Wednesday, 20 June 2012

အော်စလို ခရီးသည် အပိုင်း(၁)

(၁)
`ဖိတ်စာရှာမတွေ့သည့် ကြောင်´

မေလ အလယ်လောက်ကတည်းက သတင်းဋ္ဌာနမျိုးစုံဆီမှ
အန်တီ ဒေါ်အောင်ဆန်းစုကြည်တစ်ယောက် နိုဗယ်
ငြိမ်းချမ်းရေးဆု ကို လက်ခံရယူဖို့ နော်ဝေနိုင်ငံသို့ ခရီးစဉ်
ရှိကြောင်း သတင်းများ ကြားနေပါသည်။ ဆုလက်ခံရယူ
မည့် ရက်စွဲမှအပ ခရီးစဉ်တစ်ခုလုံး အသေးစိတ် အစီအစဉ်
များကို သတင်းဋ္ဌာန အားလုံးလိုလို သေသေချာချာ မထုတ်
ပြန်နိုင်ကြပါ။ ငြိမ်းချမ်းရေး နိုဗယ်ဆုပေးပွဲ ကျင်းပပြုလုပ်မည့်
အော်စလိုမြို့တော်ခန်းမတွင် လူဦးရေ တစ်ထောင်ခန့် တက်
ရောက်ခွင့် ရမည်ဖြစ်ပြီး ထို အရေအတွက်အတွင်း မြန်မာလူမျိုး
အယောက်တစ်ရာခန့်အား တက်ရောက်ခွင့် ပေးမည်ဟု နိုဗယ်
ဆုပေးပွဲ ကော်မတီက သတင်းထုတ်ပြန်ခဲ့ပါသည်။

မေလ မကုန်ခင် တစ်ပတ်ခန့်အလိုကတည်းက ကျနော်သည်
ဆုပေးပွဲ တက်ရောက်ခွင့် ရရှိရေးအတွက် နိုဗယ်ဆုပေးပွဲ
ကော်မတီထံသို့ အင်တာနက် အီမေးလ်မှတဆင့် ဆက်သွယ်
ခဲ့ပါသည်။ နောက်တနေ့တွင် ဒိန်းမတ်နိုင်ငံရောက် မြန်မာ
လူမျိုးတစ်ဦးဖြစ်သော ကျနော်ထံသို့ သူတို့ အကြောင်းပြန်
ခဲ့သည်မှာ နော်ဝေ- မြန်မာ ကော်မတီထံ ဆက်သွယ်ဖို့ ဖြစ်
ပါသည်။ ထိုကြောင့် နော်ဝေ- မြန်မာ ကော်မတီထံသို့လည်း
အလားတူ အင်တာနက် အီမေးလ်မှတဆင့် ကျနော် ဆက်သွယ်
ခဲ့ပါသည်။ သုံးရက်ခန့် ကြာသောအခါ နော်ဝေ- မြန်မာ
ကော်မတီထံမှ အကြောင်းပြန်ခဲ့သည်မှာ အခမ်းအနား အစီအစဉ်
အတွင်း တက်ရောက်ခွင့်ရမည့် မြန်မာလူမျိုးများအတွက်
`ဒေါ်အောင်ဆန်းစုကြည် ကြိုဆိုရေး ကော်မတီ´ ခေါ် ကော်မတီ
တစ်ရပ်ရှိပြီး ယင်း ကော်မတီမှနေ၍ နိုင်ငံတကာရောက် မြန်မာ့
နိုင်ငံရေး လှုပ်ရှားသူများအား ရွေးချယ်ဖိတ်ကြားမည်ဟု သူတို့
သိထားကြောင်း၊ ဖိတ်စာများကိုလည်း ယင်းကော်မတီမှ စီစဉ်
ဆုံးဖြတ်မည် ဖြစ်ကြောင်း၊ ယင်းကော်မတီတွင် နော်ဝေနိုင်ငံ
ရောက် မြန်မာများဖြင့် ဖွဲ့စည်းထားကြောင်း စသဖြင့် စာပြန်
ပါသည်။

