Friday, 28 October 2011

အမှတ်တရ (အပိုင်း- ၄)

(ထိတ်လန့်ကြောက်ရွံ့တတ်သူများ မဖတ်ရှုသင့်ပါ။)

ယခင် အပိုင်း(၃)မှ အဆက် ….

အိမ်ခေါင်မိုးပေါ်ကို တဖျောက်ဖျောက်ကျဆင်းလာတဲ့ မိုးရေကျသံ
နှင့်အတူ ဗွီဒီယိုဇာတ်လမ်းကို ကြည့်ရင်း သူတို့ မျက်ခွံတွေ
လေးလံနေပါပြီ၊ မမအေး ထ'ယူပေးတဲ့ ဖြူဖြူတို့အိမ်က ရှိရှိသမျှ
စောင်တွေကို မျှခြုံရင် တချို့က နံရံကို မှီ၊ တချို့က မောက်ခုံ၊
တချို့က ပက်လက်၊ ချစ်ကြိုက်ညားကွဲ ဇာတ်လမ်းထဲက စကားလုံး
များဟာ သူတို့အာရုံများကို ဖမ်းစားလျက်။

ဇာတ်လမ်းတစ်ခု ပြီးဆုံးသွားလို့ နောက်ထပ် ဇာတ်လမ်းခွေ တစ်ခွေကို
တစုံတယောက်က စက်ထဲကို ထည့်လိုက်လို့ “ချောက်ကနဲ” မြည်သံ
ကို ကြားလိုက်ရပါတယ်၊ ဇာတ်လမ်းနာမည် ဘာလဲ၊ ဘယ် မင်းသား
မင်းသမီးတွေ ပါလဲ၊ ဒါရိုက်တာ ဘယ်သူလဲလို့ မေးခွန်းထုတ်သူ
မရှိသော တိတ်ဆိတ်မှုထဲ နောက်ထပ် ဇာတ်လမ်းအသစ်က စတင်
နေပါပြီ။ ဗွီဒီယိုကြည့်နေသူတွေကြား တိတ်ဆိတ်မှုကို ဖြိုခွဲလိုက်သူက
နွေအေးရဲ့ သူငယ်ချင်း မျောက်မူးလဲ ....


`နွေအေး၊ မင်းပြောတော့ မင်းတို့ခေါင်းရင်းက အိမ်မှာ ဟိုဟာ
ဖြစ်တယ်ဆို၊ ခုထိ ဘာမှ မကြားရသေးပါလား ...´
`မင်းကလဲ၊ အဲဒီသရဲ အပြင်လျှောက်သွားနေလို့ ဖြစ်မှာပေါ့ ...´
`သရဲက လူလို လဖက်ရည်ဆိုင်တွေ ဘာတွေ ထိုင်တတ်လို့လား ...´
`သရဲ ဗိုက်ဆာလို့ အပြင်ထွက် ၀ယ်စားနေတာဖြစ်မယ် ...´
`ဟားဟားဟား … ´
`ဟဲ့ မျောက်မူးလဲနဲ့ နောက်တိုး၊ တီဗွီက လာတဲ့အသံကို မကြားရဘူး၊
နင်တို့အသံပဲ ဆူနေတာ၊ ငါတို့အိမ်ပေါ်မှာ ပေါက်ကရတွေ လျှောက်
မပြောနဲ့နော် ...´
`မဖြူ ကြောက်လို့ မလား၊ ဟားဟားဟား ...´
`ကြောက်တယ်လို့လည်း မဟုတ်ပါဘူး၊ ဒါပေမယ့် နည်းနည်းတော့
ကြောက်တယ် … ´
`ဟားဟားဟား ...´

ဇာတ်လမ်းစလို့ သိပ်မကြာခင် ထွေးထွေးတစ်ယောက် ဖြူဖြူကို
လက်ကုတ်ပြီး နောက်ဖေးအိမ်သာသွားချင်လို့ အဖော်စပ်နေပါတယ်။
အိမ်သာထဲက ထွေးထွေးကို စောင့်နေရင် ဖြူဖြူတစ်ယောက်
နောက်ဖေးပြတင်းပေါက်ကနေ လျှောက်ကြည့်နေမိပါတယ်။
ရုတ်တရက် စကားပြောသံလိုလို ငိုရှိုက်သံလိုလို အသံတစ်ခုကို
ကြားလိုက်ရသောကြောင့် ဖြူဖြူ ထိတ်လန့်သွားပါတယ်။ အိမ်ရှေ့
က ဖွင့်နေတဲ့ ဗွီဒီယိုဇာတ်လမ်းထဲက လား … နောက်ဖေးအိမ်က
ထွေးထွေးတို့ သားပုတို့ မိဘနှစ်ပါး ရန်များ ဖြစ်နေသလား … စသဖြင့်
အိမ်သာအပေါက်ဝမှာ စဉ်းစားရင် အဖြေရှာလို့ မရ။

