ါဝါရီလောက်က ဆိုရင် ကျနော်ဘလော့ရဲ့
စာဖတ်သူဟာ သုံးယောက်တောင် အနိုင်နိုင်ပါ ...
အဲဒီသူတွေက ရေးသူဖြစ်တဲ့ ကျနော်ကိုယ်တိုင်ရယ်၊ ထိုင်းနိုင်ငံမှာနေတဲ့ ဘလော့ဂါ
မောင်မျိုး၊ ထိုင်ဝမ်ကျွန်းမှာ နေတဲ့ ညီမငယ်တစ်ဦးပါ။

ဒီလိုနဲ့ တောင်ရေးမြောက်ရေး တွေ့သမျှ လိုက်ဖတ်၊ မြင်သမျှ ကော်မန့်ဝင်ရေး၊ တွေ့သမျှ
စီဘောက်မှန်သမျှ ခြေရာ လိုက်ချတော့ ကျနော့်ဘလော့လေး လူစည်လာပါတယ်။
အဲဒီခေတ်က ဘလော့ဂါအသစ်တွေကို လင့်ခ်ချိတ်ပေးပြီး လူသိများအောင် လုပ်ပေး
တတ်တဲ့ စင်္ကာပူက ဘလော့ဂါ ကိုလူသစ်က ကျနော့်ဘလော့ထံ အလည်ရောက်
လာပါတယ်။ ဒီလိုနဲ့ နိုင်ငံရေးအကြောင်းတွေ၊ ကိုယ်ထင်တာရေးလိုက်၊ သမိုင်းအတိုအစ
လေးတွေ ဟိုစာအုပ်ဒီစာအုပ်ထဲကနေ စကင်းန်ဖတ်ပြီး ဘလော့ပေါ်တင်၊ ဂဠုန်ဦးစော
ကြိုးစင်ပေါ်ရောက်တဲ့ ဓါတ်ပုံတွေ လျှောက်တင်ပေါ့၊ အဲဒါကို ထိုင်းနိုင်ငံမှာနေတဲ့
ဘလော့ဂါသင်ကာ ဆိုတဲ့ ကိုသင်ကာက အကောင်းဆုံး ဘလော့ပို့စ် တစ်ရာဆိုပြီး
စာရင်းပြုစုတော့ သူ့စာရင်းထဲမှာ ကျနော် ဟိုယောင်ယောင် ဒီယောင်ယောင်နဲ့
စာမေးပွဲအောင်တော့တာပါပဲ။

သို့ပေမယ့် ကျနော်ဟာ နာမည်ကြီး ဘလော့ဂါ အုပ်စုထဲ ချက်ချင်းကြီး ၀င်လို့
မရသေးပါဘူး ....
ကျနော့်ဘလော့ကို နာမည်ကြီးတဲ့ ဘလော့ဂါတွေ၊ နာမည်ကြီးတဲ့ စာရေးသူတွေ
ထံ မိတ်ဆက်ပေးသူ နှစ်ဦးကတော့ သြစတြေးရီးယားကျွန်းနေ မကေသွယ်နဲ့
အမေရိကန်က ကဗျာဆရာ အကို ကိုအောင်သာငယ်တို့ပါ။ ဒီလိုနဲ့ပဲ ဘလော့ဂါ
ရပ်ကွက်ထဲက သို့မဟုတ် အင်တာနက်ပေါ်တွင် စာရေးသော အပျော်တမ်းစာရေးသူ
များအကြားမှာရှိတဲ့ လဖက်ရည်ကြမ်း ကွပ်ပြစ်ပေါ်မှာ ကျနော်ဟာ ယောင်တောင်တောင်
ပေါင်တောင်တောင်နဲ့ အရပ်လူကြီး ဖြစ်လာပါတယ်။

ဒီလိုနဲ့ ကျနော်တို့ဟာ ရွှေဝါရောင် တော်လှန်ရေးခေတ် ...
ရွှေဝါရောင် တော်လှန်ရေးခေတ်ကနေ နာဂစ်မုန်တိုင်း ကူညီရေးခေတ် ....
နာဂစ်မုန်တိုင်း ကူညီရေးခေတ်ကနေ ၂၀၀၈ ခုနှစ် ဖွဲ့စည်းပုံကို ဆန့်ကျင်ရေးခေတ် ....
၂၀၀၈ ဖွဲ့စည်းပုံကို ဆန့်ကျင်ရေးခေတ်ကနေ ၂၀၁၀ ခုနှစ် ရွေးကောက်ပွဲခေတ် ....
၂၀၁၀ ရွေးကောက်ပွဲခေတ်က ၂၀၁၁ ခုနှစ် အန်တီစု လွတ်လာတဲ့ ခေတ်တွေအထိ ...

ကိုယ့်ထမင်းကိုယ်စား၊ ကိုယ်ပေါင်ကိုယ်လှန်ထောင်း၊ ကိုယ့်အချိန်ကို ကိုယ်မသုံးစွဲပဲ
နိုင်ငံတော်အတွက် မွေးရပ်မြေအတွက် အပျော်တမ်း တိုက်ပွဲဝင်သူများအဖြစ်
ကိုယ့်ဘာသာကိုယ် ဂုဏ်ယူခဲ့ကြသော ကျနော်တို့၏ ခရီးတွင်

ဘလော့ဂါ ကိုမြင်ဇေ ခေါ် ကိုနေလ
ဘလော့ဂါ အမ မငွေစန္ဒာ
ဘလော့ဂါ ကျောက်ခဲခေါ် ကိုကြီးကျောက် တို့ ဟာ
ကျနော်တို့ရဲ့ အွန်လိုင်း အင်တာနက် မြန်မာဘလော့ဂါ လောကကြီးကို နှုတ်ဆက်
ပြီး ဘ၀တစ်ပါးသို့ ကူးပြောင်းသွားကြပါတယ်။ အထက်ပါ မြန်မာဘလော့ဂါ သုံးဦး
ဟာ ကွယ်လွန်ကာနီး အချိန်များအထိ ဘလော့တွေပေါ်မှာ ဘလော့ပို့စ်တွေ တင်ပြ
ရေးသားခဲ့ကြသူတွေပါ ....

ဒီကနေ့ ကျရောက်တဲ့ ဘလော့ဒေးမှာ ဘလော့ရေးသားသူအပေါင်း ချမ်းသာကိုယ်စိတ်
မြဲကြပါစေလို့ ဆုတောင်းလျက် .....

ပျူနိုင်ငံဘလော့အား ရေးသားသူ
ကိုအောင်
Read more »

Sunday, 2 June 2013

သရဲခြောက်သော အိမ်ကြီး

သူ အပါအ၀င် လူ ၁၆ဦးတို့ ကားမှတ်တိုင်တွင် လိုင်းကားစောင့်နေခိုက်
အဖိုးအို ပေါလ် သည် လိုက်နာရမည့် စည်းကမ်းများကို ရှင်းပြပါသည်။
ထိုသရဲခြောက်သည်ဟု နာမည်ကြီးနေသော အိမ်ကြီးတွင် ဓါတ်ပုံ၊ ဗွီဒီယို
ရိုက်ခွင့် မပြုပါ၊ အဘယ်ကြောင့်ဆိုသော လက်ရှိအိမ်ရှင်သည် သူ့အိမ်
အား ပြန်လည်ရောင်းချရန် အိမ်ရောင်းဝယ်ရေး ကုမဏ္ဍီထံတွင် ကြေညာ
ထားသောကြောင့် ဖြစ်ပါသည်။ အဖိုးအို ပေါလ် ဦးဆောင်သည့် ကျနော်တို့
ဘော်လန်တီယာ အဖွဲ့သည် အိမ်ရှင်နှင့်တကွ သံသယ၀င်နေသူအပေါင်း
တို့၏ သံသယကို ချေဖျက်ပေးနိုင်ရန်အလိုငှါ အဖြေတစ်ခုအား ရလို၊ ရငြား
တစ်ညတာ အိပ်စက်လေ့လာပေးရန် ဖြစ်ပါသည်။

သရဲခြောက်သည်ဟု နာမည်ထွက်နေသည့် အိမ်ကြီးသည် ကျနော်တို့နေထိုင်
ရာ Hillerød ဒေသနဲ့ ၇ ကီလိုမီတာခန့်သာ ဝေးသော မြို့နှစ်မြို့ကြား ဒေသ
တစ်ခုတွင် ဖြစ်ပါသည်။ Ny Hammersholt ဟု ခေါ်သော အဆိုပါ ဒေသသည်
၁၈ ရာစုက ဒိန်းမတ်နိုင်ငံ ကိုပင်ဟေဂင်မြို့တော်တွင် လက်ရောက် အလုပ်
လုပ်ကိုင်ကြသော ဆွီဒင်လူမျိုးများ အများဆုံးနေရာဒေသ ဖြစ်သဖြင့်
Little Sweden ဟု ဒိန်းမတ်လူမျိုးများက ခေါ်ဝေါ်ကြပါသည်။