`ဒီပဲယင်း အဓိကရုဏ်း´ နှစ်ပတ်လည်ဖြစ်သော မေလ ၃၀
ရက်နေ့ ညတွင် အဆိုပါ `ဒေါ်အောင်ဆန်းစုကြည် ကြိုဆိုရေး
ကော်မတီ´မှ ဦးဆောင်သူ တစ်ဦးဖြစ်သော လက်ရှိနော်ဝေနိုင်ငံ
တွင် နေထိုင်နေဆဲ ၁၉၉၀ ခုနှစ် ပြည်သူ့လွှတ်တော် ကိုယ်စား
လှယ် ဦးကျော်သွင်ထံ ကျနော် ဖုန်းဆက်ပါသည်။ ပထမအကြိမ်
ကျနော် ဖုန်းခေါ်စဉ်က အလုပ်များနေသောကြောင့် နောက်
နာရီဝက်ခန့်အကြာတွင် ထပ်မံ ဖုန်းခေါ်ပါရန် ဖုန်းကိုင်လာသူက
ကျနော့်အား ကောင်းကောင်းမွန်မွန် ပြောပြပါသည်။ ကျနော်
အနည်းငယ် ပျော်ရွှင်သွားပါသည်။ ကျနော့် မျှော်လင့်ချက်
ရောင်ခြည်သည် နောက်နာရီဝက်ခန့်တွင် ထွန်းလင်းနိုင်သေး
သည်ဟု ကျနော် မျှော်လင့်နေပါသည်။

သို့သော် …
သို့သော် …
သို့သော်ပေါင်း များစွာတို့၏ သို့သော် ….
နောက် နာရီဝက်ခန့်အကြာတွင် ကျနော်သည် အန်ကယ်
ဦးကျော်သွင်ထံသို့ ဖုန်းဆက်လိုက်ပါသည်။ အန်ကယ်
ဦးကျော်သွင်က ကျနော့်အား ကောင်းကောင်းမွန်မွန်ချိုချို
သာသာ ပြောပြပါသည်။ ယနေ့သည် ဖိတ်စာများ လျှောက်
ထားရန်အတွက် နောက်ဆုံးနေ့ရက် ဖြစ်ပါသည်။ ဖိတ်စာ
လျှောက်လွှာများ ထပ်မံ လက်မခံနိုင်တော့ကြောင်း သိရ
ပါသည်။ အန်တီစုအား ငြိမ်းချမ်းရေး နိုဗယ်ဆု ပေးအပ်မည့်
အော်စလိုမြို့တော်ခန်းမ အစီအစဉ်အပြီးတွင် မြန်မာများနှင့်
သီးသန့်တွေ့ဆုံရန် `နိုဗယ်စင်တာ´တွင် စီစဉ်ထားကြောင်း၊
ယင်းနေရာသို့ နေ့လည်ကတည်းက ကြိုတင်တန်းစီ နေရာ
ယူထားနိုင်ပါမှ ... ညနေ ၃ နာရီခွဲခန့်တွင် ရောက်ရှိလာမည့်
အန်တီစုနဲ့ တွေ့ဆုံနိုင်ရန် သေချာသလောက် ဖြစ်နိုင်ကြောင်း
နူးညံ့ချိုသာစွာ ပြောပြပါသည်။

