အင်းသီး (မှတ်တမ်း- ရုပ်ရှင်)

(ပြည်တွင်းမှာ ပြသခွင့်မရသေးတဲ့ အင်းလေးကန်ရဲ့ မှတ်တမ်းရုပ်ရှင်ကား
ပါ၊ ဒါရိုက်တာ မင်းထင်ကိုကိုကြီးဇာတ်ကားတွေကို `တိမ်တွေသွားတဲ့လမ်း´
မှာကတည်းက စပြီး သတိထားမိပါတယ်၊ အရမ်းကောင်းတဲ့ မှတ်တမ်းရုပ်ရှင်
မို့လို့ ထပ်ဆင့်ဖြန့်ဝေလိုက်တာပါ။)

Read more »

ဒေါက်တာသန်းထွန်း အထိမ်းအမှတ်/ သမိုင်းပဟေဠိ အဖြေညှိ အထူးအစီအစဉ်

သမိုင်းပညာရှင် ဆရာကြီး ဒေါက်တာသန်းထွန်း ကွယ်လွန်ခြင်း
(၆)နှစ်ပြည့် ဖြစ်သော နိုဝင်ဘာလ (၃၀)ရက်နေ့ အထိမ်းအမှတ်
အဖြစ် `သမိုင်းပဟေဠိ အဖြေညှိ´ အထူးအစီအစဉ်အဖြစ် သမိုင်း
ဆိုင်ရာ ရှားပါးဓါတ်ပုံများကို ထည့်သွင်းထားပါသည်။

(၁၂)ဤဓါတ်ပုံထဲတွင် ကြိုးစင်သို့ တင်ရန်အတွက် ဖမ်းဆီးခေါ်ဆောင်
ခြင်း ခံလာရသောသူသည် မည်သူ ဖြစ်ပါသနည်း ?

(၁၃)ဤဓါတ်ပုံထဲက နှစ်ဦးသည် မည်သူတို့ ဖြစ်ပါသနည်း ?

(၁၄)ဤဓါတ်ပုံထဲက မိဘနှစ်ပါးသည် ကျောင်းသားခေါင်းဆောင်တစ်ဦး
၏မိဘများဖြစ်ပါသည်၊ မည်သူ၏ မိဘများ ဖြစ်ပါသလဲ ?

(၁၅)ဤကြေးရုပ် ရုပ်တုသည် မည်သူ့ကို ဂုဏ်ပြုထားသော ကြေးရုပ်
ရုပ်တု ဖြစ်ပါသနည်း ?

(၁၆)ဤရုပ်တုသည် ကိုလိုနီခေတ် မြန်မာနိုင်ငံတွင် အချမ်းသာဆုံး
ပုဂ္ဂိုလ်ကြီးတစ်ဦး၏ ရုပ်တုဖြစ်ပါသည်၊ မည်သူ ဖြစ်ပါသနည်း ?

(၁၇)ဤပုဂ္ဂိုလ်ကြီးသည် ကိုလိုနီခေတ် မြန်မာနိုင်ငံတွင် မြန်မာလူမျိုး
များထဲ၌ ပထမဆုံး ဘုရင်ခံ ဖြစ်ခွင့်ရသူ ဖြစ်ပါသည်၊ မည်သူ
ဖြစ်ပါသနည်း ?

(၁၈)ဤဓါတ်ပုံထဲက ပုဂ္ဂိုလ်ကြီးသည် သမ္မတဖြစ်ခဲ့သူ တစ်ဦးဖြစ်ပါ
သည်၊ မည်သူ ဖြစ်ပါသနည်း ?

(၁၉)ဤဓါတ်ပုံထဲက စစ်ဝတ်စုံဖြင့် တရုတ်ကြီးသည် (၁၉.၀၄.၁၉၄၂)
နေ့တွင် မြန်မာနိုင်ငံ မေမြို့သို့ အလည်ရောက်ခဲ့သော တရုတ်
ခေါင်းဆောင်ဟောင်းတစ်ဦးဖြစ်ပါသည်၊ မည်သူ ဖြစ်ပါသနည်း ?

….

`သမိုင်းပဟေဠိ အဖြေညှိ(၂)´၏ အဖြေများမှာ …

(၆)ဒေါ်အောင်ဆန်းစုကြည်

(၇)ချင်း တိုင်းရင်းသား

(၈)မွန် တိုင်းရင်းသား

(၉)၁၉၀၈ ခုနှစ်

(၁၀)ရှမ်းအမျိုးသားဒီမိုကရေစီအဖွဲ့ချုပ်(SNLD)

(၁၁)ကိုဘခင်၊ကိုအောင်ဒင်၊ကိုဘဦး

....

-စစ်ငြိမ်းဒီရေ

Read more »

သမိုင်းပဟေဠိ အဖြေညှိ (၂)

(၆)ဤဓါတ်ပုံထဲမှ မိန်းကလေးသည် မည်သူဖြစ်ပါသနည်း ?

(၇)၁၈၈၅ ခုနှစ် မြန်မာနိုင်ငံ တစ်နိုင်ငံလုံး အင်္ဂလိပ်တို့၏ ကိုလိုနီ
အဖြစ် ရောက်ရှိသွားသည့်အခါ လက်နက်ကိုင် တော်လှန်ရေးဖြင့်
အင်္ဂလိပ်တို့ကို ရှည်ကြာစွာ ဆန့်ကျင်ခဲ့သည့် ပြည်နယ်အဆင့်ရှိ
တိုင်းရင်းသား ?
အောက်ပါ အဖြေ(၃)ခုမှ အမှန်(၁)ခုကို ရွေးကြည့်ပါ ...

(က)ရှမ်း တိုင်းရင်းသား

(ခ)ချင်း တိုင်းရင်းသား

(ဂ)ကယား တိုင်းရင်းသား

(၈)၁၈၈၅ ခုနှစ် မြန်မာနိုင်ငံ တစ်နိုင်ငံလုံး အင်္ဂလိပ်တို့၏ ကိုလိုနီ
အဖြစ် ရောက်ရှိသွားသည့်အခါ မြန်မာတို့အပေါ် မုန်းတီးစိတ်ဖြင့်
အင်္ဂလိပ်တို့ကို လက်နက်ကိုင် တော်လှန်ရေး မဆင်နွှဲခဲ့သော
ပြည်နယ်အဆင့်ရှိ တိုင်းရင်းသား ?
အောက်ပါ အဖြေ(၃)ခုမှ အမှန်(၁)ခုကို ရွေးကြည့်ပါ ...

(က)မွန် တိုင်းရင်းသား

(ခ)ရခိုင် တိုင်းရင်းသား

(ဂ)ကချင် တိုင်းရင်းသား

(၉)အင်္ဂလိပ်လက်အောက်ခံ ကိုလိုနီခေတ် မြန်မာနိုင်ငံတွင်
ညီညွတ်ရေးအတွက် ပထမဆုံး ဖွဲ့စည်းခဲ့သော Y.M.B.A ခေါ်
ဗုဒ္ဓဘာသာကလျာဏယုဝ အသင်းကြီး စတင် ထူထောင်သော
ခုနှစ် ?
အောက်ပါ အဖြေ(၃)ခုမှ အမှန်(၁)ခုကို ရွေးကြည့်ပါ ...

(က)၁၈၈၅ ခုနှစ်

(ခ)၁၉၀၈ ခုနှစ်

(ဂ)၁၉၁၇ ခုနှစ်

(၁၀)၁၉၉၀ ခုနှစ် ရွေးကောက်ပွဲတွင် လွှတ်တော်နေရာအများစုကို
ဒုတိယအများဆုံး အရွေးခံရသည့် နိုင်ငံရေးပါတီ ?
အောက်ပါ အဖြေ(၃)ခုမှ အမှန်(၁)ခုကို ရွေးကြည့်ပါ ...

(က)ရှမ်းအမျိုးသားဒီမိုကရေစီအဖွဲ့ချုပ်(SNLD)

(ခ)တိုင်းရင်းသားစည်းလုံးညီညွတ်ရေးပါတီ(NUP)

(ဂ)ရခိုင်အမျိုးသား ဒီမိုကရေစီအဖွဲ့ချုပ်(ALD)

(၁၁)ရွှေတိဂုံစေတီ အနောက်မြောက်ထောင့် (စနေထောင့်)ရှိ
ပထမကျောင်းသားသပိတ် အထိမ်းအမှတ် ကျောက်တိုင်တွင်
ဖော်ပြထားသော သမိုင်းဝင် သပိတ်မှောက် ကော်လိပ် ကျောင်းသား
(၁၁)ဦး အမည်များရှိပါသည်၊ အမှတ်စဉ်(၉)၊ (၁၀)နှင့် (၁၁)တို့တွင်
ရှိသော အမည်များကို သိပါသလား ?
အောက်ပါ အဖြေ(၃)ခုမှ အမှန်(၁)ခုကို ရွေးကြည့်ပါ ...

(က)ကိုဘရှင်၊ကိုညီပိတ်၊ကိုဖိုးကွန်း

(ခ)ကိုအေး၊ကိုလှတင်၊ကိုဖေသိန်း

(ဂ)ကိုဘခင်၊ကိုအောင်ဒင်၊ကိုဘဦး

….

`သမိုင်းပဟေဠိ အဖြေညှိ(၁)´တွင် ဖြေဆိုပေးခဲ့သော စာဖတ်သူ
အပေါင်းအား လေးစားစွာ ကျေးဇူးတင်ပါသည် ...
အဖြေများမှာ …

(၁)ဂဋ္ဌုန်ဦးစော

(၂)တို့ဗမာအစည်းအရုံး၏ ပထမဆုံး ဥက္ကဋ္ဌဖြစ်သူ

သခင်ဘသောင်းနှင့် NLD ၏ ပထမဆုံးဥက္ကဋ္ဌ ဦးအောင်ကြီး

(၃)ဗိုလ်ချုပ်အောင်ဆန်း၏ မော်တော်ကား

(၄)ရန်ကုန်တက္ကသိုလ် တ.က.သ အဆောက်အအုံဝန်း

(၅)အစ္စလာမ်ဘာသာဝင်၊ ဆဲဗန်း(7) ဇူလိုင် အရေးအခင်း

-စစ်ငြိမ်းဒီရေ

Read more »

သမိုင်းပဟေဠိ အဖြေညှိ (၁)

(၁)ဓါတ်ပုံထဲတွင် ကြိုးပေးခံရသူ၏ အမည်ကို သိပါသလား?

(၂)မြန်မာ့နိုင်ငံရေးသမိုင်းတွင် ဥက္ကဋ္ဌ တာဝန်ထမ်းဆောင်ဖူး
သော ပုဂ္ဂိုလ်ကြီးနှစ်ဦးသည် ရွေးကောက်ပွဲတွင် ခွက်ခွက်လန်
အောင် ရှုံးနိမ့်ခဲ့ဖူးသည်၊ ပထမ ပုဂ္ဂိုလ်ကြီးမှာ ဒုတိယကမ္ဘာစစ်
မတိုင်ခင် သမိုင်းဝင် အဖွဲ့ကြီးတစ်ခု၏ ပထမဆုံး ဥက္ကဋ္ဌဖြစ်ပြီး
ဒုတိယ ပုဂ္ဂိုလ်ကြီးမှာ ၁၉၆၂ ခုနှစ် နောက်ပိုင်း လူသိများသော
နိုင်ငံရေး အဖွဲ့အစည်း တစ်ခုမှ ပထမဆုံး ဥက္ကဋ္ဌ တာဝန်ကို
ရယူဖူးသူဖြစ်သည်။
ယင်းတို့၏ အမည်ကို သိပါသလား ?

(၃)ယင်းမော်တော်ကား၏ ပိုင်ရှင်ကို သိပါသလား ?

(၄)ဤနေရာသည် မည်သည့်နေရာ ဖြစ်ပါသနည်း ?

(၅)ရန်ကုန်တက္ကသိုလ်၏ ပါမောက္ခချုပ် ဆရာကြီးဦးကာ
သည် မည်သည့်ဘာသာတရားကို ကိုးကွယ်ယုံကြည်သူ
ဖြစ်ပါသနည်း၊ ဆရာကြီးဦးကာ တာဝန်ယူစဉ် ထင်ရှားသော
သမိုင်းဝင် အဖြစ်အပျက်ကို သိပါသလား ?

-စစ်ငြိမ်းဒီရေ

Read more »

ဆေးလိပ်သောက်ခဲ့ဖူးသော နေ့စွဲများ

ပြည်တွင်းက ဘလော့ဂါတစ်ဦးဖြစ်တဲ့ မမြသွေးနီက သူ့ဘလော့
မှာ `ကမ္ဘာကြီးကို ကယ်တင်ပါ´ ဆိုတဲ့ ပို့စ်တစ်ခု တင်ထားပါတယ်၊
အဲဒီအထဲက အမှတ်စဉ်(၉)မှာ … ဆေးလိပ်သောက်ခြင်းမှ ရှောင်ရှား
ပါ၊ ဆေးလိပ်သောက်ခြင်းဟာ ကျန်းမာရေးနဲ့ ပတ်ဝန်းကျင်ကို
ညစ်ညမ်း ပျက်စီးစေတယ် … လို့ ဆိုပါတယ် … ။ ဒါနဲ့ပဲ ကျွန်တော်
ဆေးလိပ်ဖြတ်ခဲ့တဲ့ ဖြစ်စဉ်ကို မျှဝေလိုက်ပါတယ်။

ကျနော်ဟာ တချိန်က ဖင်ကနေ မီးခိုထွက်အောင် ဆေးလိပ်သောက်
သူလို့ ငယ်သူငယ်ချင်း၊ အခြေခံပညာ ကျောင်းသားဘ၀ကတည်းက
နိုင်ငံရေး လုပ်ဖော်လုပ်ဖက် ကောင်းမြင့်ထွဋ် (တောင်ဥက္ကလာပမြို့နယ်
မှာ ၀င်ပြိုင်ခဲ့တဲ့ ပြည်သူ့လွှတ်တော်ကိုယ်စားလှယ်လောင်း)က မှတ်ချက်
ချ ပြောခဲ့တဲ့ အသံကို ယနေ့အထိ နားထဲ ကြားယောင်ဆဲပါ။ ၁၉၈၉-၉၀
ခုနှစ်မှာ ရန်ကင်းမြို့နယ်၊ ကျောက်ကုန်းကွေ့က လူ့ဘောင်သစ်ပါတီ
ဝန်းအတွင်း အ.က.သ (B.E.S.U) ရန်ကုန်တိုင်းအဆင့် အစည်းအဝေးပြီး
သွားရင်၊ လူ့ဘောင်သစ်ပါတီ ရုံးခန်းရဲ့ အတွင်းဖက် အိပ်ခန်းထဲမှာ
ကျနော်တို့ ဗဟန်းမြို့နယ်က အ.က.သ တသိုက်ဟာ မြို့နယ်အဆင့်
အစည်းအဝေးကို ဆက်လုပ်ပါတယ်။ အစည်းအဝေးခန်းအတွင်း
ကျနော့်ရဲ့ အားဘောင်အားရင်သန်သန် ငြင်းခုန်သံတွေနဲ့အတူ
အငွေ့တွေကို အစည်းအဝေးလာတက်တဲ့ ကျောင်းသားကျောင်းသူ
များရှုရှိုက် နေရပါတယ်၊ အဲဒါကတော့ ကျနော့်ပါးစပ်ကနေ
မှုတ်ထုတ်လိုက်တဲ့ ဆေးလိပ်ငွေ့တွေပါ …. ။

ဆေးလိပ်ကို ကျနော် ပထမဆုံး ခိုးသောက်ပုံက ဒီလိုပါ၊ ၁၉၈၈ ခုနှစ်
ဒေါက်တာမောင်မောင်လက်ထက် ဆန္ဒပြပွဲအတွင်းကပါ၊ မနေ့တစ်နေ့
ကမှ ထောင်ထဲကနေ ပြန်လွတ်လာတဲ့ ၈၈ မျိုးဆက် ကိုသော်ဇင်ထွန်း
ဟာ ကျနော့်ရဲ့ ခေါင်းဆောင်တစ်ဦးပါ။ ကိုသော်ဇင်ထွန်း ဦးဆောင်တဲ့
ကျနော်တို့အဖွဲ့ကို ဒေါက်တာ မောင်မောင် အစိုးရလက်ထက်က မ.က.ဒ
လို့ခေါ်ပြီး လက်ရှိ နှစ်ရှည် နိုင်ငံရေးအကျဉ်းသားတွေဖြစ်တဲ့ ကိုမင်းဇေယျ၊
ကိုဋ္ဌေးကြွယ်နဲ့ ကိုလှမျိုးနောင်တို့ ဦးဆောင်ပါတယ်၊ နောက်ပိုင်းမှာ မ.က.ဒ
ဟာ မ.က.သ.ဖ အဖြစ် အမည်ပြောင်းခဲ့ပါတယ်။ ကျနော်တို့ ဗဟန်းမြို့နယ်
မ.က.ဒ စုရပ်က ရွှေတိဂုံဘုရား အရှေ့ဖက်မုဒ်က `ကြေးသွန်းဘုရားကြီး´
မှာပါ၊ ဘာဖြစ်လို့လဲဆိုတော့ ဗဟန်းခေါင်းဆောင် ကိုသော်တို့ မိသားစု
ရဲ့ အိမ်ဟာ ကြေးသွန်းဘုရားကြီး အနောက်ဖက်မှာပါ၊ ရန်ကင်းနဲ့ ဗဟန်း
က မ.က.ဒ အဖွဲ့ဝင်တွေဟာ မနက်မိုးလင်းတာနဲ့ ရပ်ကွက်အသီးသီးရဲ့
ပထမ စုရပ်ကနေ ဒုတိယစုရပ်ဖြစ်တဲ့ ကြေးသွန်းဘုရားကြီးဝန်းဆီ နံနက်
(၉)နာရီ မထိုးခင် အရောက်ချီတက်ရပါတယ်၊ အဲဒီကနေ အလုံမြို့နယ်
မှာ ရှိတဲ့ မ.က.ဒ ဗဟိုစုရပ်ဖြစ်တဲ့ ရေနံရုံးဆီ ကျနော်တို့ ထပ်မံ့ချီတက်
ရပါတယ်။

