နတ္ထိအခန်း၏ အပြင်ဖက်

တလောက သူသည် အိပ်မွေ့ချ ကျွမ်းကျင်သူ စိတ်ပညာရှင်တစ်ဦး
နှင့် ခင်မင်ရင်းနှီးခွင့်ရခဲ့သည်၊ လက်တွေ့သည် ကြားဖူးနားဝ ဗဟုသုတ
များ၊ စာပေထဲက အတွေ့အကြုံများထက် အဆပေါင်းများစွာ ခက်ခဲ
သည်ကို နဖူးတွေ့ ဒူးတွေ့ ကြုံတွေ့သော်အခါ သူ့ဆန္ဒများပင်
နောက်သို့ ဆုတ်ချင်သလိုလို ဖြစ်သွားခဲ့သည်။

အရှေ့တိုင်း အိပ်မွေ့ချ ပညာရှင်များနှင့် အနောက်တိုင်း အိပ်မွေ့ချ
ပညာရှင်များ အကြား ဘယ်လို ကွာဟ သလဲဟု အလုံးစုံ သူ မသိပါ၊
သူနှင့် တခါက ရင်းနှီးခဲ့သော ဝေဒ ဂမ္ဘီရ ပညာရှင်၊ နိုင်ငံရေး အကျဉ်း
သား ကွယ်လွန်သူ ဆရာမင်းသိင်္ခ ပြောပြဖူးသော “စလီဗစ်ကော့ကြိုး”
ခေါ် အသက်ဝိညာဉ်ကြိုး၏ အတို အရှည်သည် လူ တစ်ဦးနှင့် တစ်ဦး
မတူညီကြ၊ ဆရာ မင်းသိင်္ခ ခေါ် သူတို့အခေါ် ဆရာခ ကတော့
“အိမ်သုံးဆား” ဖျော်ရည်သောက်ပြီး လေ့ကျင့်နိုင်ကြောင်း ရှင်းပြဖူး
သည်၊ ခက်သည်က မီးထွန်းထားသော မှန်အိမ်ငယ်၏ ပြဿနာပင်
ဖြစ်သည်၊ အိပ်မွေ့ချ နည်းဖြင့် စမ်းသပ်ကြသော လူအများစုတွင်
အုပ်စု (၂)စု ကွဲနေသည်ဟု သူ သတ်မှတ်ထားသည်၊ အချို့က နိူးထ
လာသော အိမ်မက်ဆန်ဆန် အိမ်မက်တစ်ခုတွင် ပတ်ဝန်းကျင်
တစ်ခုလုံး မဲမှောင်လျက်ရှိသည်၊ ထိုသို့ နိူးထလာလျှင် အိပ်မွေ့ချ
မခံရခင် နံဘေးက စားပွဲပေါ်၌ မီးထွန်းထားသော မှန်အိမ်ငယ်ကို
မြင်တွေ့ရသည်၊ ထို မှန်အိမ်ငယ်ကို ဆွဲယူပြီး အမှောင်ထုကြားထဲသို့
တိုးဝင်သွားရန် ဖြစ်သည်။

နောက်တစ်စုက အိပ်မွေ့ချ ခံရချင်းမှာ နိူးထလာချိန် သို့မဟုတ် မတ်တပ်
ထ’ရပ်လိုက်ချိန်၌ လက်ရှိ ပတ်ဝန်းကျင် အနေအထားနှင့် လုံးဝ မတူညီ
သည့် ပတ်ဝန်းကျင်တစ်ခုသို့ ရောက်ရှိသွားခြင်း ဖြစ်သည်။ ထို ဒုတိယ
အမျိုးအစား အုပ်စုအတွက် မီးထွန်းထားသော မှန်အိမ်ငယ် မလိုအပ်ပါ၊
သို့သော် ပထမ အုပ်စုဖြစ်သော မဲမှောင်သည့် ပတ်ဝန်းကျင်၌ နိူးထခွင့်
ရသည့် အိပ်မွေ့ချ ခံရသောသူသည် ရံဖန်ရံခါ မီးထွန်းထားသော မီးအိမ်
ငယ်အား ရှာဖွေသောအခါ ပျောက်ဆုံးနေတတ်သည်၊ ထိုအခါ မှောင်မဲ
နေသော အမှောင်ထုတွင် ကြောက်လန့်တကြား အော်ဟစ်ပြီး တစုံ
တဦးအား ရှာဖွေနေရတတ်သည်၊ အခန့်မသင့်ပါက နှလုံးခုန်မှု ရပ်လု
နီးပါး အဆင့်အထိ ဖြစ်သွားပြီး အိမ်မွေ့ချ ခံရချင်းမှ လုံးဝ သတိလစ်
သွားသော အခြေအနေသို့ ဆိုက်ရောက်သွားတတ်သည်။
....... ..... ...

