မန္တလေး ကျဆုံးခန်း

ဗုံတွေဆိုင်းတွေ တီးခတ်ပြီး
ညီအကိုပေါင်းများစွာရဲ့ သွေးကို
ပက်ဖျန်းခဲ့တဲ့ မြို့ဟောင်းကြီးထဲ
ဖက်ဆစ်တွေနဲ့
အတူမနေချင်တဲ့ ကြယ်လေးရေ
မင်းကို အလေးပြုလိုက်ပါတယ် ….
ကဗျာဆရာတစ်ယောက်က ငိုပြီး
ပြဇာတ်ရေးဆရာတစ်ယောက်ကို
ခွေးတွေကိုက်သတ်ခဲ့တဲ့ ယဉ်ကျေးမှုကြီးထဲ
ယုံကြည်ခြင်းအဖြစ်
စွန့်လွှတ်ရဲတဲ့ ကြယ်လေးရေ
မင်းကို အလေးပြုလိုက်ပါတယ် ….
စစ်နိုင်တဲ့သူက ဘုရားပင့်ပြီး
အယဉ်ကျေးဆုံးမြေက ကျွန်တွေကို
ကယ်ထုတ်ခဲ့တဲ့ စာပို့သင်္ဘောကြီးထဲ
ငြိမ်းချမ်းရေးအတွက်
ပေးဆပ်ရဲတဲ့ ကြယ်လေးရေ
မင်းကို အလေးပြုလိုက်ပါတယ် …. ။ ။


-စစ်ငြိမ်းဒီရေ

(အောက်တိုဘာလ ၁၆ ရက်နေ့တွင် မန္တလေး
အကျဉ်းထောင်အတွင်း ကျဆုံးခဲ့သည့်
ကျောင်းသားခေါင်းဆောင် ကိုသက်ဝင်းအောင်
(၂၆.၈.၁၉၇၁- ၁၆.၁၀.၂၀၀၆) လေးနှစ်ပြည့် အမှတ်တရ။)