ကြေးသွန်းဘုရားဝန်းထဲ ရောက်လို့ လူမစုံသေးရင် လူစုံတဲ့အထိ စောင့်
ရတာမျိုး ရှိပါတယ်၊ အဲဒီအချိန်မှာ တက္ကသိုလ်တက်ဆဲ အကိုတချို့က
ဆေးပေါ့လိပ်တို့ စီးကရက်တို့ သောက်ကြပါတယ်၊ ဒါနဲ့ ကျနော်လည်း
သူတို့ဆီမှာ တစ်ဖွာ … နှစ်ဖွာလောက် တောင်းဖွာကြည့်ပါတယ်၊ အဲဒီ
အချိန်မှာ ကျနော်တို့ခေါင်းဆောင် ကိုသော်တို့အဖေက ကျနော်တို့
ဆန္ဒပြရင်းစားဖို့ တစ်အိမ်တက် တစ်အိမ်ဆင်း ထမင်းထုပ်တွေ လိုက်စုပေး
ပါတယ်၊ ကျနော် အဲလို ဆေးလိပ်ခိုးသောက်ဖို့ ကြိုးစားတာကို ကိုသော်တို့
အဖေက လုံးဝ လက်မခံပါ၊ တွေ့တာနဲ့ … ဟိုကောင်လေး၊ ဆေးလိပ်
မသောက်နဲ့နော်၊ မင်းအဖေဆီ ငါ လာတိုင်ပြောမယ် …. ဆိုပြီး စေတနာဖြင့်
ပြောဆိုဆုံးမ တားမြစ်ခဲ့ဖူးပါတယ်။

အချိန်ကာလနှင့် ဘ၀ရဲ့ အချိုးအကွေ့တွေ၊ စစ်ကြောရေးနဲ့ ထောင်တွေ၊
….. စတဲ့ ဖြတ်သန်းမှုများကို ကျော်လွန်သောအခါ ကျနော်သည် ဆယ်တန်း
အောင်လို့ တက္ကသိုလ် မတက်ခင်ကပင် ဆေးလိပ်ကို ကျွမ်းကျွမ်းကျင်ကျင်
သောက်တတ်နေပါပြီ၊ ဆေးပေါ့လိပ်ကို ရှုရှိုက်ပြီး ပြန်ထွက်တဲ့အငွေ့ကို
အကွင်းလိုက် ပေါ်အောင် မှုတ်ထုတ်ပြတဲ့ ပြိုင်ပွဲမျိုးရှိလို့ ၀င်ပြိုင်ခွင့်ရခဲ့ရင်
ကျနော်ဟာ မြန်မာဘောလုံးအသင်းလို တတိယဆုတော့ မကပါ …း)

ဒီလိုနဲ့ အသက် (၁၇)နှစ်သားလောက်ကတည်းက ဆေးလိပ်သောက်တတ်
ခဲ့သော ကျနော်တစ်ယောက် မလေးရှားနိုင်ငံကို ရောက်ခဲ့ပြန်ပါတယ်၊ မလေး
ရှားနိုင်ငံက မြန်မာသံရုံးရှေ့မှာ ဆန္ဒပြလို့ တရားမ၀င် လူစုဝေးမှုနဲ့ မလေး
ရှားရဲက ကျနော်အပါအ၀င် မြန်မာ(၂၀)ကျော်ကို ထောင်ထဲ ပို့လိုက်ပါ
တယ်။ မလေးရှားနိုင်ငံက ထောင်အတွင်း ဆေးလိပ်သောက်ခွင့် မရှိပါ၊
ထောင်ထဲမှာ ဆေးလိပ်ဟာ ဈေးအရမ်းကြီးပါတယ်၊ `တမာကောက်´
လို့ ခေါ်တဲ့ စက္ကူနဲ့လိပ်သောက်ရတဲ့ ဆေးလိပ်ဆေးမျိုးပဲ ရှိပါတယ်၊
ဆေးလိပ် (၂)လိပ်စာ ဆေးသားဟာ အင်္ကျီ(၁)ထည်နဲ့ တန်ဖိုးချင်း ညီပါ
တယ်။ ကွာလာလန်ပူမြို့လယ်ခေါင်က `ပူလူးထောင်´ ထောင်အတွင်း
ကျနော်တို့ ဆေးလိပ်ခိုးသောက်နေစဉ် ထောင်ရဲတွေ ၀င်လာပါတယ်၊
ဒါနဲ့ ကျနော်က ဆေးလိပ်သောက်ဆေးထည့်ထားတဲ့ ပလပ်စတစ်အိတ်
ကို ပြတင်းပေါက်ကနေ လွှင့်ပြစ်လိုက်ပါတယ်၊ အဲဒီ ပလပ်စတစ်အိတ်
ထဲမှာ ကျနော်တို့အဖွဲ့ထဲက တစ်ယောက်ရဲ့ မျက်မှန် ပါသွားပါတယ်၊
မျက်မှန်ပိုင်ရှင်က အမေရိကားက ဘလော့ဂါတစ်ဦးဖြစ်တဲ့
ကိုဇော်မျိုးလွင် ပါ ...း)

ထောင်ထဲမှာ ဆေးလိပ်ရှာမရခဲ့တဲ့ နေ့တွေမှာ ထောင်ဝင်စာ
လာကြလို့ ဗူးဝဈေးဆိုင်က ၀ယ်လာတဲ့ `ကွေကာအု´ကို
သတင်းစာ စက္ကူနဲ့ လိပ်ပြီး ဆေးလိပ်ပုံစံ အငွေ့ထွက် ပြီးရောအဖြစ်
သောက်ပါတယ် …း)

ဒီလိုနဲ့ ဆေးလိပ်သောက်ဖို့ ခဲယဉ်းတဲ့ မလေးရှားက ထောင်
တွေဖြစ်တဲ့ ပူလူးထောင်၊ ဆွတ်ခိုင်ဘလို့ထောင်၊ ကာဂျမ်းထောင်၊
စတဲ့ ထောင်တွေထဲ ဆေးလိပ်ဆေး `တမာကောက်ရဖို့´ ကြံဖန်
ပါတော့တယ်၊ မလေးရှားနိုင်ငံက ထောင်တွေထဲမှာ ဆေးလိပ်ကို
တရားဝင် သောက်ခွင့်ရတဲ့ အကျဉ်းသားတွေ ရှိပါတယ်၊ သူတို့က
သေဒဏ်ကျခံရတဲ့ ကြိုးသမားတွေပါ၊ သူတို့ကို တရားရုံးချုပ်က
သေဒဏ်ပေးလိုက်ပါပြီ၊ သူတို့ဟာ ၀န်ကြီးချုပ်၊ ပြည်နယ်အဆင့်
ဘုရင်ခံ၊ နိုင်ငံတော်ဘုရင်ဖြစ်တဲ့ ဆူလေတန်စော်ဘွားဆီ အဆင့်
(၃)ဆင့်နဲ့ အယူခံဝင်ရပါတယ်၊ အဲဒီ (၃)ဆင့်စလုံးက အယူခံလွှာ
ကို ပယ်ချလိုက်တာနဲ့ (၄၅)ရက်အတွင်း ကြိုးပေးပါတော့တယ်။
ဒါကြောင့် ကြိုးသမားတွေကို ထောင်က အထူးအခွင့်အရေးအဖြစ်
တစ်ပတ်ကို ဒယ်ဟီးတံဆိပ် စီးကရက်တစ်တောင့်နဲ့ တမာကောက်
အထုပ်(၂၀)အား နိုင်ငံတော်ရဲ့နောက်ဆုံးစေတနာသဘော
ချီးမြှင့်ပါတယ်။ မလေးရှားထောင်ထဲက သေဒဏ်ကျ ကြိုးသမား
တွေအတွက် အစားအစာ ကျွေးတာ စပယ်ရှယ်ပါ၊ ကြက်သား
ကျွေးရင်တောင် သူတို့ အရိုးစူးမှာကို နိုင်ငံတော်က စိုးရိမ်းလို့
အရိုးထွင်ပြီး ကျွေးပါတယ်။

သေဒဏ်ကျ ကြိုးသမားဟာ စိတ်ဓါတ်ကျပြီး ကြိုးမပေးခင် သူ့ဘာသာ
သူ သတ်သေဖို့ ကြိုးစားတာကို ကြိုတင်ကာကွယ်တဲ့အနေနဲ့ ကြက်သား
ဟင်း ကျွေးတဲ့နေ့မှာတောင် အရိုးထွင်ပြီး ကျွေးတာပါ၊ သူတို့ကို
နေ့စဉ်ကျွေးတဲ့ ထောင်ထမင်း (၂)နှပ်မှာ (၁)နှပ်ဟာ ကြက်သားဟင်း
ပါ၊ ကြက်ရိုးတွေကို စုပြီး ကိုယ့်ဘာသာ သတ်သေဖို့ ကြိုးစားဖူးတဲ့
ဟိုအရင်က အဖြစ်အပျက်သမိုင်းတွေ ရှိခဲ့လို့ပါ၊ ဒါကြောင့် သူတို့စား
တဲ့ ကြက်သားကို အရိုးထွင်ပြီး ကျွေးပါတယ်၊ အရိုးထွင်တဲ့ အလုပ်ကို
လုပ်ပေးတဲ့သူတွေက ကျနော် အပါအ၀င် ထောင်အတွင်း ဆေးလိပ်
သောက်ချင်လို့ စဖိုးဆောင်က ဆေးလိပ်ချစ်သူတွေပေါ့ …

ဆေးလိပ်သောက်ခွင့် လုံးဝ မရတဲ့ ထောင်ထဲမှာ စီးကရက်သောက်
ရတယ်ဆိုတာ နည်းတဲ့ ကုသိုလ်ကံ မဟုတ်ဘူးဗျ၊ စီးကရက်လေးများ
တစ်ဖွာလောက် ဖွာလိုက်ရတာနဲ့ လူက မြေကြီးနဲ့ လွတ်ပြီး
အာကာသထဲ မျှောနေသလိုလို …

တစ်ညတော့ စီးကရက်ဗူးလိုက်ပေးခဲ့တဲ့ ကြိုးသမားက ကြိုးပေးခံ
ရပြီး ဘ၀ကူးသွားပါတယ်၊ ဒါပေမယ့် ကျနော် မသိသေးပါ၊ မနက်
စောစော ထောင်က ခရာသံတွေအကြား သံတိုင်တွေအနောက်
ကနေ လက်လာပြတော့ ဆေးလိပ်ကြိုက်သော ကျနော်လည်း
လေး … ငါးရက်လောက် ဆေးလိပ် ပျက်ချင်သလိုလို ဖြစ်ဖူး
ပါတယ်၊ ဒါပေမယ့် ဆေးလိပ်သောက်ခြင်းကို မရပ်နားခဲ့ပါ ...။

ဒီလိုနဲ့ အသက် (၁၇)နှစ်သားကနေ (၂၁)နှစ်တိတိ တရှိုက်မက်မက်
ဖွာရှိုက်ခဲ့သော ဆေးလိပ်ကို လက်တွဲဖြုတ်ဖို့ လွန်ခဲ့သော ၂၀၁၀ ခုနှစ်
နှစ်ကုန်ပိုင်းမှာ စ'ကြိုးစားကြည့်ပါတယ် ….

ကျနော့်လက်ရှိ နေထိုင်တဲ့ ဒိန်းမတ်နိုင်ငံရဲ့ ပြည်သူ့ကျန်းမာရေး
ဌာနက ဆေးလိပ်သောက်သူတွေ ဆေးလိပ်ပြတ်ဖို့ သင်တန်းတွေ
ဖွင့်ထားပါတယ်၊ သင်တန်းအမည်က rygestopkursus ၊ အင်္ဂလိပ်လို
smoking cessation courses … ဆေးလိပ်ဖြတ် သင်တန်းပေါ့ ...။

သင်တန်းစတဲ့နေ့ သင်တန်းဆရာမရဲ့ အဖွင့်နူတ်ဆက်ပုံက ...
ဆေးလိပ်သောက်ချင်ဟာ ကင်ဆာရောဂါကို ဖြစ်စေတယ်ပေါ့၊ ဒါ
အားလုံးသိထားပြီးသားပါ၊ ကင်ဆာရောဂါရဲ့ တချို့ ကုထုံးတွေဟာ
အင်္ဂလန်သုံး ပေါင်စတာလင် ၄ … ၅ သိန်းနီးပါး ကုန်ကျတဲ့အထိ ကြီးမား
တဲ့ နှုန်းထားတွေ ရှိပါတယ်။ ဥရောပရဲ့ ကျန်းမာရေးစနစ်မှာ ပြည်သူ
တွေကို အစိုးရဆေးရုံက အခမဲ့ ကုသပေးပါတယ်၊ အစိုးရက အဲလို
ငွေပမာဏကြီးမားတဲ့ ကုသပေးမှုမျိုးမရှိတဲ့ နိုင်ငံတွေဆိုရင် ဘယ်လို
လုပ်ကြမလဲ … ဒါလည်း စဉ်းစားစရာပါ။ ဥရောပမှာ နော်ဝေးနိုင်ငံနဲ့
ဟော်လန်နိုင်ငံတွေမှာ နိုင်ငံသားတွေအပြင် နိုင်ငံသား မဖြစ်သေးတဲ့
အမြဲတမ်းနေထိုင်ခွင့်ရတဲ့သူတွေကိုတောင် အဲလို ပေါင်စတာလင်
၎ .. ၅ သိန်းအထိ ကုန်တဲ့ ဆေးဝါးကုသမှုကို ကုပေးပါတယ်၊ နော်ဝေး
နဲ့ နယ်သာလန်(ဟော်လန်)နိုင်ငံကလွှဲရင် ကျန် ဥရောပနိုင်ငံတွေမှာ
အဲလို ပေါင်စတာလင် သိန်းချီကုန်တဲ့ ကျန်းမာရေးစရိတ်ကို နိုင်ငံသား
မှအပ ကျန်တဲ့သူတွေကို ကုပေးမယ်… မကုပေးဘူး ဆိုတာ တရားဥပဒေ
ဆုံးဖြတ်ချက်တော့ မရှိပါဘူး၊ နိုင်ငံတော်က အရမ်းကြီး ပြေလည်နေရင်
တော့ ဖြစ်နိုင်ပါတယ် … ´

ကျနော်နဲ့အတူ သင်တန်းတက်တဲ့ ဒိန်းမတ် အမျိုးသမီးငယ်လေး
တစ်ဦးကလည်း ဆရာမကို ပြန်ပြောပုံက …
`ဆေးလိပ်သောက်တိုင်း ကင်ဆာရောဂါ ဖြစ်တာ မဟုတ်ဘူးလေ၊
လွှတ်တော်ထဲမှာ smoking နေတဲ့သူတွေ အများကြီး …´
(*စစ်အသုံးစရိတ်ကို ဆိုလိုတာပါ)

ဒီလိုနဲ့ ကျနော် ဆေးလိပ်ဖြတ်သင်တန်းကို စ'တက်ပါတယ်၊
စ'တက်တယ်ဆိုလို့ တစ်မျိုး မထင်နဲ့နော်၊ ကျနော်က အဲဒီဆေးလိပ်
ဖြတ်သင်တန်းကို တက်ခဲ့တာက တစ်ကြိမ်တည်း မဟုတ်ဘူး၊
သုံးကြိမ် …

*ဆေးလိပ်သောက်ခဲ့တဲ့ အချိန်ကာလ

*တစ်ရက်ကို ဆေးလိပ် ဘယ်လောက်သောက်သလဲ

(ဆေးလိပ်တစ်ဗူးကို အချိန်ဘယ်လောက်အထိ သောက်သလဲ)

*ဆေးလိပ်စွဲလမ်းမှု `ယင်းကိုက်´ မှု ပုံစံ

-တစ်ခုခု စားပြီးတိုင်း သောက်တတ်လား …

-ည တရေးနိုးတဲ့အခါ ဆေးလိပ် ထ'သောက်သလား ….

-မနက် နိုးတာနဲ့ ဆေးလိပ် သောက်တတ်သလား …

အဲဒီအပေါ် အထက်က မေးခွန်းတွေအပေါ် မူတည်ပြီး ….

