ခေတ်တစ်ခေတ်၏ မြစ်

ကျွန်ုပ် လန့်နိုးသွားရခြင်းမှာ စီးနင်းလိုက်ပါ လာသော
ဘတ်စ်ကား ရုတ်တရက် ဘရိတ် အုပ်ချလိုက်သည်ဟု ကိုယ့်
ဘာသာ အိပ်ချင်မူးတူး ထင်မြင်နေ၏၊ အိပ်ပျော်ရာမှ နိုးထလာ
သော ကျွန်ုပ်၏ နံဘေးတွင် မည်သူမျှ မရှိ၊ ဘယ်အချိန်က အိပ်
ပျော်သွားပြီး ယခု ဘယ်အချိန် ရောက်နေမှန်းလဲ မသိ၊ ဘယ်
နေရာသို့ ရောက်ရှိနေမှန်းလည်း မသိပေ၊ သို့သော် ရုတ်တရက်
ကျွန်ုပ့်နားထဲတွင် ငိုသံလိုလို အသံတချို့ကို ကြားနေရ၏ ….

“ဧရာဝတီရေ …. ဧရာဝတီ …. ဧရာဝတီ … ဧရာဝတီရေ …”
“ဧရာဝတီ” ဟူသော အမည်နာမကို ဆက်တိုက် အော်ခေါ်
နေသူ အပေါင်းတို့သည် ရှည်လျားသော ချိုင့်ဝှမ်းတစ်ခု၏ ထိပ်တွင်
ရှိသော ချောက်ကမ်းပါးကြီးတစ်ခု၏ နံဘေးတွင် အကြီးအကျယ်
ငိုကြွေး နေကြသည်။ ငိုနေသူများ တစ်ဦး မဟုတ်၊ တစ်စု မက၊
တော်တော်ကိုး များပြားလှ၏။
ရာပေါင်းများစွာသော ….
ထောင်ပေါင်းများစွာသော ….
သောင်းပေါင်းများစွာသော ….
သိန်းပေါင်းများစွာသော ….
သန်းပေါင်းများစွာသော ….
ငိုကြွေးနေသူများ၏ “များစွာသော” မျက်ရည်များက မျက်ဝန်းအိမ်မှ
တဆင့် တဖြေးဖြေးချင်း ချိုင့်ဝှမ်းအတွင်းသို့ စီးဝင်နေကြ၏။ သိပ်
မကြာသော အချိန်များအတွင်း ထို ရှည်လျားသော ချိုင့်ဝှမ်းကြီး
အတွင်း၌ မျက်ရည်များ စုပေါင်းပြီး ကြီးမား ကျယ်ပြန့်သော “မြစ်”
ကြီး တစ်ခု ဖြစ်ပေါ်လာတော့မည်၊ ထို “မြစ်” ၏ အမည်နာမကို ဘယ်လို
ပေးရ ပါမည်နည်း၊ ကျွန်ုပ် ငယ်စဉ်က ကျွန်ုပ်တို့မျိုးဆက်များ အပေါ်
သြဇာကြီးမားလှသည့် စာရေးဆရာကြီး “ဆရာမြသန်းတင့်” ပြောပြ
ခဲ့ဖူးသော “မျက်ရည်မြစ်” ဆိုသည့် “မြစ်” သည် ယခုလက်ရှိ
ကျွန်ုပ့်ရှေ့မှောက်တွင် တွေ့မြင်နေရသော “မြစ်” လား …

ဒါဆိုရင် ယခု ကြားနေရသော “ဧရာဝတီ” ဆိုသည့် အမည်နာမက
ဘယ်သူလဲ၊ ဘယ်ကလဲ ….
သူက သေသွားလို့လား၊ သူ မရှိတော့ဘူးလား …
“လဲ”နှင့် “လား” ပေါင်းများစွာသော မေးခွန်းများက ကျွန်ုပ် ဦးနှောဏ်
ထဲတွင် ဆက်တိုက် ထွက်ပေါ်နေ၏။ လူတိုင်းနီးပါး ငိုကြွေးနေသော
ကြောင့် “ဧရာဝတီ” ဆိုသည့် အမည်နာမက ဘယ်အရာ၊ ဘယ်အချင်း
ကို ကိုယ်စားပြုသလဲ၊ ငိုကြွေးနေသူများ၏ နောက်တွင် မတ်တပ်ရပ်ရင်း
ကျွန်ုပ် စဉ်းစားနေ၏ ….

