ဝံသာနုခေတ်

ရေးသူ- လူထုဒေါ်အမာ

အမေတို့ ငယ်ငယ်တုန်းက- တို့အဖေက မြန်မာ ဘိလပ်ရည်
စက်မှာ မန်နေဂျာ လုပ်တယ်။ သူများက `အမာရေ- ညည်းအဖေ
က ဘာလုပ်တာလဲ´ လို့ မေးရင် `ဘိလပ်ရည်စက်က မန်နေဂျာရှင့်´
လို့ လူကြီးတွေက ပြောပြထားတဲ့အတိုင်း ပြန်ဖြေတာပဲ။

အမေတို့ အိမ်နားက ကိုစံဝင်းဆိုတဲ့ လူကြီးတစ်ယောက် ရှိတယ်။
သူက အမေ့ကို သိပ်စ'တာ။ `ညည်းအဖေက ဘိလပ်ရည်စက်က
မန်နေဂျာ မဟုတ်ပါဘူး၊ ဘိလပ်ရည်စက်မှာ တန်ကားမောင်းတာပါ´
တဲ့။ တန်းကားဆိုတာ ဘိလပ်ရည် ပုလင်းတွေတင်ပြီး မြို့ပေါ်က
ဆိုင်တကာလည်ပို့တဲ့ လေးဘီးတပ် မြင်းတစ်ကောင်ဆွဲတဲ့ ကုန်တင်
ယာဉ်ပေ့ါ။ ကျောက်လမ်းပေါ်မှာဆို တဂျောင်းဂျောင်းနဲ့။ ဟိုတုန်းက
ကတ္တရာစေးလမ်း မရှိသေးဘူး။ ကိုစံဝင်းက အဲသလိုပြောရင် အမေက
သိပ်စိတ်ဆိုးတာ။ `မဟုတ်ပါဘူး၊ မဟုတ်ပါဘူး´ နဲ့ ငြင်းတာပဲ။
ကိုစံဝင်းကလည်း `ဟုတ်ပါတယ်- ညည်း မသိလို့ပါ၊ ငါ ပြောပြမယ်၊
မနက် မနက် အိမ်ကသွားရင် ဘိလပ်ရည်စက်ရောက်တော့ စက်
နောက်ဖေးက ၀င်းထဲမှာ ချည်ထားတဲ့ မြင်းကြီးကို တန်ကားမှာတပ်ပြီး၊
တန်ကားကို ဘိလပ်ရည်စက်ရှေ့ မောင်းလာရော၊ ပြီးတော့ ဘိလပ်ရည်
ပုလင်းတွေတင်ရော၊ ငါ မြင်နေတာပဲ´ တဲ့။ ကိုစံဝင်း ဒီလိုပြောတော့
ကိုယ့်စိတ်ထဲ ဇဝေဇ၀ါတွေ ဖြစ်ကုန်တာပေါ့။ နို့ပေမယ့် အမေတို့က
ပြောတာက မန်နေဂျာပဲ။ မန်နေဂျာဆိုတာ လူကြီးပါဆိုပြီး ကိုစံဝင်းကို
ငြင်းတာပဲ။ ကိုစံဝင်းကလည်း ဆက်ဆက်ပြီး စ'တာပဲ။ ကြာတော့
သူ့ကို နိုင်အောင် မပြောနိုင်လို့ ဆွဲဆိတ်၊ လက်သီးနဲ့ ထု။ တခါတလေ
လည်း ကိုစံဝင်းဆီက ငိုပြီး ပြန်ခဲ့ရတယ်။ တကယ်ကတော့ ကိုစံဝင်းက
အဖေတို့ ဘိလပ်ရည်စက်မှာ တန်ကားမောင်းတာပါ။ အမေ့ကို
ကလေးမို့ သူက တမင် စ'တာ။