*ဆေးလိပ်သောက်ချင်တိုင်း ပါးစပ်ထဲ ထည့်ဝါးဖို့ ပီကေ

*နှစ်ပေါင်းများစွာ နေ့စဉ် ပျမ်းမျှ ဆေးလိပ်(၁)ဗူးနဲ့ (၁)ဗူး

နဲ့ အထက် သောက်သူများအတွက် ညအိပ်ရင် ကျော၊လက်မောင်း

မှာကပ်နိုင်သော ဆေး ပလာစတာ

*ဆေးလိပ်သောက်ချင်စိတ်ကို ဇွတ်အတင်း ချုပ်တည်းပြီး

အိပ်ယာထဲ လဲနေသူတွေအတွက် ငုံးဆေး

(*** အဲဒီငုံးဆေး ငုံးပြီးရင် မူးတဲ့အာနိသင်ရှိပါတယ်၊ ငုံးဆေး

သုံးပြီးတာနဲ့ (၄)နာရီအထိ ကားမောင်းခွင့်မရှိ)

*မဖြစ်မနေ ဆေးလိပ်သောက်ချင်သူတွေအတွက် ဆေးလိပ်

ပုံစံ လုပ်ထားတဲ့ ဆေးလိပ်အတု

*နာခေါင်းထဲထည့်တဲ့ ဆေးရည်

*ပါးစပ်ထဲ ဖြန်းတဲ့ ဆေးရည်

ဒီလိုနဲ့ သင်တန်းကို စတက်ပါတော့တယ် …
ပထမနေ့မှာ ဆရာမက ပြောပါတယ်၊ အခုပြန်တဲ့အချိန်ကစပြီး
ဆေးလိပ်သောက်တာကို ထက်ဝက်လျှော့ပါ၊ မနက်ဖြန်မှာ ကြိုဆို
နေမယ်ပေါ့၊ ဒုတိယနေ့ရောက်တဲ့အထိ တ၀က်မပြောနဲ့၊တစိတ်
တောင် လျှော့လို့မရပါ၊ ဒါနဲ့ ဒုတိယနေ့ ပြီးပြန်တော့ ဆရာမက
ထပ်ပြောပါတယ်၊ တတိယနေ့(ပထမနေ့နဲ့ ဒုတိယနေ့က
ကပ်လျက်ပါ၊ ဒုတိယနေ့နဲ့ တတိယနေ့က သုံးရက်လောက်
ကွာထားတယ်) ပြန်တွေ့ရင် လုံးဝ ပြတ်တဲ့အဆင့်ကို ကြိုးစားပါ …
တတိယမြောက် ချိန်းဆိုထားတဲ့ နေ့အထိ ဆေးလိပ်ပြတ်ဖို့
နေနေသာသာ အသိတွေနဲ့ နေ့တိုင်းလိုလို တွေ့နေလို့ သူ့
ဆေးလိပ်ဗူးက ဆေးလိပ်ကို ကိုယ်ယူသောက်၊ ကိုယ့်ဗူးထဲက
ဆေးလိပ် သူ ယူသောက်နဲ့ ဆေးလိပ်သောက်တဲ့ အရေအတွက်
တောင် တိုးလာသေး …
တတိယမြောက် သင်တန်းပြန်တွေ့တော့ ဆရာမက ကြားရက်
မှာ ဆေးလိပ်သောက်ထားလား … မသောက်ဘူးလားဆိုတာ
စစ်ပါတယ်၊ သူတို့ စစ်ဆေးတဲ့ ကိရိယာက ပါးစပ်နဲ့ မှုတ်ပြရတဲ့
လေမှုတ်ကိရိယာ၊ အဝေးပြေးလမ်းတွေမှာ ရဲက ကားမောင်းသူတွေ
အရက် alcohol ရာခိုင်နှုန်း စစ်တဲ့ပုံစံမျိုး ( ကားမောင်းသူ alcohol
0.5% ထက် ပိုသောက်ထားတာ တွေ့ရင် အရေးယူတယ်)၊
ကျနော့်လည်း စစ်ကြည့်ရော ဆရာမ မျက်လုံးပြူးသွားပါတယ်၊
ခင်ဗျား …. ဆေးလိပ်ဖြတ် သင်တန်းကို လာ တက်တာလား၊
ဆေးလိပ်သောက် သင်တန်းကို လာတတ်တာလားတဲ့ …

ဒီလိုနဲ့ ဆေးလိပ်ဖြတ်သင်တန်း နောက်ထပ် တစ်လလောက်
အကြာမှာ ဒုတိယအကြိမ် သွားတက်ပါတယ်၊ ဒါလည်း အရင်လိုပဲ
ဆေးလိပ်ဖြတ်လို့ မရတာနဲ့ ဆေးလိပ်မပြတ်ပဲ ဖြစ်နေခဲ့ပါတယ်။
ဒုတိယအကြိမ် သင်တန်းနဲ့ နောက်ဆုံး တတိယ အကြိမ်အကြာ
နှစ်လလောက် ဆေးလိပ်ဖြတ်ဖို့ ကိုယ့်ဘာသာ ပုံစံအမျိုးမျိုး
စဉ်းစားကြည့်ပါတယ်၊ ဒါနဲ့ ကျနော် လုပ်ခဲ့မိတာတွေက …

*တစ်ခါသောက်ရင် တစ်လိပ်ကုန်အောင် သောက်တဲ့ နေရာမှာ

ဆေးလိပ်တ၀က်ပဲ သောက်ကြည့်ပါတယ်၊ ဒါနဲ့ နှစ်ရက်ကို

ဆေးလိပ်တစ်ဗူးနှုန်း ဖြစ်နေရာကနေ သုံးရက်ကို ဆေးလိပ်တစ်ဗူး

နှုန်းဖြစ်သွားပါတယ်။

*နေ့လည်နေ့ခင်း ပုံမှန် ဆေးလိပ်သောက်နေကြ အချိန်တွေမှာ

ဆေးလိပ်အစား ပီကေ ၀ါးပါတယ်၊ ပီကေ ၀ါးလွန်းလို့ ကိုယ့်လျှာ

ကိုယ်တောင် ပြန်ကိုက်မိပါတယ် …

(ဒီလိုနဲ့ သုံးရက်တစ်ဗူးကနေ လေးရက် တစ်ဗူး ဖြစ်သွားပါတယ်)

*ထမင်းစားပြီးကာစနဲ့ ညဖက် အိပ်ယာဝင်စ အချိန်တွေကလွှဲရင်

ကျန်အချိန်တွေမှာ ဆေးလိပ်အစား ပီကေ ၀ါးပါတယ် …

-ကိုယ့်ရှေ့မှာ ဆေးလိပ်လာသောက်နေတာတွေ တွေ့တာနဲ့

သူတို့နံဘေးကနေ ပြေးပါတယ် …

-အဲဒီရက်ပိုင်းမှာ ဆေးလိပ်သောက်တတ်တဲ့သူတွေ ရှိတဲ့

အလှူ၊ အစည်းအဝေး … စတဲ့နေရာတွေကို လုံးဝ မသွားပါ …

(ဒီလိုနဲ့ လေးရက်တစ်ဗူးကနေ ခြောက်ရက်တစ်ဗူးဖြစ်သွားပါတယ်)

အဲလို (၆)ရက်ကို ဆေးလိပ်တစ်ဗူးနှုန်း ဖြစ်သွားတဲ့အချိန်မှာ
ဆေးလိပ်ဖြတ်သင်တန်းကို တတိယအကြိမ်မြောက် ကျနော်
သွား တက်ခဲ့ပါတယ်၊ သင်တန်းရဲ့ ဒုတိယမြောက်နေ့မှာပဲ
အလုပ်ကနေ ခွင့်(၁)ပတ် ယူခဲ့ပါတယ်၊ ဒုတိယမြောက် သင်တန်း
ကနေ အိမ်အပြန်မှာ အိမ်ထဲက အိမ်ပြင် လုံးဝ မထွက်ပဲ
ဆေးလိပ်ကို ဖြတ်ခဲ့ပါတယ် (မနေနိုင်ရင် ထ'သောက်ဖို့ဗူးထဲမှာ
နှစ်လိပ်လောက်တော့ ရှိပါသေးတယ် …)

*ဆေးလိပ်အနံ့ကို လုံးဝ မရှုပဲ လေးရက်လောက်နေတော့

နေသာ ကျသွားပါတယ်၊ သင်တန်းတတိယနေ့မှာ ဆေးလိပ်ကို

ကျနော် လုံးဝ ဖြတ်နိုင်ခဲ့ပါပြီ ….

ဆေးလိပ်ဖြတ်ပြီးကာစ ကျနော် နေခဲ့ပုံက …

*အဲလို အိမ်ထဲကနေ အိမ်ပြင် လုံးဝ မထွက်ပဲ ဆေးလိပ် ဖြတ်နေတုန်း

ပျင်းလို့ TV တို့ အင်တာနက်ပေါ်က ရုပ်ရှင်တွေ ကြည့်တဲ့အခါ

ဆေးလိပ်သောက်ခန်းပါရင် ကျော်ပါတော့တယ် …

*ဆေးလိပ်အနံ့ကို ရတဲ့ ဆေးလိပ်သောက်တဲ့သူတွေ နံဘေးနား

လုံးဝ မသွားတော့ပါ၊ ဆေးလိပ်ရောင်းတဲ့ ကောင်တာက ဆေးလိပ်ဗူး

တွေကို မမြင်အောင် အတတ်နိုင်ဆုံး နေခဲ့ပါတယ်၊ ပီကေ တော့

ဆေးလိပ် လုံးဝ ဖြတ်ခဲ့တဲ့ အချိန်ကစပြီး နောက်ထပ် (၂)လလောက်

အထိ အချိန်တိုင်လိုလို ၀ါးခဲ့ပါတယ် …

(ကိုယ့်လျှာ ကိုယ်ပြန်ကိုက်မိတဲ့ အခါပေါင်းလည်း မနည်းတော့ပါ ...)

ဒီလိုနဲ့ ကျနော် ဆေးလိပ်ဖြတ်နိုင်ခဲ့တာ (၈)လ ကျော်ပါပြီ၊
(*အစားထိုးခဲ့တဲ့ ပီကေကိုယ်လည်း ဆက် မ၀ါးဖြစ်တော့ပါ၊
ပါးတွေလည်း ညောင်းနေပါပြီ …)
ဟိုတလောက ဆေးလိပ်ဖြတ် သင်တန်းကျောင်းက ဆရာမ
ကျနော့် အလုပ် လုပ်နေတဲ့ နေရာကို အလည် ရောက်လာပါတယ်၊
`ခင်ဗျား … ကျနော့်ဆီ ဘယ်တော့ ပြန်လာအုံးမလဲလို့ ကျနော်
မျှော်နေသေးတယ် ….´

ကျနော် ဘာမှ ပြန်မပြောတော့ပါ၊ ရယ်ရုံသာ ရယ်နေခဲ့ပါတယ် ….

-စစ်ငြိမ်းဒီရေ

လေ့လာစရာ ဓါတ်ပုံအချို့ ….

*ဆေးလိပ်သောက်ချင်တိုင်း ပါးစပ်ထဲ ထည့်ဝါးဖို့ ပီကေ


ဆေး ပလာစတာ

ဆေးလိပ်အတု

ပါးစပ်ထဲ ဖြန်းတဲ့ ဆေးရည်

နာခေါင်းထဲထည့်တဲ့ ဆေးရည်


http://www.youtube.com/watch?v=ojOwk6NyXBY
http://www.youtube.com/watch?v=zRei97WJE6k&feature=related

Read more »

ကြုံရဆုံရ ဂျပန်ဝိညာဉ်လောက (ဇာတ်သိမ်း)

ယခင်အပိုင်းမှ အဆက် …...

ဒီမြို့လေးကို ကျွန်တော် ရောက်ဖြစ်လာတာကတော့ တိုကျိုမှာ
နေရတဲ့ မြို့ပြဘဝကို မွန်းကြပ်လာတာရယ်...
နောက်မထင်မှတ်ပဲ ယခင် ၈နှစ်ခန့် လုပ်ခဲ့တဲ့ အလုပ်ကို ငြီးငွေ့
လာတာရယ်ကြောင့် တရွာမပြောင်း သူကောင်းမဖြစ်ဆိုပြီး
ရွေးချယ်ခဲ့တာပေါ့..။ တနေ့ ရန်ကုန်ပြန်တော့မယ့် မိတ်ဆွေက
ဖုန်းဆက်လာပြီး အလုပ်တခုကို ဝင်လုပ်ပေးပါလားတဲ့ တစ်လ
ယန်း သောင်း(၃၀) ဒေါ်လာ (၃၀၀၀)ပေါ့..။

နယ်မှာတဲ့ နေစရာလည်း ပေးမယ် အလုပ်နဲ့လည်း နီးတဲ့အိမ်တဲ့
မြို့ပြငြီးငွေ့နေတဲ့ ကျွန်တော် အံကိုက်ပေါ့...။ တိုကျိုကနေ
၁- နာရီခွဲ နီးပါးလောက်ဆိုတော့ မဆိုးဘူးလေ..။
စဉ်းစားမနေတော့ပဲ ဆုံးဖြတ်လိုက်တယ်..။ လုပ်ရမယ့် အလုပ်မှာ
လည်း မြန်မာ ၃ …. ၄ယောက်ရှိတယ် ဆိုတော့ ပျင်းစရာ
မဟုတ်ပေါ့..။ နေရမယ့် အိမ်ကလည်း ကုမ္ပဏီသူဋ္ဌေးက ငှားပေး
ထားတာ ချက်ခြင်းတက်နေရုံတဲ့... ဘာပြောကောင်းမလဲ
ချက်ခြင်း တိုကျိုက အိမ်ပြန်အပ်ပြီး အင်မတန်ရင်းနှီးလှတဲ့ ဂျပန်
မိတ်ဆွေ တစ်ယောက်အကူအညီနဲ့ အိမ်ပြောင်းပေါ့..။

ဒီလိုနဲ့ မိတ်ဆွေ ဆီက လိပ်စာယူပြီး ကားတစီးစာ တော်ရုံသင်
ရုံထည့်ပြီး ပြောင်းပါလေရော..။ (စကားချပ်.. ဂျပန်မှာ အိမ်
ပြောင်းရတာ မလွယ်လေ ဆယ်စုနှစ် တခုကျော် နေလာခဲ့တဲ့
ပစ္စည်းတွေကို လွှင့်ပြစ်ရတာ ပစ်ခ ယန်း၅သောင်း (ဒေါ်လာ
၅၀၀ကျော်) ကျတယ်..။ တီဗီ၊ ရေထဲသေတ္တာ အလကားပေးလည်း
ဘယ်သူမှ မယူလေ) အသက်တမျှ ချစ်လှစွာသော laptop ကွန်ပြူ
တာက မပါမဖြစ်လေ။ ပြောရဦးမယ် အရင် စွဲစွဲမြဲမြဲ ရွတ်ဖတ်လာတဲ့
သံဗုဒ္ဓေဂါထာအစား ပဋ္ဌာန်းကို ညစဉ်ရွတ်ဖတ်၊ မနက်ဆို ပဋ္ဌာန်း
အခွေလေး ဖွင့်ပြီး အလုပ်သွားပေါ့.. ၁၉၉၉ကစပြီး ၄ ….. ၅နှစ်
လောက် မပြတ် လုပ်လာတာလေ..။

ဒီလိုနဲ့ အိမ်ပြောင်းတော့ မိတ်ဆွေဂျပန်ရဲ့ အကူအညီနဲ့ လိပ်စာ
အတိုင်း နေရမယ့် အဆောင်တိုက်ခန်းကို ရောက်လာပါလေ
ရော..။ ပတ်ဝန်းကျင်မှာကတော့ တောင်ကုန်းမြင့်လေးတွေ
ပေါ်ကအိမ်တွေလှ မလှ.. နောက် အိမ်ရဲ့အရှေ့ဘက်မှာ ရထား
လမ်းက ပြေးနေတယ်လေ..။ ငယ်ငယ်တည်းက ရထားလမ်း
နဲ့ နီးရာမှာ နေရစေသားလို့ ပြောရမလားပဲ..။ ဘေးမှာတော့
ဝါးရုံပင်တွေ အပြည့်နဲ့ တောင်ကုန်းပေါ်မှာ ဂျပန်ဘုရားကျောင်း
လေးပါပဲ...။ ၇- ထပ်လောက်ရှိမယ့် တိုက်ခန်းရဲ့ ကျယ်ပြန့်ပုံ
က ဆေးရုံတခုလို့ အလျားလိုက် တော်တော်လေးရှည်ပါတယ်။
ကားပါကင်မှာ ကားရပ်ပြီး ပစ္စည်းတွေချ.. တိုက်စောင့်
အဘိုးအိုကို အခန်းနံပါတ်ပြပြီး သွားသတင်းပို့ပေါ့။ တိုက်ခန်းရဲ့
မြေညီထပ်ကို ဝင်လိုက်တယ်ဆိုရင်ပဲ ဆေးရုံတခုရဲ့ အနံ့အသက်
တခုကို ခံစားလိုက်မိတယ်..။ ပါလာတဲ့ ဂျပန်မိတ်ဆွေလည်း
ထိုနည်းတူခံစားရတာပါ..။ အခန်းပေါင်း ၇၀လောက်ရှိမလားပဲ..။
သူက ' အောင်ရေ တို့ဆေးရုံများ ရောက်နေတာလားမသိ'
' အင်း ဟုတ်တယ်နော် ဟိုမှာလည်း လက်တွန်းလှည်းတွေ
ထားထားတယ် ဘာတွေမှန်းမသိ"

တိုက်စောင့် အဘိုးကြီးနဲ့ မိတ်ဆက်တော့ ဖော်ဖော်ရွေရွေပါပဲ
ဘယ်အခန်းလည်း မေးတော့ ၃၀၁ပါဆိုတော့..