`ထွေးထွေး … ကြာလိုက်တာဟာ … ဟဲ့ ...ထွေးထွေး …
ထွေးထွေး ...´ အိမ်သာထဲကို ဘယ်လို ခေါ်ခေါ် ထွေးထွေးထံမှ
မည်သည့်အသံမှ ထွက်ပေါ်မလာသောကြောင့် ဖြူဖြူအသံဟာ
တဖြေးဖြေးချင်း ပိုပိုကျယ်လာပါတယ် ...။ ဖြူဖြူအသံကြောင့်
အိမ်ရှေ့ခန်းမှာ ဗွီဒီယိုကြည့်နေကြတဲ့ ကိုစိုး၊ မမအေးနဲ့ နွေအေး
အပါအ၀င် ကလေးငယ်အားလုံး နောက်ဖေးဆီ ပြေးဝင်လာကြ
ပါတယ်။ အိမ်သာတံခါးကို သူတို့အားလုံး ဘယ်လို ထုထု အိမ်သာ
ထဲက ထွေးထွေးရဲ့အသံတော့ ထွက်မလာ၊ အတန်ကြာအောင်
ခေါ်နေကြပေမယ့် ပြန်ထူးသံ မကြားရတဲ့အဆုံး အိမ်သာတံခါးကို
ဇွတ်အတင်း ဆွဲဖွင့်ဖို့ ကိုစိုးက ဟန်ပြင်လိုက်ပါတယ်၊ အိမ်သာ
အပေါက်တည့်တည့်မှာ မမအေးနဲ့ ဖြူဖြူတို့ နှစ်ဦးသာရပ်နေပြီး
ယောင်္ကျားလေးအားလုံးကို ဘေးဖယ်ခိုင်းလိုက်ပါတယ်။ အိမ်သာရဲ့
အပေါ်ထောင့် တစ်နေရာက ပြတင်းပေါက် သေးသေးလေးကို
ဖုံးအုပ်ထားတဲ့ မိုးကာ ပလပ်စတစ်ရဲ့ တဗြန်းဗြန်းရိုက်သံကြောင့်
သူတို့ ဆံပင်မွှေးတွေ ထောင်သွားကြ။

သူတို့အားလုံးရဲ့ ဇွတ်အတင်း လှုပ်နိူးသံကြောင့် တအင်းအင်း
ဖြစ်နေတဲ့ ထွေးထွေးကို ကြည့်ရင်း အားမလို အားမရ၊ အိမ်ရှေ့
ခန်းက မပိတ်ခဲ့တဲ့ တီဗွီအသံကြောင့် နွေအေးကို တီဗွီ သွားပိတ်
ဖို့ ကိုစိုးက ပြောလိုက်ပါတယ်။ နောက်ဖေးခန်းရဲ့ မီးလုံး ၀ါကျင့်ကျင့်
အောက်မှာ သူတို့ရဲ့ မျက်နှာတွေကို ပြူးကြောင်ကြောင် ကြည့်ရင်း
တစ်ခုခုကို ကြောက်လန့်နေပုံရတဲ့ ထွေးထွေး မျက်ဝန်းအိမ်ထဲ
တွင် မျက်ရည်များက အပြည့်။ ထွေးထွေးဆီ တစ်ယောက်တစ်ခွန်း
မေးနေတဲ့ စကားသံတွေ ဖုံးလွှမ်းသွားအောင် ကြားလိုက်ရတဲ့
အသံက သူတို့အကြားက မဟုတ်၊ အိမ်ရှေ့က တီဗွီကို သွားပိတ်
နေသော နွေအေး၏ အသံ ….
`လာကြပါအုံး … ဘာကြီးလဲ … ဘယ်သူလဲ … ဘယ်သူလဲ ...´

