ဘလော့ဒေးအတွက် အမှတ်တရများ (အပိုင်း-၃)

ယခင်အပိုင်း(၂)မှ အဆက် …

(မှတ်ချက်။ ။ကျနော် အခန်းဆက် ရေးသားနေတဲ့ “ဘလော့ဒေးအတွက်
အမှတ်တရများ” ပို့စ်ထဲမှာ အမည်နာမ ထည့်ရေးထားတဲ့ ဘလော့ဂါ ညီအကို
မောင်နှမတွေ၊ ထည့်မရေးဖြစ်တဲ့ ဘလော့ဂါ မိတ်ဆွေ ရောင်းရင်းတွေကို
လာမယ့် ဘလော့ဒေး (သြဂုတ်လ ၃၁- ရက်) မှာ ဘလော့နဲ့ ပက်သက်
ပြီး မိမိတို့ အယူအဆ၊ ခံစားချက်များ ရှိရင် ရေးပေးကြပါလို့ ခင်မင်
လေးစားစွာ တက်ဂ်(tag) ချင်ပါတယ်။ တချို့လည်း ကျနော် မတက်ဂ်ခင်
ကတည်းက ကိုယ်ပိုင် စိတ်ကူးနဲ့ ဘလော့ဒေး အမှတ်တရ ရေးနေသူများ
ရှိပါတယ်၊ ဥပမာ … မပန်(ပန်ဒိုရာ) ဆိုလျှင် ဘလော့ဒေး ရောက်တိုင်း လူသိ
နည်းနေတဲ့ ဘလော့ဂါအသစ်တွေနဲ့ မိတ်ဆက်ပေးနေကြပါ။

ကိုအောင်သာငယ်၊ ကိုချစ်ဖေ၊ ကိုလူသစ်၊ ကိုသစ်နက်ဆူး၊ ကိုဒူကဘာ၊
ကိုဧရာ၊ လင်းဒီပ၊ ကိုပီတီ၊ ကိုအိုးဝေအောင်၊ ကိုရန်နိုင်၊ ကိုဒီမိုဝေယံ၊
young gun၊ ကိုငြိမ်းချမ်းအောင်၊ မောင်ဖုန်းမြင့်၊ ကိုအဖြူလေး၊ ကိုသင့်ကာ၊
ကိုလင်းဦး (စိတ်ပညာ)၊ (ကို)ငွေလမင်း၊ မောင်လေးတို့ အပါအ၀င်
အမျိုးသား ဘလော့ဂါများ …..

ပန်ဒိုရာ၊ မခင်ဦးမေ၊ မချစ်ကြည်အေး၊ မကိကိ၊ မအိမ့်ချမ်းမြေ့၊မယ်ကိုး၊ မသီတာ၊
မငယ်နိုင်၊ မမေဓါဝီ၊ မရွှေပြည်သူ၊ မကောင်းမွန်ဝင်း၊ အန်တီတင့်၊ ဆောင်း၊ မေသိမ့်သိမ့်ကျော်၊ သဒ္ဓါလှိုင်း၊ မသိင်္ဂါကျော်၊ နှင်းနဲ့မာယာ၊ မဖြိုးဖြိုးလှိုင်၊
မငွေလမင်း၊ အဖြူရောင် နတ်သမီး တို့အပါအ၀င် အမျိုးသမီးဘလော့ဂါများ ….

ဘလော့ပေါ်မှာ စာဖတ်သူဖြစ်တဲ့ မမီးငယ် အပါအ၀င်၊ ဘလော့ပိတ်ပြီး
facebook ပေါ် ရောက်နေတဲ့ ဘလော့ဂါ လူဟောင်းတွေ၊ ဘလော့တွေရဲ့
စာဖတ် ပရိတ်သတ်များလည်း မြန်မာဘလော့များနဲ့ ပက်သက်ပြီး ပြောချင်
တာများရှိရင် ပြောကြပါ၊ ရေးပေးကြပါ ….)