တချက်မျက်နှာကွက်ကနဲ့ ဖြစ်သွားပြီး ချက်ချင်း ပြုံးပြုံး
ရွှင်ရွှင်နဲ့ ဒိုးဆို ဒိုးဆိုတဲ့ (ဆက်လုပ်ပါပေါ့) ဒါနဲ့ အခန်းရောက်တော့
အခန်းတခါးဖွင့်ထား တယ်လေ.. လွန်ခဲ့တဲ့ ၂ရက်လောက်က
ကြိုရောက်ပြီး အလုပ်ဝင်နေပြီဖြစ်တဲ့ အခန်းဖော် ၂ဦးကတော့
အလုပ်သွားနေကြလေရဲ့ ဒီမှာကတော့ သိတဲ့ အတိုင်း အခန်း
တံခါးဖွင့်ထားလဲ ပြသနာမရှိလေ..။ တိုကျိုမှာ နေရတဲ့ အခန်း
ထက် ကျယ်ပြီး သပ်ရပ်တဲ့ အိပ်န်း ၂ခုရှိတဲ့ အခန်းထဲမှာတော့
ကျွန်တော်နေရမယ့် အခန်းက သီးသန့်လေးပေါ့။ ပြတင်းပေါက်
ဖွင့်ကြည့် အရှေ့ဘက် ဝရန်တာ ဖွင့်ကြည့်တော့ အောက်
တည့်တည့်မှာ ရထားလမ်းလေ.. အခန်းအတွင်းအပြင်ကြည့်
အိပ်ယာလိပ်တွေချပြီး ထုံးစံအတိုင်း ကွန်ပြူတာ ပလပ်ထိုးပြီး
ပါဝါနှိပ်လိုက်တော့.. ထွက်လာတဲ့ သီချင်းသံက ဖိုးချိုရဲ့ သီချင်း
တပိုင်းတစ မဆီမဆိုင်ထွက်လာပါလေရော မနေ့ညက ကျွန်တော်
ဖွင့်ရပ်တန်းလန်း စက်ပိတ်ပြီးယူလာတဲ့ CD အခွေထဲက
"အဆောင်မှာ ခြောက်တဲ့ သူရဲကြီးရဲ့ ဂန္တဝင်မြောက်တဲ့ ချစ်မေတ္တာ"
တဲ့ အောင်မလေး တယောက်တည်းရှိနေချိန်ဆိုတော့ ကြက်သီး
တဖြန်းဖြန်းထသွားတာပေါ့..။
ချက်ခြင်းပိတ်လိုက်ပြီး ဘာလဟ... တခုခုတော့ တခုခုပဲလေ..။
နောက်မှ သတိယပြီး ခုမှပြောင်းတဲ့ အိမ်ဆိုတော့ ပဋ္ဌာန်းဖွင့်ဦးမှ
ဆိုပြီး ကြာနီကန်ဆရာတော်ရဲ့ ပဋ္ဌာန်းအခွေထည့်ပြီး ဖွင့်လိုက်
ပါတယ်...။ ကြာနီကန်ဆရာတော်ရဲ့ အနန္တဂုဏံ အရဟံဝန္တာမိ
သဗ္ဗတာဆိုတဲ့ တရားသံ ကြားရတဲ့ အချိန်မှာ ကျွန်တော့် စိတ်
နည်းနည်း ပေါ့သွားသလို ဖြစ်သွားပါတယ်..။

နောက်ပိုင်းမှာ ဒီအခန်းမှာ ဖြစ်ပေါ်လာမယ့် အခြေအနေတွေ
ဟာလည်း ဒီအခွေနဲ့ သက်ဆိုင်နေမလားပဲ...။ ပဋ္ဌာန်းရွတ်ရင်
မကောင်းဆိုးရွားတွေ မခံနိုင်၊ မနေနိုင်ဆိုတာနဲ့ ပတ်သက်ပြီး
တိုကျိုမှာ မိတ်ဆွေ အမျိုးသမီးသူငယ်ချင်း တဦးက သူ ပဋ္ဌာန်း
အမြဲရွတတ်ဖတ်ပူဇော်တဲ့ အတွက် တရက်မှာ လှေခါးပေါ်က
ပြုတ်ကျတယ်တဲ့။ နောက်နေ့ အိမ်မက်ထဲမှာ ဂျပန်အဘိုးကြီး
အဘွားကြီးလင်မယားနှစ်ယောက်က သူ့ကို လှေကားပေါ်ကနေ
ခါးထောက်ပြီး ကြည့်နေတယ်ဆိုပဲ။ အဲ့နေ့က စပြီးမရွတ်ရဲတော့
တဲ့ အဲ့တုန်းက ကျွန်တော်ပြန်ပြောလိုက်ပါတယ်.. မယုံမယုံ
မယုံဘူးလို့ မကောင်းဆိုးရွားတွေ မနေနိုင်တော့ ကောင်းတာ
ပေါ့လို့ ပြန်ပြောလိုက်သေး..။
သူက ကိုယ်ကံနိမ့်နေချိန်ဆို ပြန်ဒုက္ခပေးတတ်တယ်ဆိုလား..။

စကားမစပ် ပဋ္ဌာန်းရွတ်ဖတ်လို့ နတ်ကောင်းနတ်မြတ်တွေ
လာရောက်ပူဇော်တာကို ခံရတဲ့ နိုင်ငံတော် သံဃာ့ မဟာနာယက
အကျိုးတော်ဆောင်ချုပ် ဗန်းမော်ဆရာတော်ကြီး လွန်ခဲ့တဲ့
၂နှစ်ကျော်က တိုကျိုကိုလာရောက်စဉ် ဆရာတော်ကြီးကို
ကိုယ်တိုင်ကိုယ်ကျ မေးလျှောက်ခဲ့ဘူးပါတယ်..။ မန္တလေးမှာ
ဆရာတော်ကြီး နေစဉ်က သီလရှင်ကြီး တပါးက ဘုရားတွေ
တည်၊ ကျောင်းတွေဆောက်နေတာမြင်ရတော့ တနေ့ ဆရာတော်
ကြီးကို အဆိုပါ သီလရှင်ကြီး လာရောက်ဖူးမျှော်တော့ မေး မိသ
တဲ့။ ဆရာတော်ကြီးက အခုလို ဘုရားတွေတည် ကျောင်းတွေ
ဆောက်နေတာ ဘာတွေများ ရွတ်ဖတ်လို့ ဆောက်နိုင်တာလဲ
မေးတော့ အဆိုပါ သီလရှင်ကြီးက ပဋ္ဌာန်းရွတ်လို့ပါတဲ့..။
ဗန်းမော်ဆရာတော်ကြီးက ဟဲ့ငါလည်း ပဋ္ဌာန်းရွတ်တာပဲ ဘာမှ
မထူးခြားပါလားတဲ့ (ထိုစဉ်က မန္တလေးက ဗန်းမော်ကျောင်းဟာ
ကျောင်းအိုကြီးတခုပါ.. နောက်ပိုင်းဆရာတော်ကြီးကို တိပိဋက
ရေစကြိုဆရာတော်ရဲ့ တရားပွဲတခုမှာ သြဝါဒခံယူစဉ် ဗိုလ်ချုပ်
ခင်ညွန့်က သိရှိသွားပြီး.. ကျောင်းကိုပြန်လည်ပြုပြင်ပေးခဲ့ပါတယ်)
အရှင်ဘုရား ပဋ္ဌာန်းရွတ်တာ အင်္ဂါ၅ပါးနဲ့ ညီညွတ်ရပါတယ်
ဘုရားပေါ့..။ ဟဲ့ရှင်းပြစမ်းပါဦးဆိုတော့ ပဋ္ဌာန်းတရာတော်ကြီး
ဟာ အင်မတန် တန်ခိုးကြီးတဲ့အတွက် နာကြားချင်တဲ့နတ်မြတ်၊
နတ်ကောင်းတွေက ရွတ်ဆိုမယ့်နေရာ၊ ရွတ်ဆိုမယ့်သူတွေကို
အမြဲမျှော်လင့်နေတာတဲ့.. ဒါကြောင့် မရွတ်ဖတ်ခင် ပထမ
တစ်အချက် ကိုယ့်လက်အင်္ဂါ ဆေးကြောသုတ်သင်ရပါတယ်၊
အဝတ်အစားလည်း သန့်သန့်ရှင်းရှင်းဝတ်ရပါမယ်..။
ဒုတိယအချက်နေရာလည်း သန့်ရှင်းရပါတယ် နေရာလည်း
မှန်ရပါတယ်၊တတိယအချက် အချိန်မှန်ရပါတယ်၊ စတုတ္ထအချက်
နောက်ငါးပါးသီလခံယူရပါတယ်..။ ပဉ္စမအချက်က နတ်တွေ
ပင့်ဖိတ်ပြီး ဋ္ဌာန်ကရိုဏ်းကျကျ မနှေးလွန်း မမြန်လွန်းပဲ ရွတ်ဖတ်
ပူဇော်ရပါတယ်တဲ့ (ကျွန်တော် မှတ်မိသလောက်ပါ)။

အဲ့ဒီကတည်းက စပြီးဆရာတော်ကြီး ရွတ်ဖတ်သရဇာယ် ပူဇော်
ခဲ့တာ ထူးခြားမှုတွေတွေ့ရှိလာရပါတော့တယ်..။
ဆရာတော်ကြီးဟာ တိပိဋကဆရာတော်တွေအတွက် ပဋ္ဌာန်း
ကျမ်းကို စာချတဲ့အခါ.. စာသင်တဲ့ ဆရာတော်တွေ လူ့ပြည်မှာ
မရှိတဲ့ အင်မတန် မွှေးကြိုင်တဲ့ အနံ့အသက်တခုကို အမြဲရကြောင်း
တိပိဋက ဆရာတော်တပါးဖြစ်တဲ ဒေါက်တာဂန္ဓမာလလကာင်္ရ
ကိုယ်တိုင် မိန့်ကြားဘူးပါတယ်..။ ဗန်းမော်ဆရာတော်ကြီးကိုယ်တိုင်
လည်း အဲ့လိုရွတ်ဖတ်ရင်းက နေ့စဉ်ထူးဆန်းတဲ့ အမွှေးအကြိုင်တွေ
ရရှိနေတဲ့ အတွက် တနေ့တော့ ပဋ္ဌာန်ရွတ်ပြီး ဟဲ့အသင်တို့
အနံ့အသက်နဲ့ ရောက်ရှိကြောင်း ပြသလို့ငါသိရပြီ..။ ကိုယ်ထင်ရော
ပြနိုင် မလားဆိုတော့ မျက်နှာကျက်နေရာလောက်မှာ ရေခိုးရေငွေ့
တွေကျနေတဲ့ ပုံစံပေါ်လာပြီး နတ်သမီး၊ နတ်သား ၂ပါးကိုတွေ့မြင်
လိုက်ရတယ်လို့ ကျွန်တော်သေသေချာချာ မေးတဲ့အတွက်
ဆရာတော်ကြီးက ဖြေကြားပေးတာပါ..။ ဒီလိုပဲ ဆရာတော်ကြီးရဲ့
ဗန်းမော်ကျောင်းတိုက်ကို နာနာဘာဝတွေလည်း လာပြီး အမျှ
ယူကြကြောင်းနဲ့ အဲ့လို ပရလောကသား မကျွတ်မလွတ်သူတွေ
ရောက်လာချိန်မှာတော့ ကျောင်းတွင်းမှာ ခွေးအူသံတွေနဲ့ အပုပ်နံ့
ပေးပြီး ရောက်ရှိလာကြကြောင်း ဆရာတော်ကြီးမှ မေတ္တာရှေ့
ထားပြီး အမျှပေးဝေပေးလို့ ကျွတ်တမ်းဝင်သွားကြောင်း ပြောပြ
ပါတယ်..။ ယခုလက်ရှိ ဗန်းမော်ဆရာတော်ကြီး ဒေါက်တာ
ဘဒ္ဒန္တကုမာရာဘိဝံသဟာ အင်မတန်မှ ရိုးသားဖြူစင်ပြီး
အကျင့်သီလနဲ့ ပြည့်စုံတဲ့ ဆရာတော်ကြီးတစ်ပါးပါ။
http://www.dhammaransi.com/index.php?option=com_content&view=article&id=258&Itemid=78
ကျွန်တော်လို ပရလောကသားတွေ စိတ်ဝင်စားတဲ့ သူအတွက်
လယ်တီကျောင်းတိုက်က ခွေးနက်ကြီးတွေ အကြောင်းပြောပြ
သွားတာလည်း အင်မတန် စိတ်ဝင်စားဖို့ ကောင်းပါတယ်..။
မြေဇင်းတောရမှာ တနှစ်တရားအားထုတ်ပြီး ဆရာတော်ကြီးဟာ
အဖြူရောင်အလင်းတန်းနဲ့ နတ်ပြည်က စူဋာမဏိစေတီကို
ဖူးမျှော်ခွင့်ရကြောင်း ပြောပြခဲ့တာလည်း အင်မတန် စိတ်ဝင်စားဖို
့ကောင်းတာပါ..။ လွန်ခဲ့တဲ့ ၆နှစ်က ပဋ္ဌာန်းနဲ့ ပတ်သက်ပြီး ကြုံခဲ့
ရတာဟာ ဆရာတော်ကြီး ကြွလာတဲ့ ပြီးခဲ့တဲ့ ၂နှစ်ကမှ ပဋ္ဌာန်း
မရွတ်ခင် မေတ္တာသုတ် အရင်ရွတ်ဖတ်ပူဇော်သင့်ကြောင်း သိခဲ့
ရတာပါ..။ စာက လိုရင်းမရောက်တာ ခွင့်လွှတ်ပါဗျာ..

ဆက်ကြရအောင် အတူနေရတဲ့ မိတ်ဆွေ၂ဦးက တစ်ခန်း၊
ကျွန်တော်က တစ်ခန်းပေါ..။ ဂျပန်အခန်းတွေကို တစ်ခုနဲ့ တစ်ခု
ကာထားတာ စက္ကူသစ်သား တံခါးချပ်တွေလေ..။ အလုပ်ကလည်း
အိမ်နဲ့ မနီးမဝေးဆိုတော့ နားချိန် တနာရီခွဲလောက်ရတဲ့ အချိန်မှာ
အိမ်ပြန်နားနေကြပေါ့...။ အလုပ်ထဲမှာတော့ တိုကျိုနဲ့ ကျွန်တော်
တို့ မြို့ကြားမှာ နေတဲ့ မြန်မာလူမျိုး ကိုစံကျော်ဆိုသူလည်း
အဆောင်မှာ မနေပေမယ့် သူနေတဲ့ အိမ်ကနေ ၄၅မိနစ်လောက်
ရထားစီးပြီး လာဆင်းလေရဲ့..။ သူလည်းနားချိန်ဆို ကျွန်တော်တို့
အခန်းမှာ လာနားနေကြလေ။ ကျွန်တော်လည်း တခါတခါ အဆင်
ပြေရင်ပြေသလို ဥပုဒ်စောင့် တရားထိုင်ပေါ့။ ပဋ္ဌာန်းကိုတော့ ယုံယုံ
ကြည်ကြည် မပြတ်မကွက် ရွတ်ဖတ်ပေါ့..။ အဲ့လိုနဲ့ ကျွန်တော်လည်း
ကိုယ်နေရမယ့် အခန်းမှာ ဘုရားစဉ်လေးထား အလုပ်မသွားခင်
ပဋ္ဌာန်းအကျယ်ရွတ်ဖတ်။ နောက်အိမ်က ထွက်ခါနီး ပဋ္ဌာန်းအခွေ
ကို CD ထဲထည့်ပြီး ဖွင့်ပြီးသွားနဲ့ ပုံမှန်လို လုပ်နေကြလေ။ ဒီလိုနဲ့
နေလာခဲ့ပြီး နွေရာသီတရက်မှာတော့ ကျွန်တော် နားရက်မှာ ဥပုဒ်
စောင့်၊ တရားထိုင်၊ ခေါင်းရင်း ဝရန်တာဘက်က ပြတင်းတံခါးဖွင့်ပြီး
မှေးကနည်း တချက် အိပ်ပျော်သွားသလို ရှိခိုက်မှာတော့ နားနား
ကပ်ပြီး အော်လိုက်သလို အင်မတန်မှ ကျယ်လောင်တဲ့ ဟားဟား၊ဟား
…. ဆိုပြီး မထေမဲ့မြင် အော်ရီလိုက်တဲ့ အသံကို ကြားလိုက်ရပြီး
လန့်ဖြတ်နိုး ပြတင်းပေါက်က ကြည့်လိုက်တော့ အသံဟာ
အောက်ဖက်ကို ဝင်ရောက်ပျောက်ကွယ်သွားသလို ထင်လိုက်ရပါ
တယ်။ ချွေးစီးတွေပြန် အိပ်မက်လည်းမဟုတ် ဆိုတော့ ကြက်သီး
မွှေးငြင်းတွေထပေါ့..။ ပတ်ဝန်းကျင်ကလည်း ညီအကို မသိတသိ
အချိန် တောင်ကုန်း ဂျပန်ဘုန်းကြီးကျောင်းပေါ်က ဝါးရုံပင်တွေ
ကလည်း စိတ်ချောက်ခြားစရာ..။ ဒီအဖြစ်အပျက်ဖြစ်ပြီး နောက်
တစ်လ အကြာ ကျွန်တော့်တသက်မှာ တခါမှ မဖြစ်ဘူးတဲ့ ဆေးရုံ
ကား ခေါ်ပြီး ဆေးရုံ ရောက်သွားရတဲ့ အဖြစ်ပါ..။