ဖြူဖြူတို့အားလုံး အိမ်ရှေ့ခန်းကို ရောက်လုဆဲဆဲ အချိန် နားထဲမှာ
ကြားနေရတာက အမျိုးသမီးတစ်ဦးရဲ့ လှောင်ရယ်သံ လိုလို၊ အိမ်ရှေ့
ခန်းရဲ့ ထောင့်တစ်နေရာမှာ ကြောက်လန့်နေတာက နွေအေး၊ တီဗွီရှေ့
မှာ ကြမ်းပြင်ပေါ်က ရေစိုနေသော ခြေရာများက သူတို့အားလုံးကို
လှောင်ပြောင်နေသလိုလို၊ ဘယ်သူ ဖွင့်လိုက်မှန်းမသိတဲ့ ခေါင်းရင်းဖက်
ပြတင်းပေါက်ကနေ တိုးဝင်လာတဲ့ လေတချို့က သူတို့နောက်ကျော
ထဲ စိမ့်ပြီး ၀င်လာသလိုလို ….။ … ဘာဖြစ်တာလဲ နွေအေး … ဘာကို
မြင်လိုက်လို့လဲ …
`ကျနော် တီဗွီပ်ိတ်ဖို့ ဒီနားကို ရောက်လာတော့ ခေါင်းရင်းပြတင်း
ပေါက်က ပွင့်နေတယ်၊ အဲဒါနဲ့ တီဗွီကို မပိတ်သေးပဲ ပြတင်းပေါက်ကို
အရင်ပိတ်ဖို့ တံခါးကို ဆွဲလိုက်တော့ ကျနော့်နောက်ကနေ ရယ်သံ
လိုလို အသံတစ်ခု ထွက်လာတယ်၊ အဲဒါ လှည့်ကြည့်လိုက်တော့
ဆံပင်ရှည်ရှည်နဲ့ အမကြီးတစ်ယောက်က ကျနော့်ပခုံးကို ဆုပ်ကိုင်ပြီး
ဒီကြမ်းပြင်ပေါ် တွန်းချလိုက်တာဗျာ၊ ကျနော် အော်ဖို့ ကြိုးစားတယ်၊
ကျနော့်ပါးစပ်က ဘာစကားမှ ပြောလို့မရဘူး၊ အဲဒီအချိန်မှာ ခေါင်းရင်း
အိမ်က ပြတင်းပေါက်ပွင့်လာပြီး အ၀တ်အစားတွေ ရေစိုနေတဲ့ အကိုကြီး
တစ်ယောက်လည်း ဒီဖက်ကို ခုန်ကူးလာတယ်၊ လဲကျနေတဲ့ ကျနော့်ကို
ကြည့်ရင်း သူတို့နှစ်ယောက် ဟားတိုက် ရယ်နေတာ အကြာကြီးပဲ၊
အဲလို ရယ်မောနေရင်း သူတို့ရဲ့ပုံစံက လူပုံစံကနေ သရဲလိုလို တစ္ဆေ
လိုလို ကြောက်စရာပုံစံတွေ ပြောင်းသွားတယ်၊ ဒါနဲ့ ကျနော်လည်း
ကုန်းရုန်းပြီး အော်လိုက်တာ … အဲဒီတော့မှ ကျနော့်အသံက ထွက်
လာတယ် … သူတို့နှစ်ယောက် အခုလေးတင် ပြတင်းပေါက်ကနေ
သူတို့အိမ်ဖက်ကို ခုန်ကူးသွားတာ … ကြောက်စရာကြီး ….´