အမေတို့ မန္တလေးမှာ အဲဒီခေတ်တုန်းက ဘိလပ်ရည်ခေါ်တဲ့
သောက်စရာ အချိုရည်လုပ်ငန်းကို DAVID & EZRA Bros:
ဒေးဗစ်နဲ့ အီဇရာ ဘရားသားဆိုတဲ့ ကုမ္ပဏီကြီးက တစ်ဦးတည်း
လက်ဝါးကြီးအုပ် လုပ်ကိုင်ပါတယ်။ သူ့ခေတ်နဲ့ သူ့အခါ သူတို့
ဘိလပ်ရည်စက် လုပ်ငန်းဟာ အလွန်ကြီးပါတယ်။

သူတို့ ဘိလပ်ရည်စက်ကို ၁၉၀၄ ခုနှစ်က စတည်ထောင်တာတဲ့။
မန္တလေးမှာ ဓါတ်ရထား ပြေးတာနဲ့ တစ်နှစ်တည်းပေါ့။ စက်ကြီး
တစ်ခုလုံး ဘိလပ်ရည်ပုလင်း ဆေးတာ၊ အရည်သွတ်တာက အစ
အားလုံး လျှပ်စစ်နဲ့ချည်း လည်ပတ်လုပ်ကိုင်တဲ့ စက်ကြီးပေါ့။
စက်ကလည်း အလွန်ခေတ်မီသတဲ့။ ဘိလပ်က နောက်ဆုံး မှာတာ
တဲ့။ ကျန်းမာရေးအတွက် အိုးတွေခွက်တွေက အားလုံး ငွေရည်သုတ်
အိုးခွက်တွေ။ ပုလင်းဆေးတာလည်း စက်နဲ့ ဆေးတာ။ တစ်နေ့
တစ်နေ့ကို ဘိလပ်ရည် ပုလင်း ဒါဇင် ၅၀၀ ကျတယ်။ အလုပ်သမား
လူ ၂၀ နဲ့ ထုတ်လုပ်တဲ့ စက်ကြီးတဲ့။ ဟိုလွန်ခဲ့တဲ့ နှစ်ပေါင်း ၉၀ က
အနေအထားလေ။

အဲဒီတော့ ဘိလပ်ရည်ဆိုတာကို အင်္ဂလိပ်ဝင်လာမှ သောက်ဖူးသူများ
အဖို့က အလွန် အထင်ကြီးစရာ၊ စမ်းသောက် မြည်းသောက် ကြည့်ချင်
စရာ၊ ဒါ သောက်တတ်မှ ခေတ်မီ အထက်တန်းကျတယ်လို့ ထင်စရာ
ကြီး ဖြစ်နေတာပေါ့။

ဒီဘိလပ်ရည်ကို မြန်မာတွေကလည်း သောက်ကြည့်တော့ တော်တော်
ကြိုက်လာကြပြီ။

အမေတို့ သိပ်ငယ်ငယ်က အခြေအနေကို ပြောပြဦးမယ်နော်-
တို့ အထက် မြန်မာနိုင်ငံက ရှင်ဘုရင် ပါတော်မူသွားပြီး သူ့ကျွန်
ဖြစ်လာရတဲ့အချိန်မှာ ဗြိတိသျှအစိုးရက ကျွန်းသစ် အရောင်းအ၀ယ်၊
စပါး အရောင်းအ၀ယ်၊ ရေနံလုပ်ငန်းစတဲ့ စီးပွားရေးလုပ်ငန်း အကြီးစား
ကြီးတွေကို သူတို့လူမျိုး လုပ်ငန်းရှင်တွေ လက်ထဲ ရောက်စေပြီးတဲ့
နောက် အရောင်းအ၀ယ်လုပ်ငန်း အလတ်စားနဲ့ အငယ်စား စီးပွား
ရေးတွေကို သူတို့က မလုပ်တော့ဘဲ စီးပွားရေးတံခါးကြီး ကျယ်ကျယ်
ဖွင့်ပေးလိုက်တော့ အရင်းအနှီး သိပ်ရှိပြီး အဆက်အသွယ် ကောင်း
ကြတဲ့ လူမျိုးခြားတွေက ၀င်လာပြီး အားလုံး ၀င်လုပ်ကြတာပေါ့။