ကိုကြီးကျောက်ရဲ့ စည်းရုံးရေးတွေ ဆက်မရေးခင် နည်းပညာ ဘလော့ဂါ
တွေရဲ့ အခန်းကဏ္ဍကို ပြောချင်ပါတယ်။ အင်တာနက်ပေါ်မှာ ဘလော့လုပ်ဖို့
အဓိက လိုအပ်ချက်က နည်းပညာပါ၊ စာရေးကောင်းတဲ့ သူတွေ၊ ရေးရဲတဲ့
သူတွေနဲ့တင် ဘလော့အသိုင်းအ၀ိုင်း စည်းကားလို့ မရပါဘူး၊ နည်းပညာ
သမားတွေ၊ နည်းပညာ ဘလော့ဂါတွေရဲ့ ကြိုးစားမှုဟာ တန်းဖိုးကြီးတဲ့ ကြိုးစား
မှုတွေပဲ ဖြစ်ပါတယ်။ ကျနော်ကိုယ်တိုင် နည်းပညာ ဆင်းရဲသူ တစ်ဦးပါ၊
ကိုလင်းထက်၊ ကိုမင်းကျော်၊ ကိုလင်းဦး တို့ဆီမှာ အပူကပ်နေကြပါ၊
သူတို့ကလည်း ကျနော်ကို ခင်ပါတယ်၊ ဂျီမေးလ်မှာ မီးပဲ ပိတ်ပြ
ထားပါတယ် … :P
မဲဝဲလ် (malware) တုန်းက ကိုလင်းထက်သာ မကယ်ရင် ဘလော့ကနေ
ပင်စင် ရတာ ကြာပါပြီ …. :P
ဟိုတလောက Mozzila firefox ကို update လုပ်လိုက်တာ ကိုယ့်ဘလော့
ကိုယ်ပြန်ဖတ်လို့မရ ဖြစ်သွားပါတယ်၊ ကိုသက်ဦး ပြောလို့
Mozzila firefox 3.6 ပြန်သွင်းမှ အဆင်ပြေသွားတယ်၊ ကျနော် အဲဒီလောက်
တော်ပါတယ် …. :D

ဟိုးတလောက “ယူနီကုတ်နဲ့ ပျူကုတ်” လုပ်လိုက်တာ မြန်မာသရီးလည်း
အနိုင်မရ၊ ယူနီကုတ်လည်း အနိုင်မရ၊ အမျိုးသား ဒီမိုကရေစီ အဖွဲ့ချုပ်(NLD)
စာမျက်နှာက ဧရာ သုံးလိုက်လို့လား မသိဘူး၊ အားလုံး ဗိုလ်နေမြဲ ကျားနေမြဲ
ဖြစ်သွားတယ်၊ eot လုပ်တတ်ရင် လုပ်သင့်ပါတယ်၊ အထိတ်တလန့် သတင်း
တွေကြားရလို့ မြန်မာဖောင့် သွင်းမထားတဲ့ ရုံးတို့၊ အများသုံး ကွန်ပြူတာတို့
ကနေ မြန်မာဘလော့တွေဆီ ဖွင့်လိုက်လို့ လေးထောင့်ကွက်ပဲ ထွက်နေရင်
တော့ လေးထောင့်ကွက်တွေက ပြောတဲ့ အမှန်တရားပေါ့ …. :P











ကိုကြီးကျောက် ဘလော့လောကထဲ ၀င်ကာစက ကျနော်ကိုယ်တိုင် အမှုမဲ့
အမှတ်မဲ့ပါ၊ ကိုအောင်သာငယ်ရဲ့ ပို့စ်တစ်ခုထဲမှာ ကိုအောင်သာငယ် အိမ်
ပြောင်းတုန်းက ကုန်တင်ကား ကိစ္စပြောပြတဲ့ ကိုအောင်သာငယ်ရဲ့ မိတ်ဆွေ
တစ်ဦးလို့ပဲ ထင်ခဲ့ပါတယ်၊ နောက် မကေဘလော့မှာ စာရေးထားတာ ဖတ်ပြီး
ဒီအကိုကြီးလည်း ဘူမိသမားပဲလို့ သိရပါတယ်။ ကိုကြီးကျောက်က စိတ်ရှည်
တယ်၊ သည်းခံနိုင်စွမ်း ရှိတယ်၊ စာမျိုးစုံကို ထပ်ခါတလဲလဲ ဖတ်တယ်၊ ကိုယ်ချင်း
စာစိတ် ရှိတယ်၊ မြန်မာဘလော့ဂါ မှန်သမျှကို သူ့ညီအကို မောင်နှမများအဖြစ်
မှတ်ယူထားပုံ ရပါတယ် …


