ရန်ကုန်မြို့တော်ဝန် အောင်သိန်းလင်း၏ အတွင်းရေးများ

ရန်ကုန်တိုင်း၊ တောင်ဥက္ကလာပမြို့နယ်တွင် ကြံ့ခိုင်ဖွံ့ဖြိုးရေး
(ကြံ့ဖွတ်) ကိုယ်စားပြု ပြည်သူ့လွှတ်တော် ကိုယ်စားလှယ်လောင်း
လက်ရှိ ရန်ကုန်မြို့တော်ဝန် အောင်သိန်းလင်းနဲ့ ပက်သက်ပြီး
မဲဆန္ဒနယ်ရှင် ပြည်သူများ သိသင့်သိထိုက်သော အောင်သိန်းလင်း
ဆိုသူ၏ အတွင်းရေးများမှာ ….



အောင်သိန်းလင်းဟာ ယခင် စစ်တပ်အတွင်း တာဝန်ထမ်းဆောင်
စဉ်က ကလေးငယ်တစ်ဦးကို မွေးစားခဲ့ပါတယ်။ ဒု-တပ်ရင်းမှူးဘ၀
ရှေ့တန်းတိုက်ပွဲတစ်ခုအတွင်း အပြစ်မဲ့စွာ သေဆုံးနေကြသော
လူသေအလောင်းများအကြား အသက်ရှင် ကျန်ရစ်ခဲ့သော ပအို့ဝ်
တိုင်းရင်းသွေးပါသည့် မိန်းကလေးငယ်တစ်ဦးကို ကောက်ယူမွေးစား
ခဲ့ပါတယ်။ လူပုံအလယ်တွင် အဲလို လုပ်ပြခဲ့တဲ့အတွက် စစ်ဖက်
ဆိုင်ရာ အထက်အရာရှိများနှင့် တပ်တွင်း ရဲဘော်များအကြား
စိတ်ကောင်းရှိသူဟု ထင်သွားစေရန် တမင်သက်သက် အကွက်
ဆင် ဖန်တီးခဲ့ပါတယ်။ အဲဒီနောက်ပိုင်း သူ့ဘ၀ကို ပြောင်းလဲစေ
ခဲ့တဲ့ အဖြစ်အပျက်တစ်ခု ဖြစ်ပွားခဲ့ပါတယ် ….။

ရှမ်းပြည်နယ် လွတ်မြောက်ရေး အမည်ခံ ခေါင်းဆောင်ဟောင်း
ဘိန်းဘုရင် ခွန်ဆာနဲ့ ပက်သက်ပြီး အောင်သိန်းလင်းဟာ ပြဿနာ
တစ်ခု ကြီးကြီးကျယ်ကျယ် ဖြစ်ပွားခဲ့ဖူးပါတယ်။ ခွန်ဆာ လက်နက်ချ
ခါစက အောင်သိန်းလင်းဟာ တပ်မဌာနချုပ်တစ်ခုမှာ တာဝန်ရှိတဲ့
အရာရှိတစ်ဦးပါ။ တနေ့တော့ နယ်မြေ ရှင်းလင်းရေးတပ်ဖွဲ့က
မူးယစ်ဆေးဝါး အမြောက်အများကို သယ်ဆောင်လာတဲ့ ခွန်ဆာ့တပည့်
တစ်ဦးကို ဖမ်းဆီးမိပါတယ်။ အထက်အရာရှိများထံ မျက်နှာလိုမျက်နှာရ
လုပ်ချင်တဲ့ အောင်သိန်းလင်းဟာ အဖမ်းခံရသူကို အကြီးအကျယ်
အပြစ်ပေးအရေးယူဖို့ ပြင်ဆင်ခဲ့ပါတယ်။ အဲလိုအရေးယူဖို့ ဆောင်ရွက်
နေတဲ့ သတင်းကို ဗိုလ်ချုပ်မှူးကြီး သန်းရွှေ ကြားသိသွားပြီး “ရယူထား
သောငြိမ်းချမ်းရေး ပျက်ပြားအောင်” ပြုလုပ်မှုနဲ့ တပ်တွင်း အထူးစစ်အဖွဲ့
မှတဆင့် အောင်သိန်းလင်းအပေါ် ပြင်းပြင်းထန်ထန် အပြစ်ပေး အရေး
ယူဖို့ ပြင်ဆင်ခဲ့ပါတယ်။ ခေါင်းမီးတောက်ပြီး ကြံရာမရ ဖြစ်နေတဲ့
အောင်သိန်းလင်းဟာ သူ့မွေးစားသမီး ဖြစ်သူကို ခုတုံးလုပ်ပြီး
ထွက်ပေါက်တစ်ခုကို ရှာဖွေနိုင်ခဲ့ပါတယ်။ အဲဒါကတော့ န.အ.ဖ
စစ်ခေါင်းဆောင်များ အလိုကျ “လူမှုထူးချွန်၊ စီးပွားထူးချွန်၊ စီမံထူးချွန်
ဆု …” ဆိုတဲ့ ဆုတံဆိပ်တွေ ဘွဲ့တွေကို ရယူလိုသော အကျင့်ပျက်
အကြံအဖန် စီးပွားရေးသမားများကို ကြားဝင် ပွဲစားလုပ်ပေးနေသော
“ကိုကိုအေး” ဆိုသူပဲ ဖြစ်ပါတယ်။