အမေတို့နိုင်ငံက လူဦးရေတွေ သိပ်များတဲ့ နိုင်ငံကြီး ၂ ခုကြားမှာ
ရှိတဲ့ နိုင်ငံငယ် မဟုတ်လား။ အဲဒီတော့ ဒီ နှစ်နိုင်ငံက စီးပွားရေး
သမားတွေက တို့နိုင်ငံထဲ တိုးဝင်လာကြတာပေါ့။

ပြီးခဲ့တဲ့အပတ်တုန်းက လုပ်ခဈေးပေါပေါနဲ့ အောက်တန်းစား
အလုပ်ကြမ်း အမျိုးမျိုးကို အိန္ဒိယက လာလုပ်တဲ့ အလုပ်သမား
ကော်ရင်ဂျီတွေအကြောင်း ရေးခဲ့ပြီ၊ ဒီအပတ် အထက်တန်း
အလုပ်အကိုင်တွေမှာ လူမျိုးခြားတွေ လုပ်ကြတာကို ရေးဦးမယ်
လေ။ အမေတို့ရဲ့ အနောက်ဘက်မှာ ကပ်နေတဲ့ ပြည်နယ်၊
ဘင်္ဂလားလို့ ခေါ်တဲ့ BENGAL ဘင်ဂေါလ်က ဘန်ဂါလီလူမျိုး
ကဆိုရင် အမေတို့နိုင်ငံက ရုံးအသီးသီးမှာ လုပ်ရတဲ့ စာရေး
စာချီ အလုပ်တွေထဲမှာ သူတို့အများကြီး ၀င်လုပ်နေကြတာပဲ။
သူတို့က အင်္ဂလိပ်စာတတ်တွေ။ ဟိုတုန်းက မီးရထား ဌာနကြီး
ထဲမှာဆိုရင် မြန်မာက သိပ်နည်းတာ။ မီးရထားဋ္ဌာနကို ဘန်ဂါလီ
လူမျိုးတွေ အုပ်စီးထားတယ်လို့တောင် ပြောရမတတ်ပဲ။

ပြီးတော့ ရွှေ၊ စိန်စတဲ့ အရင်းအနှီးကြီးတဲ့ အရောင်းအ၀ယ်လုပ်ငန်း၊
အထည်အလိပ်စတဲ့ အရောင်းအ၀ယ်လုပ်ငန်းတွေကိုတော့ မာရ၀ါရီ
ကုလားသူဋ္ဌေးတွေက လုပ်ကိုင်ကြတယ်။ မြန်မာတွေက သူတို့
လက်ဝေခံ လက်လီဆိုင်လောက် အနည်းအပါး ရှိတာ။ သွင်းကုန်
လုပ်ငန်းကြီးရော၊ လက္ကား အရောင်းအ၀ယ်ကြီးမှာရော သူတို့
ချည်း လုပ်ကြတာပဲ။

အမေတို့ ဧရာဝတီတို့၊ သံလွင်တို့၊ ချင်းတွင်းတို့ဆိုတဲ့ မြစ်ကြောင်း
နဲ့ ပင်လယ်ကမ်းရိုးတန်းကို သင်္ဘော သွားလာတဲ့ လုပ်ငန်းကြီးကို
၁၈၆၅ ခုက စတည်ထောင်တဲ့ ဧရာဝတီ ဖလုပ်တီလာ ကုမ္ပဏီ
ဆိုတာကြီးက တစ်ဦးတည်း လုပ်ကိုင်တယ်။ အဲဒီမှာ အလုပ်သမား
သင်္ဘောသားတွေက အားလုံး ခေါ်တောကုလားတွေချည်းပဲ။
တခြား ဘာလူမျိုးမှ မရောနှောဘူး။ မြန်မာဆိုတာ တစ်ယောက်မှ
မရှိဘူး။ သင်္ဘောတစ်စင်းလုံး ထိပ်ဆုံးက အောက်ဆုံးအထိ
ခေါ်တောကုလားတွေပဲ လုပ်ကိုင်ကြတာပဲ။ အဲဒါ သူတို့ရဲ့
စပယ်ရှယ်လိုင်းတဲ့။