ကျနော်သည် အန်ကယ် ဦးကျော်သွင်အား ….
ကျနော်တို့သည် FBE ညီလာခံခေါ်
Forum of Burmese in Europe တွင် နှစ်ကြိမ်- သုံးကြိမ်ခန့်
လူချင်း စုံတွေ့ဖူးကြောင်း၊ အန်ကယ် ဦးကျော်သွင်သည်
မြန်မာ့နိုင်ငံရေး လှုပ်ရှားမှု နယ်ပယ်စုံမှ လူပုဂ္ဂိုလ်ပေါင်းစုံ
နှင့် ဆက်ဆံနေသူ ဖြစ်သောကြောင့် ကျနော်၏ နိုင်ငံရေး
နောက်ခံ အချို့ကိုလည်း ပြောပြပါသည်။
အရံ ခုံနေရာများ ….
လစ်လပ်နိုင်သော ခုံနေရာများ ….
ရှိခဲ့ပါလျှင် မျှော်လင့်ချက်အား ရှင်သန်ခွင့်ပြုဖို့
ကောင်းမွန်စွာ ကျနော် ပြောပြခဲ့ပါသည်။

သို့သော် …
သို့သော် …
သို့သော်ပေါင်း များစွာတို့၏ သို့သော် ….
စိတ်မကောင်းပါကြောင်းဟူသော် စကားလုံးများမှ
အပ မည်သည့် မျှော်လင့်ချက် ရောင်ခြည်များကိုလည်း
ကျနော် မရခဲ့ပေ။ နောက် ငါးရက်ခန့်အကြာတွင်
ကျနော်နှင့် အင်မတန် ရင်းနှီးသော အမျိုးသားဒီမိုကရေစီ
အဖွဲ့ချုပ် ဗဟိုလူငယ်နဲ့ ရန်ကုန်တိုင်း လူငယ်ကော်မတီ
တို့တွင် တာဝန်ထမ်းဆောင်ဖူးခဲ့သော အမ မပို လည်း
ကြိုးစားတောင်းဆို ပေးပါသည်။ ခုံနေရာများ အပြည့်
ဖြစ်နေသောကြောင့် ...
မျှော်လင့်ချက်ဟူသော စကားလုံးမှာ ...
အလင်းရောင် လုံးဝ မရှိသော ညအမှောင်ထဲတွင်
ကြောင်အမဲတစ်ကောင်အား လိုက်ရှာနေရသလို
ဖြစ်နေပါသည်။ ကျနော်ရှာနေသော `ကြောင်´ သည်
ကွယ်လွန်သူ တရုတ်ခေါင်းဆောင်ဟောင်း တိန်ရှောက်ဖိန်
ပြောခဲ့သော ကြွက်ဖမ်းနိုင်ရေးကို ဦးတည်သည့် ကြောင်
မျိုးတော့ မဟုတ်ပါ ….။

(၂)
`နိုင်ငံကူးစာအုပ်မပါသော ခရီးသွား´

နော်ဝေနိုင်ငံသို့ သွားမည့် ကျနော့်တွင် နိုင်ငံကူးစာအုပ်
ခေါ် ခရီးသွား စာအုပ် လုံးဝမရှိပါ။ ခရီးသွား စာအုပ်နှင့်
နေထိုင်ခွင့် မှတ်ပုံတင် ကဒ်ပြားတို့ကို သက်တမ်းအသစ်
လဲရန်အတွက် ဒိန်းမတ်နိုင်ငံ၊ ပြောင်းရွှေ့အခြေချလာသူ
များနှင့် သက်ဆိုင်သော ရုံးသို့ ပို့ထားသည်မှာ လ အနည်းငယ်
ရှိပါသည်။ ထိုရုံးသည် ကျနော်တစ်ဦးသာမက မည်သူမဆို
လ အနည်းငယ်ထက် ပို၍ ကြာသည်အထိ စောင့်ရလေ့
ရှိပါသည်။ အမြဲတမ်း နေထိုင်ခွင့် ပြုထားသော ရုံးစာရွက်သာ
ကျနော်တွင် ရှိပါသည်။ သို့သော် ထိုစာရွက်တွင် စာသားများ
သာ ရှိ၍ ဓါတ်ပုံ ကပ်ထားလေ့ မရှိပါ။ ကျနော့် ဇနီးသည်က
ရယ်ရယ်မောမော စကားတစ်ခွန်း ပြောပါသည် ….