“ကိုကိုအေး” ဆိုသူဟာ ယနေ့အချိန်အထိ ရန်ကုန် တောင်ဥက္ကလာပ
ဂေါက်ကွင်းရဲ့ ရှယ်ယာ အများစုကို ပိုင်ဆိုင်နေသူ တစ်ဦးပါ။ ကိုကိုအေး
မှာ “ကိုကိုသန့်” ဆိုတဲ့ ညီတစ်ဦး ရှိပါတယ်။ ကိုကိုသန့်ဟာ အောင်သိန်း
လင်း မွေးစားသမီးနဲ့ အဲဒီအချိန်က သမီးရည်စား ဖြစ်နေကြပါတယ်။
“ကိုကိုအေး”ဟာ ဒုတိယ ဗိုလ်ချုပ်မှူးကြီး မောင်အေးရဲ့ အရပ်ဖက်ဆိုင်
ရာ အတွင်းရေး လူယုံတစ်ဦးဖြစ်ပြီး မောင်အေး နေအိမ်ကို တံခါးမရှိ
ဓါးမရှိ ၀င်ထွက်သွားလာခွင့် ရထားသူ တစ်ဦးပါ။ ဒါကြောင့် သန်းရွှေ
ရဲ့ အမျက်တော်ရှခြင်း ခံနေရတဲ့ အောင်သိန်းလင်းဟာ သူ့မွေးစား
သမီးကို မောင်အေးလူယုံ ကိုကိုအေး၏ ညီဖြစ်သူနဲ့ ပေးစားပြီး
ဒုတိယ ဗိုလ်ချုပ်မှူးကြီးမောင်အေးရဲ့ ကြားဝင် ညှိုနှိုင်းဖြန်ဖြေပေးမှု
ဖြင့် တပ်မ စစ်ဌာနချုပ်ကနေ အရပ်ဖက်ကို ပြောင်းရွေ့ခဲ့ပါတယ်။

မြို့တော်ဝန်ဟောင်း ကိုလေး ပြုတ်ကျခဲ့နောက်ပိုင်း အောင်သိန်းလင်း
ဟာ န.အ.ဖ စစ်ခေါင်းဆောင်များအတွက် ပြည်ပနိုင်ငံများရှိ လျှို့ဝှက်
ရင်းနှီးမြုပ်နှံမှုများ၊ နာမည်အဌားသုံး ငွေစာရင်းများအတွက် စစ်အစိုးရ
အလိုတော်ရိ စီးပွားရေးသမားများကို ဦးဆောင်ပြီး နိုင်ငံတော်ပိုင်
ငွေကြေး အမြောက်အများကို ပြည်ပသို့ လွှဲပြောင်းရာတွင် ဦးဆောင်
ဦးရွက် ပြုခဲ့ပါတယ်။ “ကိုကိုအေး” ညီ “ကိုကိုသန့်” နဲ့ လက်ထပ်
စေခဲ့တဲ့ မွေးစားသမီးဖြစ်သူကိုလည်း အဲဒီ ရင်းနှီးမြုပ်နှံမှုများတွင်
ဦးဆောင်ဖို့အတွက် ယခုအခါ ဂျပန်နိုင်ငံမှာ နေထိုင်စေပါတယ်။

တကယ်တော့ အငြိမ်းစားဗိုလ်မှူးချုပ်ဘ၀မှ လာခဲ့သည့် လူယုတ်မာ
အောင်သိန်းလင်းတစ်ယောက် အခုလို ကလိန်ကကျစ် မဟုတ်မဟပ်
နည်းများကို သုံးခဲ့သည်မှာ သူ့အဖို့ မထူးဆန်းတော့ပါ …။
……. …… ….

မကြာသေးမီ ကာလများအတွင်း တောင်ဥက္ကလာပမြို့နယ် (၇)
ရပ်ကွက် သီရိဇေယျာလမ်းပေါ်ရှိ မူစလင် ဗလီဝတ်ကျောင်း တည်
ဆောက်မှု ပြဿနာမှာ လူသိများ ထင်ရှားသော ကိစ္စတစ်ခု ဖြစ်ပါတယ်။
အဆိုပါ ဗလီဝတ်ကျောင်း တည်ဆောက်မှုကို ၂၀၀၃ ခုနှစ် ကတည်းက
ရပ်ဆိုင်းထားခဲ့ရာ ယခု ရွေးကောက်ပွဲအတွက် ၂၀၁၀ ခုနှစ် စက်တင်ဘာ
လ (၂၄)ရက်နေ့တွင် တောင်ဥက္ကလာပမြို့နယ်အတွင်း နေထိုင်သော
မူစလင် ဘာသာဝင်များထံမှ မဲရရှိဖို့အရေး အောင်သိန်းလင်းဟာ
ဘာသာရေးအခြေခံ ပြည်သူလူထု အချင်းချင်းကြား စိတ်ဝမ်းကွဲမှု
ဖြစ်အောင် စလုပ်ပါတယ်။ နောက်ပိုင်းတွင် တောင်ဥက္ကလာပမြို့နယ်
အတွင်း နေထိုင်သော ဗုဒ္ဓဘာသာဝင် ပြည်သူလူထု၏ ပြင်းပြင်းထန်ထန်
ကန့်ကွက်မှုများကြောင့် ဗလီဝတ်ကျောင်းကိစ္စကို လျော့ချလိုက်ပါတယ်။