ပြီးတာ့ ဘာသာရေးအလိုက် လုပ်ကိုင်စားတဲ့ စီးပွားရေးတွေ
ရှိသေးတယ်။ ဥပမာ နွားမွေးမြူတာ၊ နွားနို့ရောင်းတာ ဆိုပါတော့
ဒီအလုပ်ကို ဟိန္ဒကုလားတွေကချည်း လုပ်ပါတယ်။ နွားတို့၊
ဆိတ်တို့စတဲ့ သားသတ်လုပ်ငန်းကို မွတ်ဆလင်တွေကချည်း
လုပ်ကိုင်တယ်။ ၀က်သတ်တဲ့လုပ်ငန်းကိုတော့ တရုတ်က
လုပ်ကိုင်တယ်။

တရုတ်ကလည်း ကုလားလိုပဲကွဲ့၊ ဟိုတုန်းက ဒေသကွဲလို့
အမျိုးကွဲတဲ့ သူ့လူမျိုးနဲ့ သူ၊ သူတို့ လုပ်ကိုင်တဲ့အလုပ်
တသီးတခြားစီ ရှိတယ်။ ဥပမာဆိုပါတော့ ကွမ်းတုံလူမျိုးလို့
ခေါ်တဲ့ ကန်တုန်ပြည်နယ်က တရုတ်တွေက တို့နိုင်ငံမှာ
လက်သမား လုပ်တယ်။ တရုတ်လက်သမားဆိုတာ မြန်မာ
လက်သမားထက် လုပ်ခပိုးပေးရတဲ့ ကျွမ်းသူအဆင့်ကပေါ့။
ချမ်းသာတဲ့ ကွမ်းတုံက သစ်စက် တည်တယ်။ ပြီးတော့
ကွမ်းတုံတွေက အပေါင်ဆိုင်လုပ်ငန်း မှန်သမျှကို သူတို့ချည်း
လုပ်တာကွဲ့။ အပေါင်ဆိုင် ဆိုတဲ့ တရုတ်စာကြီး တစ်လုံးတည်း
ဧရာမကို ဆိုင်ရှေ့က လမ်းပေါ်မှာ ထောင် ထားလိုက်တာပဲ။
အဲဒါကို အမေတို့ မြန်မာတွေက မဖတ်တတ်ပါဘူး။ ဗူးသီးကြော်
လို့ပဲ ဖတ်လိုက်တာပဲ။ ဒါပေမယ့် လူ့အသုံးအဆောင် ဘာပစ္စည်း
ကိုမဆို အတိုးကြီးကြီးနဲ့ လာပေါင်လို့ရတဲ့နေရာ အပေါင်ဆိုင်
လိုတော့ သိကြတယ်။

ကွမ်းတုံတွေက ထန်းရည်ဆိုင်လည်း သူတို့ပဲ၊ သူတို့ရောင်းတာ
ကို မြန်မာတွေက ၀ယ်သောက်ကြတာပဲ။

ဖူးကျင့်လို့ခေါ်တဲ့ ဖူကျန်နယ်သား တရုတ်တွေကတော့ တို့ဆီ
မှာ လက်ဖက်ရည်ဆိုင် ဖွင့်တယ်။ တရုတ် လက်ဖက်ရည်ဆိုင်
မှန်သမျှ ဖူးကျင့် တရုတ်ချည်းပဲ။ သူတို့က လက်ဖက်ရည်ဆိုင်
ဆိုပေမယ့် ကုန်စုံဆိုင်ပါ တွဲဖွင့်တာ။ ဒါကြောင့် လက်ဖက်ရည်
ဆိုင်ထဲမှာပဲ မှန်အိမ် မီးခွက် မီးစာလိုချင်လည်း ရတယ်။
စွယ်ကျယ်ဝယ်ချင်လည်း ရတယ်။ လက်နှိပ်ဓါတ်မီး၊ ဓါတ်ခဲ၊
သွားတိုက်တံ၊ သွားတိုက်ဆေး ၀ယ်မလား၊ ပစ္စည်းတွေစုံအောင်
ရောင်းတယ်လေ။ မှန်ဗီရိုကြီးတွေ ဆိုင်အမိုးထိအောင် ထားပြီး
ပစ္စည်းထည့်ရောင်းတာပဲ။ ဗီရိုကြီးတွေရှေ့ကတော့ လက်ဖက်
ရည်စားပွဲနဲ့ ကုလားထိုင်တွေပေါ့။