ကျနော်တို့အဖွဲ့သည် လိုင်းကားအမှတ် ၃၀၁ အား ဟီးလာရို့( Hillerød) ဘူတာ
အထိ စီးခဲ့ကြပြီး ဘူတာအနီးရှိ လိုင်းကားမျိုးစုံ စုရပ်မှတဆင့် လိုင်းကားအမှတ် ၃၃၅
အား ပြောင်းလဲစီးရပါသည်။ ထိုမှတဖန် ဆယ်မိနစ်ခန့် လိုင်းကား စီးပြီးသောအခါ
ကျနော်တို့ တစ်ညတာ လေ့လာရမည့် သရဲခြောက်သည်ဟု သတင်းထွက်နေ
သော အိမ်ကြီးထံ ရောက်ခဲ့ကြပါသည်။ ယခင်က ကျနော်တို့ ဘော်လန်တီယား
အဖွဲ့သည် ဆယ်ဦးပင် မပြည့်ပါ၊ ထို့နောက် ဆယ်ဦး ကျော်လာပါသည်၊ ယခုအခါ
အဖွဲ့ဝင် သုံးဆယ်ကျော် ရှိလာသောကြောင့် ကျနော်တို့အုပ်စုသည် ကျနော်တို့
ဒေသ၏ စုဝေးခန်းမကို ဌားရသည့်အထိ တိုးတက်လာပါသည်။ အဖွဲ့ဝင်အများစု
သည် ပင်စင်စား အဖိုးအိုများဖြစ်ကြပြီး အကြောင်းတစုံတရာကြောင့် လုပ်ငန်းခွင်မှ
ပင်စင်လစာဖြင့် အနားယူနေကြသူများ ဖြစ်ပါသည်။ ကျနော်သိသလောက် ကျနော်
နဲ့ တခြား အဖွဲ့ဝင် ခြောက်ဦးခန့်သာ အလုပ်လစာဖြင့် ရပ်တည်နေသော အလုပ်
သမားများ ဖြစ်ကြပါသည်။

ထိုအိမ်ကြီးဆီသို့ ချီတက်လာကြသည့် ကျနော်တို့အားလုံးလိုလို ကိုယ်ပိုင်ကားများ
ရှိသူများ ဖြစ်ပါသည်။ သို့သော် ကျနော်တို့ ၁၆ ဦး မောင်းနှင်းလာကြမည့် ကားမျိုးစုံ
အတွက် ယာဉ် ရပ်နားစရာ နေရာအလုံအလောက်မရှိပါ။ ထို့ကြောင့် အထုပ်အပိုးမျိုးစုံ၊
စားစရာ သောက်စရာ မျိုးစုံကို သယ်ဆောင်လာသော လူ ၁၆ ဦးတို့သည် လိုင်းကား
ဖြင့် သွားရောက်ရချင်းဖြစ်ပါသည်။ ထို ၁၆ ဦးထဲတွင် ကျနော်နဲ့ မျက်နှာချင်း ရင်းနှီး
နေသူမှာ ဆယ်ဦးခန့်သာ ရှိပါသည်။ ကျန် မျက်နှာစိမ်းများကို ကျနော် မသိပါ။ အဖိုးအို
ပေါလ် မိတ်ဆက်ပေးမှ ထိုသူများသည် အဖွဲ့ဝင်သစ်များ ဖြစ်သည်ဟု သိရပါသည်။
ကျနော်တို့ ရပ်ကွက်ထဲတွင် ကားလမ်း၏ တဖက်အခြမ်းတွင် “မ”ဂဏန်း ကိုယ်စားပြု
အိမ်နံပါတ်များ ချိတ်ဆွဲထားပြီး ဟိုတဖက်အခြမ်းတွင် “စုံ” ဂဏန်း ကိုယ်စားပြု အိမ်နံပါတ်
များ ချိတ်ဆွဲထားပါသည်။ ထိုအဖွဲ့ဝင်သစ်များသည် ကျနော်တို့နဲ့ ကားလမ်းခြားသော
အခြားတဖက်တွင် နေထိုင်ကြသူများဟု သိရပါသည်။

ယခင်က ကျနော်တို့ လေ့လာစူးစမ်းရေးအဖွဲ့တွင် ကျနော်သည် အသက် အငယ်ဆုံး
ဖြစ်နေပါသည်။ ယခုအခါ အသက် ၁၉ နှစ်အရွယ် လူငယ်တစ်ဦး၊ အသက် သုံးဆယ်
ကျော်ကာစ လူငယ်နှစ်ဦးတို့အား တွေ့လိုက်ရမှ ကျနော့်ထက် ငယ်သော သူများ
အဖွဲ့ထဲ၌ ရှိလာပါလားဟု သတိပြုမိပါသည်။ “ဆိုးရွှန်း” ဆိုသည့် အသက်ခြောက်ဆယ်
ကျော်ကာစ အမျိုးသားကြီးသည် သူ့သား နီကိုလိုင်နဲ့ ကျနော့်အား မိတ်ဆက်ပေးပါ
သည်။ တက္ကသိုလ်ကျောင်းနေတက်သော သူ့သားသည် သရဲ၊ တစ္ဆေ၊ နာမ်၊ ၀ိညာဉ်
များကို လက်ခံချင်ပုံ မရပါ။ စူးစမ်းချင်ရုံ သက်သက်ဖြင့် သူ့ဖခင်နှင့်အတူ လိုက်လာ
သည်ဟု သိရပါသည်။ နီကိုလိုင်၊ စတေးဖန် ဆိုသည့် လူငယ်နှစ်ဦးသည် ကျနော်နှင့်
အတူ ၀ိုင်ပုလင်း၊ အရက်ပုလင်း၊ ဘီယာကဒ်များအား ကားမှတ်တိုင်မှ အိမ်ကြီးဆီသို့
သယ်လာခဲ့ကြပါသည်။

သရဲခြောက်သော အိမ်ကြီးသည် နှစ်ထပ်အိမ်ဖြစ်ပါသည်။ သရဲခြောက်သည်ဟု
နာမည်ထွက်လာသော အခန်းမှာ အပေါ်ထပ် ဘယ်ဖက်အခန်းဖြစ်ပါသည်။ ထိုအခန်း
တွင် လွန်ခဲ့သော ခြောက်လခန့်က အိမ်ဌား မိသားစု တစ်စု နေထိုင် ပြောင်းရွှေ့သွား
ကြောင်း သိရပါသည်။ ထို့နောက်တွင် ထိုအခန်း၌ မည်သူမျှ မနေကြပါ။
အပေါ်ထပ် ညာဖက်အခန်းနှင့် အောက်ထပ် နှစ်ဖက်စလုံးတို့တွင် အိမ်ဌားများ
ရှိသည်ဟု ကျနော်တို့ အဖွဲ့ခေါင်းဆောင် အဖိုးအို ပေါလ် က ပြောပြထားပါသည်။
အိမ်ရှင်သည် ထိုအိမ်နှင့် ၁၀ ကီလိုမီတာခန့် ဝေးသော ဘီးရာကယ်ရို့(Birkerød)
မြို့တွင် နေထိုင်ကြောင်း သိရပါသည်။ ကျနော်တို့ အုပ်စု စားစရာသောက်စရာများ
ကို သယ်ဆောင်၍ အပေါ်ထပ် တက်ရန် လှေကားထိပ်သို့ ရောက်သည့်တိုင် ထိုအိမ်
အနီးအနား ပတ်ဝန်းကျင်တွင် မည်သည့် လူအရိပ်လူအယောင်မျှ မတွေ့ရသေးပါ။
အခန်းသော့ ယူလာသော အဖွဲ့ခေါင်းဆောင် အဖိုးအို ပေါလ်နှင့် လူကြီးတချို့ ရှေ့မှ
တက်သွားကြပါသည်။ ဘီယာကဒ်များ၊ ၀ိုင်ပုလင်းများ၊ အရက်ပုလင်းများ
သယ်လာကြသော ကျနော်တို့သည် လှေကားအောက်ခြေတွင် ခေတ္တ နားနေ
ကြပါသည်။ အိမ်အပေါ်ထပ်မှ သော့ဖွင့်သံ၊ စကားပြောသံများ၊ အပြန်အလှန်
နှုတ်ဆက်သံများကို ကြားနေရပါသည်။ ထို့နောက် ထို့အိမ်၏ ညာဖက်အခန်း
မှ အိမ်ဌားများ ဖြစ်ပုံရသော ကလေးငယ်တစ်ဦးနှင့် အသက် ခပ်ကြီးကြီး အမျိုးသား
ကြီးတစ်ဦးတို့သည် ကျနော်တို့အားလုံးအား ပြုံးပြနှုတ်ဆက်ပြီး အိမ်အပြင်ဖက်
သို့ ထွက်သွားကြပါသည်။ ကလေးငယ်၏ လက်ထဲတွင် ကစားစရာ ဘောလုံးလေး
တစ်လုံးအား ကိုင်ဆောင်ထားသည်ကို ကျနော် တွေ့လိုက်ရပါသည်။