`နိုင်ငံကူး စာအုပ်လည်း မရှိ၊ မှတ်ပုံတင် ID လည်း မပါပဲ
နော်ဝေနိုင်ငံ သွားအုံးမယ်၊ ပြီးတော့ ဆုပေးပွဲလုပ်မယ့် ခန်းမ
ထဲလည်း တက်ချင်သေးတယ်၊ ဘာ အထောက်အထားမှ
မရှိတဲ့ဟာကို ဘယ်လို သွားမှာလဲ အကို …. ´

ကျနော်တွင် ဓါတ်ပုံကပ်ထားသော ကဒ်ပြားဟူ၍ မော်တော်ယာဉ်
မောင်း လိုင်စင်သာ ရှိပါသည်။ ဥရောပ EU အဖွဲ့ဝင် နိုင်ငံများတွင်
ထိုယာဉ်မောင်းလိုင်စင်သည် ထူးခြားသော သတ်မှတ်ချက်တစ်ခု
ဖြစ်ပါသည်။ EU အဖွဲ့ဝင် နိုင်ငံများ၏ နိုင်ငံသားများ ကိုင်ဆောင်
သော ယာဉ်မောင်းလိုင်စင် ကဒ်ပြားများသည် ပုံစံတူများဖြစ်ပြီး
နိုင်ငံအလိုက် ဂျာမနီဆိုလျှင် DE၊ ဒိန်းမတ်ဆိုလျှင် DK အစပြု
ထားကြသည်။ ယာဉ်မောင်းလိုင်စင်တစ်ခုသည် မိမိနိုင်ငံတွင်သာ
မက ဥရောပ EU အဖွဲ့ဝင် နိုင်ငံအားလုံးတွင် မောင်းနှင်းခွင့်
ရှိပါသည်။ ထို့ကြောင့် ယာဉ်မောင်းလိုင်စင်သည် ဓါတ်ပုံ ကပ်ထား
သော မှတ်ပုံတင် ID တစ်ခုလို အသုံးဝင်နေသယောင် ဖြစ်နေ
ပါသည်။

ဆုပေးပွဲတက်ရောက်ရန် ဖိတ်စာမရသော ကျနော်သည် ဆုပေးပွဲ
တက်ရောက်သူများ ၀တ်ဆင်ရန် ကြေညာထားသော ၀တ်စုံပုံစံ
ရှိပါသော်လည်း သယ်ဆောင် မသွားဖို့ ဆုံးဖြတ်ခဲ့ပါသည်။ အန်တီစု
အား မိမိမြင်ကွင်းတွင် ပျော်ပျော်ရွှင်ရွှင်တွေ့ရလျှင်ပဲ ကျေနပ်
စရာဟု ကိုယ့်ဘာသာကိုယ် ဆုံးဖြတ်ချက်ပြီး နော်ဝေခရီးစဉ်
အတွက် အင်တာနက်ပေါ်မှ သင်္ဘောလက်မှတ် ၀ယ်ယူခဲ့ပါသည်။

ကျနော် နေထိုင်သော မြို့နှင့် သိပ်မဝေးသော နေရာတစ်ခုတွင်
နော်ဝေနိုင်ငံ အော်စလိုမြို့တော်ဆီသို့ ပျံသန်းသော လေကြောင်း
ခရီးစဉ်များ ရှိရာ လေဆိပ်ရှိပါသည်။ သို့သော် ကျနော့်တွင် နိုင်ငံကူး
စာအုပ် မရှိပါ။ ထို့ကြောင့် ကျနော် နေထိုင်ရာ မြို့မှ ကီလိုမီတာ
သုံးရာ ကျော်ဝေးသော သင်္ဘောဆိပ်ကမ်းမြို့တစ်ခုမှ အော်စလို
မြို့တော်ဆီသို့ သင်္ဘော စီးသွားရန် ဆုံးဖြတ်ခဲ့ပါသည်။ အဘယ်
ကြောင့်ဆိုသော် သင်္ဘောဆိပ်တွင် များသောအားဖြင့် နိုင်ငံကူး
စာအုပ် စစ်ဆေးလေ့ မရှိပါ။ တခါတရံမှသာ စစ်ဆေးလေ့ရှိ
ပါသည်။ လေဆိပ်တွင်မူ နိုင်ငံကူး စာအုပ်မပါပဲ ခရီးသွား
လို့တော့ မဖြစ်နိုင်ချေ။