ဟတ်ကာလူမျိုးကတော့ အထည်သည်တွေကွဲ့။
တို့နိုင်ငံနဲ့ ကပ်နေတဲ့ ယူနန်ပြည်နယ်က ယူနန်လူမျိုးတွေ
ကတော့ တို့ ကျောက်စိမ်းတွင်းမှာ သူတို့ချည်း။ ပြီးတော့
တချို့က လားမွေးတယ်။ တစ်ဦး တစ်ဦးမှာ လားအကောင်
၄၀၀- ၅၀၀ မွေးထားပြီး ကားလမ်းမပေါက်တဲ့ တောင်ပေါ်
ဒေသရဲ့ ခရီးသွားလာ သယ်ယူပို့ဆောင်ရေး အလုပ်တွေ
သူတို့က လုပ်ကြတယ်။ အဲဒီလုပ်ငန်းဟာ သူတို့တစ်ဦးတည်း
ပိုင်လုပ်ငန်းပဲ။ လားဝန်တင်ဆိုတာ မင်းတို့ သိတယ်မှုတ်လား။

အေး- အဲဒါဟိုရှေးက အမေတို့ငယ်ငယ်တုန်းက စီးပွားရေး
အနေအထားကို ပြောတာ။ မင်းတို့က အမေ့ကို မေးချင်လိမ့်
မယ်။ ဒါဖြင့် အမေရယ် ဗြိတိသျှတွေက အဲဒီလို စီးပွားရေး
တံခါးဖွင့်ထားတော့ ကျွန်တော်တို့ပြည်နေပြည်ထိုင် တိုင်းရင်း
သား မြန်မာလူမျိုးတွေက ဘာလုပ်စားကြသလဲလို့။

ရှိတာလေး ကျန်တာကလေးကို ရသမျှ လုပ်စားနေကြ
ရတာပေါ့ကွဲ့။

ဒါပေမယ့် အမျိုးသားလွတ်လပ်ရေး နိုးကြားအုံကြွမှုကြီး
ပေါက်ကွဲလာတော့ ၀ံသာနုဆိုတဲ့ စကားလုံးကြီးနဲ့အတူ
လူမျိုးခြားတွေလက်က စီးပွားရေး မြန်မာ့လက်ထဲ ပြန်
ရောက်အောင် မြန်မာတွေကလည်း နိုင်ငံခြားသားတွေ
လက်ဝါးကြီးအုပ် လုပ်နေတဲ့ စီးပွားရေးတွေမှာ ထိုးဖောက်
ကြ၊ ပြီးတော့ ကိုယ့်အမျိုးသားအချင်းချင်း အားပေးကြ၊
ရိုင်းပင်းကြ၊ ၀ံသာနုကြဆိုတဲ့ ကြွေးကြော်သံကြီး ပေါ်လာ
တယ်။ ဒါကြောင့် တို့ မန္တလေးမြို့မှာ အမျိုးသားပိုင် လုပ်ငန်း
တွေ စပေါ်လာတယ်။ အယ်လီဖင်စတုန်း ရုပ်ရှင်၊ သီပေါ
ရုပ်ရှင်ရုံတွေဟာ နိုင်ငံခြားသားပိုင်တွေချည်းမို့ မြန်မာပိုင်
ရုပ်ရှင်ရုံ တစ်ရုံကို ငွေစုပြီး လူငယ်မျိုးချစ်တွေက တည်ကြစို့
ကြွေးကြော်ပြီး မြန်မာညွန့် ရုပ်ရှင်ရုံဆိုတာကို တည်ခဲ့ကြတယ်။
အဲဒါ ခု ၃၁ လမ်းနဲ့ ၈၃ လမ်းထောင့်က မြို့ဂုဏ်ရောင်ရုံဟာ
ပထမဆုံးသော မြန်မာပိုင် ရုပ်ရှင်ရုံပေါ့။