….. …. …
ရာဇ၀တ်မှု အမြောက်အများကို ကျူးလွန်ခဲ့သော ကျူးလွန်နေသော
ကလိန်ကကျစ် အောင်သိန်းလင်းသည် တောင်ဥက္ကလာပ မဲဆန္ဒရှင်
ပြည်သူများအတွက် ယခု ၂၀၁၀ ခုနှစ် ရွေးကောက်ပွဲတွင် လုံးဝ
မရွေးချယ်သင့် မဲမပေးသင့်သော လူယုတ်မာတစ်ဦး ဖြစ်ပါကြောင်း ….။

-စစ်ငြိမ်းဒီရေ

Read more »

တောင်ဥက္ကလာပ မဲဆန္ဒနယ်မှ ဖိတ်ကြားလွှာ

မကြာမီ ကျင်းပပြုလုပ်မည့် ၂၀၁၀ ခုနှစ် ရွေးကောက်ပွဲ မတိုင်ခင်
ရန်ကုန်တိုင်း တောင်ဥက္ကလာပမြို့နယ် အခြေအနေများနှင့် ပက်သက်
ပြီး “ပျူနိုင်ငံ” စာမျက်နှာမှ ဆက်သွယ် စုံစမ်းခဲ့ပါတယ်။ မဲဆန္ဒရှင်
ပြည်သူများ၊ တောင်ဥက္ကလာပ မဲဆန္ဒနယ်မှ ပြည်သူ့ လွှတ်တော်
အဆင့် တစ်သီးပုဂ္ဂလ ကိုယ်စားလှယ်လောင်း ဦးကောင်းမြင့်ထွဋ်၊
တိုင်းဒေသကြီးအဆင့် တောင်ဥက္ကလာပ အမှတ်(၁) မဲဆန္ဒနယ်
တစ်သီးပုဂ္ဂလ ကိုယ်စားလှယ်လောင်း ဒေါက်တာစောနိုင်တို့ထံမှ
သိရသမျှမှာ …



ဖိတ်ကြားခြင်း …

တောင်ဥက္ကလာပ ပြည်သူ့လွှတ်တော်အဆင့် တစ်သီးပုဂ္ဂလ
ကိုယ်စားလှယ်လောင်း ဦးကောင်းမြင့်ထွဋ်နှင့် တိုင်းဒေသကြီး
အဆင့် အမှတ်(၁) မဲဆန္ဒနယ်မှ တစ်သီးပုဂ္ဂလ ကိုယ်စားလှယ်
လောင်း ဒေါက်တာစောနိုင်တို့က တောင်ဥက္ကလာပ မဲဆန္ဒရှင်
ပြည်သူများနှင့် နီးနီးကပ်ကပ် တွေ့ဆုံနိုင်ရန် အောင်နိုင်ရေးရုံးခန်း
ဖွင့်ပွဲကို (၂၉.၁၀.၂၀၁၀)နေ့တွင် ကျင်းပပြုလုပ်မည်ဟု သိရပါတယ်။

အောင်နိုင်ရေး ရုံးခန်း တည်ရှိရာ ….
တောင်ဥက္ကလာပမြို့နယ် (၇) ရပ်ကွက်၊ ရာဇသူရ (၁၄- ဂ)လမ်း။
(တောင်ဥက္ကလာပ မ.ယ.က ရုံးနံဘေးရှိ လမ်းကနေ သွားလာ
လို့ ရပါတယ်။)

ရုံးခန်းဖွင့်မည့် နေ့စွဲ။ ။ ၂၉.၁၀.၂၀၁၀ ။
ရုံးဖွင့်ပွဲအဖြစ် ပြည်သူလူထု၊ သတင်းမီဒီယာများနှင့် တွေ့ဆုံပါမည်။
(၂၉.၁၀.၂၀၁၀)နေ့ နံနက်(၉)နာရီမှ နေ့လည် (၁၂)နာရီအကြား။

ဖိတ်ကြားခြင်း။ ။ မဲဆန္ဒရှင် ပြည်သူများ၊ သတင်းနှင့် မီဒီယာများ။

အခြေအနေများ ….