သူတို့ ဇနီးမောင်နှံတွင် အင်မတန် ရင်းနှီးသော မိတ်ဆွေတစ်ဦး
ရှိသည်၊ ထို မိတ်ဆွေသည် အသက်အရွယ်အရ ဘိုးဘွားရိပ်သာ
လူအိုရုံတွင် သွားရောက် နေထိုင်ရမည့် အသက်အရွယ် ရှိသူ
ဖြစ်သော်လည်း လှုပ်ရှားသွားလာ ဆောင်ရွက်နိုင်မှုများကြောင့်
ကျန်းမာရေးဌာန၏ ထောက်ခံချက်ဖြင့် အများသူငှာ အကြားတွင်
သာမန်လူ ကဲ့သို့ လှုပ်ရှားသွားလာ နေထိုင်သူ ဖြစ်သည်။
သူ စိတ်ဝင်စားဆုံး ကိစ္စမှာ ထိုမိတ်ဆွေ၏ ဘ၀ဇာတ်ကြောင်း
ဖြစ်သည်၊ သူ၏ မိတ်ဆွေအမည်က “မက်စ်” ဖြစ်သည်၊ မက်စ်၏ ဘ၀
တလျှောက်တွင် အိမ်ထောင် သုံးခါ ကျခဲ့ဖူးသည်၊ မက်စ်၏ ပထမဆုံး
ဇနီးသည်နှင့် တတိယမြောက် ဇနီးသည်တို့သည် ကိုယ့်ကိုယ်ကို
အဆုံးစီရင်ပြီး သတ်သေခဲ့ကြသည်၊ ဒုတိယ ဇနီးသည်မှာ ကင်ဆာ
ရောဂါကြောင့် ကွန်လွယ်ခဲ့သည်ဟု သိရသည်၊ ထူးခြားသည်က ထို
ဇနီးသည် သုံးဦးစလုံးတို့သည် အနုပညာရှင်များ ဖြစ်ကြသည်၊
ပထမဆုံး ဇနီးသည်မှာ ပန်းချီဆရာမ တစ်ဦး ဖြစ်ပြီး၊ ဒုတိယမြောက်
ဇနီးသည်က စန္ဒယားဆရာမ တစ်ဦးဖြစ်သည်၊ တတိယမြောက်
ဇနီးသည်ကတော့ ဘဲလေး အက ပညာသည်တစ်ဦး ဖြစ်သည်။

ပတ်ဝန်းကျင်၏ ပြောစကားများအရ မက်စ်သည် ပျော်ပျော်ရွှင်ရွင်
နေတတ်သူ တစ်ဦးဖြစ်ပြီး အိမ်ထောင်ရေးတွင် သူ၏ ကံဇာတာ
ဆိုးဝါးမှုများအတွက် ကြားရသူတိုင်းက စုတ်တသတ်သတ် ဖြစ်ကြ
ရသည်၊ စိတ်ဝင်စားဖို့ အကောင်းဆုံး အရာမှာ မက်စ်၏ တိုက်ခန်း
တွင် နေ့လည်နေ့ခင်း အချိန်များ၌ သရဲလိုလို ၀ိညာဉ်လိုလို
အရာများ လှုပ်ရှား သွားလာတတ်ကြောင်း တွေ့ရသော သတင်း
စကားများကြောင့် ဖြစ်သည်၊ တခါက သရဲတစ္ဆေ ထူးခြားဆန်းကြယ်
ဖြစ်ရပ်များအကြောင်း လွှင့်ထုတ်သည် ရုပ်မြင်သံကြားဌာနက မက်စ်
၏ တိုက်ခန်းတွင် သုံးညဆက်တိုက်နီးပါး စောင့်စား လေ့လာဖူးသည်၊
သို့သော် မည်သည့် ထူးခြားဖြစ်စဉ်မှ မတွေ့ရ၊ ထိုကြောင့် သူတို့၏
လေ့လာရေး ခရီးစဉ်မှ ပစ္စည်းပစ္စယများ ပြန်လည် သိမ်းဆည်း
နေသော နေ့ခင်းကြောင်တောင် အချိန်၌ ၀ိညာဉ်များ၏ ခြောက်လှန့်
မှုများကို ခံရကြောင်း သတင်းဌာန တာဝန်ရှိသူက ရှင်းပြခဲ့ဖူးသည်။