သရဲ၊ တစ္ဆေ၊ နာမ်၊ ၀ိညာဉ်များ ခြောက်လှန့်သည်ဟု နာမည်ထွက်နေသော ထိုအခန်း
သည် ၁၀၀ မီတာ ပတ်လည်လောက် ကျယ်ဝန်းပါသည်။ မိသားစု အိပ်ခန်း တစ်ခန်း၊
အိပ်ခန်းငယ် နှစ်ခန်း၊ ဧည့်ခန်း၊ မီးဖိုးချောင်၊ အိမ်ရှေ့ ၀ရံတာ အားလုံးလိုလို သပ်သပ်
ရပ်ရပ် သန့်သန့်ရှင်းရှင်း ရှိနေပါသည်။ ဧည့်ခန်းထဲတွင် ဖုန်မတက်အောင် ဖုံးအုပ်ထား
သော အ၀တ်များကို ဖယ်ရှား၊ ပြတင်းပေါက်များ ဖွင့်လိုက်သောအခါ ကျနော်တို့လူအုပ်
ဖြင့် ထိုအိမ်သည် ရယ်သံမောသံများအကြား စည်းကားနေသလိုလို ဖြစ်နေပါသည်။
မီးဖိုချောင်အခန်းမှ ရေခဲသေတ္တာရော၊ ကော်ဖီဖျော်စက်တို့ပါ အသစ်နီးပါးမျှ အသုံးပြုနိုင်
ဆဲ ပုံစံမျိုး ရှိနေကြပါသည်။ ကျနော်တို့ အုပ်စု ထိုအိမ်သို့ ရောက်ရှိနေချိန်မှာ ည
၇ နာရီကျော်ကျော်သာ ရှိပါသေးသည်။ နွေရာသီဖြစ်သောကြောင့် ဥရောပမြောက်ပိုင်း
နိုင်ငံများတွင် ည ၁၀ နာရီ ကျော်သည့်အထိ ကောင်းကင်၏ လင်းထိန်မှုအား ရရှိနေ
ပါသည်။ ထို့ကြောင့် ည ၇ နာရီသည် ညနေခင်း ပုံစံမျှသာ ဖြစ်နေပါသည်။

ဧည့်ခန်းထဲတွင် ကျနော်တို့ အားလုံး ၀ိုင်းဖွဲ့ ထိုင်နေကြပါသည်။ ကော်ဖီသောက်သူ
ရှိသကဲ့သို့ အချို့လည်း ဘီယာ၊ ၀ိုင်၊ အရက် သောက်ဖို့ ဟန်ပြင်နေကြပါသည်။
အဖိုးအို ဟန်နရီက ကျနော်တို့အားလုံး ကြုံခဲ့ဖူးသည် သရဲတစ္ဆေ ထိတ်လန့်ဖွယ်
အကြောင်းများကို အလှည့်ကျ ပြောပြရန် တောင်းဆိုလိုက်ပါသည်။ စတင်ပြောဆိုသူ
မှ ကျနော့်နံဘေးမှ အဖိုးအိုတစ်ဦးဖြစ်ပါသည်။ သူ့နာမည်ကို ကျနော် မှတ် မထားမိပါ။
သူ့တွင် မြေးတစ်ဦးရှိပါသည်။ သူ့သမီးနှင့် သူ့သမက်တို့သည် လွန်ခဲ့သော ၂၅ နှစ်ခန့်
က အာရှဒေသ အင်္ဂလန် ကိုလိုနီဟောင်း ဟောင်ကောင်ကျွန်းသို့ အလည်သွားစဉ်
ဗီယက်နမ် လှေစီး ဒုက္ခသည် ကလေးငယ်တစ်ဦးအား မွေးစားခဲ့ကြပါသည်။ ထို
ကလေးငယ်သည် ယခုအခါ အသက်အားဖြင့် ၂၈ နှစ်အရွယ် အမျိုးသမီးတစ်ဦး
ဖြစ်နေပါသည်။ ထိုအမျိုးသမီး၏ မိဘ အရင်းအခြာ ရှာပုံတော်တွင် သရဲဝင်စီးနေ
သော ဆေးဂုံမြို့မှာ အဖွားအိုတစ်ဦးအကြောင်း ပြောပြပါသည်။

“ကျုပ့်မြေးမလေး ပါလာတဲ့ အဲဒီ ဗီယက်နမ်လှေကို ပင်လယ်ပြင်မှာ တခြားလှေတွေ
က တွေ့တော့ တစ်လှေလုံး လူတွေ တုန်းလုံးပလက် မေ့မျှောနေကြတယ်၊ သေတဲ့
သူလည်း သေနေကြတာ၊ အဲဒါဗျာ ထူးထူးဆန်းဆန်း သေဆုံးနေတဲ့ လင်မယားပုံစံ
စုံတွဲနှစ်တွဲအလယ်မှာ အဲဒီ ကလေးမလေးကို တွေ့တယ်၊ ဘယ်အတွဲက သူ့မိဘ
လည်းဆိုတာ ဘယ်သူမှ သေသေချာချာ မပြောနိုင်ကြဘူး၊ ဒီလိုနဲ့ ကျုပ့်သမီးက
ဒီကလေးကို မွေးစားလာတာ၊ လွန်ခဲ့တဲ့ ငါးနှစ်လောက်က ကျုပ့်မြေးမလေးက
ပူဇာလို့ သူ့မိဘအရင်းတွေ သို့မဟုတ် ဆွေမျိုးတွေများ တွေ့လိုတွေ့ငြား
ဗီယက်နမ်ကို ကျုပ်တို့ ရောက်ခဲ့ကြတယ်၊ အဲဒီ ဆေးဂုံမြို့မှာ ကွယ်လွန်သူတွေ
ရဲ့ ၀ိညာဉ်တွေ ၀င်ရောက်ပူးကပ်နိုင်တဲ့ မိန်းမကြီး တစ်ယောက်ကို သွားတွေ့
တယ်၊ ဒါနဲ့ ကျုပ်တို့ မေးကြည့်လိုက်တော့ လွန်ခဲ့တဲ့ နှစ်ပေါင်း ၂၀ ကျော်က
သူ့အမေရဲ့ ၀ိညာဉ်ပူးကပ်ပြီး ပြောပြတယ်ဗျ၊ အဲလို ပြောပြတဲ့ တောမြို့လေးကို
ရောက်တော့ သူ့အဖွားအရင်းနဲ့ တွေ့ရတယ်၊ သူ ငယ်ငယ်က သူ့မိဘနှစ်ပါး
နဲ့ တွဲရိုက်ထားတဲ့ဓါတ်ပုံလေးတောင် ရလာတယ်၊ ကျုပ့်သမီး သူ့ကို မွေးစားစဉ်
က ရိုက်ထားတဲ့ ဓါတ်ပုံထဲက ပုံစံအတိုင်းပဲ၊ သူ့မိဘနှစ်ပါးကလည်း သူ့ကို တွေ့
ခဲ့ရတဲ့ ဒုက္ခသည်တွေ ပါလာတဲ့ လှေထဲကလို သူ့နံဘေးမှာ သေဆုံးနေတဲ့ ရုပ်
အလောင်းတွေနဲ့ အတူတူပဲ၊ ဒီ ၀ိညာဉ်ဝင်ပူးနေတဲ့ မိန်းမကြီးဟာ ဒီလို အဖြစ်အပျက်
ပေါင်းများစွာကြားမှ ဘယ်သူမှန်း မသိ၊ ဘယ်ဝါမှန်း မသိတဲ့ ကျုပ့်မြေးကို အဲလို
ပြောပြနိုင်တာကိုး ကျုပ်ဖြင့် စဉ်းစားလို့တောင် မရဘူး ဗျာ .... ”

ဒုတိယမြောက် ပြောပြသူ ဒန်းနီရယ်ကတော့ သူတို့ အိမ်နံဘေးက ကွယ်လွန်
သွားသော အဖိုးအိုးတစ်ဦး၏ ညဖက် ညည်းတွားသံကို ပြောပြပါသည်။ တံခါးဖွင့်သံ၊
ပြန်ပိတ်သံ၊ ချောင်းဆိုးသံ၊ တစ်ယောက်တည်း စကားပြောနေသံများ ကြားရလေ့
ရှိကြောင်း ပြောပြပါသည်။ တခါတရံ လေး၊ ငါး၊ ခြောက်လအထိ မည်သည့်အသံမျှ
မကြားရပဲ ရှိတတ်သည်။ နောင်တဖန် အဲလို မကြာခဏ ပြန်ကြားရသည်ဟု သူက
ပြောပြပါသည်။

တတိယမြောက် ပြောပြသူမှာ အဖိုးအို ပီတာ ဖြစ်ပါသည်။ အဖိုးအို ပီတာသည်
ချီလီနိုင်ငံ စစ်အာဏာရှင်ဟောင်း ပီနိုရှေးအား ဆန့်ကျင်သော ချီလီ လူ့အခွင့်
အရေးအဖွဲ့တစ်ခုတွင် ကူညီပေးခဲ့ဖူးသူ ဖြစ်ပါသည်။ သူသည် ချီလီနိုင်ငံ၏
ကျေးလက်ဒေသတစ်ခုတွင် အင်မတန်ထူးဆန်းသော နာမ်ဝိညာဉ်များ လိုက်ပါ
သော အဝေးပြေး လိုင်းကားကြီးတစ်စီးပေါ်တွင် တစ်နေ့ကုန် စီးနှင်းဖူးကြောင်း
ပြောပြပါသည်။ ခရီးသည်တင်ကားကြီးကို ထို ကျေးလက်ဒေသတွင် လူအများအပြား
ကြုံဖူးကြောင်း သူက ပြောပြပါသည်။ ထိုအဝေးပြေး ကားကြီးသည် လွန်ခဲ့သော
နှစ်ပေါင်းများစွာ လမ်းတစ်နေရာတွင် တိမ်းမှောက်ပြီး ကားပေါ်ပါလာသူ အားလုံး
ကွယ်လွန်ခဲ့သော ဖြစ်စဉ်တစ်ခု ဖြစ်ပါသည်။ ထိုနောက်တွင် ထို သရဲတစ္ဆေ္တများ
လိုက်ပါလာသော ထိုခရီးသည်တင်ကားသည် ထိုဒေသတွင် မကြာခဏ လှည့်လည်
သွားလာနေသူကို လူတချို့ တွေ့ဖူးကြုံဖူးကြသည်ဟု သူက ပြောပြသည်။ တနေ့
တွင် သူနဲ့ သူ့မိတ်ဆွေ ချီလီ အမျိုးသားတစ်ဦးတို့သည် ကျေးရွာလေးတစ်ခုမှ
မြို့ပေါ်သို့ သွားရောက်ရန် ကားစောင့်နေခိုက် ထိုကားပေါ်သို့ ရောက်ရှိခဲ့ကြသည်
ဟု ပီတာက ပြောပြပါသည်။ အစပထမတွင် သူတို့နှစ်ဦးစလုံး သတိ မထားမိပါ။
သူတို့နံဘေးတွင် ခပ်ချောချော အမျိုးသမီးများအား မိတ်ဖွဲ့ဖြစ်ခဲ့သည်ဟု သူက
ပြောပြပါသည်။ ထိုနောက် သူတို့နှစ်ဦးစလုံး ကားပေါ်တွင် အိပ်ချင်သလိုလို ဖြစ်
လာကြပါသည်။ အိပ်ပျော်သွားပြီး နိူးလာသောအခါ သူတို့နှစ်ဦးစလုံး ကားလမ်း
နံဘေးရှိ စိုက်ခင်းတစ်ခုထဲတွင် အိမ်ပျော်နေကြောင်း သိလိုက်ရပါသည်။