ဒေးဗစ်နဲ့ အီဇရာ ဘရားသားရဲ့ ဘိလပ်ရည်လုပ်ငန်းကို
ထိုးဖောက်ဖို့အတွက် မြန်မာတွေ အစုစပ်တည်ထောင်တဲ့
မြန်မာဘိလပ်ရည်စက်လည်း ဒါးတန်းမှာ ၈၄ လမ်းနဲ့ ၂၄ လမ်း
ထောင့်မှာ ပေါ်ပေါက်လာတယ်။ အမေတို့ အဖေ မန်နေဂျာ
လုပ်တယ်ဆိုတာ အဲဒီမှာပေါ့။

နိုင်ငံခြားသားတွေ လက်ဝါးကြီးအုပ်ထားတဲ့ စီးပွားရေးထဲ
ထိုးဖောက်တာတွေ အများကြီးပဲ။ မန္တလေးက စက္ကူ အရောင်း
အ၀ယ်ကို ဒေဆိုင်းနာမည်ခံတဲ့ အိန္ဒိယသားတွေက လက်ဝါးကြီး
အုပ်ထားလို့ မြန်မာတွေက စုပြီး မြန်မာစက္ကူဆိုင် ဖွင့်ခဲ့ရတယ်။
တို့ဘကြီးက အဲဒီဆိုင်မှာ လုပ်ဖူးတယ်။ အဲဒီဆိုင် ပျက်သွားပြီး
တဲ့နောက် တို့အဖေက ပုဂ္ဂလိကပိုင် မြန်မာဆိုင် တစ်ဆိုင် ထပ်
ဖွင့်လို့ အမေ အိမ်ထောင်မကျခင်က အဲဒီဆိုင်မှာ ရောင်းပေး
ရသေးတယ်။

ဝံသာနု၊ ၀ံသာနု ဆိုတဲ့ စကား၊ အမျိုးသားချင်း ရိုင်းပင်းပါ၊
ကိုယ့်လူမျိုးကို အားပေးပါ ဆိုတာတွေကလည်း အနေရာရာမှာ
ကြွေးကြော်နေရတာပဲ။

ဒါပေမယ့် အရင်းအနှီးချင်း ကွာ၊ အတွေ့အကြုံချင်းက ကွာ၊
ကာသာပေး ခံရတာချင်းက ကွာ၊ အဆက်အသွယ်ချင်းက
ကွာလေတော့ စီးပွားရေးမှာ ယှဉ်ရပြိုင်ရတာ မလွယ်ဘူး၊
ကိုယ့်ဘက်က ရှုံးတာတွေလည်း အများကြီး၊ နိုင်ငံရေး
နိုးကြားမှု အမြတ်တော့ ရတာပေါ့။

ဒါကြောင့် သီချင်းစပ်တဲ့ စာရေးဆရာကိုတော့ ကောင်းကောင်း
အမေ မမှတ်မိတော့ဘူး၊ စိတ်ထဲကတော့ အေ၀မ်း ဆရာညှာ
လို့ပဲ ထင်တာပဲ။ သူ စာရေးစပ်ပေးတဲ့ သီချင်း အမေတို့ ငယ်ငယ်
က သီဆိုခဲ့ရသေးတယ်။
…................

ကလျာ မဂ္ဂဇင်း၊ အမှတ် ၁၀၉၊ ၁၉၉၄ မတ်လ။
(လူထုဒေါ်အမာ၊ အမေ့ရှေးစကား၊ ပထမတွဲမှ ...။)
ဲ