ရုတ်တရက် ဖြူဖြူတို့အိမ်ရှေ့ကနေ ပေါင်ချိန်တို့အဖွား ဖွားဖွားမြ
ရဲ့ အော်ခေါ်သံကို သူတို့ ကြားလိုက်ရပါတယ် …
`ကလေးတို့ရေ … ကလေးတို့ ...´
အိမ်ပေါ်ကနေ အလုအယက် ပြေးဆင်းလာကြသော သူတို့အားလုံး
ဖွားဖွားမြထံ သူတို့ဖြစ်ပျက်နေပုံကို မပြောနိုင်၊ ဖွားဖွားမြက ကိုစိုးနှင့်
မမအေးကို ပြောပြနေသာ စကားတွေကို နားထောင်ရင်း အသက်ရှုဖို့
မေ့နေကြ …
`ဒီ ခေါင်းရင်းအိမ်ရဲ့ ခေါင်းရင်းဖက် တစ်အိမ်ကျော်မှာ နေတဲ့ လေးဘီး
ကားမောင်းတဲ့ စည်သူတို့အိမ်မှာ စည်သူ့မိန်းမ ဇာခြည်တစ်ယောက်
ငိုလိုက် ရယ်လိုက်ဖြစ်နေတယ် … ဘယ်လို ပြောရမလဲ … ညကြီးမိုးချုပ်
… အပမှီတာ သရဲဝင်ပူးတာ ခံနေရတယ်လို့ ပြောနေကြတယ် …
မင်းတို့ခေါင်းရင်းအိမ်က သူတို့အိမ်နဲ့ဆို ခြေရင်းအိမ်လေ … အဲဒါ
ခပ်စောစောက သူတို့အိမ် အပေါ်ထပ်က ပြတင်းပေါက်တံခါးကို လာ
ခေါက်သံကြားရလို့ ထ' ဖွင့်ပေးလိုက်တာ... ဘာမှ မမြင်ရဘူး … အဲဒီ
အချိန်ကစပြီး ဇာခြည် ငိုလိုက်ရယ်လိုက်နဲ့ အပမှီသလို ဖြစ်နေတာ …
အခု သူတို့အိမ်မှာ အိမ်နီးနားချင်းတွေ အကုန်လုံး ရောက်နေကြတယ်၊
သူတို့နဲ့ အဖွားတို့အိမ်က အိမ်ချင်း ဖင်ချင်းပေါက်ဆိုတော့ အဖွား
လည်း သွားကြည့်မလို့ … မင်းတို့ကို စိတ်ပူလို့ လာပြောတာ ...´

(၈)

အဖွားမြက လိုက်ဖို့မခေါ်ပေမယ့် ကိုစိုးတို့ မမအေးတို့ လင်မယား
အပါအ၀င် ဖြူဖြူတို့အားလုံး လေးဘီးကားမောင်းသော ကိုစည်သူ
တို့ အိမ်ပေါက်ဝတွင် စုပြုံးတိုးဝှေ့ပြီး သရဲအပူးခံနေရသော မဇာခြည်
ကို ကြည့်နေကြပါတယ်၊ အိမ်နီးနားချင်း အရပ်ထဲက လူကြီးများရဲ့
မေးခွန်းများကို မျက်ထောက်နီဖြင့် ပြန်ဖြေနေသူက မဇာခြည် …

မင်းက ဘယ်သူလဲ ဘယ်ကလဲ …
ကျမက ဟိုဖက်အိမ်က၊ ကျမ နာမည်က မွန်မွန် …
ဘာ လိုချင်လို့လဲ၊ ဘာဖြစ်လို့ အခုလို လုပ်ရတာလဲ …
ကျမတို့ ချစ်သူနှစ်ဦး အမျှအတန်း လိုချင်လို့ပါ …
မင်းတို့က ဘယ်လိုဖြစ်ပြီး အဲဒီအိမ်မှာ စွဲကပ်နေတာလဲ …
ကျမက ကိုယ့်ကိုယ်ကိုယ် သတ်သေခဲ့တာပါ … ကျမ မကျွတ်မလွတ်
မှန်း အိမ်သားတွေက သိတော့ … သူတို့အားလုံး အိမ်မှာ မနေရဲလို့
နယ်မှာ သွားနေကြတာပါ …
မင်းက ဒီအိမ်မှာ သတ်သေခဲ့တာ ဟုတ်လား … ဒီအိမ်မှာ ကိုယ့်ကိုယ်ကိုယ်
သတ်သေမှုဖြစ်တယ်လို့ ဒို့လည်း တခါမှ မကြားဘူးပါလား … ဒါနဲ့ မင်းရဲ့
ချစ်သူဆိုတာကရော .. သူက ဘယ်ကလဲ …
သူ့နာမည်က ကိုသက်ပိုင်ပါ …. သူက မလေးရှားနိုင်ငံမှာ အလုပ်သွား
လုပ်ရင်း မလေးရှားမှာ အဆင်မပြေလို့ … ပထမ အလုပ်ရှင်ဆီကနေ
ထွက်ပြေးပြီး နောက်အလုပ်ရှင်တစ်ဦးစီမှာ အလုပ် ပြောင်းလုပ်ပါတယ်၊
အဲဒီလိုနဲ့ တရားဝင် အလုပ်သမားဘ၀ကနေ တရားမ၀င် အလုပ်သမား
ဖြစ်သွားတာ၊ မလေးရှားရောက်နေတဲ့ နှစ်တွေသာ ကြာလာတယ်
သူ့ဘ၀က ဘာမှ တိုးတက် မလာဘူး၊ ဒါနဲ့ တရားမ၀င် အလုပ် လုပ်
ရတာချင်းအတူတူ မလေးရှားကနေ စင်္ကာပူနိုင်ငံမှာ သွားလုပ်မယ်ဆိုပြီး
စင်္ကာပူနိုင်ငံထဲကို ရေလမ်းကတဆင့် ခိုးဝင်ဖို့ ကြိုးစားပါတယ် …
ကျမချစ်သူ ကိုသက်တို့ လိုက်ပါသွားတဲ့ မော်တော်ဟာ စင်္ကာပူနိုင်ငံ
ထဲကို အ၀င် ရဲမော်တော်ကို မြင်လိုက်ရလို့ သူရော တခြားသူတွေ
ပါ ရေထဲခုန်ချခဲ့ပါတယ်၊ သို့ပေမယ့် သူ စီးထားတဲ့ ၀ါကင်းရှုဖိနပ်
ကြောင့် ရေကူးရာမှာ လေးလံပြီး ရေနစ်သေဆုံးခဲ့ပါတယ် ….