တောင်ဥက္ကလာပ မြို့နယ်အတွင်းရှိ လမ်းတချို့တွင် ပိတ်ဆို့မှုများ
ပြုလုပ်ထားပါတယ်။ လမ်းအလယ်ပိုင်းကို ကွန်ကရစ် လောင်းထား
ပြီး လမ်းရဲ့ ထိပ်ဆုံးနဲ့ နောက်ဆုံးပိုင်းတွေကို ချန်ထားပါတယ်။
ကွန်ကရစ်လောင်းရန် ချန်ထားသော နေရာများကို နာရီအနည်း
ငယ်အတွင်း ပြီးစီးအောင် ပြုလုပ်နိုင်သော်လည်း တမင်သက်သက်
ဆက်လက် မပြုလုပ်ပဲ “စစ်ရေး အမြင်အရ” ချန်ထားတယ်လို့
ကြံ့ခိုင်ဖွံ့ဖြိုးရေးပါတီအပေါ် အယုံအကြည်မရှိသော တောင်ဥက္ကလာပ
မဲဆန္ဒရှင် ပြည်သူတစ်ဦးက ဆိုပါတယ်။ ထိုလမ်းများ အတွင်းသို့
ရွေးကောက်ပွဲနှင့် ပက်သက်ပြီး သွားလာ စည်းရုံးလို့ မရအောင်
မြို့တော်ဝန် အောင်သိန်းလင်း၏ လက်အောက်ခံ မြို့တော်စည်ပင်
နှင့် ကြံ့ခိုင်ဖွံ့ဖြိုးရေး ပါတီတို့က အကွက်ကျကျ လုပ်ဆောင်
နေပါတယ်။

-စစ်ငြိမ်းဒီရေ

Read more »

တောင်ဥက္ကလာပ မဲဆန္ဒနယ်မှ စိန်ခေါ်သံများ

“ကျနော့်မှာ မူနှစ်ချက်ရှိတယ် ....
၁။ နိုင်ငံရေးသမားတစ်ဦးဟာ မိမိရပ်တည်ချက်ကို မိမိသစ္စာရှိရမယ်။
၂။ မိမိတိုင်းပြည်နဲ့လူမျိုးအပေါ် အမှန်တကယ် စိတ်ကောင်း နှလုံးကောင်း
ထားနိုင်ရမယ် ... ”
-ကောင်းမြင့်ထွဋ်
(တစ်သီးပုဂ္ဂလ ပြည်သူ့လွှတ်တော်ကိုယ်စားလှယ်လောင်း)
-၁၉၈၈ ခုနှစ်မှ စ၍ အခြေခံပညာ ကျောင်းသားများ သမဂ္ဂ (BESU)၏
ရန်ကုန်တိုင်းနှင့် ဗဟန်းမြို့နယ်တို့တွင် တာဝန်အဆင့်ဆင့်ကို
ထမ်းဆောင်ခဲ့သည့် ကျောင်းသား ခေါင်းဆောင်။

“ကောင်းမြင့်ထွဋ်ကို အမှုန့်ချေပြစ်မယ်၊ ဘာသာရေး အဓိကရုဏ်း
နဲ့ ရွှေးကောက်ပွဲမှာ မဲဆွယ်ရမယ် ”
-အောင်သိန်းလင်း
ကြံ့ဖွတ်ကိုယ်စားလှယ်လောင်း ရန်ကုန် မြို့တော်ဝန်လား ???
ရန်ကုန်မြို့တော်ကို ဖျက်ဆီးခဲ့တဲ့ တရားခံတစ်ဦးလား ???

Read more »

န.အ.ဖ ခေါင်းဆောင် မောင်အေး သတင်း

န.အ.ဖ ထိပ်တန်း ခေါင်းဆောင်တစ်ဦးဖြစ်တဲ့ ဒုတိယ
ဗိုလ်ချုပ်မှူးကြီး မောင်အေး နေအိမ်မှာ အကျယ်ချုပ်အဖြစ်
လောလောဆယ် အချုပ်ခံနေရကြောင်း အာဏာရှင် စောင့်
ကြည့်လေ့လာရေးအဖွဲ့ စာမျက်နှာမှာ ဖော်ပြထားပါတယ်။
ဒီသတင်းနဲ့ ပက်သက်ပြီး သတင်းမီဒီယာတွေမှာ မတွေ့ရ
သေးပါဘူး။ http://www.dictatorwatch.org/



အရက် အသောက်လွန်းလို့ မှူးပြီး လဲနေသလား ...
၂၀၁၀ ရွေးကောက်ပွဲအတွက် အာဏာ ထိန်းချုပ်ခြင်း ခံရသလား ...
“အာဏာရှိတုန်း ရသမျှ ခိုးကြဟေ့ ယူကြဟေ့” ဆိုသော စစ်အာဏာ
ရှင်စနစ်သုံး ဖော်မြူလာအောက်တွင် မြန်မာပြည်သည်
နေ့စဉ် မုန်တိုင်း တိုက်ခတ်နေသလို ပြောင်သလင်းခါလျက် ...