သူ့ဇနီးသည် အတန်တန် တားမြစ်နေသည့် ကြားမှ မက်စ်ထံ
တွင် ခွင့်တောင်းပြီး စနေ၊ တနင်္ဂနွေ ရုံးပိတ်ရက်များတွင် မက်စ်၏
ဧည့်ခန်းထဲ၌ သူ တစ်ယောက်တည်း အချိန် ကြာကြာ ထိုင်ကြည့်
သည်၊ မက်စ်၏ လက်ပ်တော့ ကွန်ပြူတာကို ဖွင့်၍ facebook ထဲ
တွင် ဟိုလျှောက်ကြည့်၊ ဒီလျှောက်ကြည့်ဖြင့် အချိန် ဖြုန်းကြည့်
သည်၊ ရက်သတ္တပတ်၊ တစ်ပတ်၊ နှစ်ပတ် ... ထူးခြားမှုကို သူ
မတွေ့ရသေး၊ ပိတ်ရက်တစ်ခုမှာတော့ မက်စ်ထံသို့ အခြား ဧည့်သည်
တစ်ဦးပါ ရောက်ရှိနေသည်ကို တွေ့ရသည်၊ ထိုဧည့်သည်က တခြား
မဟုတ်၊ သူ့မိတ်ဆွေ အိပ်မွေ့ချကျွမ်းကျင်သူ စိတ်ပညာရှင် ဖြစ်သည်။

သူတို့ သုံးဦးသား ဒုတိယ ကမ္ဘာစစ်အတွင်းက ဂျာမန် အာဏာရှင်
အဒေါ့ဖ် ဟစ်တလာ၏ ဆရာဝန်အဖြစ် ကျော်ကြားခဲ့သူ ဒေါက်တာ
ဂျိုးဇက်မင်ဂလေ၏ အကြောင်းကို ပြောနေခဲ့ကြသည်၊ ဒေါက်တာ
ဂျိုးဇက်မင်ဂလေ၏ အဆိုအရ လူတွင် ကြောက်စိတ်ကို မွေးဖွားသည့်
နေရာသည် “သည်းခြေ” ဖြစ်သည်၊ ထိုကြောင့် လူ့ခန္ဓာကိုယ်အတွင်း
မှ ထိုသည်းခြေအား ထုတ်ယူဖယ်ရှားပြစ်ပါက လူတွင် အကြောက်
တရား ကွယ်ပျောက်သွားနိုင်ကြောင်း သုတသန စာတမ်းပြုစုခဲ့သည်။
သည်းခြေ မရှိသော လူသည် သည်းခြေရှိသော လူအတိုင်း လူသက်တမ်း
အပြည့် နေနိုင်ပါသလား ဟူသော မေးခွန်းကို ဒေါက်တာ ဂျိုးဇက်မင်ဂလေ
၏ စာတမ်းတွင် မဖော်ပြထားပါ၊ ထိုအကြောင်း သူတို့ သုံးဦး ပြောဆို
ဆွေးနွေးလိုက်၊ ကော်ဖီသောက်လိုက်ဖြင့် ပျော်ရွှင်ဖွယ်ရာ ပိတ်ရက်
အား ဖြတ်သန်းနေကြသည်၊ ဓါတ်ဗူးထဲတွင် ကော်ဖီ ကုန်သွားသည့်
အခါ ကော်ဖီထည့်ဖြည့်ရန်အတွက် မီးဖိုချောင်ဖက်သို့ သူ ထွက်လာ
ခဲ့သည်။