တစ်ရက် အလုပ်ကစောပြီးလို့ အိမ်ကို ကျွန်တော်တယောက်တည်း
အစောကြီး ပြန်ရောက်လို့ အိမ်ခန်းထဲဝင်ပြီး မီးဖိုချောင်ထဲ ပြန်ထွက်
လာချိန်မှာတော့ အေးခနဲ တချက်အထိအတွေ့ ခံစားလိုက်ရပြီး
ရုတ်တရက် ဗိုက်ကို တစုံတဦးက ဆွဲညစ်ထားသလို ခံလိုက်ရတော့
တာပါပဲ..။ ထိုင်မယ်လုပ်လိုက် နာလိုက်၊ ထပြန်တော့လည်းနာနဲ့
ကုလားထိုင်ပေါ်မှာ ခါးကုန်းပြီး ဝေဒနာကို မချိမဆန့် ခံစားနေရ
တော့တာပါပဲ..။ အတူနေသူတွေ ဖုန်းဆက်ပြီး သူတို့ ပြန်ရောက်
လာတဲ့ အထိရောဂါက မသက်သာ အသက်ရှုရတာ အောင့်သထက်
အောင့်လာပြီး နေလို့ မရတော့တဲ့ အချိန်မှာ ဆေးရုံကားခေါ်ရတော့
တာပါပဲ..။ ဒီအချိန်မှာ ကျွန်တော် ရသမျှာသံဗုဒ္ဓေနဲ့ ပဋ္ဌာန်းကို စိတ်ထဲ
က ရွတ်ဖတ်နေမိပေမယ့် အောင့်လွန်းတဲ့ ဝေဒနာကြောင့် စည်းဝါး
မကိုက် စိတ်ကရတလှည့် မရတလှည့်ပေါ့။ ဆေးရုံကား မြည်သံ
ပီးပေါ်ပီးပေါ်ဆိုတဲ့ အသံအိမ်နဲ့ နီးလာတဲ့ အချိန်မှာတော့ ထူးဆန်း
စွာနဲ့ ဝေဒနာ ကြက်ပျောက် ငှက်ပျောက်ပျောက်ပြီး ဘယ်က နာမှန်း
မသိရတော့ပါဘူး။ ထမ်းဆင်တွေနဲ့ ဆေးဝန်ထမ်းတွေ တက်လာ
တဲ့ အခါမှာတော့ ကျွန်တော် ဓာတ်လှေကားကို ကိုယ်တိုင်လမ်း
လျှောက်သွားနိုင်ပြီလေ..။ ကားပေါ်ရောက်လို့ သူတို့မေးတဲ့ အချိန်
မှာ ဘယ်ကနာမှန်း ကျွန်တော်ရှာဖွေလို့ မရတော့ပါဘူး.. ဒီလိုနဲ့
ဆေးရုံရောက် တာဝန်ကျ ဂျပန်ဆရာဝန်၂ဦးက မီးမောင်းတွေ ဆင်
ထားတဲ့ ကုတင်ပေါ်အိပ်ချုင်းပြီး စမ်းသပ်ချိန်မှာ ကျွန်တော်ရောဂါ
ဘာဝေဒနမှ မရှိတော့လေ။ နောက်တော့ အားဆေးတလုံးသွင်းပြီး
့ပြန်လွှတ်လိုက်လေရဲ့..။ ကျွန်တော်လည်း မခံချိမခံသာ ပြန်လာရ
တာလေ၊ ဂျပန်မှာ Ambulance ခေါ်ရင်အလကားဆိုတော့ တမင်
လုပ်တယ်များ ထင်နေသလားမသိလေ..။ အဖြစ်အပျက်တွေက
ဆက်တိုက်ဆိုသလို ဖြစ်လာတော့တာပါပဲ..။

တစ်ရက်ကျွန်တော် နေဝင်ဆည်းဆာအချိန် အလုပ်သွားတဲ့လမ်းမှာ
ကျီးကန်းတကောင် ဘာမှန်းမသိတာကို ချီလာတာ ခေါက်ဆွဲ
ခြောက်များလားပေါ့။ (ဂျပန်က ကျီးကန်းတွေက အင်မတန်ကြီး
တာလေ.. သိမ်းငှက် အကြီးစားလောက်ရှိမလားပဲ) ကျွန်တော့်ရှေ့
မှာ ၆- ပေလောက် အလိုမှာ အဲ့ဒီခေါက်ဆွဲခြောက်ကို ချပြီးပြန်သွား
လို့ သွားကြည့်တော့ အမလေး ဂျပန်မှာ ပထမဦးဆုံးမြင်ဘူးတဲ့ တစ်ပေ
လောက် အရှည်ရှိတဲ့ မြွှေဗျို့၊ ကျွန်တော်လည်း တချိုးတည်း သုတ်ချေ
တင်တော့တာပါပဲ ထူးဆန်းချက်လေ။ (ပဋ္ဌာန်းရွတ်လို့ အဆိုပါ
အဖြစ်အပျက်တွေနဲ့ အတူ မထင်မှတ်တဲ့ နေရာတွေက ငွေတွေဝင်၊
ဥပမာ ထီတွေပေါက် လမ်းသွားတုန်း လေတိုက်လို့ မျက်နှာကို လာ
ရိုက်တာ ဘာလဲကြည့်တော့ ငွေစက္ကူ စတာတွေ အစုံပါပဲ) ထို့အတူ
တစ်ရက် ကြားမြို့ကနေ အလုပ်လာဆင်းတဲ့ ကိုစံကျော် အလုပ်နား
ချိန် ကျွန်တော်တို့ အခန်းပြန်နားလေရော..။ တနာရီလောက်အကြာ
မှာ အူယားဖားယား ချွေးသီး၊ ချွေးပေါက်တွေနဲ့ ပြန်ပြေးလာပါလေရော၊
စကားတောင် ပြန်မပြောနိုင် ဘာဖြစ်လာတာလည်း မေးတော့
အောင်ရေ ဒီနေ့ကစပြီး ငါမင်းတို့ အခန်းမှာ ပြန်အနားမယူပါရစေ
နဲ့တော့ကွာ ဆိုပြီးအထစ်ထစ် အငေါ့ငေါ့ဆိုပါလေရော.. ။ မေးတော့
မှ ငါလည်း အရက်မသောက် သက်သက်လွတ်စားတဲ့ တရားသမား
ပါကွာ ခုနမင်းတို့ အခန်းမှာ ခဏနားဖို့ ပြန်သွားပြီး ဒီဘက်အခန်း
မှာ (မိတ်ဆွေ အခန်းဖော်၂ဦး နေတဲ့ အခန်း)မှာ ပက်လက်လှန်
လဲနေတုန်း တချက်အိပ်ပျော်သွားပြီး ဗြုန်းဆို ငါခြေထောက်လေး
ပါတယ် ဆိုပြီး သတိထားမိတော့ လူတယောက် ငါခြေထောက်ပေါ်
တက်ထိုင်နေတာ အောင်ရေ ငါရုန်းလေ ထမရလေ နောက်ဆုံး
ဘုရားစာရွတ်တော့ ပျောက်သွားတယ်..။ ပြီးတော့ မင်းအခန်းဘက်
ဝင်သွားတာ တွေ့လိုက်တယ်ကွာ မယုံမရှိနဲ့ အမျိုးသားတစ်ဦးကွ၊
ငါလည်း ကြောက်ကြောက်လှန့်လှန့်နဲ့ ပြန်ပြေးလာတာ တံခါး
တောင် မပိတ်ခဲ့မိဘူး..။ သူပြောတာနဲ့တင် ကျွန်တော် ခေါင်းနပန်း
ကြီးနေပြီ အဖြစ်အပျက်တွေကလည်း ဆက်တိုက် စဉ်းစားစရာပေါ့။
အလုပ်က အပြန် အတူနေအခန်းဖော်တွေ ပြောပြတော့ မကြုံဘူး
လို့ ရယ်နေတယ်လေ..။ မကြာခင်မှာပဲ ရီနေတဲ့သူထဲက
ကိုအောင်မြင့်ဆိုတဲ့ အတူနေသူ ခံရပါလေရော..။

ကိုအောင်မြင့်က တခါတလေ နားရက်မှာ တိုကျိုတက်သလို
တခါတလေတော့ အိမ်မှာပဲ နေပြီး ဘီယာသောက်ပြီး သူကြိုက်တဲ့
စာအုပ်တွေဖတ်ပြီး ပျော်နေသူလေ..။ ကိုစံကျော်တုန်းက ရီခဲ့သူ
သူ့အလှည့်မှာတော့ မရီနိုင်တော့ဘူးလေ..။ တရက်ကျွန်တော်နဲ့
အခြားအခန်းဖော် တဦး အလုပ်က အတူပြန်လာတော့ အခန်းရှေ့
မှာ တခါးကြီးဖွင့် မီးတွေ အကန်ုဖွင့်ထားပြီး သီချင်းသံလည်း
အကျယ်ကြီးကြားနေရလေရဲ့ ..။ အထဲရောက်လို့
ဟဘာဖြစ်တာလဲဗျ အခန်းကလည်း သီတင်းကျွတ် မီးထွန်းပွဲများ
မှတ်နေသလားဆိုပြီး ပြောဆိုဝင်သွားတော့ ကိုအောင်မြင့် အဝတ်
အစားအသစ်တွေနဲ့ ငါမင်းတို့ကို စောင့်နေတာ မလာရင် အပြင်ဒိုး
တော့ မလို့ကွဆိုပြီး မျက်နှာကဆီးစေ့လောက်နဲ့လေ..။ ငါယုံပြီကွာ
ယုံပြီကွာ ကိုစံကျော်နဲ့ မင်းတို့ထင်နေတာတွေ အဟုတ်ကွ..။
ငါ တယောက်တည်း ဘီယာသောက် စာအုပ်ဖတ်နေရင်း မင်းအခန်း
ထဲက ဆူဆူညံညံ အသံတွေကြားတော့ မင်းအလုပ်သွားရင် တီဗီများ
ဖွင့်ခဲ့လေသလားဆိုပြီး တံခါးဖွင့်ကြည့်လိုက်တာ ဘာတီဗီမှ ဖွင့်မထားပဲ၊
အသံတွေလည်း ပျောက်သွားလို့ အမူးပြေပြီး အခန်းတွေအားလုံး မီး
ဖွင့်ပြီး တံခါးပါ ဖွင့်ထားတာ တခုခုဖြစ်ရင် ပြေးမလို့လေ..။ ငါသရဲ
တော့ ကြောက်တယ်ကွာ လူကမြင်ရတယ် ကြောက်စရာမလိုဘူးကွ၊
ငါတို့တခုခုလုပ်မှ ဖြစ်တော့မယ်။ သူဋ္ဌေးကို အကြောင်းကြားတန်
ကြားပြီး ဘုန်းကြီးပင့်ကြမလား။ ဘုန်ကြီးပင့်ရအောင်လည်း နေရာ
ကဝေးတော့ မဖြစ်သေးဘူးထင်တယ်။ ကျွန်တော်လည်း အခက်
တွေ့နေပြီလေ.. ဘာလုပ်ရမှန်းမသိ.. ဒါနဲ့ဗျာ ကျွန်တော်တို့
တလောက Lobbyထဲမှာ ကြိုက်တာယူလို့ ရတယ်ဆိုပြီး အခန်း
တွေက လာထားတဲ့ ပစ္စည်းတွေထဲက စိတ်မသန့်တဲ့ ပစ္စည်းတွေ
ရှိရင် ရှာပြီး လွှင့်ပစ်ရအောင်ဆိုပြီး ကိုထင်တဲ့ ပစ္စည်းတွေ လွှင့်ပစ်
ကြတာပေါ့ဗျာ။ လွှင့်ပစ်တာပဲ အဖတ်တင်ပြီး နောက်တပတ်မှာ
ထပ်ကြုံတာကတော့ ကျွန်တော်ပါပဲ။

၁- လလောက် အခြေအနေက ဘာမှ ထူးခြားမလာတော့ ငါတို
့ပစ်လိုက်တဲ့ ပစ္စည်းတွေထဲမှာ စွဲနေတာ ပါသွားလို့ ပစ်သွားပြီ
ဆိုပြီး မှတ်နေကြတော့ပေါ့..။ တစ်ရက် ကိုအောင်မြင့် အလုပ်
နားရက် တိုကျိုတက်ဖို့တဲ့ မှာစရာရှိတာမှာဆိုပြီး မနက် အလုပ်
ကို လာနှုတ်ဆက်လို့ မှာစရာရှိတာ မှာပြီး ကျွန်တော်လည်း
နားချိန်ရောက်တော့ အိမ်ခဏပြန်ပြီး ကိုယ့်အခန်းထဲမှာ နားနေ
တုန်း အိပ်မပျော့်တပျော်မှာ မိန်းတံခါးကြီး ဖွင့်သံကိုကြားလိုက်
ရတယ်။ ကိုအောင်မြင့် တိုကျိုက ပြန်လာတာ စောလှချည်လား
ပေါ့... အခန်းထဲမှာလှဲရင်း နားထောင်နေတုန်း တရှပ်ရှပ်နဲ့ သူတို့
အခန်းထဲကို ဖြတ်လျှောက်သွားတဲ့ ခြေသံနဲ့အတူ နောက် လိုက်ကာ
ကို ဆွဲဖွင့်ပြီး အပြင်က လျှောတခါးကို တခါပြန်ဖွင့်ပြီး ဝရန်တာ
မှာရှိတဲ့ အဝတ်လျှော်စက်ထဲက အဝတ်တွေ ထုတ်လှမ်းသံ အတိုင်း
သားကြားနေရတယ်။ ပြီးပြန်ဝင်လာ လျှောတခါးပိတ် လိုက်ကာ
ဆွဲပြီး ပြန်ထွက်သွားလေရဲ့..။ ကျွန်တော်လည်း ခဏနေတော့
မသကာင်္တာနဲ့ ထပြီးသူတို့ အခန်းကို ဖွင့်ကြည့်တာ ဘာမှမရှိ..
ဒါနဲ့တဆင့် ဝရန်တာကို သွားကြည့်လိုက်တော့ အဝတ်တန်းမှာ
ဘာမှ မရှိတဲ့ အပြင်စက်ထဲမှာလည်း ဘာအဝတ်မှ မရှိလေ..။
ခေါင်းနပန်းတွေကြီး အလုပ်ထဲကို ဘယ်ပုံဘယ်နည်း ပြန်ရောက်
လာမှန်းမသိတော့..။ ကိုစံကျော်ကိုလည်း သူကြောက်မှာစိုးလို့ ဘာမှ
ပြန်မပြောပဲ ကတုန်ကယင်နဲ့ အလုပ်တွေ လုပ်နေမိတယ်ဗျာ။
ညဘက် အလုပ်ပြန်ခါနီး ကိုအောင်မြင့်ပြန်လာတော့ မှာလိုက်တဲ့
ပစ္စည်းတွေနဲ့ တခါတည်း ကျွန်တော်လည်း ညပိုင်းလောက်တုန်းက
အိမ်ပြန်လာသေးလားဗျမေးတော့ မင်းကလာနောက်နေပြန်ပြီး
ပြန်လာစရာလားကွ.. အခုတောင် မူးပြီးဘူတာကျော်
အိပ်ပျော်သွားလို့ မနည်းအချိန်မှီအောင် ပြန်လှည့်လာရတာ..။
သေချာပါပြီ တိုကျို ၂နာရီခရီးလောက် သွားသူက ညနေပိုင်း ခဏ
လေးအတွင်း ပြန်ရောက်ဖို့ မဖြစ်နိုင်လေ...။

ဒီလိုနဲ့ မကြာခင်မှာပဲ မထင်မှတ်တဲ့ အဖြစ်အပျက်တွေနဲ့ အဆင်
ပြေနေတဲ့ အလုပ်လည်း တခြားနေရာက အလုပ်ခွဲတွေက ပြသနာ
လေးတွေကြောင့် ကျွန်တော်တို့ အလုပ်လည်း ပိတ်ရတော့မယ့်
အခြေအနေကို ရောက်လာတယ်လေ..။ အိမ်ပြန်အပ်ပြီး ကျွန်တော်
တို့ နောက်တနေရာက အလုပ်ကို ပြောင်းဖို့ ပြင်ဆင်ရပါတော့တယ်။
အတူနေသူ အခန်းဖော် ၃ဦး ခွဲရပြီပေါ့။ ဆိုးထဲက အကောင်းလို့ပဲ
ဆိုမလား ဒီအိမ်ခန်းမှာ ဖြစ်နေတာတွေကို မပြောင်းခင် သူဋ္ဌေးကို
အသိပေးပြီးပြီလေ..။ တရက် အလုပ်နဲ့အိမ် အိမ်နဲ့ အလုပ်သာ
ပြေးလွှားနေရပြီး ပတ်ဝန်းကျင်ကို သတိမမူမိတဲ့ ကျွန်တော်
အိမ်ပြောင်းခါနီးမှ ဆေးရုံဆန်ဆန် အဆိုပါ တိုက်ခန်းကြီးကို
အဘက်ဘက်က လေ့လာကြည့်ရှုမိပါတော့တယ်..။ တစ်ရက်
မျက်နှားချင်းဆိုင် ရထားလမ်းဘက်ကနေ ကျွန်တော်တို့ နေတဲ့
အိမ်ခန်းအနေအထားကို သွားကြည့်ရှုမိရာမှာတော့ ကျွန်တော်တို့
နေတဲ့ ထောင့်စွန်းခန်းရဲ့ အောက်တည့်တည့် အခန်းကို သတိထား
ကြည့်မိလိုက်တော့ အားပါး လိုက်ကာ မရှိဘာမရှိနဲ့ အောက်
တည့်တည့်အခန်းဟာ တခါးဘောင်တွေ ဘာတွေတောင် သံချေး
တက်နေတဲ့ လူသူမရှိတဲ့ အခန်းကြီးပါလား..။ မဲညစ်နေတဲ့ အရောင်နဲ့
မှောင်မည်းနေတဲ့ လူမနေတဲ့ အခန်းကြီးလေ.. ထပ်သေချာ
အောင် ဘေးက သွားကြည့်တော့လည်း ဒီတခန်းထဲ လူမနေပဲ
သံချေးတွေ တက်နေတာလေ...။ ဒါနဲ့ အောက်မှာ သန့်ရှင်းရေး
လုပ်တဲ့ တိုက်စောင့် အဘိုးကြီးကို မေးကြည့်တော့ ကျွန်တော်
အခန်းပြောင်းလာကာစ ကလို မျက်နှာတချက်ပျက်ပြီး ဟုတ်တယ်
လောလောဆယ်တော့ လူမနေဘူးလေတဲ့..။ ကျွန်တော် သဘော
ပေါက်လိုက်ပါပြီ ကျွန်တော်တို့ နေတဲ့ အခန်းဟာ အပေါ်တည့်တည့်
မှာ ရောက်နေတဲ့ အတွက်အောက်အခန်းက တုန့်ပြန်မှုတွေပေါ့။
ကျွန်တော်တို့ နိုင်ငံခြားသားတွေ မို့လို့ တမင်ငှားလိုက်လေသလား။
နောက်သူတို့ မနေနိုင်အောင် ဖြစ်ရတာလည်း တရားသံတွေကြောင့်
လားပါပဲ..။ ဒါပေမယ့် နောက်တပတ်မှာ ပြောင်းရတော့မှာလေ..။
လာစေ့ဆော်လိုက်လေသလားပဲ..။