အရင် လွန်ခဲ့တဲ့ ၂-နှစ်ကျော် လောက်က မြန်မာဘလော့ဂါ လောကမှာ
နေ့စဉ် ပို့စ်အသစ်က (၃၀) ကနေ (၅၀)လောက် အထိ ရှိတယ်၊ စနေ ...
တနင်္ဂနွေဆိုရင် ပို့စ်အသစ်က (၁၀၀)ကနေ (၁၅၀)လောက်အထိ တက်လေ့
ရှိတယ်၊ ဒါ ဘလော့ဂါတွေ တင်တဲ့ ပို့စ်တွေ၊ သတင်းတွေ၊ အဖွဲ့အစည်းတွေ၊
တခြားဟာတွေ မပါသေးပါ၊ တစ်ပတ်ကို တစ်ခါလောက် စုပေါင်းပြီး ဖတ်မယ်
ဆိုရင်တောင် မလွယ်တဲ့ ကိစ္စ၊ ကျနော်လိုက်မေးကြည့်တော့ ကျနော့်အသိ
တစ်ယောက်က ပြောပြတယ်၊ သူလည်း ဘလော့ဂါလူဟောင်းတစ်ဦးပါ၊ သူက
“မ.ဆ.လ အာဏာရှင်ဟောင်း ဦးနေ၀င်း စာဖတ်နည်းနဲ့ ဘလော့တွေကို
ဖတ်တယ်” ...၊ (အရှေ့နည်းနည်း၊ အလယ် နည်းနည်း၊ နောက်ဆုံး နည်းနည်း)
အဲလိုပုံစံ ဘလော့ပေါ်မှာ အွန်လိုင်းပေါ်မှာ စာဖတ်တဲ့သူက သူတစ်ယောက်
တည်းတော့ ဟုတ်မယ် မထင်ဘူး၊ ကွန်ပြူတာရှေ့မှာ အချိန်များများ ပေးပြီး
ဘလော့တွေပေါ်က စာကို ဖတ်ဖို့ ဘလော့ဂါတွေ ကိုယ်တိုင် မလွယ်တဲ့ကိစ္စ၊
မိမိရဲ့ ကိုယ်ရေုးကိုယ်တာကို ရေးချင်သလို ရေးထားတဲ့ ပို့စ်၊ သိပ်ပြီး
လိပ်ပတ်မလည်ဘူး ဆိုပါတော့ အဲလို ပုံစံမျိုးကို ရေးထားတဲ့ ဘလော့ဂါက
ကိုယ်နဲ့ မသိဘူး၊ သိပ်မရင်းနှီးဘူး၊ အဲလို ပို့စ်မျိုး အွန်လိုင်းပေါ်မှာ ကျနော်
တွေ့ရင် တခေါက်လောက် ဖတ်ကြည့်မယ်၊ ကော်မန့်တော့ မရေးဘူး၊
C-box ထဲလည်း ခြေရာ မချန်ခဲ့ဘူး၊ တိတ်တိတ်လေး ပြန်ခဲ့မယ်၊ လူ
တော်တော်များများလည်း ကျနော်လို ဖြစ်နိုင်ပါတယ် …

