ကချင်တိုင်းရင်းသူ အမျိုးသမီးတစ်ဦး ဒိန်းမတ် လူဝင်မှုကြီးကြပ်ရေး Camp အတွင်း သေဆုံး .....

(ဒိန်းမတ်နိုင်ငံနဲ့ ဥရောပရောက် ကချင် အဖွဲ့အစည်းများ ကြားသိပါစေ .... )
ကုလသမဂ္ဂ UNHCR အစီအစဉ်ဖြင့် မလေးရှားနိုင်ငံမှ ရိုးမေးနီးယားနိုင်ငံသို့ ရောက်ရှိပြီး ရိုးမေးနီးယားနိုင်ငံမှတဆင့် ဒိန်းမတ်နိုင်ငံအတွင်းသို့ ထွက်ခွာလာပြီး ဒုက္ခသည်အဖြစ် အသိအမှတ်ပြုရန် လျှောက်ထားနေဆဲ ကချင်မိသားစု တစ်စုမှ အသက် ၃၆ နှစ်အရွယ် ကချင် အမျိုးသမီးတစ်ဦး လူဝင်မှုကြီးကြပ်ရေး Camp အတွင်း သေဆုံး ....
http://ekstrabladet.dk/nyheder/article1836824.ece

 

(ကိုသန်းအောင်နိုင်ထံမှ တဆင့် သိရသမျှ ... )

နိုင်ငံရေးခိုလှုံခွင့်လျှောက်ထားဆဲဖြစ်သော မြန်မာနိုင်ငံသား အမျိုးသမီးတဦး ဒိန်းမတ်နိုင်ငံတွင်သေဆုံး။
...
ခိုလှုံခွင့်လျှောက်ထားဆဲဖြစ်သော အသက်၃၆နှစ်အရွယ် မြန်မာနိုင်ငံသား ကချင်အမျိုးသမီးတဦးရဲ့ ရုပ်အလောင်းကို လွန်ခဲ့တဲ့ တနင်္ဂနွေနေ့က ဒိန်းမတ်နိုင်ငံ မြောက်ပိုင်းဒေသ ဟန့်စ်ဟွမ်းမြို့(Hanstholm)ရှိ ကမ်းခြေတနေရာမှာ တွေ့ရှိခဲ့တာပါ။
တွေ့ရှိခဲ့တဲ့သူတွေက နီးစပ်ရာဆေးရုံကို ပို့ပေးခဲ့ကြပေမယ့် အမျိုးသမီးကတော့ ဆေးရုံမရောက်ခင်ကပင် သေဆုံးခဲ့ပြီးဖြစ်တယ်လို့ ခွဲစိပ်ဆရာဝန်တွေက ဆိုပါတယ်။ အမျိုး
သမီးရဲ့ ခန္ဓာကိုယ်မှာ ဂျင်းဘောင်ဘီနှင့် ဘရာစီယာသာ ဝတ်ထားလျှက်ရှိပြီး ၊ အပွန်းအပဲ့ဒဏ်ရာများလည်း တွေ့ခဲ့ရတာကြောင့် ရဲများက ရာဇဝတ်မှု သံသယနှင့် စုံစမ်းစစ်ဆေးခဲ့ပါတယ်။
...
သေဆုံးသူအမျိုးသမီးဟာ သူမရဲ့ ယောက်ျားနှင့် ၄င်းတို့ရဲ့ အသက်ဆယ့်ရှစ်နှစ်မပြည့်သေးတဲ့ကလေးငယ်နှစ်ယောက်နဲ့အတူ ခိုလှုံခွင့်လျှောက်ထားသူများအတွက် တာဝန်ရှိသူများ စီစဉ်ပေးထားသော ယာယီနေထိုင်ရာ ကမ်းခြေအနီးက အဆောက်အဦးမှာ အတူတကွနေထိုင်ကြတာပါ။ မြန်မာလူမျိုး ယောက်ျားဖြစ်သူရဲ့ ရဲစခန်းမှာ ပြောပြချက်အရကတော့ သေဆုံးသူအမျိုးသမီးဟာ ကမ်းခြေအနီးက အဝတ်လျှော်စက်များထားရှိရာ နေရာဆီသို့ အဝတ်လျှော်ရန်အတွက် တယောက်တည်း ထွက်သွားတာလို့ ဆိုပါတယ်။
...
သေဆုံးသူအမျိုးသမီးရဲ့ ပျောက်ဆုံးနေတဲ့ အဝတ်အစားများကို တွေ့ရှိဖို့အတွက် ရဲများက အထူးလေ့ကျင့်ထားသောခွေးများနှင့် ကမ်းခြေအနီးတဝိုက်သို့ လိုက်လံရှာဖွေခဲ့သော်လည်း ရှာဖွေတွေ့ရှိခြင်း မရှိခဲ့ပါဘူး။ ဆရာဝန်တွေရဲ့ ဆေးမှတ်ချက်မှာတော့ ရေနစ်သေဆုံးရတယ်လို့ မှတ်ချက်ပြုထားပါတယ်။ ခန္ဓာကိုယ်ပေါ်က ဒဏ်ရာဒဏ်ချက်များကတော့ ကမ်းခြေကျောက်ဆောင်များနဲ့ တိုက်ပွတ်မိပြီးဖြစ်ရတာလို့ ခန့်မှန်းထားပါတယ်။ ရဲများက ပဟေဠိဖြစ်နေဆဲကတော့ သေဆုံးသူအမျိုးသမီးရဲ့ အဝတ်အစားတွေ ပျောက်ဆုံးနေခြင်းနဲ့ ကမ်းခြေဆီသို့ မည်သို့မည်ပုံရောက်လာခဲ့တာလဲဆိုတာပါပဲ။ ထူးခြားတဲ့အကြောင်းအရာများ တွေ့ရှိခဲ့လျှင်လည်း သတင်းပေးကြဖို့ ဒေသခံတွေကို တိုက်တွန်းထားပါတယ်။