အဖိုးအို ပီတာ၏ စကားအဆုံးတွင် အဖွဲ့ခေါင်းဆောင် အဖိုးအို ပေါလ်က ...
“ပီတာ၊ မင်းတို့နှစ်ယောက် အဲဒီကားပေါ်က အမျိုးသမီးတွေကို သွားငေးမိလို့
ကားပေါ်ကနေ တွန်းချလိုက်တာ မဟုတ်လား ....” ဟု နောက်ပြောင်လိုက်ပါသည်။

ရယ်သံများ ဖုံးလွှမ်းနေသော ကျနော်တို့ အားလုံးသည် စကားဝိုင်းကို ခေတ္တနားပြီး
ညစား စားဖို့အတွက် ပါလာသည့် အစားအစာများကို ခင်ကျင်း ပြင်ဆင်ကြပါသည်။
ကျနော်တို့ ညစား စားနေခိုက် အောက်ထပ် အပြင်ဖက်မှာ အသံတစ်သံကို ဆက်တိုက်
ကြားနေရပါသည်။ ထိုအသံမှာ လူစီး ဒန်းတစ်ခု၏ သံကြိုးများ ပွတ်တိုက်သံမျိုး ဖြစ်ပါ
သည်။ အဖိုးအို ပေါလ်သည် ပြတင်းမှ နေ၍ အိမ်အပြင်ဖက်မှာ တစုံတယောက်နဲ့
စကားပြောနေပါသည်။ ကျနော်တို့ အားလုံးသည် စားလိုက်သောက်လိုက်ဖြင့် တ၀ါးဝါး
တဟားဟား ဖြစ်နေကြပါသည်။ ပေါလ်သည် ကျနော်တို့ စကားဝိုင်းထဲတွင် ၀င်ထိုင်ရင်း ...
“အောက်ထပ်က ဒန်းမှ ထိုင်နေတဲ့ ရဲလ်ပယ် က အခုပဲ ပြောပြလိုက်တယ်။ ဒီအိမ်မှာ
ဘာ သရဲတစ္ဆေမှ မရှိပါဘူးတဲ့၊ လူတွေ အထင်မှားနေကြတာ တဲ့။ အေးလေ၊ သူ
ပြောသလို ဘာမှ မရှိရင်တော့ ငါတို့တတွေ ဒီတည စကားတွေ စုပြောရင်း ဖြတ်သန်း
ကြတာပေါ့ ....”

ထို့နောက် ကျနော်တို့အားလုံး စကားဝိုင်းကို ဆက်ကြပါသည်။ စတုတ္ထမြောက်
သရဲတစ္ဆေ အတွေ့အကြုံ ပြောပြသူမှာ အဖိုးအို ဖရက်ဒစ် ဖြစ်ပါသည်။ သူသည်
လွန်ခဲ့သော ၁၀ နှစ်ခန့်က ကိုပင်ဟေဂင်မြို့တော်အလယ်က အစိုးရ ရုံးဌာနတစ်ခု
တွင် အဆင့်မြင့် ၀န်ထမ်းတစ်ဦးအဖြစ် တာဝန်ထမ်းဆောင် ခဲ့ဖူးသူ ဖြစ်ပါသည်။
တနေ့၌ သူသည် ရုံးသို့ စောစောစီးစီး သွားမိပါသည်။ ဓါတ်လှေကား ခလုတ်ကို
နှိပ်လိုက်သောအခါ ဓါတ်လှေကားထဲတွင် လူ ငါးဦးခန့်ကို တွေ့ရပါသည်။ ထိုသူ
များသည် ညှိုးနွမ်းနေသော မျက်နှာပုံစံများဖြင့် သူ့အား ကြည့်နေသည်ကို သူ
သတိထားမိပါသည်။ သူ့ဌာနရှိရာ အထပ်သို့ ရောက်ရှိချိန်တွင် သူ့နံဘေးမှ
လူငါးဦးစလုံး ပျောက်ချင်းမလှ ပျောက်သွားပါသည်။ ထိုအဖြစ်အပျက်ကို စုံစမ်း
ကြည့်ခဲ့ရာ ထိုပုဂ္ဂိုလ်ငါးဦးသည် လွန်ခဲ့သော နှစ်ပေါင်းများစွာက ထိုရုံးဌာနတွင်
တာဝန်ထမ်းဆောင်ဖူးသော ကွယ်လွန်သူများဖြစ်ကြောင်း သိရပါသည်။

ပဉ္စမမြောက် ပြောပြသူမှာ “ဆိုးရွှန်း” ဖြစ်ပါသည်။ သူပြောပြသည် ဇာတ်လမ်းမှာ
သူ့ အခင်ဆုံး သူငယ်ချင်း၏ ကြေကွဲဖွယ်ရာ အချစ် သရဲဇာတ်လမ်းဖြစ်ပါသည်။
ဖွဲ့ဖွဲ့နွဲ့နွဲ့ ပြောပြတတ်သော သူ့စကားသံများကို နားထောင်ရင်း ကျနော်တို့အားလုံး
ဘီယာဗူးများကို ဖွင့်ဖောက်ပြီး သောက်နေခဲ့ကြသည်။ ရုတ်တရက် အပြင်ဖက်တွင်
မိုးရွာလာသည်ကို သတိထားမိပါသည်။ ပြတင်းများကို ပိတ်ပြီး ပါလာသော ဟင်းလျှာ
အမြည်းများကို အဖော်ပြုရင်း ဆိုးရွှန်း ပြောပြသော သရဲတစ္ဆေ ဘ၀အထိ အချစ်ကြီး
ချစ်ကြသော လက်တင်အမေရိကားသူ အမျိုးသမီးနှင့် ဥရောပသားတို့၏ ဖြစ်စဉ်ကို
နားထောင်နေမိသည်။

ဆဋ္ဌမမြောက် သရဲတစ္ဆေ အတွေ့အကြုံကို ပြောပြရန် အလှည့်ကျသူမှာ “ဆိုးရွှန်း”
သားဖြစ်သူ တက္ကသိုလ်ကျောင်းသား နီကိုလိုင်၏ အလှည့်ဖြစ်သည်။ နီကိုလိုင်သည်
သရဲတစ္ဆေ အတွေ့အကြုံ လုံးဝ မရှိသူဖြစ်ပြီး သူ ပြောပြသော အကြောင်းအရာမှာ
လူတိုင်းတွင် ရှိတတ်သော ကြောက်စိတ်၏ ဆန်းကျယ်ပုံကို ပြောပြခြင်း ဖြစ်ပါသည်။
အားငယ်စိတ်နှင့် သိမ်ငယ်စိတ်တို့ ဖြစ်ပေါ်နေသော လူတစ်ဦး သို့မဟုတ် အမြဲလိုလို
စိတ်ပင်ပန်းစရာများ ပြည့်နှက်နေသော ၀န်းကျင်တစ်ခုတွင် လူ့စိတ်သည် ထင်ရောင်
ထင်မှားများကို ဟုတ်သလိုလို ရှိသလိုလို မြင်မိတတ်ကြောင်း ပြောပြပါသည်။

သတ္တမမြောက် အတွေ့အကြုံပြောပြသူမှာ အဖွဲ့ခေါင်းဆောင် အဖိုးအို ပေါလ် ဖြစ်
ပါသည်။ ပေါလ်သည် သတင်းဌာနတွင် သရဲတစ္ဆေ ၀ိညာဉ်များနှင့် ပက်သက်သော
သတင်းသမားအဖြစ် နှစ်ပေါင်းများစွာ ရိုက်ကူးလာသူ ဖြစ်သောကြောင့် သူပြောပြ
သော အကြောင်းအရာသည် ထူးခြားဆန်းကြယ်စွာဖြင့် နားထောင်လို့ အင်မတန်
ကောင်းသော ဖြစ်ရပ်မှန် ဇာတ်လမ်းဖြစ်ပါသည်။ သရဲတစ္ဆေအကြောင်း ပေါလ်
ပြောပြနေခိုက် အခန်းတံခါးကို တစုံတခု ခပ်ပြင်းပြင်း လာရောက်ထိမှန်သံကို
ကျနော်တို့ အားလုံး ကြားလိုက်ရပါသည်။ ထို့ကြောင့် အခန်းတံခါးကို ဖွင့်လိုက်
သောအခါ ရှေ့ဆုံးမှာ ဦးဆောင် တံခါးဖွင့်လိုက်သူ လူငယ်လေး နီကိုလိုင်ဆီမှာ
တစုံတခုအတွက် အံသြသွားသံကို ကြားလိုက်ရပါသည် ....