-စစ်ငြိမ်းဒီရေ

Read more »

သီတင်းကျွတ်လပြည့်နေ့ (ဒိန်းမတ်ရောက် မြန်မာမိသားစုများ)

Read more »

မြန်မာနှင့်ဒိန်းမတ် ပူးတွဲစပ်ဆိုထားသော တေးသီချင်း

Left Hand of the Boxer

Read more »

ကောင်းမြင့်ထွဋ်နှင့် မဇ္ဈိမသတင်းဌာန အင်တာဗျူး

(မဇ္ဈိမသတင်းဌာန youtube စာမျက်နှာမှ
ထပ်ဆင့်ကူးယူ ဖော်ပြပါသည်။)

Read more »

လွင်ပြင် ခေါ်သံ (အပိုင်း- ၁)

pyustate.com004

Read more »

မန္တလေး ကျဆုံးခန်း

ဗုံတွေဆိုင်းတွေ တီးခတ်ပြီး
ညီအကိုပေါင်းများစွာရဲ့ သွေးကို
ပက်ဖျန်းခဲ့တဲ့ မြို့ဟောင်းကြီးထဲ
ဖက်ဆစ်တွေနဲ့
အတူမနေချင်တဲ့ ကြယ်လေးရေ
မင်းကို အလေးပြုလိုက်ပါတယ် ….
ကဗျာဆရာတစ်ယောက်က ငိုပြီး
ပြဇာတ်ရေးဆရာတစ်ယောက်ကို
ခွေးတွေကိုက်သတ်ခဲ့တဲ့ ယဉ်ကျေးမှုကြီးထဲ
ယုံကြည်ခြင်းအဖြစ်
စွန့်လွှတ်ရဲတဲ့ ကြယ်လေးရေ
မင်းကို အလေးပြုလိုက်ပါတယ် ….
စစ်နိုင်တဲ့သူက ဘုရားပင့်ပြီး
အယဉ်ကျေးဆုံးမြေက ကျွန်တွေကို
ကယ်ထုတ်ခဲ့တဲ့ စာပို့သင်္ဘောကြီးထဲ
ငြိမ်းချမ်းရေးအတွက်
ပေးဆပ်ရဲတဲ့ ကြယ်လေးရေ
မင်းကို အလေးပြုလိုက်ပါတယ် …. ။ ။


-စစ်ငြိမ်းဒီရေ

(အောက်တိုဘာလ ၁၆ ရက်နေ့တွင် မန္တလေး
အကျဉ်းထောင်အတွင်း ကျဆုံးခဲ့သည့်
ကျောင်းသားခေါင်းဆောင် ကိုသက်ဝင်းအောင်
(၂၆.၈.၁၉၇၁- ၁၆.၁၀.၂၀၀၆) လေးနှစ်ပြည့် အမှတ်တရ။)

Read more »

မှတ်သား မျဉ်းတားခဲ့သည့် စာများ(၂)

တင်မိုး

(ကဗျာနှင့် ပြည်သူ) ကျွန်တော်တို့ ဗမာကဗျာမှာလဲ မူလရင်းမြစ်ဟာ
ပြည်သူတွေဘဲ ဖြစ်တယ်ဆိုတာ သိနိုင်ပါတယ်။ အလုပ်သမားတွေရဲ့
အလုပ်ခွင်က ကျူးရင့်လိုက်တဲ့တေးသံတွေ၊ လှေထိုးသားတွေရဲ့
“ရိုးဟေးငြာ” သံတွေကအစ မိခင်တွေရဲ့ သားချော့သံတွေ၊ ကလေး
သူငယ်တွေရဲ့ ကစားပျော်ရွှင်ရာက ပေါ်ထွက်လာတဲ့ ဟစ်ကြွေးသံ
တွေ၊ လယ်ယာချောင်းမြောင်းဆီက သီဆိုကြတဲ့ တေးသံတွေ၊ ဘုရားပွဲ
နတ်ပွဲဆီကကြားရတဲ့ တေးသံတွေ၊ ကာလသားဝိုင်းက အစုနဲ့ အဝေးနဲ့
ထိုးလိုက်တဲ့ သံချပ်တွေ၊ ညအခါ လသာသာ တလင်းပြင်မှာ ဖွက်ဆို
ကြတဲ့ စကားထာတွေ စသဖြင့် ပြည်သူတွေရဲ့ လူမှုပတ်ဝန်းကျင်
ထဲမှာ ကဗျာတွေ ထွက်ပေါ် တည်ရှိနေတယ်ဆိုတာ သိနိုင်ပါတယ်။



ကဗျာဆရာဆိုတာ ပြည်သူတွေရဲ့ အသံကို ကိုယ်စားပြုသူဘဲ
ဖြစ်ပါတယ်။ ပြည်သူတွေရဲ့ တကဲ့ခံစားရချက်တွေကို အာဝဇ္ဇန်း
ကောင်းတဲ့ ကဗျာဆရာက သူတို့ကိုယ်စား သီဆိုကျူးရင့်လိုက်ခြင်း
သာ ဖြစ်ပါတယ်။ (၂၇- ၃- ၁၉၆၆)
…… ….. …

တက္ကသိုလ်ဘုန်းနိုင်

ကဗျာကို “ပညာရှိတို့၏ ပစ္စည်း” ဟု အနက်အဓိပ္ပါယ် ဖွင့်ဆိုချက်
ကို မနှစ်သက်သူတို့သည် …
ကဗျာကား … “က၀ိတို့၏ ပစ္စည်း” … “က၀ိတို့၏ လက်ရာ”၊
“က၀ိတို့၏ ဖန်တီးမှု” ဟု ဆိုလျှင် မည်သို့ သဘောထားကြ
လေသနည်း ….