ဒါ …လူ အမည်လား … ဒါဆို အဲဒီလူ သေသွားလို့လား ….
ဒါ … စက်ရုံတစ်ရုံရဲ့ အမည်လား … ဒီစက်ရုံ ဒေ၀ါလီ ခံလိုက်ရပြီလား …
ဒါ … ဆင်းရဲသား ရပ်ကွက်လေး တစ်ခုရဲ့ အမည်လား၊ ဒီ ရပ်ကွက်
လေးကို ဖျက်ပြီး လူချမ်းသာတွေသာ ၀ယ်ယူနိုင်မည့် အဆင့်မြင့်
အိမ်ယာတွေ ဆောက်ကြမလို့လား ….

ကျွန်ုပ်၏ မေးခွန်းများအတွက် အဖြေပေးမည့်သူက မရှိ၊ လူတွေ
အားလုံး ချောက်ကမ်းပါးကြီး ထိပ်မှ အောက်သို့ စိုက်ကြည့်ရင်း
အားစိုက် ငိုကြွေးလျက် သူတို့၏ မျက်ရည်များက ချိုင့်ဝှမ်း အရှည်ကြီး
အတွင်း တသွင်သွင် စီးဆင်းနေ၏ … ။

တခါက … လွန်ခဲ့သော ဝေးခဲ့ပြီဖြစ်သော တခါက၊ အလှူတစ်ခုသို့
ကျွန်ုပ် ရောက်ရှိခဲ့သည်၊ ထိုအလှူတွင် ကျွန်ုပ်၏ မိတ်ဆွေ သို့မဟုတ်
ကျွန်ုပ်၏ ခေါင်းဆောင် ဖြစ်ခဲ့ဖူးသူက ကျွန်ုပ်ကို လူတစ်ဦးနဲ့ မိတ်ဆက်
ပေးခဲ့ဖူးသည်၊ ထိုသူသည် ကျွန်ုပ့် ကျောပေးထားသော အနောက်
ဖက်ရှိ စားပွဲတစ်ဝိုင်းမှ ထိုင်လျက်ရှိ၏၊ ထိုသူ၏ စကားသံကို သူ့စားပွဲဝိုင်း
တွင် အတူရှိနေသူများနှင့်တကွ အခြား စားပွဲဝိုင်းမှ အခြားသူများပါ
နားထောင်နေရ၏၊ ထိုသူ သို့မဟုတ် ထိုနေ့တွင် တိုက်တိုက်ဆိုင်ဆိုင်
ကျွန်ုပ်ကိုယ်တိုင် သိကျွမ်းခွင့် ရခဲ့သော ထိုသူက …
“ခေတ်တိုင်းမှာ “ခိုး”စီးသူတွေနဲ့ “ခို” စီးတတ်တဲ့ သူတွေကို တွေ့ရ
လေ့ရှိတယ်၊ အနည်းနဲ့ အများတော့ ကွာတာပေါ့၊ အလှမ်းဝေးတဲ့
ခရီးတစ်ခုမှာ ရထားတို့ ကားတို့ကို စီးခ မပေးပဲ “ခိုး” စီးနိုင်တာကို
ဂုဏ်ယူဝင့်ကြွားပြီး ပြောတဲ့သူတွေ မကြာခဏ ခင်ဗျားတို့ တွေ့ဖူး
မှာပါ၊ တချို့ကြတော့လည်း နေရာရဖို့ အစားချောင်ဖို့ ရန်မများဖို့
အလိုက်သင့် အလျားသင့် စကားလေးတွေ ဆိုပြီး ကျရာတာဝန်ကို
“ခိုကပ်”ဖို့ ကြိုးစားသူတွေလည်း ရှိတယ်၊ အဲလို “ခိုး”စီးသူတွေနဲ့
“ခို”စီးသူတွေ များလာရင် နောက် နှစ် နှစ်ဆယ် … နှစ် သုံးဆယ်အတွင်း
အဲဒီခေတ်မှာ “မြစ်”တစ်စင်း ထင်ထင်ရှားရှား ပေါ်လာလေ့ ရှိတယ်၊
အဲဒီမြစ်ကို “မျက်ရည်မြစ်”လို့ ခေါ်ရမှာပေါ့ …”

ကျွန်ုပ်သည် ယခုအခါ ရေလုံးဝ မရှိတော့သည့် ….
မျက်ရည်များဖြင့် ဖြည့်ဆည်းရန် ကြိုးစားနေသည့် မြစ် သို့မဟုတ်
ချိုင့်ဝှမ်းကြီးအား စိုက်ကြည့်ရင်း တခါက ဆရာမြသန်းတင့် ပြောခဲ့ဖူး
သော ခေတ်တစ်ခေတ်၏ မြစ်တစ်စင်း အကြောင်း ပြန်လည်
ကြားယောင် နေမိသည် …. ။

-စစ်ငြိမ်းဒီရေ