ရုတ်တရက် မီးဖိုချောင် မှန်ပြတင်းပေါက်အား တစုံတခု လာထိသော
အသံကြောင့် အပြင်ဖက်သို့ လှမ်းကြည်မိလိုက်သည်၊ ရာသီဥတု
သာယာ ကောင်းမွန်သောကြောင့် အပြင်ဖက်တွင် ကလေးငယ်တသိုက်
ဆော့ကစား နေကြသည်၊ အပြင်ကို ကြည့်နေရင်း အခန်းအပြင်ဖက်က
လူခေါ် ခေါင်းလောင်းတီးသံကြောင့် အိမ်တံခါးဝဆီ သူ ရောက်သွားပြန်
သည်၊ တံခါးကို ဖွင့်ပေးလိုက်သောအခါ တံခါးပေါက်ဝတွင် အမျိုးသမီး
နှစ်ဦးကို တွေ့ရသည်၊ သူတို့နှစ်ဦးက သူ့အား ပြုံးပြပြီး အခန်းအတွင်း
သို့ ၀င်လာကြသည်၊ ၀င်ပေါက်တံခါးကို ပိတ်ရန် သူ ဟန်ပြင်လိုက်သည့်
အခါ ၀င်လာသော အမျိုးသမီးတစ်ဦးက နောက်မှာ ဧည့်သည်တွေ သုံး …
လေးဦး လာပါအုံးမယ်ရှင့်၊ ရှင်ကရော မက်စ်ရဲ့ မိတ်ဆွေလား ...။

မီးဖိုချောင်အတွင်းသို့ သူ ပြန်ဝင်ပြီး ကော်ဖီဖျော်စက်မှ ထွက်လာသော
ကော်ဖီများကို ဓါတ်ဗူးအတွင်းသို့ ဖြည့်လိုက်သည်၊ ရုတ်တရက် ဧည့်ခန်း
ဖက်မှ စန္ဒယားတီးသံများ၊ ရယ်မောကြည်နူးသံများ ထွက်ပေါ်နေသည်၊
ရုတ်တရက် သူ့အနားတွင် အသက် လေး … ငါးနှစ်အရွယ် ကလေးငယ်
တစ်ဦး လာရပ်ပြီး တစုံတခုအား စိုက်ကြည့်နေသည်ကို တွေ့ရသည်၊
ကလေးငယ် စိုက်ကြည့်နေသည့် အရာမှာ ကော်ဖီဖျော်စက် ဖြစ်သည်၊
သူသည် ကလေးငယ်အား ပြုံးပြပြီး သူ့ကိုယ်သူ မိတ်ဆက်လိုက်သည်၊
ကလေးငယ်ကလည်း သူ့အား ပြန်လည် မိတ်ဆက်သည်၊ ကလေးငယ်
အမည်က `ရဲပယ်လ်´၊ ရဲပယ်လ်က သူ့အား မေးခွန်းများစွာ မေးနေသည်၊
ဒီတိုင်းပြည်ကို ဘယ်လိုလာလဲ၊ ဒီရောက်တာ ဘယ်လောက် ကြာပြီလဲ၊
မက်စ်နဲ့ ခင်တာ တော်တော် ကြာပြီလား၊ စကားသွက်သော ရဲပယ်လ်ကို
သူ ခင်သွားသည်၊ သူလည်း ရဲပယ်လ်အား … ဘယ်မှာနေလဲ၊ ဒီမြို့ကပဲလား၊
သူ့မေးခွန်းကြောင့် ရဲပယ်လ်က သူ့အား နားမလည်စွာ စိုက်ကြည့်နေသည်၊
မေးပြီးသား မေးခွန်းကို သူ ထပ်မေးလိုက်သည့်အခါ ကလေးငယ် ရဲပယ်လ်
စိတ်ဆိုးသွားပုံ ရသည်၊ …. ငါက ဒီမှာ နေတာလေ၊ ငါ့အမေနဲ့ မက်စ်က
လင်မယား၊ မက်စ်က ငါ့ကို အရမ်းချစ်တာ၊ သူ့ရှေ့မှာ ငါဟာ သူ့သား
အရင်းလားလို့ သွား မမေးမိစေနဲ့နော်၊ သူ အရမ်း စိတ်ဆိုး သွားလိမ့်မယ်။