က၀ိဆိုသော စကားသည် “ပညာရှိ” သူဟု အဓိပ္ပါယ်တစ်ခုတည်း
ကိုသာ ပေးသည် ဟုတ်ပါလေ။ ထိုစကားက …. ကဗျာ သီကုံးတတ်
သူ၊ ကဗျာဆရာ၊ စာပေစီကုံးသူ၊ စာဆိုတော်ဟူသော အဓိပ္ပါယ်တွေ
ကိုလည်း ပေးပါသည်။ ကဗျာဆရာ “က၀ိ” လေးမျိုးရှိလေရာ … ထို
လေးမျိုးတို့ကို ပါဠိပညာရှင်ကြီး ချီးလ်ဒါးစ် (Childers) အဓိပ္ပါယ်
ပေးပုံကို ဖတ်ရူ့ပါ။

“ There are four sorts of poets; cintaဲkavi, sutakavi, atthakavi,
patibhaဲnakavi ; the poet of imagination or fiction, the poet
of tradition, the poet of real life, the improvisatore. ”

ချီးလ်ဒါးစ် ရှင်းပြသော ကဗျာဆရာလေးမျိုးကို မြန်မာဘာသာနှင့်
စဉ်လျှင် ….
စိန္တက၀ိ= စိတ်ကူးကြံစည်တို့တွင် စပ်သီသော ကဗျာဆရာ
သုတက၀ိ= အစဉ်အလာအရ ကြားသိသည်တို့ကို စပ်သီသော
ကဗျာဆရာ
အတ္ထက၀ိ= ပကတိလောက၌ ဖြစ်ရှိသည်တို့ကို စပ်ဆိုသော
ကဗျာဆရာ
ပဋိဘာနက၀ိ= တင်္ခဏုပ္ပတ္တိဥာဏ်ဖြင့်တည်း စပ်သီနိုင်သော
ကဗျာဆရာ …
ဟူ၍ ရသည်။

ခေတ်အဆက်ဆက်မှ ယနေ့ခေတ်အထိ ရှိနေသော ကဗျာဆရာ
အားလုံးကို စစ်ဆေးကြည့်ပါ။ အထက်၌ ဆိုခဲ့သော က၀ိလေးမျိုးမှ
ကင်းသူ ကဗျာဆရာတစ်ဦးမှ မရှိ။ ကြိုက်ကြိုက် … မကြိုက်ကြိုက်
အားလုံး “က၀ိ” တွေချည်းပင်။ ကဗ္ဗကရဏ ဟူသော စကားက
ကဗျာ စီကုံးခြင်းဟု အဓိပ္ပါယ်ရသည်။ ကဗ္ဗကာရ ဟူသော စကားက
ကဗျာစီကုံးသူ ဆရာ။ က၀ိကတ ဟူသည်က … “ကဗျာဆရာတို့
စီကုံးအပ်သည်” ဟု အဓိပ္ပါယ်ရှိသည်။ ကဗ္ဗကာရဟူသော ကဗျာ
ဆရာသည် က၀ိကတဖြစ်သော ကဗ္ဗကရဏ အမှုကို ပြုကြသည်။

ကဗျာကို ကဗျာဟု ခေါ်နေသမျှ …၊ ကဗျာဟူသည် လောက၌
ရှိနေသမျှ က၀ိသဘောကို ငြင်းပယ်၍ မရ ….။
…… ….. …