ကိုကြီးကျောက်ကတော့ အဲလို မဟုတ်ဘူး၊ သူက မရှင်းရင် နှစ်ခေါက် …
သုံးခေါက်လောက် ထပ်ဖတ်တယ်၊ အောက်က ကော်မန့်တွေပါ သေသေ
ချာချာ လိုက်ဖတ်တယ်၊ များသောအားဖြင့် ကော်မန့်ပေးတဲ့အထိ ၀င်ရေး
လိုက်သေးတယ်၊ သူ ရေးခဲ့တဲ့ ကော်မန့်က ဘလော့ပိုင်ရှင်အတွက် ကျေနပ်
စရာ၊ ပျော်ရွှင်စရာ၊ ကြည်နူးစရာ ဖြစ်အောင် ရေးခဲ့တာ၊ ပြီးပြီရော လုံးဝ
မရေးပါ၊ ဒါကြောင့် ကိုကြီးကျောက်ကို လူငယ်ဘလော့ဂါတွေက မြန်မာပြည်
မှာ မော်တော်ကား ၀ယ်ပြီးရင် ဦးတိုက်ရတဲ့ “ရွှေညောင်ပင်” နတ်စင်လို ဖြစ်
နေပါတယ်၊ ပို့စ်တင်ပြီးရင် တင်လိုက်တဲ့ ပို့စ် ကိုကြီးကျောက်ဘလော့က
ဆိုဒ်ဘားမှာ တက်ပြီလား၊ သူတို့ ပို့စ်ရဲ့ အောက်ခြေမှာ ကိုကြီးကျောက်ရဲ့
ကော်မန့် ရပြီလားနဲ့ တမျှော်မျှော် ဖြစ်နေပါတယ်၊ အားဆေးနဲ့ တူတဲ့
ကိုကြီးကျောက်ရဲ့ ကော်မန့် တစ်ခုတည်း မဟုတ်ဘူး၊ အနည်းဆုံး တခြား
ဘလော့ဂါ လေး … ငါးဦးပါ လိုက်ပြီး ကော်မန့် ရေးလေ့ရှိပါတယ်။

အဲဒီဓလေ့က ကျနော် မှတ်ထားသလောက် ၂၀၀၈ ခုနှစ်လောက်မှာ မြန်မာ
ဘလော့ အတော်များများမှာ ဖြစ်လေ့ရှိတယ်၊ ၂၀၀၈ ရှေ့ပိုင်းက C-box
ထဲမှာ အချင်းချင်း အားပေး နူတ်ဆက်ကြပါတယ်။ ဘလော့ဂါ အသစ်တွေ
နဲ့ ဘလော့လူဟောင်းတွေ အကြား ယခင် ကြော်ငြာပေးတဲ့ ပုံစံတစ်မျိုး
ရှိပါတယ်။ Google Reader က shared items ထုတ်ပေးတဲ့ HTML ကုတ်
ကို မိမိဆိုဒ်ဘားမှာ ချိတ်ဆွဲခြင်းပါ၊ အရင်က ကိုယ့်ဘလော့မှာ တခြားလင့်ခ်
တွေကို ချိတ်ဆွဲရင် သူတို့ရဲ့ နောက်ဆုံးပို့စ် ပေါ်အောင် အခုလိုမျိုး လင့်ခ်
ချိတ်လို့ မရပါဘူး၊ ဒါကြောင့် ကိုယ် နှစ်သက်မိတဲ့ အခြားဘလော့ဂါ တစ်ဦး
ရဲ့ ပို့စ်ကို google reader ရဲ့ shared items ထုတ်ပေးတဲ့ Html ကုတ်
ကို သုံးပြီး ကိုယ့်စာမျက်နှာမှာ ချိတ်ကြတာပါ၊ ဒီနည်းကို ၂၀၀၈၊ ၂၀၀၉ နဲ့
၂၀၁၀ နှစ်ဆန်းအထိ ဘလော့ဂါတွေ သုံးခဲ့ကြပါတယ်။ ဥပမာ ….
ကိုအောင်သာငယ်တို့ မကေတို့ရဲ့ ဘလော့ဆိုဒ်ဘားမှာ ကျနော်ရေးခဲ့တဲ့
“မှတ်မိသမျှ လွန်ခဲ့သော အနှစ်(၂၀)” ဆိုတဲ့ ပို့စ်ကို သူတို့က သဘောကျလို့
ချိတ်ပေးထားရင် ကျနော့်စာမျက်နှာဆီ စာလာဖတ်တဲ့ အရေအတွက်က
သိသိသာသာ များလာပါတယ်၊ ဒီနည်းနဲ့ ဘလော့သက်တမ်းရှိသူဟာ
သက်တမ်းနုတဲ့ လူသစ်တွေကို စာဖတ်ပရိတ်သတ်နဲ့ မိတ်ဆက် ပေးလေ့
ရှိပါတယ်။ ကိုသင့်ကာ စုစည်းတဲ့ အကောင်းဆုံး ပို့စ်(၁၀၀)လည်း ဘလော့ဂါ
တွေနဲ့ စာဖတ်သူတွေအကြား ရေပန်းစားခဲ့ပါတယ်။