ဒီလိုနဲ့ တယောက်တကွဲစီ တိုကျိုပြန်ဆင်းမယ့်သူ ပြန်ဆင်း
အထက်ဆန်တက်မယ့်သူ ဆန်ပေါ့..။ ဂျပန်ထုံးစံ အိမ်ပြန်မအပ်ခင်
အိမ်ကို သန့်ရှင်းရေးလုပ်ပြီး ပြန်အပ်ရမှာလေ...။ ထုံစံအတိုင်း
အိမ်သန့်ရှင်းရေးတွေလုပ် ပစ္စည်းတွေ ပြောင်းရွှေ့အပြီး တစ်ယောက်
နဲ့ တစ်ယောက်မတွေ့ရတော့ဘဲ နောက်ဆုံးတခေါက် အိမ်မှာ
ပစ္စည်းအကြွင်းအကျန်ရှိမရှိ ပြန်စစ်ဆေးဖို့ တဦးတည်း ကျွန်တော်
ရောက်ခဲ့တဲ့ နောက်ဆုံးညမှာပေါ့..။ အခန်တံခါးဖွင့် မီးတွေအကုန်ဖွင့်
အခန်းကို စစ်ဆေးတော့ မီးဖိုချောင်မှာ ကိုယ်လုံးပေါ်မှန်ကြီး ကျန်
နေတယ်လို့ ပြန်သယ်ဖို့ကလည်း အခက်ပေါ့..။ ကျွန်တော့်အခန်းထဲ
မှာ ပစ္စည်းကျန်မကျန်စစ်ပြီး မီးဖိုချောင်က ကိုယ်လုံးပေါ်မှန်ကို မီးရောင်
အောက်မှာ အမှတ်တမဲ့ ကြည့်မိလိုက်တဲ့ အချိန်မှာတော့....။
တုန်ရီနေတဲ့ စိတ်ကိုယ်ပြန်ထိန်းပြီး သတိယလို့ ပြန်ဆန်းစစ်လိုက်တော့
တိုကျိုသွားမယ့် ရထားပလက်ဖောင်းပေါ်မှာ ဆောင်းအဝင်
လေအေးအေးကို ကျွန်တော်ရှုရှိုက်ရင်း ငြီးတွားမိတဲ့ သီချင်းတပုဒ်
ကတော့ စိုးလွင်လွင်ရဲ့ " 'ဒီလမ်းထဲကို နောက်တခါ ဘယ်တော့မှ
မလာတော့ဘူး ဒီအိမ်ဘက်ကို နောက်တခါ ဘယ်တော့မှ မလှည့်တော့
ဘူးဆိုတဲ့" သီချင်းစာသားလေးပါ.. လက်ထဲမှာတော့ အခန်းသော့ချည်း
ပါလာလေရဲ့။ အခုထက်ထိတော့ အမှတ်တရ သိမ်းထားပါသေးတယ်။
ဒါပါပဲ ကိုယ်တိုင်ကြုံရ ဆုံရ ဂျပန်ဝိဥာဉ်လောကပါပဲ။ တခြားမိတ်ဆွေ
များရဲ့ ကိုယ်တွေ့ဇာတ်လမ်းများလည်း ဖတ်ချင်ရင်တော့ ထပ်ရေးသား
ပါဦးမယ်။

ဒါနဲ့ဗျာ ကျွန်တော်မှန်ထဲမှာ မြင်လိုက်ရတာ ဘာလို့ စာဖတ်ပရိသတ်တွေ
ထင်မလဲဆိုတာလေးပါ ….

(နောက်ဆုံး ကျွန်တော်မှန်ထဲမှာ မြင်လိုက်ရတာကတော့ တကယ့်
စိတ်ချောက်ခြားစရာ ကျွန်တော်ကြည့်ခဲ့တဲ့ အောက်ထပ်က လူမရှိ
တဲ့ အခန်းလာမြင်နေရပြီး အမှတ်တမဲ့ မြင်လိုက်ရတာကတော့
အဲဒီအခန်းနဲ့ အသက်ခပ်ကြီးကြီး အမျိုးသားတစ်ယောက်ပုံပါပဲဗျာ။
အောက်ထပ်ကအခန်း မှန်မှာလာပေါ်နေတဲ့ လုံးဝမဖြစ်နိုင်တဲ့ မြင်ကွင်း
ပေါ့၊ ကိုယ်လုံးပေါ်မှန်ကတော့ အခန်းထဲမှာ ကျန်ခဲ့လေရဲ့။)

-ဂျပန်နိုင်ငံရောက်မြန်မာတစ်ဦး

Read more »

နိုင်ငံရေးပါတီများ၏ လိုအပ်ချက်များ (၁)

ဒီနေ့(၁၈.၁၁.၂၀၁၁)နေ့မှာ အမျိုးသားဒီမိုကရေစီအဖွဲ့ချုပ်
NLD က ပါတီအဖြစ် မှတ်ပုံတင်မည်၊ ကြားဖြတ် ရွေးကောက်ပွဲ
တွင် ပါဝင်ယှဉ်ပြိုင်မည် စသဖြင့် ကြေညာလိုက်တဲ့အတွက်
ပြည်ထောင်စု မြန်မာနိုင်ငံရဲ့ နိုင်ငံရေး အခန်းကဏ္ဍာမှာ ကြီးမားတဲ့
အလှည့်အပြောင်းတစ်ခုကို စတင်လိုက်ပြီလို့ ထင်ပါတယ်။

NLD ပါဝင်တဲ့ ပြည်သူ့လွှတ်တော် ကိုယ်စားပြုကော်မတီ CRPP၊
ပြည်ပရောက် တိုင်းရင်းသား အဖွဲ့အစည်းမျိုးစုံ ပါဝင်သော ENC တို့
နှင့်ပက်သက်ပြီး အဖွဲ့အစည်းတွေရဲ့ အရေအတွက်၊ အရည်အချင်း၊
အလုပ် လုပ်နိုင်မှု၊ ပြည်သူရဲ့ တိုက်ရိုက်ထောက်ခံမှု၊နိုင်ငံတကာမှာ
ဘယ်လောက်အထိ ကျယ်ပြန့်သလဲ စတဲ့ အချက်အလက်တွေကို
လက်ရှိ ပြည်တွင်းက နိုင်ငံရေး အဖွဲ့အစည်းတွေရော လေ့လာသူများပါ
တွင်တွင်ကျယ်ကျယ် သိသင့်ပါတယ်။ ၂၀၁၀ ခုနှစ် ရွေးကောက်ပွဲကာလ
မှာ NLD ဟာ ရွေးကောက်ပွဲကို သပိတ်မှောက်ဆန့်ကျင်ခဲ့ပါတယ်၊
CRPP အဖွဲ့ဝင် အခြား တိုင်းရင်းသားပါတီများလည်း အလားတူ သပိတ်
မှောက်ကြောင်း ကြေညာချက်တွေ ထုတ်ပြန်ကြပါတယ်။ မဲရုံသွားပြီး
မဲမပေးဖို့ စည်းရုံးလှုပ်ရှားမှုတွေမှာ CRPP အဖွဲ့ဝင် တိုင်းရင်းသား
ပါတီများ အခြေစိုက်ရာ ပြည်နယ်များတွင် လုံးဝ မဖြစ်ပွားခဲ့ပါ။ ဒါကြောင့်
ရွေးကောက်ပွဲရလာဒ်များ ထွက်လာသောအခါ တိုင်းရင်းသား အများစု
နေထိုင်သော ပြည်နယ်များတွင် တိုင်းရင်းသားပါတီများသည် ကြံ့ခိုင်ရေး
ပါတီကဲ့သို့ အနည်းနဲ့အများဆိုသလို အရွေးခံရပါတယ်။ ENC သည်
စစ်အစိုးရ တည်ရှိမှုအား တစုံတရာ လှုပ်ခက်သွားအောင် လှုပ်ရှား
ဆောင်ရွက်ခဲ့သော ပြင်းထန်သည့် နိုင်ငံရေး ဆောင်ရွက်ချက်မျိုး
မရှိခဲ့သေးပါ။

ယနေ့ မြန်မာနိုင်ငံရေးတွင် လစ်ဘရယ်ဒီမိုကရက်ဝါဒ ရေစီးကြောင်း
တွင်ကျယ်လာပါတယ်၊ လစ်ဘရယ်ဒီမိုကရက် ဆိုသည့် အဓိပ္ပါယ်နှင့်
လစ်ဘရယ်ဒီမိုကရေစီ ၀ါဒအကြောင်း နည်းနည်းသိသူရော များများသိသူ
ပါ တွင်တွင်ကျယ်ကျယ် ပြောဆိုနေကြပါတယ်၊ တစ်ယောက်က `ဗဟု´
သံ ကြားရုံနှင့် `ဗဟု´တာမျိုး မဟုတ်ပဲ သေသေချာချာ သိသင့်ပါတယ်၊
NLD အဖွဲ့ချုပ်အပါအ၀င် ဦးသုဝေတို့၏ ဒီမိုကရက်တစ်ပါတီ၊ ဦးခင်မောင်ဆွေ
တို့၏ NDF ပါတီ၊ ဦးသိန်းညွှန့်တို့ ပါတီ၊ ကိုအေးလွင်တို့ ပါတီ၊
လက်ရှိ အာဏာရ ကြံ့ခိုင်ရေးပါတီ၊ တစည ပါတီ၊ ရှမ်း ကျားဖြူပါတီ၊
ချင်းတိုင်းရင်းသား ပါတီများ၊ ရခိုင်တိုင်းရင်းသား ပါတီများ အနေဖြင့်
`မူဝါဒရေးရာ သုတေသန´ ဌာနများ ဖွင့်လှစ်သင့်ပါတယ်၊ ပြည်သူ
လူထုနှင့် ပက်သက်သည့် နိုင်ငံရေး အသိပညာပေး လုပ်ငန်းများ
ဒီထက်ပိုပြီး ကျယ်ကျယ်ပြန့်ပြန့် လုပ်သင့်ပါတယ်။

မြန်မာနိုင်ငံသား အများအပြားသည် ကမ္ဘာ့ဘဏ်၏ သတ်မှတ်ချက်အရ
ဆင်းရဲမွေတေမှု မျဉ်းအောက်ပိုင်းတွင် ရပ်တည်နေပါတယ်။ မြန်မာ့နိုင်ငံ
ရေးလောကတွင် `ဆိုရှယ်ဒီမိုကရက်ဝါဒ´ အကြောင်း ပြောဆိုသည့်
အရေအတွက်သည် ယနေ့အခါ အလွန်နည်းပါး နေပါတယ်။ လယ်သမား၊
အလုပ်သမား၊ လူမှုကွန်ယက်များကို အခြေခံသည့် ဆိုရှယ်ဒီမိုကရက်တစ်
နိုင်ငံရေးသမားများနှင့် `ဆိုရှယ်ဒီမိုကရက်ဝါဒ´ကို အခြေခံသည့် နိုင်ငံရေး
ပါတီများလည်း တရားဝင်အားဖြင့် ရှိသင့်ပါတယ်။ဆိုရှယ်လစ် စီးပွားရေး
စနစ်သည့် `ရော်ဘင်ဟုဝါဒ´ (သူဋ္ဌေးတွေဆီက ဓမြတိုက်၊ ဆင်းရဲသားကို
ဝေပေး) အဖြစ် ကမ္ဘာ့ ဘောဂဗေဒ ပညာရှင်အများစုက သတ်မှတ်ထား
သောကြောင့် ရေပန်းမစားတော့ပါ၊ သို့သော် ကမ္ဘာ့ဒီမိုကရေစီစနစ်တွင်
တည်ရှိနေဆဲ နိုင်ငံရေးစနစ် တစ်ခုဖြစ်သောကြောင့် `ဆိုရှယ်ဒီမိုကရက်
တစ်ဝါဒ´ကို အခြေခံသည့် နိုင်ငံရေးပါတီများ တည်ရှိသင့်ပါတယ်။

*တရုတ်နှင့် အာဆီယံ ကုန်သွယ်မှု မညီမျှခြင်း
*ပါကစ္စတန်နိုင်ငံနှင့် အမေရိကန်ပြည်ထောင်စုအကြား ပြဿနာ
*တရုတ်နှင့် ပါကစ္စတန်နိုင်ငံအကြား မဟာမိတ်ဆန်လာခြင်း
*အမေရိကန်နှင့် ရင်းနှီးလာသည့် အိန္ဒိယနိုင်ငံရေးလောက
*ဗီယက်နမ်နှင့် အိန္ဒိယနိုင်ငံတို့ အကျိုးစီးပွား ပူးပေါင်းလာမှု
*တောင်တရုတ်ပင်လယ်ရှိ ကျွန်းလုပွဲကြောင့် ရိုက်ခက်လာသော
ဒေသတွင်း စစ်ရေးပြင်ဆင်မှုများ
*ကျယ်ပြန့်လာသည့် တရုတ်ယဉ်ကျေးမှုနှင့် စီးပွားရေးအင်ပါယာ
… အစရှိတဲ့ ဒေသတွင်း ပြဿနာများကို အထူးပြုလေ့လာသည့်
`ဒေသတွင်းနှင့် နိုင်ငံတကာ သုတေသန´ဌာန မျိုးလည်း နိုင်ငံရေး
ပါတီများတွင် ယနေ့အထိ လုံးဝ မရှိသေးပါ။ အမြန်ဆုံး ဖွင့်လှစ်သင့်
ပါတယ်။

ရွေးကောက်ပွဲနှင့် ပက်သက်သည့် မဲပေးပိုင်ခွင့်ရှိသည့် လူဦးရေစာရင်း၊
ကြိုတင်မဲပေးမည့် အစိုးရ၀န်ထမ်းနှင့် နာဖျားစာရင်း၊ မဲရုံ အရေအတွက်၊
မဲရုံ ကိုယ်စားလှယ်၊ ဥပဒေပိုင်ဆိုင်ရာ ကျွမ်းကျင်းသူများ၊ ရွေးကောက်ပွဲ
ဆိုင်ရာ ဥပဒေ လုပ်ထုံးလုပ်နည်း ကျွမ်းကျင်သူများ စတဲ့ လိုအပ်ချက်
များနှင့် ပက်သက်ပြီး စစ်တပ် ကျောထောက်နောက်ခံ အာဏာရကြံ့ခိုင်ရေး
ပါတီမှ လွှဲ၍ ကျန် နိုင်ငံရေးပါတီများ၏ ပြင်ဆင်ထားမှုသည် လုံလောက်ခြင်း
မရှိသေးပါ။ `ရွေးကောက်ပွဲဆိုင်ရာ သုတေသန´ ဌာနလည်း ဖွင့်လှစ်ရန်
လိုအပ်ပါတယ်။

စီးပွားရေး လုပ်ငန်းရှင်များ၊ ငွေဖြူငွေမဲ ခ၀ါချသူများ၊ ပြည်ပမှ ရောက်ရှိလာ
သော စီးပွားရေးအရ ရင်းနှီးမြုပ်နှံသူများ၊ ဘဏ်လုပ်ငန်းများ စတဲ့ စီးပွားရေး
သမားများနှင့် ကုမ္မဏီများ၏ အတွင်းရေး၊ အသေးစိတ် အချက်အလက်များကို
မှတ်တမ်းတင် သိရှိနိုင်ရန် `စီးပွားရေးဆိုင်ရာ သုတေသန´ ဌာနလည်း ရှိသင့်
ပါတယ်။

*`မူဝါဒရေးရာ သုတေသန´ ဌာန

*`ဒေသတွင်းနှင့် နိုင်ငံတကာ သုတေသန´ ဌာန

*`ရွေးကောက်ပွဲဆိုင်ရာ သုတေသန´ ဌာန

*`စီးပွားရေးဆိုင်ရာ သုတေသန´ ဌာန

…...
နိုင်ငံရေးပါတီများတွင် အမြန်ဆုံး ဖွင့်လှစ်နိုင်ကြပါစေလို့ ဆုတောင်း
ပါတယ်။

-စစ်ငြိမ်းဒီရေ

Read more »

ကျနော့်အကြိုက် (ဦးကျော်ဝင်း၏ ဟောပြောရုပ်သံ)

(၂၄.၀၄.၂၀၁၁)နေ့ စင်္ကာပူနိုင်ငံတွင် ကျင်းပပြီးစီးခဲ့သော
စာပေဟောပြောပွဲမှ `ကမ္ဘာပြားခြင်း´ ခေါင်းစဉ်ဖြင့်
ဟောပြောခဲ့သော စာရေးဆရာ ဆရာဦးကျော်ဝင်း၏
ရုပ်သံမှတ်တမ်း အချို့ကို DVD ခွေကနေ ထပ်ဆင့်ကူးယူ
ဖော်ပြတာပါ။