တံခါးဝင်ပေါက်၏ အပြင်ဖက်တွင် မည်သူမျှ မရှိပါ။ ခုနက ၀င်ပေါက်တံခါးကို
လာရောက်ထိမှန်သည့် တစုံတခုကို သရဲတစ္ဆေများအား လုံးဝ အယုံအကြည်မရှိ
သော နီကိုလိုင်က လှေကားတလျှောက်တွင် လိုက်လံ ရှာဖွေနေပါသည်။ သို့သော်
နီကိုလိုင် အပါအ၀င် ကျနော်အားလုံး မည်သည့်အရာကိုမျှ မတွေ့ရပါ။ အဖိုးအို
ဆိုးရွှန်းကတော့ ကျနော်တို့ရောက်နေသည့်အခန်းနံဘေးရှိ ညာဖက်အခန်းတွင်
နေထိုင်သူများက ကျနော်တို့ အုပ်စုအား ကျီစယ်နောက်ပြောင်မူသာ ဖြစ်နိုင်ကြောင်း
သူ့သား နီကိုလိုင်ကို ပြောပြပါသည်။

ထို့နောက် ကျနော်တို့ စကားဝိုင်းကို ပြန်စခဲ့ကြပါသည်။ အဌမမြောက် အတွေ့အကြုံ
ပြောပြရမည့်သူမှာ အသက် ၁၉ နှစ်အရွယ် ဂျွန်၏ အလှည့် ဖြစ်ပါသည်။ သူ့တွင်
ထူးထူးခြားခြား အတွေ့အကြုံမရှိသောကြောင့် န၀မမြောက် အလှည့်ကျသူ
အန်ကယ် “ဖင်းလ်” ၏ အလှည့်ဖြစ်ပါသည်။ အဖိုးအို ဖင်းလ်သည် နောက်ပြောင်ကျီစယ်
သန်သူ တစ်ဦးဖြစ်သောကြောင့် သူ ပြောပြသည့် သရဲတစ္ဆေအကြောင်းမှာ ကြောက်စရာ
မကောင်းပဲ ရယ်စရာ ကောင်းနေပါတော့သည်။ သူသည် ကမ်းခြေတစ်ခုတွင် အင်မတန်
ချောမောလှပပြီး ရေကူးဝတ်စုံ ၀တ်ထားသော သရဲမလေးနှစ်ဦးနှင့် ကြုံဖူးသည့်
အကြောင်းကို ရယ်ရယ်မောမော ပြောပြနေပါသည် ....

ထိုအခိုက် အဖိုးအို ပေါလ်က တစုံတခုကို ကြားလိုက်ဟန်ဖြင့် စကားကောင်းနေ
သော အဖိုးအို ဖင်းလ် အား ဟန့်တားလိုက်ပါသည်။ ထိုနောက် အ၀င်အ၀ တံခါး
ဆီ သွားပြီး တံခါးဖွင့်လိုက်သည့်အခါ မျက်နှာချင်းအခန်းမှ တံခါးလည်း ပွင်းနေပြီး
အမျိုးသမီးတစ်ဦးနှင့် အမျိုးသားတစ်ဦး ရပ်နေသည်ကို တွေ့ရပါသည်။
သူတို့နှစ်ဦးသည် ဧည့်ခန်းထဲတွင် အုပ်စုလိုက်ထိုင်ပြီးနေသော ကျနော်တို့
အုပ်စုအား ကြည့်ရင်း စိတ်ဆိုးဒေါသထွက်နေပုံ ရပါသည်။ အချိန်သည် ည
နှစ်နာရီ ထိုးဖို့ အနည်းငယ်သာ လိုပါသည်။ အဖွဲ့ခေါင်းဆောင် ပေါလ်က
ကျနော်တို့အဖွဲ့ ဒီည ဒီအိမ် ဒီအခန်းအတွင်းသို့ ရောက်ရှိနေကြပုံကို
သူတို့နှစ်ဦးအား ရှင်းပြနေပါသည်။ သူတို့နှစ်ဦးက ပေါလ်အား ပြောပြနေပုံ
မှာ ကျနော်တို့အုပ်စုသည် တချိန်လုံး လှေကားအတိုင်း အပေါ်တက်လိုက်၊
အောက်ဆင်းလိုက်ဖြင့် အသံတဒုန်းဒုန်းဖြင့် ဆူညံ့နေကြောင်း၊ အဲလို မလုပ်ဖို့
လာပြောချင်းဖြစ်ကြောင်း ရှင်းပြပါသည်။ ပေါလ် အပါအ၀င် ကျနော်တို့ အားလုံး
ကလည်း ကျနော်တို့အုပ်စု အပေါ်တက်၊ အောက်ဆင်းကို စောစောက တစ်ကြိမ်
သာ လုပ်မိကြောင်း၊ ကျနော်တို့အခန်း အ၀င်အ၀ တံခါးကို တစုံတခု လာရောက်
ထိမှန်သံကြား၍ ထွက်ကြည့်မိကြောင်း သူတို့နှစ်ဦးကို ပြောပြလိုက်ပါသည်။

ထိုသို့ စကားပြောနေခိုက် အဖိုးအို ဖင်းလ်သည် ကျနော်တို့အားလုံးကို ကျော်
ထွက်သွားပြီး လှေကားတလျှောက်တွင် ခင်းထားသော ကော်ဇောကို လက်ဖြင့်
စမ်းနေပါသည်။ ထို့နောက် ဟုတ်တယ်ဗျ ... ဒီမှာကြည့် ရေတွေစိုနေတယ်၊ ဒါ
အပြင်မှာ ရွာနေတဲ့ မိုးထဲကနေ တစုံတယောက် လာရင်းကနေ သူ့ခန္ဓာကိုယ်နဲ့အတူ
မိုးရေတွေ ပါလာတာ၊ ကျုပ်ပြောပြနေတဲ့ ကမ်းခြေက သရဲမလေးတွေ လာသွား
သလား မပြောတတ်ဘူး ... ဟားဟားဟား ... ဟု ရယ်မောနေပါသည်။

ထိုနောက် ကျနော်တို့ အားလုံး ဧည့်ခန်းဆီသို့ ပြန်လာခဲ့ကြပါသည်။ အပြင်တွင်
ရွာနေသော မိုးသည် တဖြေးဖြေး စဲလာပါသည်။ လှေကား အတက်အဆင်း အခန်း
အပြင်ဖက်ဆီမှ မည်သည့်အသံများ ကြားရမလဲလို့ အားလုံး စောင့်မျှော်ရင်း စကား
ဝိုင်းကို ဆက်ခဲ့ကြပါသည်။ အဖိုးအို ဖင်းလ် အလှည့်အပြီးတွင် ပြောပြရန် အလှည့်
ကျသူမှာ ဒိန်းမတ်- အီဂျစ်ကပြား အန်ကယ် အလီ၏ အလှည့်ဖြစ်ပါသည်။
အန်ကယ်အလီ ပြောပြသော သရဲတစ္ဆေ အတွေ့အကြုံသည် သရဲတစ္ဆေ
ခြောက်လှန့်မှုထက် လူမိုက်ဂိုဏ်း အချင်းချင်း အုပ်စုဖွဲ့ တိုက်ခိုက်သော
အဖြစ်အပျက်က ပိုများနေပါသည်။ အန်ကယ် အလီသည် တခါက ကိုပင်ဟေဂင်
မြို့တော်တွင် အင်မတန် ထင်ရှားခဲ့သော အာရှနွယ်ဖွားလူမိုက်ဂိုဏ်းမှ ဂိုဏ်းဝင်
လူငယ်တစ်ဦးဖြစ်ခဲ့ဖူးပါသည်။ သို့သော် နောက်ပိုင်းတွင် သဘောမနော
ကောင်းသော သူ့သဘာဝ အရ ထိုဂိုဏ်းမှ နုတ်ထွက်ခဲ့သူ ဖြစ်ပါသည်။

ဆယ့်တစ်ဦးမြောက် ပြောပြသူမှာ “မီးကယ်လ်” ဖြစ်ပါသည်။ မီးကယ်သည်
လူငယ်တစ်ဦးဖြစ်သောကြောင့် သူ ပြောပြသော သူ့အတွေ့အကြုံ သရဲ
တစ္ဆေဖြစ်ရပ်သည် ခြောက်လှန့်မှုထက် သူ ၀ါသနာပါသော ခရီးသွားဖြစ်စဉ်
က ပိုများနေပါသည် .....

ဆယ့်နှစ်ဦးမြောက် ပြောပြရသူမှာ ကျနော် ဖြစ်ပါသည်။ ကျနော်သည်
ရန်ကုန် အင်းစိန် တွဲဖက် အကျဉ်းထောင်ထဲတွင် တွေ့ကြုံရဖူးသော အသံဖြင့်
ခြောက်သည့် သရဲဇာတ်လမ်းကို သူတို့အား ပြောပြပါသည်။ ပေါလ်နှင့် ဆိုးရွှန်း
တို့သည် ကျနော့်အား ထိုအဖြစ်အပျက်နှင့် စပ်လျဉ်းသော သူတို့ သိချင်သည်များ
ကို အလုအယက် မေးမြန်းကြပါသည်။ သရဲတစ္ဆေကို လုံးဝ လက်မခံသော
လူငယ်လေး နီကိုလိုင်လည်း ကျနော့်အား မေးခွန်းများစွာ မေးမြန်းပါတော့သည် ...