ဘလော့ဂါအသစ်တွေဆီ ကော်မန့်ရေးပြီး အားပေးတဲ့ အလုပ်ကို
ဘလော့သက်တမ်း ရှိသူအများစု လုပ်ခဲ့ပါတယ်၊ အဲဒီလူဟောင်းတွေ
ထဲမှာ ရှာရှာဖွေဖွေ လုပ်တဲ့သူက ကိုလူသစ်ပါ၊ ဘယ်ဘလော့နဲ့မှ
အဆက်အသွယ် လုံးဝမရှိတဲ့ ဘလော့လိုင်းထဲ ၀င်ကာစ ဘလော့ဂါ
အသစ်ဆီ ကော်မန့်ရေးပြီး အားပေးလေ့ရှိပါတယ်၊ ဒါကြောင့် ဘလော့
ခေတ်ဦးက ဘလော့ဂါအများစုရဲ့ ပို့စ်အဟောင်းတွေမှာ ကိုလူသစ်
အမှတ်တရ ရေးခဲ့တဲ့ ကော်မန့်တွေ ရှိပါတယ်၊ သို့ပေမယ့် အိမ်ထောင်
သည်ဖြစ်သော ကိုလူသစ်က လူပျိုကြီးဖြစ်သော ကိုကြီးကျောက်လို
အွန်လိုင်းပေါ်တွင် အချိန်များများ မပေးနိုင်ပါ …. :P

အွန်လိုင်းထုံးစံအတိုင်း roll model တစ်ယောက် ကော်မန့်ပေးရင်
သူ့နောက်ကနေ တခြားလူတွေပါ ကော်မန့်လိုက်ပေးလေ့ ရှိပါတယ်။
ကိုကြီးကျောက် ဘလော့လိုင်းထဲ ၀င်မလာခင်ကတည်းက အဲဒီပုံစံ
မျိုး မြန်မာဘလော့ဂါလောကမှာ ရှိပါတယ်၊ ကိုကြီးကျောက် ပေးခဲ့တဲ့
ကော်မန့်ကို ဖတ်ကြည့်ပြီး ကော်မန့်လိုက်ရေးတဲ့ သူ့မိတ်ဆွေ
ဘလော့ဂါ အများအပြားရှိပါတယ်၊ ဒီလိုပါပဲ ကိုကြီးကျောက်ရဲ့ ပို့စ်
မှာ ကော်မန့် သွားရေးခြင်းဟာလည်း ပျော်စရာ တစ်မျိုးပါ၊ သူ့ရဲ့
C-box အပြင် ကော်မန့်နေရာတွေမှာ ကော်မန့်သွားရေးခဲ့တဲ့ သူတိုင်း
ဟာ ကိုယ့်ကိုယ်ကိုယ် ကြော်ငြာတဲ့သဘောလည်း ဖြစ်စေပါတယ်၊
ဘာကြောင့်လဲဆိုတော့ ဘလော့ဂါအချင်းချင်း အပြန်အလှန် စာဖတ်တဲ့
ပရိတ်သတ်အပြင် ဘလော့ဂါမဟုတ်တဲ့ ပြင်ပ စာဖတ်ပရိတ်သတ်၊
အွန်လိုင်းစာပေ ပရိတ်သတ် အများဆုံး ရရှိခဲ့တဲ့ ဘလော့ဂါတွေထဲ
မှာ ကိုကြီးကျောက်ဟာ ထိပ်ဆုံး စာရင်းဝင် တစ်ဦး ဖြစ်နေလို့ပါပဲ။
ဘလော့ဂါ အချင်းချင်း ငြင်းခုန်ရန်မီးပွားစေမယ့် ပြဿနာ အများအပြား
များလည်း ကိုကြီးကျောက်ဟာ ချိုချိုသာသာ ဖျောင်ဖျ ပြောဆိုခဲ့ပါတယ်။
ဘလော့ပေါ်မှာ စာရေးနေတဲ့ ဘလော့ဂါတွေကို အီမေးလ်ကတဆင့်
အကြံဥာဏ်တွေ၊ မှားယွင်းနေတာကို ပြင်ဆင်လိုက်ဖို့ စေတနာနဲ့
လှမ်းပြီး အသိပေးတာတွေ လုပ်ခဲ့ပါတယ်။ သို့ပေမယ့် စိတ်ကောင်း
စေတနာ ပြည့်ဝတဲ့ ဘလော့ဂါ ကိုကြီးကျောက်ကို ကောင်းကင်ဘုံက
ဆင့်ခေါ်ခဲ့ပါပြီ။

