အို ဘလော့ဂါကြီး သို့မဟုတ် ကိုကြီးကျောက်အား ကန်တော့ခြင်း

ကမ္ဘာမြေပေါ် စောက်ထိုးဆွဲခံပြီး

ငိုလိုက် ရယ်လိုက် ရပ်တည်နေရတဲ့

နေ့စွဲတွေပေါ့ အကို

မျက်ဆံအမည်းတွေဆိုပြီး

ပနားမားတူးမြောင်းမှာ

လုပ်ခ ဈေးအပေါဆုံး ရတာကို

ပန်းချီကျော် ဂေါ်ဂင်က ရယ်ခြင်းဖွဲ့သတဲ့

ဟိုတယ် ကယ်လီဖိုးနီးယား* သီချင်းစာသားမှာ

တစ်ဖ်နီ* ဆိုတဲ့ ဂျူး’နာမည်လေးပါနေလို့

အဲဒီသီချင်း ဖွင့်ခွင့်မပေးတဲ့ နိုင်ငံတွေဆီ

ကျနော်တို့ ဘလော့ဂါတွေ

ခရီးထွက်ကြရအောင် အကို

မြေကမ္ဘာမှာ ကျိန်စာတွေရှိသလား …

အန်ဒါဆန်ရဲ့ ရေသူမကတော့

သောင်ကမ်းစပ်ပေါ် တက်မလာသေးဘူး

အကိုရေ

ဆူနာမီနဲ့ လေဆင်နှာမောင်းတော့

ရောက်ရောက်လာတယ် …

ဘုရားတစ်ဆူနဲ့ တစ်ဆူအကြား

မထားချင်ပဲ ထားရစ်ခဲ့တဲ့

ကျနော်တို့ရဲ့ ရုပ်ခန္ဓာအကြွင်းစုတွေ

၁၃ ယူဇနာမြင့်ပြီး

တောင်ဖြစ်ခဲ့မယ် ဆိုရင်လဲ

တောင်ပေါ်မှာ ပျော်ရွှင်ပါစေ

ကိုကြီးကျောက် …. ။ ။

-စစ်ငြိမ်းဒီရေ

ဟိုတယ် ကယ်လီဖိုးနီးယား *= Hotel California

တစ်ဖ်နီ*= tiffany