ပြတင်းပေါက်မှာ ၀င်ရောက်လာသော အလင်းရောက်သည် တဖြေးဖြေး
တောက်ပလာပါသည်။ လက်ကိုင် တယ်လီဖုန်းမှ အချိန်ကို ကြည့်လိုက်သည့်
အခါ နံနက် လေးနာရီခွဲပြီးကာစ ဖြစ်နေပါသည်။ အိပ်ချင်စိတ်သည် ထိန်းဖို့
ခက်ခဲသထက် ခက်ခဲလာပါသည် ...

ကျနော့်အလှည့်ပြီးနောက် အလှည့်ကျသူမှာ အဖိုးအို “စတီးန်” အလှည့်
ဖြစ်ပါသည်။ စတီးန် စကားသံကို နားထောင်ရင် ကျနော့်မျက်လုံးများ မှေးစင်း
လာပါသည်။ ရုတ်တရက် ဆူဆူညံ့ညံ့ အသံများကြောင့် အိပ်ငိုက်တ၀က် အိပ်ပျော်
တ၀က် ဖြစ်နေရာမှ ကျနော် နိူးလာပါသည်။ အဖွဲ့ခေါင်းဆောင် ပေါလ်သည်
တစုံတယောက်နှင့် ဖုန်းပြောရင်း ငြင်းခုန်နေပုံရပါသည်။ နောက်ထပ် နာရီဝက်
ခန့်ကြာသော အိမ်ပိုင်ရှင် ဇနီးမောင်နှံနှစ်ဦး ကျနော်တို့ထံ ရောက်ရှိလာပါသည်။

ထိုအိမ်ကြီးအား အမွေဆက်ခံထားသော အိမ်ပိုင်ရှင် အမျိုးသမီးနှင့် ကျနော်တို့
အဖွဲ့ခေါင်းဆောင် ပေါလ်သည် သူတို့နှစ်ဦးသာ ကြားနိုင်လောက်သော စကား
သံများဖြင့် တစုံတရာအကြောင်း တိုးတိုးတိတ်တိတ် ပြောနေကြပါသည် ...

ထို့နောက် ကျနော်တို့ အားလုံး သယ်ဆောင်လာသော ပစ္စည်းပစ္စယများ ထုပ်ပိုးရင်း
ပြန်လည်ထွက်ခွာဖို့ ပြင်ဆင်ခဲ့ကြပါသည်။ အောက်ထပ် အပြင်ဖက်သို့ ရောက်သော
အခါ ပေါလ်သည် အိမ်နံဘေးဆီသို့ ခြေလှမ်း သုတ်သုတ်ဖြင့် သွားရင်း တစုံတခုကို
သွားကြည့်နေပါသည်။ ကျနော်နှင့် နီကိုလိုင်လည်း ပေါလ် အနောက်မှ အလျင်အမြင်
သွားကြည့်ကြပါသည်။ အိမ်နံဘေး ပတ်လည်တွင် မည်သည့်အရာမျှ မရှိပါ။

အပြန် လိုင်းကားပေါ်တွင် အဖိုးအို ပေါလ်ပြောပြသည်မှာ ...
မနေ့က ညနေပိုင်းက ထိုအိမ်ကြီး၏ လှေကား အတက်အဆင်းတွင် တွေ့လိုက်
ရသော ဘောလုံးပိုက်ထားသည့် ကလေးငယ်လေးနှင့် သူနှင့် မိတ်ဆက်စကား
ပြောခဲ့သူ အဖိုးအို “ရဲလ်ပယ်” ဆိုသူတို့သည် သက်ရှိ ထင်ရှားရှိသော လူသားများ
မဟုတ်ကြပါ။ သူတို့သည် လွန်ခဲ့သော သုံးနှစ်ခန့်က ဗီလာရုစ်နိုင်ငံတွင်
ကွယ်လွန်သွားကြသော အိမ်ရှင် မိသားစုဝင်များသာ ဖြစ်ပါသည်။ အပေါ်ထပ်
ညာဖက်အခန်းတွင် လင်မယားနှစ်ဦးနှင့် တစ်နှစ် မပြည့်သေးသည့်
ကလေးငယ်တစ်ဦးသာ ရှိပါသည်။ သူတို့တစ်အိမ်လုံးတွင် အဲလို အသက်အရွယ်
ပုံစံမျိုး လုံးဝ မရှိကြောင်း အိမ်ရှင် အမျိုးသမီးက ပြောပြကြောင်း အဖွဲ့ခေါင်းဆောင်
အဖိုးအို ပေါလ်က ကျနော်တို့ အားလုံးအား ရှင်းပြပါသည်။

မနေ့ညနေက ကျနော်တို့အုပ်စု ညစား စားနေချိန်တွင် ကြားခဲ့ရသော အောက်ထပ်
အပြင်ဖက်က လူစီး ဒန်းမှ သံကြိုးချင်း ပွတ်တိုက်သံသည်လည်း တကယ်မဟုတ်
သော နာမ်ဝိညာဉ်များ၏ လှည့်ဖျားမှုသာ ဖြစ်ဖို့ များပါသည် .....

(ဤမျှသာ။)


Read more »

Sunday, 31 March 2013

သရဲတွေ ၀ိုင် သောက်တတ်သလား


ကျနော်တို့ နေထိုင်တဲ့ ရပ်ကွပ်ထဲက ပင်စင်စား အဖိုးကြီးတွေ အဖွဲ့
တစ်ဖွဲ့ ဖွဲ့ထားတာရှိတယ်။ ထူးထူးဆန်းဆန်း လေ့လာရေး အသင်း
ပုံစံမျိုး ဆိုပါတော့။ အမှန်တော့ ဒီအဖွဲ့က ဟိုနေရာ ဒီနေရာက
သတင်းပလင်း ကြားရင် ပျော်ပွဲစားထွက်သလို ပေါင်မုန့်တွေ၊ အသားပြား
တွေ၊ ၀ိုင်တွေ၊ ကော်ဖီ ထည့်ထားတဲ့ ဓါတ်ဗူးတွေ၊ သယ်ဆောင်ပြီး တရုံရုံနဲ့
စကား စုပြော၊ အတူ စုအိပ်တဲ့ “ဂဲသားရင်း” လုပ်တဲ့ သဘောက များ
နေပါတယ်။ ကျနော်က အဲလို ဝေဖန်ရင် အဖိုးကြီးတွေက စိတ်ကောက်
ကြပါတယ်။

ဟိုတလောက ကျနော်တို့မြို့နဲ့ တစ်မြို့ကျော်က စာကြည့်တိုက် တစ်ခု 
မှာ သရဲ ခြောက်တယ်ဆိုတဲ့ သတင်း ထွက်လာတယ်။ အဲဒီ စာကြည့်တိုက်
နဲ့ ကပ်လျက်တိုက်မှာ နေထိုင် အမျိုးသမီး တစ်ဦးက လွန်ခဲ့တဲ့ ၁၀ နှစ်
ကျော်က စိတ်ဓါတ်ကျ ရောဂါနဲ့ ကိုယ့်ကိုယ်ကိုယ် သတ်သေခဲ့ဖူးပါတယ်။
သို့ပေမယ့် သူမက နေ့တိုင်း အဲဒီ စာကြည့်မှာ စာလာဖတ်လေ့ရှိတယ်။
စာကြည့်တိုက် ၀န်ထမ်းတွေနဲ့ လည်း တော်တော် ခင်မင်ရင်းနှီးတယ်လို့
ပြောကြပါတယ်။ သူမ အဲလို သေဆုံးသွားပြီးတဲ့ နောက် စာကြည့်တိုက်ထဲ 
အသံဗလံတွေ ထွက်လာပါတယ်။ အခုမှ ထွက်လာတာ မဟုတ်ပါဘူး။
ဆယ်နှစ်နီးပါး ဒီသရဲ ခြောက်တယ် ဆိုတဲ့ သတင်းဟာ တော်တော်ကိုး
မွှေးနေပါတယ်။ သတင်းဌာနတွေ၊ ဂျာနယ်လစ်တွေ၊ သရဲ ရှာဖွေရေးသမား
တွေ ခြေချင်း ထပ်လုနီးပါး စုံစမ်းခဲ့ကြဘူးပါတယ်။ သရဲခြောက်တဲ့ အသံဗလံ
တော့ သူတို့ ကြားရတယ် ... တဲ့ ... ။ သရဲနဲ့ တိုက်ရိုက် ဆက်သွယ်ဖို့
ကြိုးစားမှုတော့ မအောင်မြင်ကြပါဘူး ...။