ဘလော့ဂါတို့ ထုံးစံအတိုင်း နည်းနည်းလောက် ကိုယ် ပြောချင်ရာ
ကို ပြောပါရစေ ...
ယခုတလော စာဖတ်ခြင်းနဲ့ ပက်သက်ပြီး နေရာအချို့မှာ
အကြိတ်အနယ် ဆွေးနွေးငြင်းခုံရတဲ့အထိ ဖြစ်နေကြပါတယ်။
ကျနော့်အမြင်တော့ ညီအကို မောင်နှမ အချင်းချင်းပဲ ဖြစ်ဖြစ်၊
တစ်တန်းထဲမှာ အတူတူ တက်ခဲ့တဲ့ သူငယ်ချင်း အချင်းချင်းပဲ
ဖြစ်ဖြစ်၊ စာအုပ် တစ်အုပ်တည်းကို အတူတူ လှန်ပြီး ဖတ်ခဲ့တဲ့
ငယ်သူငယ်ချင်းပဲဖြစ်ဖြစ် အချိန်ကာလ တစ်ခုကို ဖြတ်ကျော်ပြီးရင်
ဦးနှောက်ထဲမှာ ကျန်ခဲ့တဲ့ အတိုင်းအတာတွေ ကွဲပြား ခြားနား
တတ်ပါတယ်။ ဘယ်စာအုပ်မျိုးတွေကို ဖတ်တယ်၊ ဘယ်လို
ဖတ်ပြီး ဘယ်လို မှတ်တတ်ရမယ်၊ ဘယ်လိုရွေးချယ်ပြီး ဘယ်လို
ဆုံးဖြတ်တတ်ရမယ် … ဆိုတဲ့ အချက်တွေပဲ အရေးကြီးတယ်လို့
ထင်ပါကြောင်း ကျနော့်စာမျက်နှာပေါ်ကနေ ကျနော့်မိတ်ဆွေများ
ထံ အကြံပြုပါရစေ … :D

(ဒေါ်ကြန်၏ သမိုင်းမှတ်တမ်းထဲမှ မြန်မာနိုင်ငံခေါင်းဆောင်… :P)


(မြင့်မိုရ်တောင် အလယ်ဗဟိုပြု လူ့အဖွဲ့အစည်း … :P )


(တရုတ်ပုံပြင် … :P )


(မူပိုင်ခွင့်အရ DVD ၂- ခွေမှ စာပေဟောပြောပွဲ မှတ်တမ်း
အားလုံးကို ဘလော့ပေါ် တင်ဖို့ မဖြစ်နိုင်လို့ပါ … :P :D )

-စစ်ငြိမ်းဒီရေ

Read more »

အလှူမှတ်တမ်း

သဘာဝဘေးအန္တရာယ်ကြောင့် ရေကြီးပြီး အပျက်အစီး အဆုံးအရှုံး
များလှတဲ့ ပခုက္ကူ၊ ဆင်ဖြူကျွန်းနဲ့ ဆိပ်ဖြူ ဒေသတဝိုက်က အမှန်တကယ်
အကူအညီလိုနေတဲ့ နေရာတွေအတွက် အလှူလေးတခုလုပ်ကြဖို့ကို
မျက်နှာစာအုပ်ပေါ်မှာရှိတဲ့ ဘလော့ဂါများ စကားဝိုင်း (AaB) မှာ စကား
ပြောဖြစ်ကြရင်းက အဲဒီစိတ်ကူးလေးကို လက်တွေ့အကောင်အထည်
ဖေါ်ဖြစ်အောင် ကြိုးစားခဲ့ကြပါတယ်…။

အဲဒီအတွက် အလှူငွေတွေကို အောက်တိုဘာလ ၂၄ ရက်နေ့ကနေ
စပြီး ကောက်ခံခဲ့ပါတယ်။ စင်္ကာပူက အလှူရှင်တွေကတော့
Bank to Bank အလွယ်တကူ ငွေလွှဲနိုင်ခဲ့ကြပြီး အခြားနိုင်ငံတွေက
အလှူရှင်တွေကတော့ သက်ဆိုင်ရာ သူငယ်ချင်းမိတ်ဆွေများကနေ
တဆင့်သော်လည်းကောင်း၊ Western Union နဲ့ PayPal Account
တွေက တဆင့်သော်လည်းကောင်း အလှူငွေတွေကို စေတနာ သဒ္ဓါတရား
ထက်သန်စွာနဲ့ ပေးပို့လှူဒါန်းခဲ့ကြပါတယ်။

အောက်တိုဘာလ ၃၁ ရက်နေ့ နေ့လည် ၁၂ နာရီမှာ အလှူငွေကောက်ခံ
မှုကို ရပ်နားပြီး စာရင်းပိတ်ပါမယ်လို့ ကြေငြာခဲ့ပေမယ့် တကယ်တမ်းမှာ
အလှူငွေတွေက ဆက်တိုက် ဝင်လာနေဆဲဖြစ်တာကြောင့် အဲဒီနေ့က
ည ၁၁ နာရီကျော်မှ စာရင်း ပိတ်ခဲ့ရပါတယ်။

စာရင်းပိတ်အပြီးမှာ လက်ခံရရှိတဲ့ စုစုပေါင်း အလှူငွေက စင်္ကာပူဒေါ်လာ
၅၁၅၀.၂၁ ဖြစ်ပါတယ်။ အခုလို လက်ခံရရှိတဲ့ အလှူငွေတွေကို မနေ့က
နိုဝင်ဘာလ ၁ ရက်နေ့ မနက်ပိုင်းမှာ စင်္ကာပူ တဒေါ်လာကို မြန်မာကျပ်ငွေ
၆၃၅ ကျပ်နှုန်းနဲ့ ဆရာမ မြသွေးနီဆီကို ပို့လိုက်ပါတယ်။ အလှူငွေ စုစုပေါင်း
၃၃ သိန်းအတိ ဖြစ်သွားအောင် သက်ဝေနဲ့ ချစ်ကြည်အေးက ထပ်ဖြည့်ပြီး
လှူလိုက်ပါတယ်။ မနေ့ညနေက ဆရာမ မြသွေးနီက အလှူငွေတွေကို
ကောင်းမွန်စွာ လက်ခံရရှိတဲ့အကြောင်း အီးမေးလ်ပို့လာပါတယ်။

ပခုက္ကူမြို့နယ် အပါအဝင် အမှန်တကယ် လိုအပ်နေတဲ့ နေရာတွေ
အတွက် ဆရာမ မြသွေးနီ လှူဒါန်းတဲ့ အလှူငွေ ကျပ် ၅ သောင်း
အပါအဝင် စုစုပေါင်း အလှူငွေ ၃၃ သိန်း ၅ သောင်းတိတိကို ဆရာ
အော်ပီကျယ်ရဲ့ စီစဉ်ညွှန်ကြားမှုနဲ့အတူ ရနံ့သစ် မဂ္ဂဇင်းက တာဝန်ခံ
အယ်ဒီတာ ဆရာပြည်သွေးနိုင်ထံမှာ ဒီနေ့ နိုဝင်ဘာလ ၂ ရက်နေ့ ညနေ
၃ နာရီအချိန်က သွားရောက် လှူဒါန်းပြီး ဖြစ်ပါတယ်။

ဒီအလှူမှာ ပါဝင်လှူဒါန်းကြတဲ့ အလှူရှင်တွေနဲ့ အလှူငွေ စာရင်း
အပြည့်အစုံက ဒီမှာပါ။

1. Oversea Burmese Youth Group - $S 200.00
2. ဦးထွန်းထွန်းဇော် + ဒေါ်နုနုဝင်း - $S 60.00
3. No name - $S10.00
4. No name - $S10.00
5. ဦးမြင့်ဦး မိသားစု -S$30.00
6. ကိုငြိမ်းချမ်း+မရွှေရည်-S$20.00
7. ကိုစိုးခိုင် + မဝင်းမင်းသန်း - S$ 100.00
8. Trilobite Myanmar နှင့် ဇနီး - S$10.00
9. ဆွေဆွေ - S$ 50.00
10. ကိုဝင်းထွန်းနိုင် + မဟန်အေးစိုး - S$ 30.00
11. Creative Ant Team - S$100.00
12. Everlearner - S$ 30.00
13. Theingi Myint - S$ 50.00
14. ကိုသက် မိသားစု - S$ 50.00
15. Serene Cheong - S$ 10.00
16. လွင်ထူးကို + ခင်စန္ဒာကို - S$ 40.00
17. ဦးလှမြင့် + ဒေါ်ညိုညို - S$ 20.00
18. ကိုဇော်ဝင်းထွတ် + မနှင်းယုယုဝင်း သမီး အေးချမ်းပွင့်ဖြူ - S$ 50.00
19. ဖြူမေဇင် - S$ 33.00
20. ကိုတင်မောင်အေး - S$ 10.00
21. ကိုမောင်မောင်တာ + မမေသူဆွေ - S$ 30.00
22. TOI's friend - S$ 50.00
23. Donation fr Reader - S$ 10.00
24. သန့်ဆွေ - S$ 50.00
25. ZYLKPS - S$ 50.00
26. ကိုပြည်သင်း + မမြနှင်းအေး - S$ 50.00
27. Pink Lover - S$ 110.00
28. Erna (Indonesia) - S$ 150.00
29. မျိုးမြင့်ဟန် - S$ 20.00
30. အောင်ကိုဝင်း - S$ 20.00
31. အောင်မျိုး - S$ 20.00
32. အောင်သူကျော် - S$ 20.00
33. မြတ်ကိုနောင် - S$ 20.00
34. ဆုမွန်သွင် - S$ 20.00
35. ချမ်းငြိမ်းအေး - S$ 20.00
36. ဥမ္မာထွေး - S$ 50.00
37. မိုးစန္ဒာမြင့် - S$ 50.00
38. TDW - S$ 50.00
39. သန်းဇော်မျိုး - S$ 10.00
40. ခရေဖြူ - S$ 30.00
41. အေးအေးစန်း - S$ 50.00
42. ကိုဝဏ္ဏဝင်း + မမေဇော်ဦး သား ညီညာဇော် - S$ 50.00
43. စောစုမြတ် - S$ 30.00
44. လှမျိုးအောင် - S$ 20.00
45. ကိုစိုးဝင်း + မဖြူ - S$ 50.00
46. မကျော့ကျော့ရွှေ - S$ 100.00
47. Mya TheinGi - S$ 20.00
48. ဦးဇော်မြင့် + ဒေါ်စန်းစန်းကြည် - S$ 30.00
49. ခိုင်စုလတ် - S$50.00
50. ချစ်ကြည်အေး (http://www.chitkyiaye.com/) - S$73.40
51. မေဇင်အေး (http://monethu.blogspot.com) -S$30.00
52. Noble Moe (www.noblemoe.blogspot.com) -S$50.00
53. သက်ဝေ (http://www.thet-wai-blog.blogspot.com/) - S$73.40
54. ကိုလူသစ် (http://luthit.blogspot.com/) - S$50.00
55. အမေ့သား (http://amaythar1976.blogspot.com/) - S$50.00
56. ညိုလေးနေ (http://nyolaynay.blogspot.com/) -S$30.00
57. အန်တီတင့် (http://www.auntytint21183.net/) - S$100.00
58. မှုံနံ့သာ (http://nyeinsuaye.blogspot.com/) -S$30.00
59. TZA (http://www.degolar.info/) - $S 30.00
60. TOI (http://turnonideas.blogspot.com/) - $S 50.00
61. ပေါက် (http://ah-pauk.blogspot.com/) - S$ 50.00
62. အင်ကြင်းသန့် (http://ingjinthant.blogspot.com/) - S$ 30.00
63. ပီတိ (http://www.pti31.com/) - S$ 50.00
64. မယ်ကိုး (http://www.maecoe.net/) - S$50.00
65. July Dream (http://july-dream.blogspot.com/) - S$ 150.00
66. ကိုအောင်(ပျူ) မိသားစု (http://www.pyustate.com/) - S$ 50.00
67. ကိုဇော်သက်အောင် (http://www.phoonuthit.com/) - S$ 50.00
68. လင်းလင်းဇော် (http://www.mymps.blogspot.com/) - S$ 50.00
69. တင်မောင်ဌေး + နွေးနေခြည် (http://www.nwaynaychi.blogspot.com/) - S$ 50.00
70. Vista Aung (http://vistazplanet.blogspot.com/) - S$ 40.00
71. ညီရဲသစ် (www.nyiyethit.blogspot.com) - S$ 30.00
72. ကိုဧရာ + မသီတာ သား ရေချမ်း နှင့် ရေစင် (http://sonata-cantata.blogspot.com/) - S$ 50.00
73. မောင်သန့် (www.mgthant.me) နှင့် သူငယ်ချင်း - S$ 50.00
74. ကိုဌေးအောင် (http://luula18.blogspot.com/) - S$ 680.72
75. ဖြိုးဖြိုးလှိုင် (http://www.phyophyohlaing.com) - S$ 86.48
76. နန်းဝါဝါမောင် (http://warwarkhaingmin.blogspot.com/) - S$ 40.00
77. ကောင်းထက်မြင့် (http://khetyintyint.wordpress.com/) – S$ 20.00
78. တေးမွန် (http://ahnai.blogspot.com/) – S$ 100.00
79. ချိုကျ (http://xdeadxromanticx.blogspot.com) - S$ 30.00
80. ဖိုးသင်္ကြန် (www.phothagyan.blogspot.com ) - S$ - 50.00
81. Libra Tun (http://libratun.blogspot.com/) - S$ 20.00
82. ကိုဂျေ (http://xdeadxromanticx.blogspot.com) - S$ 20.00
83. ဘိုဘို နှင့် ဖိုးစိန် (http://phoesein.blogspot.com/ & http://www.mogokthar.com/) - S$ 50.00
84. ပိုးပိုး (http://33poepoe.blogspot.com/) - S$ 30.00
85. နော်ဖော (http://rose-sharon.blogspot.com/) - S$400.00
86. ကေသွယ် (http://kthwe.blogspot.com/) - S$ 50.00
87. KMSL + KOM (http://khinoomay77.blogspot.com) - S$ 30.00
88. အိန္ဒြာ (http://eaindrar.blogspot.com/) - S$ 50.00
89. မိုးပန်းချီ (http://moepanchi.blogspot.com/) - S$ 20.00
90. မေသိမ့်သိမ့်ကျော် (http://www.maytheint2kyaw.com/) - S$ 80.00
91. ကိုခင်မောင်ဦး + မသန္တာလွင် (http://thandarlwin.blogspot.com/) - S$ 30.00
92. မြသွေးနီ (http://www.myathwayni.com/) - ကျပ် ၅ သောင်း

စုစုပေါင်း စကာင်္ပူဒေါ်လာ ၅၁၉၇.၀၀ နဲ့ မြန်မာကျပ်ငွေ ၅ သောင်း
ဖြစ်ပါတယ်…။

ဒီစုပေါင်းအလှူလေး အောင်မြင်ဖို့အတွက်…
AaB (All about Bloggers) ဆိုတဲ့ ဘလော့ဂါများ စကားဝိုင်းလေးတခု
ဖြစ်လာအောင် မျက်နှာစာအုပ်မှာ စပြီး အကြံပြုခဲ့တဲ့ ကိုအောင် (ပျူနိုင်ငံ)၊
အဲဒီ ဘလော့ဂါတွေ စကားဝိုင်းမှာ တို့တွေ စုပေါင်းအလှူလေးတခုလောက်
လုပ်ကြရင် ကောင်းမှာ… လို့ စကားစခဲ့တဲ့ ဘော်ဒါကြီး ကလူသစ်၊ ဒါဆိုရင်
ပခုက္ကူရေဘေးမှာ သွားလှူကြရအောင်လေ လို့ ပြောဆိုလှုံ့ဆော်ခဲ့တဲ့
ကိုဂျူလိုင်၊ Personal Bank Account ကို အသုံးပြုခွင့်ပေးပြီး ဝင်သမျှ
အလှူငွေစာရင်းတွေကို စိတ်ရှည်လက်ရှည် update လုပ်ပေး၊ ဆရာမ
မြသွေးနီ နဲ့ ဆရာ အော်ပီကျယ်တို့ကို ကိုယ်တိုင်ကိုယ်ကျ ဆက်သွယ်ပြီး
အလှူဖြစ်မြောက် အောင်မြင်အောင် စနစ်တကျ စီစဉ်ဆောင်ရွက်ပေးခဲ့
တဲ့ သူငယ်ချင်း ချစ်ကြည်၊ အဖွဲ့ရဲ့ လိုဂိုလေးကို အမနှစ်ယောက် ပြင်ချင်သမျှ
အကြိမ်ကြိမ် ပြန်ပြင်ပေးခဲ့တဲ့ မောင်လေး ဆောင်းချမ်းမိုး အပါအဝင်…
တယောက်နဲ့ တယောက် အပြင်မှာ တခါမှ မတွေ့ဖူး မမြင်ဖူးကြ
သော်လည်း ချစ်စရာ မြန်မာလူမျိုးတွေပီပီ အလှူလို့ ကြားလိုက်ရင်
စေတနာ သဒ္ဓါတရား ထက်သန်စွာနဲ့ ထည့်ဝင်လှူဒါန်းကြတဲ့ ရပ်နီး ရပ်ဝေး
မှ အလှူရှင် ဘလော့ဂါ ညီအကို မောင်နှမများ နဲ့ စိတ်စေတနာချင်းရော
ယုံကြည်ချက်ချင်းပါ ထပ်တူညီကြတဲ့ အွန်လိုင်းပေါ်က မိတ်ဆွေ သူငယ်ချင်း
တွေ အားလုံးကို အထူးကျေးဇူးတင်ရှိပါကြောင်း ဝမ်းမြောက် ဝမ်းသာစွာနဲ့
မှတ်တမ်းတင်အပ်ပါတယ်…။