မောင်သာနိူး

(ကဗျာအတွက် ကဗျာ) ကဗျာကို ဂီတဘက်နွယ်အောင်၊ ဂီတသဘော
သက်ရောက်အောင် လုပ်တယ်ဆိုတာဟာ တနည်းအားဖြင့်တော့
ကဗျာကို တစ်ဦးချင်းရဲ့ စိတ်ခံစားမှုများ၊ စိတ်လှုပ်ရှားမှုများ ကျက်
စားရာအဖြစ် လုပ်ခြင်းပါပဲ။ ရောမန္တိကတွေထက်တောင် တစ်ဦးချင်း
သဘောဆောင်တဲ့ လက္ခဏာပါပဲ။ ကဗျာဟာ ကဗျာဆရာတစ်ဦး
ထဲရဲ့ ပုဂ္ဂလိကကိစ္စရပ်လေး တစ်ခုလိုဖြစ်လာပြီး၊ စာဖတ်ပရိသတ်
နဲ့ ဆက်သွယ်လို့မရအောင် ဖြစ်လာရပါတော့တယ်။ သင်္ကေတ၀ါဒ
ဆိုတဲ့ အမည်ကိုက ခပ်ရှုပ်ရှုပ်ပါ။ မာလာမေတို့ ပြောတဲ့သင်္ကေတ
ဆိုတာ အများနားလည်တဲ့ သင်္ကေတမျိုး မဟုတ်ပါဖူး။ အများနားလည်
နေတာက သင်္ကေတမျိုး မဟုတ်ပါဘူး။ အများနားလည်နေတာက
သင်္ကေတဆိုတာ တစုံတခုကိုယ်စား လူအများက ၀ိုင်းပြီး အမှတ်
အသား ပြုထားတဲ့ အရာတခုဖြစ်ပါတယ်။ ဥပမာ ဆေးရုံကို ကြက်ခြေနီ၊
ပညာကို မီးရှူး။ ရှေးရှေးက စာဆိုတွေသုံးခဲ့ကြတဲ့ သင်္ကေတဆိုတာ
လည်း အလားတူ သဘောဆောင်ပါတယ်။ သဘောသဘာဝ တူမျှတာ
ကိုယူပြီး သင်္ကေတပြုခဲ့ကြခြင်းပါ။ “ရွှေလိပ်ပြာရွှင်စေ့မယ်” ဆိုရာမှာ
“လိပ်ပြာ” ဟာ ၀ိညာဉ်ကို ပြောတာပါပဲ။ ရှေးအယူအရ ၀ိညာဉ်ဟာ
လိပ်ပြာကလေးနဲ့တူတယ်ဆိုလို့ ဒီလိုသုံးခြင်းဖြစ်ပါတယ်။ “သကျ
မျိုးရိုး ခြင်္သေ့မင်း” လို့ ဘုရားကို ခေါ်ဝေါ်တာဟာလည်း ရဲရင့်တာ
ခြင်းတူလို့ ခေါ်တာဖြစ်နိုင်ပါတယ်။ သင်္ကေတ၀ါဒီတွေရဲ့ သင်္ကေတ
က ဒီလို မဟုတ်ပါဘူး။ ကဗျာဆရာက သူ့မှာဖြစ်ပေါ်လာတဲ့ စိတ်
အတွေးတွေကို ကိုယ်စားပြုဖို့ သူထင်သလို ရွေးချယ်သုံးနှုန်းလိုက်တဲ့
ပစ္စည်းတွေပါ။ ဥပမာ ကဗျာဆရာတစ်ယောက်က သူအိပ်ချင်စိတ်
ဖြစ်လာတာကို ပြောချင်ရင် “ငါ့ ခေါင်းထဲ ပိုးနသန်ကောင်တွေ တွား
ဝင်လာနေတယ်” လို့ ပြောတာမျိုးပါ။ တနည်းအားဖြင့်တော့ သူ့
အတွေး၊ သူ့စိတ်ကူးတွေကို တမင် လူများတကာ မရိပ်မိအောင်
ဖုံးကွယ်ပေးတဲ့ မျက်နှာဖုံးလို ရုပ်ဖျောက်စရာ ပစ္စည်းများပါပဲ။
မာလာမေက ဒီလိုပြောပါတယ်။ “ပါနဲဆယန်တွေက အရာဝတ္ထုကို
သူရှိနေတဲ့ အတိုင်းပဲယူပြီး ကျုပ်တို့ရှေ့ ချပြတယ်။ အဲဒီတော့ လျှို့ဝှက်
တဲ့ သဘောမပါတော့ဘူး။ အဲဒီတော့ ဖန်ဆင်းနေရတာပဲလို့ ယုံရတဲ့
အရသာကို စိတ်ထဲမှာ မရှိစေတော့ဘူး။ ပစ္စည်းတစ်ခုကို နာမည်ထုတ်
ပြောလိုက်တာဟာ ကဗျာဖတ်ရတဲ့ အရသာကို လေးပုံသုံးပုံ လျှော့ကျ
သွားစေတယ်။ ကဗျာအရသာဆိုတာက နည်းနည်းချင်း နည်းနည်းချင်း
ခန့်မှန်းလို့ ရရှိတဲ့ အခါမျိုးမှာမှ ပေါ်တာကလား။ အရိပ်အမြွက်ပြပေး၊
သိချင်အောင်ဆွပေး၊ ဒါဟာ စိတ်ကူးကို စွဲမက်စရာ ဖြစ်စေတယ်။”

သင်္ကေတ၀ါဒ လှုပ်ရှားမှုဟာ ပထမတော့ ပြင်သစ်ပြည်အတွင်းမှာပဲ
နယ်သန့်နေခဲ့ပါတယ်။ လေးလေးနက်နက်ခေါင်လွန်းတဲ့ ကဗျာမျိုးကို
မှလဲ သုံးကြတယ်။ နောင်မှာတော့ တစတစနဲ့ အနောက်တိုင်း ကမ္ဘာ
တစ်ခုလုံး ပြန့်နှံ့သွားပြီး ဒီနည်းတွေကိုလည်း ကျယ်ကျယ်ပြန့်ပြန့်
အသုံးချလာကြပါတော့တယ်။ ကနေ့ခေတ်ရဲ့ စာပေရာဇ၀င်ဟာ
သင်္ကေတ၀ါဒ ဖြစ်ပေါ်လာပုံ သဘာ၀၀ါဒနဲ့ ဆန့်ကျင်ခဲ့ရပုံ ရာဇ၀င်ပါ
ပဲလို့ ဆိုကြပါတယ်။ ကနေ့ ခေတ်ပေါ်ကဗျာ (“မော်ဒန်”) ဆိုတာ
သင်္ကေတ၀ါဒကဗျာက စလိုက်တာပါပဲ။ ဂျွန်ကိစ်ရဲ့ ပထမဆုံး ကဗျာ
စာအုပ်ကို ဖတ်ရတော့ လီးဟန့်က ဂျွန်ကိတ်စ်ဟာ “ကဗျာအတွက်
ကဗျာ” ရေးတာပဲလို့ မှတ်ချက်ချပါသတဲ့။ သင်္ကေ၀ါဒီတွေလည်း
ထိုနည်းလည်းကောင်းပါပဲ။ ထေယော်ဖိလ် ဂိုတျယ် ဖြန့်ဖြူးခဲတဲ့
“အနုပညာအတွက် အနုပညာ” ဆိုတဲ့ ဆောင်ပုဒ်ပေါ်မှာ သူတို့
ရဲ့ လှုပ်ရှားမှုကို တည်ဆောက်ထားခြင်းပါပဲ။
……. ….. …