ဒါနဲ့ ကျနော်တို့ ရပ်ကွပ်ထဲက အထက်ပါ ဘော်လန်တီယား ထူးထူး
ဆန်းဆန်း လေ့လာရေး အဖွဲ့ဟာ “အလုပ်မရှိ ကြောင်ရေချိုး” ဆိုသလို
အဆိုပါ စာကြည့်တိုက်မှာ တစ်ညတာ စုံစမ်းမှုတွေ လုပ်ဖို့ ဆုံးဖြတ်
လိုက်ပါတယ်။ အဖွဲ့ဝင်ဖြစ်တဲ့ ကျနော့်ထံလည်း အကြောင်း ကြားပါတယ် ...
အောင် ... ၀ိုင်အရက် အကောင်းစား အနည်းဆုံး နှစ်ပုလင်း သယ်လာပါ၊
မြန်မာ အစား အစား သယ်လာမယ် ဆိုရင် ငရုတ်သီးပါတဲ့ ဟာတွေ
သယ် မလာပါနဲ့၊ ငါတို့ စားလို့ မရလို့ ...
အဲဒါနဲ့ မနေ့က ညမှာ ရပ်ကွပ်ထဲက ၁၀၉- ၁၁၀ အဖိုးကြီးတသိုက်နဲ့
အတူ အဲဒီ သရဲခြောက်တယ်လို့ နာမည်ကြီးတဲ့ စာကြည့်တိုက်ဆီ
ကျနော် ရောက်ရှိခဲ့ပါတယ် ...။

လူတွေက သရဲအဖြစ် ရောက်ရှိနေတဲ့ အမျိုးသမီးရဲ့ ဓါတ်ပုံကို စာကြည့်
တိုက်ထဲက စာပွဲတစ်ခုပေါ် တင်ပြီး ဓါတ်ပုံရှေ့မှာ ဓါတ်ခဲသုံး မီးလုံး ခပ်သေးသေး
ထွန်းထားပါတယ် ...
စာကြည့်တိုက်ထဲမှာ ဖယောင်းတိုင် သုံးခွင့် မရှိပါဘူး၊ မတော်တဆ မီး ထ
လောင်ရင် ပြဿနာ အကြီးကြီး ဖြစ်သွားနိုင်လို့ပါ ...
အဲဒီ ဓါတ်ပုံနဲ့ မီးလုံးဟာ စာကြည့်တိုက်ရဲ့ ချောင်ကျကျ တစ်နေရာမှာ ထွန်းညှိ
ထားလို့ ကြည့်လိုက်ရင် စိတ်ခြောက်ခြားစရာပါ ...
ကျနော်က အဖိုးကြီးတွေထံ ခွင့်တောင်းပါတယ် ... အဲဒီ ဓါတ်ပုံတင်ထား
တဲ့ စာပွဲပေါ်မှာ ၀ိုင်အရက် တစ်ခွက်လောက် ကွယ်လွန်သူ သောက်ဖို့
တင်ခွင့်ပြုပါ လို့ ...
အဖိုးကြီးတွေက ...
သရဲက ၀ိုင် သောက်ပါ့မလားကွာ ... တကယ်လို သောက်တယ် ဆိုရင် ...
အမျိုးသမီးတွေ သောက်တဲ့ ပေါ်တူဂီနိုင်ငံထုတ် ပေါ်တို ၀ိုင် အပါအ၀င်
အနံ့သိပ်မပြင်းတဲ့ ၀ိုင်တွေက ဈေးကြီးတယ်ကွ ... အဲဒီတော့ ငါတို့
သောက်မဲ့ အထဲကနေ ခွဲတိုက်ရင် ငါတို့ ဝေစု လျှော့တာပေါ့ ... ဘယ်လို
လုပ်ရင် ကောင်းမလဲ ... လို့ ပြောကြပါတယ် ...

ကျနော်က အကြံတစ်ခု ပေးလိုက်ပါတယ် ...
ဒါဆို ဒီ သရဲမ သောက်ဖို့ ခွက်ထဲမှာ ၀ိုင်အစစ်ကို တ၀က်ပဲ ထည့်မယ်ဗျာ ...
ကျန်တ၀က်ကို ရေရောမယ် ဆိုရင် သူ့အတွက်လည်း အဆင်ပြေ ... ကျနော်
တို့ ဝေစုလည်း မလျှော့ဘူးပေါ့ ...
အဲလို ပြောတော့ အဖိုးကြီးတသိုက် တခစ်ခစ် ရယ်ကြတယ် ...
သရဲကို ရေရောတဲ့ ၀ိုင် တိုက်လို့ မင်းကို ဒေါကန်နေအုံးမယ် ... တဲ့ ...


ရပ်ကွက်ထဲက အဖိုးကြီးအုပ်စုဟာ အရင်ထက် စာရင် တော်တော်လေး
အဆင့်မြင့်တဲ့ ကင်မရာတွေ၊ ဗွီဒီယို ရိုက်စက်တွေ၊ အသံဖမ်းစက်တွေပါ
ပါလာလို့ ကျနော် နည်းနည်း အံ့သြမိပါတယ်။ ဒါနဲ့ ဒီပစ္စည်းတွေ ဘယ်တုန်း
က ၀ယ်လိုက်သလဲလို့ ကျနော်က မေးမြန်း စပ်စုလိုက်တော့ ...
နှစ်ကူး “ဒစ္စကောက်” အထူးလျှော့ဈေးပွဲတော် စစ ဖွင့်ချင်းနေ့က
မနက်စောစော တန်းစီးပြီး ၀ယ်ထားတာပါ တဲ့။ သူတို့ ပြောတာကိုး
နားထောင်ပြီး ကျနော် အတော်မသတ်အောင် ရယ်နေမိပါတယ်။
ဒီအဖိုးကြီးတွေ ငယ်ငယ်ကဆို ဘယ်လောက်တောင် “ကဲ” လိုက်မလဲ
မမှန်းတတ်ဘူး။ သူတို့ ကလေးဘ၀ကဆို သူတို့လည်း ကျနော်လို
“မျောက် မူးလဲ” အောင် ဆော့တတ်တဲ့ ကလေးမျိုးတွေပဲ ဖြစ်မယ်လို့
ကိုယ်ဘာသာ ထင်မိပါတယ်။

အဖိုးကြီး ငါးယောက်ရယ်၊ အသက် ငါးဆယ်ကျော် တစ်ဦးရယ်၊ ကျနော်ရယ်
စုစုပေါင်း ခုနှစ်ဦး တို့ စုစုပေါင်း သယ်လာတဲ့ ၀ိုင်ပုလင်း အရေအတွက်ကို
ကြည့်ပြီး နည်းနည်းတော့ လန့်သွားပါတယ်။ ၀ိုင်ပုလင်းပေါင်းက ၂၅ လုံး
တောင် ဖြစ်နေပါတယ်။ စားစရာတွေကလည်း အလျှံအပယ်ပါ။ ကျနော်တို့
အုပ်စု စာကြည့်တိုက်ကို ရောက်ရှိခဲ့တဲ့ အချိန်ဟာ ည ၈ နာရီ ကျော်ကာစ
ဖြစ်ပါတယ်။ အားလုံး ဗိုက်မဆာသေးလို့ နောက်မှ စားမယ်ဆိုပြီး ၀ိုင်ပုလင်း
ဖွင့်ပြီး သောက်နေခဲ့ကြပါတယ်။ စာကြည့်တိုက်ထဲက တီဗွီမှာ အစိုးရ
သတင်းလိုင်းကို ဖွင့်ထားကြပါတယ်။ အဖိုးကြီးတစ်ဦးက သေဆုံးပြီး သရဲဘ၀
ရောက်နေတဲ့ မာရီယာ ဆိုသူ  အမျိုးသမီးရဲ့ ဘ၀ဇာတ်ကြောင်းကို အားလုံး
သိအောင် ရှင်းပြပါတယ်။

အဲလို ရှင်းပြနေခိုက် စာကြည့်တိုက်ထဲက အိမ်သာ အ၀င်အ၀ တံခါးကို
ခပ်ပြင်းပြင် ဆောင့်ပိတ်လိုက်သံကြောင့် ကျနော်တို့ အားလုံး ပါးစပ်
အဟောင်းသား ဖြစ်သွားပါတယ်။ ဒီစာကြည့်တိုက်ထဲ ကျနော်တို့ ခုနှစ်ဦး
ကလွှဲရင် အခြားမည်သူမျှ မရှိပါ။ ကျနော်တို့ အုပ်စုဟာ အိမ်သာအပေါက်ဝ
တံခါးကို ဖွင့်ပြီး အထဲမှာ လူ ရှိ၊ မရှိ ကြည့်ကြပါတယ်။ အထဲမှ မည်သူမျှ
မရှိပါ။ ဒါဆို ခုနက “ဒုန်း” ကနဲ မြည်အောင် တံခါးကို ဆောင့်ပိတ်စေတဲ့
သဘောဟာ ဘာလဲ ... ။ အပြင်ဖက်မှာ နှင်းတွေကျနေလို့ အေးစက်
နေပေမယ့် ကျနော်တို့ အားလုံးရဲ့ ဆံပင်တွေ အနည်းငယ် ထိုးထောင်
နေပါတယ်။ ကျနော်တို့ အုပ်စုခေါင်းဆာင် “ဖင်းလ်” ဆိုတဲ့ အဖိုးကြီးက ...
... မာရီယာ ... နင် ဒီနေရာမှာ ရောက်နေလား ... ရှိနေလား ...
ငါ့နာမည် ဖင်းလ် ပါ။ ငါတို့ အုပ်စုက အပျော်တမ်း လေ့လာစူစမ်းရေး
အဖွဲ့ပါ။ ငါတို့အုပ်စုက နင့်ကို အနှောက်အယှက် မပေးပါဘူး။ နင့်အနေနဲ့
လိုအပ်တာ တခုခု ရှိရင် ... ငါတို့ အုပ်စုနဲ့ ဆက်သွယ်နိုင်ပါတယ် ...