အလှူရှင်များအားလုံး မိမိတို့ လိုရာဆန္ဒများ တလုံးတဝတည်း ပြည့်ဝ
ကြပါစေ… နောက်နောင်ကိုလည်း အခုထက် ပိုတိုးပြီး လှူနိုင် တန်းနိုင်
သူများ ဖြစ်ကြပါစေ… စိတ်ရော ကိုယ်ပါ ကျန်းမာ ချမ်းသာစွာနဲ့ လောကီ
လောကုတ္တရာ နှစ်ဖြာသော အကျိုးကို သယ်ပိုးဆောင်ရွက်နိုင်သူများ
ဖြစ်ကြပါစေလို့ အားလုံးရဲ့ကိုယ်စား ဆုတောင်းမေတ္တာ ပို့သအပ်ပါတယ်…။

(အမ မသက်ဝေရဲ့ ဘလော့ကနေ ထပ်ဆင့်ကူးယူ ဖော်ပြပါတယ်။)

Read more »

အိမ်မက်ဆိုးများ မက်တတ်သော ဟောလိုဝင်း ပွဲတော်ည

အောက်တိုဘာလ(၃၁)ရက်နေ့ ညနေပိုင်းကို ဟောလိုဝင်းညနေခင်း
အဖြစ် ကမ္ဘာနဲ့အ၀ှမ်း ပျော်ပွဲရွှင်ပွဲတွေ ပြုလုပ်ကြတဲ့ ယဉ်ကျေးမှု
ဟာ ယနေ့ တော်တော်လေး ကျယ်ပြန့်လာပါပြီ၊ ဘာသာတရား
ကိုးကွယ်ယုံကြည်မှုကို အပြင်းအထန် ဝေဖန်ဆန်းစစ်နေတဲ့ ယနေ့
ခေတ် ကမ္ဘာ့လူငယ်တွေအကြား သရဲတစ္ဆေဆိုတာ ရင်ခုန်စရာ ကြည်နူး
ပျော်ရွှင်စရာပေးတဲ့ ပုံပြင်တစ်ပုဒ်လို ဖြစ်လာပါပြီ။ အထူးခြားဆုံးကတော့
ယနေ့ (၂၁)ရာစု လူငယ်များဟာ သရဲတစ္ဆေဆိုရင် နောက်ဆုတ်
သွားမယ့် ပုံစံမျိုး မဟုတ်တော့ပဲ ရှေ့တစ်လှမ်းတိုးပြီး စူးစမ်းဖို့
မှတ်တမ်းတင်ဖို့ ခွန်အားသတ္တိတွေ တိုးပွားလာအောင် ပေးစွမ်း
နေသလိုလို ….။

၁၂ ရာစု အလယ်ခေတ် ခရစ်ယာန်ဘာသာ ယဉ်ကျေးမှုကတဆင့်
မွေးဖွားလာခဲ့တဲ့ Halloween eve၊ All Saints' Day နဲ့ All Souls' Day
တို့ဟာ အောက်တိုဘာလ (၃၁)ရက်၊ နိုဝင်ဘာလ(၁)နဲ့ နိုဝင်ဘာလ
(၂)ရက်နေ့များအဖြစ် ဆက်တိုက် ဖြစ်နေတာမို့ ဒီအချိန် ဒီကာလနဲ့
ပက်သက်ပြီး နာမ်ဝိညာဉ်များနှင့် သက်ဆိုင်သော မှတ်တမ်းမှတ်ရာ
များကလည်း အမျိုးအစား ခပ်များများပါ။ ဆောင်းဦးပေါက်ရာသီ
(Autumn)ရဲ့ နောက်ဆုံးလဖြစ်သော နိုဝင်ဘာလကို ကူးပြောင်း
လာချိန် ကမ္ဘာ့မြောက်ပိုင်းဒေသတွေမှာ နေရဲ့ အလင်းရောင်ကို
ရရှိမှု တဖြေးဖြေး လျှော့နည်းလာကြပါတယ်။ နံနက်ပိုင်း ၈ နာရီ၊
၉ နာရီမှာ နေထွက်တာကို မတွေ့ရနိုင်သေးသလို၊ ညနေခင်း ၄ နာရီ
လောက်ကစပြီး တဖြေးဖြေး စတင် မှောင်မိုက်လာလေ့ရှိပါတယ်။

လွန်ခဲ့သော (၂)နှစ်ခန့်က စာရေးသူဟာ ဟောလိုဝင်း ပွဲတော်တစ်ခု
ဆီ ရောက်ခဲ့ဖူးပါတယ်၊ အသိမိတ်ဆွေ အတော်များများလည်း
အဲဒီပွဲကို သူတို့ရဲ့ သားသမီးတွေနဲ့ ဆူဆူညံညံ ပျော်ပျော်ရွှင်ရွှင်
ပါဝင် ဆင်နွှဲကြပါတယ်။ ပွဲကို ဦးဆောင်ကျင်းပတဲ့ ဇနီးမောင်နှံဟာ
ယူလန်(Jylland) ကျွန်း၊ အတွင်းဖက်ချောင်ကျကျ ကျေးရွာတစ်ခုမှာ
နေထိုင်သူတွေပါ၊ ပွဲလုပ်မယ့် ညနေခင်း သူတို့အိမ်ကို အချိန်
နည်းနည်းစောပြီး ရောက်သွားတော့ သူတို့ခြံထဲ လျှောက်ပြီး
ကြည့်မိပါတယ်၊ သူတို့ခြံဟာ ဘုရားကျောင်းနဲ့ ကျောချင်းကပ်ပါ၊
ခရစ်ယာန်ဘာသာရေး ထုံးစံအတိုင်း ဘုရားကျောင်းဝန်းထဲမှာ
သင်္ချိုင်းအုတ်ဂူတွေလည်း ရှိပါတယ်၊ သပ်သပ်ရပ်ရပ် သန့်သန့်
ရှင်းရှင်း အမြဲတမ်း ပြုလုပ်ထားပုံရတဲ့ ဘုရားကျောင်းထဲက
သင်္ချိုင်းမြေဟာ ကြောက်စရာ အသွင်သဏ္ဍာန်မျိုး လုံးဝ မရှိပါ။

အိမ်ရှင် လင်မယားနှစ်ဦးမှာ ခင်ပွန်းဖြစ်သူဟာ ဘာသာမဲ့တစ်ဦး
ပါ၊ ဘယ်ဘာသာတရားမှ မကိုးကွယ်ပါဘူး၊ ကွန်မြူနစ် မာ့စ်ဝါဒီ
လို ရုပ်ဝါဒီမျိုးလည်း မဟုတ်ပါဘူး၊ သို့ပေမယ့် သူ့ကြည့်လိုက်ရင်
အမြဲတမ်း ပျော်ပျော်ရွှင်ရွှင် နေတတ်လို့ လူချစ်လူခင်လည်း
အင်မတန် ပေါပါတယ်။ အမျိုးသမီးကတော့ ဗုဒ္ဓဘာသာဝင်ပါ။
သူတို့လင်မယားဟာ အလယ်အလတ်တန်းစား စီးပွားရေးလုပ်ငန်း
ရှင်တွေပါ၊ ငွေရေးကြေးရေးလည်း ပြည့်စုံပါတယ်။ သို့ပေမယ့်
စီးပွားရေးနဲ့ ပက်သက်လာရင် ညတရေးနိူးတောင် အရောင်းအ၀ယ်
ထ'လုပ်မယ့် လူစားမျိုးတွေပါ။ ဒီလိုနဲ့ ပွဲတော်စတဲ့အချိန်
ကလေးတွေက မျက်နှာဖုံးတွေ စွပ်၊ သရဲပုံစံ မျက်နှာပေါ် ဆေးချယ်
ပြီး အိမ်အရေအတွက် အနည်းငယ်ပဲ ရှိတဲ့ အဲဒီရွာထဲက အိမ်တွေဆီ
တစ်အိမ်တက် တစ်အိမ်ဆင်း တံခါးတွေခေါက်ပြီး ချောကလက်တို့
အအေးဗူးတို့ အလှူလိုက်ခံကြပါတယ်။ ဘာသာတရား လုံးဝ မကိုး
ကွယ်တဲ့ အိမ်ရှင်မိတ်ဆွေအပါအ၀င် စာရေးသူနဲ့ တခြား လူကြီး
အရွယ် သုံး … လေးဦးဟာ ကလေးတချို့ကို ရွာထဲက အိမ်တွေဆီ
ဦးဆောင် ခေါ်သွားပြီး ဟောလိုဝင်း အလှူခံထွက်ကြပါတယ်။

မှောင်မဲပြီး တိတ်ဆိတ်ကာစ ညနေစောင်းရဲ့ မှောင်ရိပ်ပျိုချိန်မှာ
အဲဒီရွာထဲမှာတော့ တဟေးဟေး တဟားဟားနဲ့ ရယ်သံတွေ
လွှမ်းခြုံနေပါတယ်။ ဒီလိုနဲ့ ခဏလောက်နေတော့ မိတ်ဆွေခြံရဲ့
အနောက်ဖက်မှာ ရှိတဲ့ ဘုရားကျောင်းလမ်းပေါ် စာရေးသူတို့အုပ်စု
ရောက်လာကြပါတယ်၊ အဲဒီအချိန်မှာ ဘုရားကျောင်း ရှေ့တည့်တည့်
က ခြံထဲကနေ ခွေးတစ်ကောင်ရဲ့ စွဲစွဲငင်ငင် အူလိုက်တဲ့ အသံ
ကြောင့် လမ်းလျှောက်လာကြတဲ့ တစ်ဖွဲ့လုံး ခေတ္တတိတ်ဆိတ်
သွားပါတယ်။ ဟောလိုဝင်းပွဲတော် ဦးဆောင်ကျင်းပတဲ့ မိတ်ဆွေကို
သူ့နံဘေးက အသိတစ်ယောက်ကနေ မေးလိုက်ပါတယ် …
အခု ခွေးအူသံ ထွက်လာတဲ့ ခြံက မင်း ထပ်ဝယ်လိုက်တဲ့ ခြံလား
တဲ့၊ အဲဒီခြံမှာ သရဲခြောက်တယ်လို့ ခြံနီးနားချင်းတွေ ပြောတာ
ကြားဖူးတယ်တဲ့ … အဲလိုလည်း မေးလိုက်ရော စာရေးသူရဲ့မိတ်ဆွေ
က သရဲတစ္ဆေကို သူအနေနဲ့ လုံးဝ မယုံကြည်ကြောင်း၊ လက်မခံ
ကြောင်း ပြန်ပြောပါတယ်၊ အခုလို ခွေးအူသံဟာ တခါတရံ အခုလို
အဲဒီခြံထဲမှာရှိတဲ့ အိမ်ကနေ ထွက်လာသလိုလို ကြားရကြောင်း
လည်း သူက ဆက်ပြောပါတယ်။

လက်ရှိ သူတို့ဇနီးမောင်နှံနေထိုင်တဲ့ ခြံနဲ့ သူတို့ထပ်ဝယ်လိုက်တဲ့
ခြံဟာ အဝေးကြီးတော့ မဟုတ်ပါ၊ လက်ရှိခြံနဲ့ ဘုရားကျောင်းက
ကျောချင်းကပ် ဖင်ချင်းပေါက်၊ ထပ်ဝယ်တဲ့ခြံက ဘုရားကျောင်းရှေ့
က ကားလမ်းရဲ့တစ်ဖက် မျက်နှာချင်းဆိုင်မှာပါ၊ စာရေးသူက
သူ့ကို အခုလို အလယ်ကနေ သင်္ချိုင်းမြေ ကြားခံနေတဲ့ တစ်ဖက်
အဆောက်အဦးမျိုးကို မ၀ယ်ယူသင့်ကြောင်း ပြောပြပါတယ်။
စာရေးသူရဲ့ မိတ်ဆွေက သူ ထပ်ဝယ်လိုက်တဲ့ ခြံဟာ ဈေးအင်မတန်
ပေါကြောင်း၊ အခုလို ဈေးချိုချို ၀ယ်ရဖို့ဆိုတာ မလွယ်ကူတဲ့
ကိစ္စဖြစ်ကြောင်း၊ သူ့ဇနီးနဲ့ တခြားမိတ်ဆွေတွေကလည်း အခုလို
ကြားမှာ သင်္ချိုင်းမြေ ကြားခံဖြစ်သွားမယ့် တစ်ဖက်ခြံကို ထပ် မ၀ယ်
ဖို့ သူ့ကို တားကြကြောင်း ပြောပြပါတယ်၊ သရဲတစ္ဆေနာမ်ဝိညာဉ်
ကို လုံးဝ လက်မခံတဲ့ သူ့အတွက် ပြဿနာ လုံးဝမရှိကြောင်းပဲ
ထပ်ခါတလဲလဲ ပြောပြပါတယ်။ သို့ပေမယ့် ခွေးမရှိပဲ ထူးထူးဆန်းဆန်း
ခွေးအူသံထွက်လာတာကို သူလည်း အဖြေ ရှာမတွေ့ပါ။

အဲဒီမတိုင်ခင်က သူတို့ ဇနီးမောင်နှံဟာ ခွေးအူသံ ထွက်လာတဲ့
အဲဒီခြံထဲမှာ အိမ်အသစ် ဆောက်ဖို့အတွက် အိမ်အဟောင်းကို
ဖြိုချကြပါတယ်၊ အလုပ်သမားခ ဈေးကြီးလို့ဆိုပြီး သူတို့လင်မယား
ဟာ စနေ၊ တနင်္ဂနွေလို ရုံးပိတ်ရက်တွေမှာ အိမ်ဟောင်းဖျက်တဲ့
အလုပ်ကို လုပ်ကြပါတယ်။ တညမှာ ဇနီးဖြစ်သူဟာ အိမ်မက်တစ်ခု
ကို မက်ပါတယ်၊ အိမ်မက်ထဲတွင် ကုတင်ပေါ်မှာ သူ့ခင်ပွန်းတစ်ဦး
တည်း အိမ်ပျော်နေပါတယ်၊ ကုတင်နံဘေးကနေ အစွယ်တငေါငေါဖြင့်
ဒေါသထွက်နေသော ခွေးတစ်ကောင်က သူ့ယောက်ျားကို ကြည့်ရင်း
ဟောင်နေပါတယ်။ သူ့ယောက်ျားက အိပ်ပျော်နေရာကနေ လုံးဝ
မနိုးပါ၊ နောက်ဆုံးမှာ ခွေးက သူတို့ ကုတင်ပေါ် ခုန်တက်လာလို့
ဇနီးသည်ဖြစ်သူ လန့်ပြီး အော်လိုက်ချိန်မှာ အိမ်မက်ကနေ လန့်ပြီး
နိုးလာတယ်တဲ့ ...။

သူတို့လင်မယားက အဲဒီအိမ်မက်ကို ရယ်စရာအဖြစ် ဟောလိုဝင်း
ပါတီပွဲ ရောက်လာသူ အားလုံးကို ပြောပြပါတယ်။ မကြာခင် အဲဒီခြံ
ထဲက အိမ်ဟောင်းဖြိုတာ ပြီးတော့မှာမို့လို့ ခွေးလည်း ဟောင်နိုင်
တော့မှ မဟုတ်ဘူးလို့ ဆိုကြပါတယ်။ မိတ်ဆွေများက သတိထား
ဖို့ တိုက်တွန်းမှုဟာ သူတို့လင်မယားအတွက် အရာ မထင်တော့ပါ။
… အခုလို ဟောလိုဝင်းအချိန်ကာလမှာ ပေါက်ကရ အိမ်မက်ဆိုးတွေ
မက်တာ မထူးဆန်းပါဘူး … လို့ သူတို့ လင်မယားက ဆိုကြပါတယ်။

ဒီလိုနဲ့
ဒီလိုနဲ့
ဒီလိုနဲ့ … တစ်နေ့မှာတော့ စိတ်မကောင်းဖွယ် သတင်းစကားတစ်ခု
ကြားရပါတော့တယ်၊ ခင်ပွန်းဖြစ်သူဟာ ခြံထဲမှာ သန့်ရှင်းရေးလုပ်မယ်
လို့ ပြောပြီး ထွက်သွားပါတယ်၊ တစ်နာရီပြီး တစ်နာရီ၊ အချိန်
တော်တော်ကြာတဲ့အထိ အိမ်ထဲ ပြန်မလာပါ၊ ဒါကြောင့် ခြံအတွင်း
လိုက်ရှာလိုက်တော့ သင်္ချိုင်းမြေနဲ့ ကပ်ရပ် ခြံထောင့်တစ်နေရာ
မှာ လဲကျနေတာကို တွေ့ရပါတယ်၊ ခြံနီးနားချင်းတွေ အကူအညီ
နဲ့ ဆေးရုံ အရေးပေါ်ကားကို ချက်ချင်းဆိုသလို ခေါ်ယူနိုင်ခဲ့ပါတယ်၊
သို့ပေမယ့် … လဲကျနေတာကို တွေ့ရတဲ့ အချိန်ကတည်းက
သူ့ခင်ပွန်းတွင် အသက်မရှိတော့ပါ …
အဲဒီနောက်ပိုင်းက စပြီး သူတို့ထပ်မံဝယ်ယူခဲ့တဲ့ ခြံထဲကနေ
ခွေးအူသံ ထွက်မလာတော့ပါ ….။

-စစ်ငြိမ်းဒီရေ

Read more »