ကလေးငယ် ပြောသော စကားများကို နားထောင်ရင်း အလိုက်သင့်စွာ
ပြုံးနေမိသည်၊ ကော်ဖီဖြည့်ပြီးသော ဓါတ်ဗူးကို ယူ၍ ဧည့်ခန်းထဲ ၀င်မိအပြု
တွင် စောစောကလို စန္ဒယားတီးသံ၊ ရယ်မောသံများ သူ မကြားရတော့ပါ၊
ဧည့်ခန်းအတွင်းသို့ ၀င်လိုက်သော အခါ ဧည့်ခန်းထဲတွင် မည်သူမျှ မရှိ၊
တစ်ခန်းလုံး မဲမှောင်နေသည်၊ မက်စ်နှင့် သူ့မိတ်ဆွေအသစ် အိပ်မွေ့ချ
ကျွမ်းကျင်သူ စိတ်ပညာရှင်၏ အမည်တို့ကို သူ့နူတ်ဖျားမှ ခေါ်ကြည့်
နေမိသည်၊ သူ့ ပါးစပ်ထဲမှ မည်သည့် အသံမှ ထွက်လို့ မရ၊ ထပ်မံ
ခေါ်ကြည့် ပြန်သည်၊ ဘာသံ ထွက်မလာ၊ သူ့ တကိုယ်လုံး ချွေးတွေ
ဘယ်လို ဘယ်လို ထွက်လာမှန်း မသိ ချွေးပြန်နေသည်၊ မဲမှောင် တိတ်ဆိတ်
နေသော အခန်းထဲတွင် သူ တစ်ယောက်တည်းသာ၊ အသက်ကုန် အားယူ
ပြီး အော်လိုက်သောအခါ သူ့နူတ်ဖျားမှ အမည်တစ်ခု ထွက်လာသည် …
မက်စ် …

သူ့ အမည်အား ခေါ်ရင်း သူ့အား လှုပ်နိူးသံကြောင့် အိပ်ပျော်နေရာမှ
သူ နိူးလာမိသည်၊ စကားဝိုင်းတွင် စကားပြောရင်း အိပ်ပျော်သွားသော
သူ့အား ကြည့်ရင်း အဖိုးနှစ်ဦးစလုံး ပြုံးရယ်နေကြသည်၊ သူ အိပ်ပျော်
သွားခဲ့သော ဧည့်ခန်းထဲမှ ထိုင်ခုံရှည်၏ အနောက်ဖက် နံရံတွင် ချိတ်ဆွဲ
ထားသည့် လွန်ခဲ့သော နှစ်ပေါင်းများစွာက မက်စ်၏ မယားဖက်မှ ပါ
လာသော ကွယ်လွန်သွားသည့် ကလေးငယ် ဓါတ်ပုံအား သူ ကြာကြာ
မကြည့်နိုင်တော့ပါ၊ အိမ်ရှင် အဖိုးအို မက်စ်နှင့် အိပ်မွေ့ချ ကျွမ်းကျင်
သော အဖိုးအိုတို့ကို နူတ်ဆက်ပြီး သူ့အိမ်ဖက်သို့ ခပ်သုတ်သုတ်လေး
ပြန်လာခဲ့ပါသည် ...။

-စစ်ငြိမ်းဒီရေ

(စာဖတ်သူခင်ဗျာ ကျနော် ရေးသော ဤဇာတ်လမ်းလေးကို ဖတ်ရင်း
ကွယ်လွန်သူ တေးရေးဆရာ ဆရာ မောင်သစ်မင်း ရေသားခဲ့သော
`နတ္ထိအခန်း´ သီချင်းအား နားထောင် ခံစားနိုင်ပါတယ် ...။)