ရုတ်တရက် ကျနော်တို့အားလုံး ရေမွှေးနံ့တစ်ခုကို ရူရှိုက်ရသလို အနံ့
တစ်ခု နှာခေါင်းထဲ ၀င်လာပါတယ်။ ကျနော်တို့တိုက်နဲ့ တိုက်တန်းလျား တစ်ခု
ကျော်လောက်မှာ နေထိုင်တဲ့ “နီကိုလိုင်” ဆိုတဲ့ အဖိုးကြီးက ကျနော်နဲ့ ပခုံးဘေး
တိုက်မှာ မတ်တပ်ရပ်နေပါတယ်။ သူ့က သူ့ခန္ဓာကိုယ်နဲ့ ကျနော့်ဖက်ကို အသာလေး
တိုးလိုက်လို့ သူ့မျက်နှာကို ကြည့်လိုက်တဲ့အခါ သူ့မျက်ခုံးကို ပင့်ပြီး တစ်ခုခုတော့
ထူးဆန်းနေပြီလို့ အသံတိတ် အချက်ပြပါတယ်။ ကျနော်တို့ အုပ်စုထဲက အဖိုးကြီး
တစ်ဦးက ဗွီဒီယိုရိုက် ကင်မရာနဲ့ လျှောက်ရိုက်နေသလို၊ နောက်ထပ် အဖိုးကြီး
တစ်ဦးကလည်း အသံဖမ်း ကိရိယာနဲ့ တစုံတခုများ ဖမ်းယူ ရရှိမလားဆိုတဲ့
ကြိုးစားကြည့်ပါတယ်။

မာရီယာ ... လို့ ခေါ်ဝေါ်တဲ့ ကွယ်လွန်ပြီး သရဲဘ၀ ရောက်နေသူထံမှ မည်သည့်
တုန့်ပြန့်မှုမှ မရှိပါ။ ကျနော်တို့ အားလုံး ည ကိုးနာရီ ကျော်ကာစအထိ အိမ်သာ
နား တ၀ိုက်နဲ့ သူ့ဓါတ်ပုံ တင်ပြီး မီးလုံးထွန်းထားတဲ့ အနားတ၀ိုက်တွေမှာ စောင့်
ကြည့်ခဲ့ပါတယ်။ ထပ်ပြီး ထူးခြားမလာပါ။ ကျနော်တို့ ၀ိုင်အရက်တွေ တင်ထားတဲ့
စာပွဲဆီ ပြန်လာခဲ့ကြပါတယ်။ စာပွဲအနားကို အရောက် ကျနော်တို့ အားလုံး အံ့သြ
စရာ မြင်ကွင်းတွေ တွေ့လိုက်ရပါတယ်။ ကျနော်တို့ အုပ်စု သယ်လာတဲ့
စားစရာအချို့ ဗူးတွေပွင့်ပြီး တစုံတယောက် ယူစားထားသလို ပြန့်ကျဲနေပါတယ်။
စောစောက ကျနော်တို့ ဖွင့်ပြီး သောက်ကာစ ၀ိုင်ပုလင်း နှစ်လုံးထဲမှာ ၀ိုင်တွေ
ကုန်ဆုံးနေတာကိုး ကြည့်ပြီး ကျနော်တို့မျက်လုံးတွေ တော်တော်လေး ပြူးသွား
ပါတယ်။

ဒါတွေ ဘယ်သူ စား သွားပါလိမ့် ...
ဝိုင်တွေ ဘယ်သူများ လာ ထပ်သောက် သေးလဲ ...
အဖြေစကားများ ပြန်မလာပါ။ ကျနော်တို့ အားလုံး တစ်ယောက်မျက်နှာ
တစ်ယောက်ကြည့်ပြီး ပြုံးရမလိုလို၊ မဲ့ ရမလိုလို ဖြစ်နေကြပါတယ်။
ကျနော်တို့ အုပ်စုထဲက “ဂျွန်” ဆိုတဲ့ အဖိုးကြီးက ခွက်တစ်ခွက်ကို လက်ညှိုးထိုး
ပြပါတယ်။ ငါတို့ ခုနက ထ လာတုန်းက ဒီခွက်ကို ဘယ်သူမှ မသုံးသေးဘူး။
အခု ဒီခွက်က တယောက်ယောက် ၀ိုင် ထည့်သောက်ထားသလို ဖြစ်နေတယ်။
ငါတို့က ခုနှစ်ယောက် ... အခု ၀ိုင်သောက်ထားတဲ့ ခွက်က ရှစ်ခွက် ဖြစ်နေ
တယ်။ မူးလို့ ယူသောက်ရအောင်လည်း ငါ သိသလောက် အားလုံး တစ်ယောက်
တစ်ခွက်တောင် ကုန်အောင် မသောက်ကြသေးဘူး။ ခွက်ထဲ ထည့်ပြီး မသောက်
ရသေးတဲ့ သူတောင် ရှိသေးတယ်။ အခု ရှစ်ခွက်မြောက် ခွက်က ဘယ်သူ
ထည့်သောက်ထား သလဲ ... ။ ဒါ ငါတို့အတွက် မမြင်နိုင်တဲ့ စမ်းသပ်မှုလား၊
စိန်ခေါ်မှုလား ...

“ဂျွန်” ပြောလိုက်တဲ့ စကားကြောင့် ကျနော်တို့တတွေ မျက်ခုံးတွေ တွန့်
သွားတဲ့အထိ စဉ်းစားရ အကြပ်ရိုက်သွားပါတယ်။ ဒီစာကြည့်တိုက်ထဲမှာ
ကျနော် ခုနှစ်ယောက် အပါအ၀င် နောက်ထပ် တစ်ဦးဦး ရှိသေးလား ...
ရုတ်တရက် ကျနော် အပါအ၀င် အဖိုးကြီး တချို့ တနေရာဆီ အပြေးအလွှား
သွားကြည့်ကြပါတယ်။ သရဲဘ၀ ရောက်နေသူလို့ လူပြောသူပြော များနေတဲ့
မာရီယာ ဓါတ်ပုံတင်ထားတဲ့ စာပွဲဆီပါ။ မာရီယာ ဓါတ်ပုံရှေ့မှာ ကျနော်ကိုယ်တိုင်
ရေရောထားတဲ့ ၀ိုင်ခွက် ရှိပါတယ်။ စာပွဲရှေ့ရောက်လို့ ၀ိုက်ခွက်ထဲ ကြည့်လိုက်
တော့ ခွက်ထဲမှာ ဘာမှ မရှိပါ။ ... ဟင် ... ဟာ ... ဆိုတဲ့ အသံတွေ ကျနော်တို့
နှုတ်ဖျားက ထွက်ပေါ်လာပါတယ်။

နောက်တော့ ကျနော်တို့ တစ်အုပ်စုလုံး ဆုံးဖြတ်ချက်တစ်ခုကို ချလိုက်ပါတယ်။
များများသောက်၊ မြန်မြန်သောက် ... မြန်မြန်မူးပြီး မြန်မြန် အိပ်ပျော်သွားဖို့ပါ ...
ဝိုင်ပုလင်းပေါင်း နှစ်ဆယ်ကျော်ကို ကျနော်တို့ ခုနှစ်ဦး၊ တစ်ခွက်ပြီး တစ်ခွက်
ခပ်မြန်မြန် သောက်နေကြပါတယ်။ မူးကာစ ကျနော်တို့ မြင်ကွင်းထဲမှာ ကျနော်တို့
အားလုံးဟာ ခုနှစ်ဦးလား ... ရှစ်ဦးလား ဆိုတာ တဖြေးဖြေး ဝေး၀ါးလာပါတယ်။

************
ညှိုငယ်ပြီး ငိုထားလို့ မျက်လုံးတွေ မို့အစ်နေတဲ့ အမျိုးသမီးတစ်ဦးဟာ
ကျနော့်ရှေ့မှာ ခေါက်တုပ်ခေါက်ပြန့် လမ်းလျှောက်နေပါတယ်။ သူမကို ကျနော်
ကြည့်နေတာကိုတောင် သူမ သတိ မထားမိတဲ့ ပုံစံမျိုးပါ။ သူ့ဘာသာ သူ
လမ်းလျှောက်ရင်း တစ်ခုခုကို တွေးနေပုံ ရပါတယ်။
ရုတ်တရက် သူမဟာ ကျနော်ရှေ့ကနေ ကွယ်ပျောက်သွားပါတယ်။
အဲဒီနောက် ကျနော့်ပခုံးကို အင်မတန် အေးစက်တဲ့ လက်တစုံက ရုတ်တရက်
လာပြီး ဆုပ်ကိုင်လာပါတယ် ...
ကျနော် လန့်ပြီး အော်လိုက်တဲ့ အချိန်မှာ ...

မိုးလင်းနေပါပြီ ...
ကျနော်တို့ ခေါင်းဆောင် ဖင်းလ် ဦးဆောင်ပြီး ...
ညက ကျနော်တို့အားလုံးကြောင့် ရှုပ်ပွနေသမျှကို ပြန်ပြီး သန့်ရှင်းရေး လုပ်
ကြပါတယ်။ အဲဒီနောက် ၀ိုက်အရက်တွေ ယူသောက်တဲ့ စာကြည့်တိုက်
ကနေ ထွက်ခွာခဲ့ကြပါတယ် ... ။

(ပြီးပါပြီ။)

Read more »