(၃)။
`ကမ်းခြေမြို့လေးတစ်ခုမှ ဇနီးမောင်နှံ´

ကိုမိုက်ကယ် ခေါ် ကိုသောင်းရွှေ၊ အမ မပို (NLD ဗဟိုလူငယ်
နှင့် တိုင်းလူငယ် အဖွဲ့ဝင်)တို့ ဇနီးမောင်နှံနှင့် ကျနော်သည်
နော်ဝေခရီးစဉ်အတွက် ဗုဒ္ဓဟူးနေ့ နေ့လည်ပိုင်းတွင် စတင်
ထွက်ခွာခဲ့ကြပါသည်။ ခရီးသွား သုံးဦးစလုံး၏ ပစ္စည်းများကို
ကျနော့်ကားဖြင့် ရထားဘူတာသို့ သယ်ဆောင်ခဲ့ပါသည်။
ထို့နောက် ကားကို ဂိုဒေါင်ထဲ ပြန်ထည့်ကာ ဘူတာဖက်ဆီသို့
ခပ်သုတ်သုတ် ခြေလှမ်းများဖြင့် အသော့နှင်းခဲ့ပါသည်။ မိုးသည်
ခပ်ဖွဲဖွဲ ရွာနေပါသည်။ ကျနော့်ဇနီးသည် သည် အလုပ်မပြီး
သေးသောကြောင့် ဘူတာအထိ ကျနော့်အား လိုက်ပါ
မနူတ်ဆက်နိုင်ပါ။

ကျနော်တို့ သုံးဦး နေထိုင်ရာ `ဘာမင်း´ (Bramming)မြို့
ဘူတာမှ ဒိန်းမတ်နိုင်ငံ၏ (၅)ခုမြောက် မြို့တော်ဖြစ်သော
ကျနော်တို့ ခရိုင်မြို့တော်ဖြစ်သည့် `အက်စ်ပီးယား´
(Esbjerg) မြို့အထိ ပထမဆုံး ရထား စီးရပါသည်။
`အက်စ်ပီးယား´ဘူတာမှ နံပါတ်(၉၈၀) အဝေးပြေးကား
ဖြင့် သင်္ဘောဆိပ်ကမ်းရှိရာ `ဖာသာ(ဒါသ်)ဟောင်း´
(Frederikshavn) အနီးရှိ `ဆေးဗြူ´(Sæby) မြို့ဆီသို့
သွားကြပါသည်။ ထို `ဆေးဗြူ´ မြို့လေးတွင် ကျနော်တို့
နှင့် အင်မတန် ရင်းနှီးသော မြန်မာ့အရေး လုပ်ဖော်ကိုင်ဖက်
တစ်ဦးဖြစ်သည့် ကိုသန်းအောင်နိုင်တို့ဇနီးမောင်နှံ
နေထိုင်ကြပါသည်။


(ဆက်လက် ဖော်ပြပါအုံးမည် … ။)
-စစ်ငြိမ်းဒီရေ

14 comments:

မောင်ဘကြိုင်(ချဉ်ပေါင်ခြံ) said...

ခရီးသွားနေသူတစ်ယောက်လာဖတ်သွားတယ်ကိုအောင်

Anonymous said...