ကိုယ်လေးစားတဲ့ သူတွေ၊ ကိုယ့်အပေါ် လေးစားတဲ့သူတွေလည်း
ကိုယ့်ကြောင့် အွန်လိုင်းက မြန်မာဘလော့ဂါလောကမှာ မကြာခဏ
ပြဿနာတွေ ရင်ဆိုင်ရလေ့ရှိပါတယ်၊ မြန်မာဒီမိုကရေစီအရေး
ကြိုစားဆောင်ရွက်နေတဲ့ ပြည်ပရောက် (မ)ဝေနှင်းပွင့်သုန် စကားပြော
ထားတဲ့ “မြန်မာပြည်အတွက် ကျမတို့” ဗွီဒီယိုဖိုင်ကို ကျနော့်ဆီမှာ
တင်ပြခဲ့ပါတယ်၊ အဘ သခင်အုန်းမြင့် ကွယ်လွန်ခြင်း အထိမ်းအမှတ်ပါ၊
အဲဒီပို့စ်တင်လိုက်ချိန်မှာ မွတ်စလင်ဘာသာဝင်ကို နေရာပေးတယ်
ဆိုပြီး ကျနော့်ဆီ ဆဲရေးတိုင်းထွာတဲ့ ကော်မန့်တွေ မရပ်မနား ဆက်တိုက်
ရောက်လာပါတယ်၊ ကျနော်က ခွင့်မပြုတဲ့အခါ ဆဲရေး တိုင်းထွာသူ
“သခင်ကြီး ဇော်မျိုး” ဆိုတဲ့ ဘလော့ဂါဟာ ကိုကြီးကျောက်တို့၊
ဆရာမ မေငြိမ်းအပါအ၀င် ကျနော်ဆီမှာ လင့်ခ်ချိတ်ထားတဲ့ ဘလော့
ဂါ မိတ်ဆွေတွေရဲ့ ကော်မန့်ရေးလို့ရတဲ့ နေရာများမှာ ကျနော့်အပေါ်
မကျေနပ်ကြောင်း လိုက်လံ ရေးသားခဲ့ပါတယ်၊ အဲဒီအချိန်က
ကိုကြီးကျောက်ဟာ ကျန်းမာရေး အခြေအနေ တော်တော်ကိုး
ဆိုးဆိုးဝါးဝါး ဖြစ်နေပါတယ်၊ သူ့ဆီမှာ အဲလို ဆဲရေးတိုင်းထွာ
တဲ့ ကော်မန့်မျိုးတွေ လာမရေးဖို့ မေတ္တာရပ်ခံ တောင်းပန်းခဲ့ပါတယ်၊
ကျနော်လည်း တော်တော်ပဲ စိတ်ပျက် စိတ်မကောင်းဖြစ်ခဲ့ပါတယ်။

၂၀၀၇ ခုနှစ်မှသည် ယနေ့တိုင်အောင် အွန်လိုင်းပေါ်တွင် ပုံစံအမျိုးမျိုး
ကြိုးစား ပေးဆပ်ခဲ့သော မြန်မာဘလော့ဂါအပေါင်း ပျော်ရွှင်ချမ်းမြေ့ကြပါစေ …
စာဖတ်သူအပေါင်းလည်း နွေးထွေး ကြည်နူးကြပါစေ ….

(ပြီးပါပြီ။)


-စစ်ငြိမ်းဒီရေ