(ဆက်ရန်။)

-စစ်ငြိမ်းဒီရေ

14 comments:

စော(အဝါရောင်မြေ) said...

အင်း တိုလို တန်းလန်းဖြစ် သွားပြန်ဘီ။
ကောင်းခန်းတခုမှ ရပ်နေပြန်ပေါ့။
ပိုသောင်းကျန်းလာသလိုပဲ။

Anonymous said...

ခပ်လန့်လန့်ပဲး)

မောင်ဘကြိုင်

မိုးနှင်းပွင်. said...

ဘာမှဖတ်လို.မရဖူး
ဘာမှမပေါ်ဖူး
အဲလိုတင်ရင်ဒီမှာလုံးဝဖတ်မရလို.
ပြောင်းတင်ပေးပါ
အရင်ကအဲလိုတင်ထားတဲ.စာတွေရောပဲ
ဖတ်လို.မရဖူး

Anonymous said...

အလည်လာပါတယ်အကိုရေ..
မြန်ပြည်က ကွန်သိပ်မကောင်းတော့ ဘာမှမမြင်ရဘူးဗျာ။

ခင်လျက်
Junemoe

မေသိမ့်သိမ့် ကျော် said...

စာလုံးတွေထပ်နေတယ် ကိုအောင်ရေ။ ဖတ်လို့ အဆင်မပြေဘူးရှင့်။

ခင်တဲ့
မေသိမ့်

Anonymous said...

အကိုရေ
ကြည့်ချင်သော်လည်း ကွန်ကြောင့်လားမသိ
ဘာမှမမြင်ရဘူးဗျာ

ခင်လျက်
Junemoe

မြသွေးနီ said...

ကိုအောင်ရေ...
ဘာမှလည်း မတွေ့ရပါလား...။

ကိုအောင်(ပျူနိုင်ငံ) said...

ပြန်ပြင်ထားပြီးပါပြီ ခင်ဗျာ ...

Anonymous said...

အိမ်သာတံခါးဖွင့်လို့ ထွေးထွေးတယောက် ......
အဲဒီအခန်း ဆင်ဆာထိတာဖြစ်ရမယ် အသေးစိတ်မပါဘူး
ဟီး

Thet lwin Soe said...

ကိုအောင်ရေ...ဆက်ရေးပါအုံးဗျာ...စောင့်နေရတာကြာလှပီဗျ.....ကျေးဇူးပါဗျာ။

Thet lwin Soe said...

ကိုအောင်ရေ...ဆက်ရေးပါအုံးဗျာ...စောင့်နေရတာကြာလှပီဗျ.....ကျေးဇူးပါဗျာ။

Anonymous said...

အပိုင်း (၅)ကို ဆက်တင်ပေးပါဦး
23-24 feb'12 ကမှ စပြီး စာတွေကိုသေ၂ချာ၂ဖတ် ဖြစ်တာပါ နောက်လဲလာခဲ.ပါဦးမယ်
tks

Anonymous said...

အပိုင်း (၅)ကို ဆက်တင်ပေးပါဦး
23-24 feb'12 ကမှ စပြီး စာတွေကိုသေ၂ချာ၂ဖတ် ဖြစ်တာပါ နောက်လဲလာခဲ.ပါဦးမယ်
tks

naynay said...

မြန်မြန်လေး ရေးပေးပါ
စောင့်နေရတာကြာပြီ
ရင်တဖိုဖိုနဲ့