ဖတ်လို့ကောင်းတယ် ကိုအောင်....
အခန်းအနားကို မမျှော်လင့်ပဲ တက်ရောက်ခွင့် ရမယ့် အနေအထားနဲ့ ပျော်ရွှင်မှု ကို ဆက်ပြီး စောင့်ဖတ်နေပါ့မယ်...

နောင့်း)

မြသွေးနီ said...

ဆက်ရန်မျှော်နေပါမည်....

Anonymous said...

၁၆.၀၆.၂၀၁၂ ရက်နေ့ ငြိမ်းချမ်းရေးနိုးဗယ်ဆုပေးပွဲအခန်းအနားကို နော်ဝေးရောက် ခေါင်ပေါင်းနီဆောင်ထားသည့် အမည်မသိအဖွဲ့ အစည်းမှ နေရာယူ တတ်ရောက်သွားကြကြောင်း သတင်းရတယ်

Anonymous said...

waiting next one..!

Anonymous said...

ကိုအောင် စဖတ်လိုက်တယ် ဖိတ်စာကိစ္စ မြန်မာအဖွဲ့ ကို တာဝန်ပေးထားတယ်ဆိုကတည်းသိလိုက်တယ် မြန်မာတွေ တော့ထိုင်ခုံနေ၇ာမ၇မှာသေချာတယ်ဆိုတာ သြော်လူပါးဝလူမျိုးတွေ ဥေ၇ာပ ကို ရောက်တဲ့အထိမဖျောက်နိုင်ကြသေးဘူးနော

Anonymous said...

ပို့ စ်နောက်ဆုံးမှာ သရဲ တကောင်၂ကောင် အကြောင်းပါ မလားလို့ မျက်လုံးပြူးဖတ်သွားပါသည်။

ပို့ စ်ထဲတွင် မပါသော်လည်း ကိုအောင်၏ ခရီးဆောင် အိတ်ထဲတွင် တစေ မှင်စာလေးများ ကပ်ခိုပါလာနိုင် သည်ဟု ယူဆမိပါသောကြောင့် နောက်ပို့ စ်ကို ဆက်လက်မျှော်နေပါသည်

အမစု အန်တီစု အမေစု ကို ဘယ်လိုကြည့်ကြည့် ကျက်သရေ ရှိလွန်းလို့ မျက်မြင်တွေ့ နိုင်သူများအား အားကျမိပါ၏

ကိုအောင်၏ ခရီးစဉ်စွန့် စားခန်းအား အားကျမှု့  အားပေးမှု့  ၀မ်းမြောက်မှု့ နှင့်အတူ သရဲကြောက်မှု့ အပါ စောင့်မျှော်ဖတ်ပါမည် ဖြစ်ကြောင်း အသိပေးအပ်ပါသည်။

ဆောင်း

Anonymous said...
This comment has been removed by a blog administrator.
san htun said...

စွန့် စားခန်းဝထ္ထုဖတ်ရသလိုပဲ ကိုအောင်ရေ..တက်ခွင့် ရ မရ သိချင်ပါတယ်...

ငြိမ်းစိုးဦး said...

တကယ့်လှုပ်ရှားမှုကို မြင်ယောင်မိလျက် စောင့်ကြိုနေပါကြောင်း ...

An Asian Tour Operator said...

သဲထိပ်ရင်ဖို လား ကိုအောင်

Mary Grace said...

Hi your blogs looks so impormative and interesting.would you come and visit us back too
http://ads.com.mm/?cid=4fd9a687e4b0fa6db841e34f&utm_campaign=ads_mm_lb_blog_mgesc&utm_source=ads_lb_blog&utm_medium=lb_blog

gina vinasoy said...

Hi.!Nice blog ! wanna visit mine ? http://ads.com.mm/?cid=4fd60e94e4b0fa6db841e33c&utm_campaign=
ads_mm_lb_blog_gvisoy&utm_source=ads_lb_blog&utm_medium=lb_blog

Anonymous said...

a ko waiting for part 2.....