မောင်စွမ်းရည်

(၀င်းငြိမ်း) ကဗျာဘက် ဆက်လိုက်ကြရအောင်၊ “ကဗျာ” ဆိုတဲ့
ဝေါဟာရကို ဆရာ ဘယ်လို အဓိပ္ပါယ် ဖွင့်ဆိုမလဲ …။

(မောင်စွမ်းရည်) ကဗျာဆိုတာ ဘာသာစကားရဲ့ အညွှန့်အဖူး
ဖြစ်တယ်။ ကဗျာဆရာတစ်ယောက်ရဲ့ အတွေ့အကြုံထဲက ရရှိ
လာတဲ့ ခံစားမှုတစ်ခုကို အကောင်းဆုံးစိတ်ကူး၊ အကောင်းဆုံး
စကားလုံးတွေနဲ့ အကောင်းဆုံးအသံ ပေါ်ထွက်လာအောင် စီစဉ်
ဖော်ကျူး ရေးဖွဲ့ထားတဲ့ စာပေပုံသဏ္ဌာန်တစ်မျိုးကို ကဗျာလို့
ခေါ်ပါတယ်။ ရှေးကတော့ “ကဗျံဗန္ဓတီတိက၀ိ” တဲ့။ “က၀ိနံအယံ
ကဗျာ” တဲ့ ….။

(၀င်းငြိမ်း) ကာရန်မဲ့ကဗျာကို ဆရာ လက်ခံပါသလား …။

(မောင်စွမ်းရည်) ဘာကဗျာဖြစ်ဖြစ် ကောင်းရင် လက်ခံပါတယ် …။
…... ….. …

ဒေါင်းနွယ်ဆွေ

(၀င်းငြိမ်း) ဒီနေ့ ကဗျာလောကမှာ ကာရန်မဲ့ကဗျာနဲ့ ပက်သက်ပြီး
တော်တော်လေး လှုပ်လှုပ်ရှားရှား ဖြစ်လာကြပါတယ် ဆရာ။ ဆရာ
နဲ့ ပက်သက်ပြီး ကျွန်တော် လေ့လာလို့ ရခဲ့သလောက်အထဲက
ပြောရရင် ကာရန်မဲ့ ကဗျာကို ဆရာက စခဲ့တာလို့ သိရပါတယ်။
ဒီတော့ ကာရန်မဲ့ကဗျာကို ဘာကြောင့် ဆရာ ဖန်တီးခဲ့တာလဲ
ဆိုတာကစပြီး သိချင်ပါတယ် ဆရာ …။

(ဒေါင်းနွယ်ဆွေ) ကိုဝင်းငြိမ်းက ကျွန်တော် သိပ်ပြောချင်တဲ့ အကြောင်း
ကစလိုက်တော့ ပြောရတာပေါ့။ ကာရန်မဲ့ကဗျာနဲ့ ပက်သက်ပြီး သိပ်
ပြောချင်ပါတယ်။ ဘာဖြစ်လို့လဲဆိုတော့ ဒီလထွက်တဲ့ အထူးထုတ်
မဂ္ဂဇင်းကြီးတစ်ခုထဲမှာ ကာရန်မဲ့ကဗျာကို တော်တော် အားပေးတယ်
ဘာညာ ပြောထားတယ်။ တကယ် ဖတ်ကြည့်တော့ ကာရန်မဲ့ တစ်ပုဒ်မှ
မပါဘူး။ ကာရန်တွေ ချိတ်ထားတဲ့ ကာရန်ပျက် ကဗျာတွေပဲ တွေ့တယ်။
ကာရန်မဲ့ကဗျာဆိုတာ ကာရန်တစ်လုံးမှ မပါရဘူး။ ဒါမှ ကာရန်မဲ့ ခေါ်
တယ်။ အခုဟာက ကာရန်တွေ ချိတ်သုံးထားကြတာ တွေ့ရတယ်။

ကျွန်တော်ပြောချင်တဲ့ ကာရန်မဲ့က ဒါမဟုတ်ဘူး။ ကာရန် မပါတဲ့
အတွက်ကြောင့် သူက ပိုပြီး ခက်ခဲတယ်။ ကာရန်မဲ့ကဗျာကို ကျွန်တော်
ဘယ်တုန်းက စသုံးခဲ့သလဲဆိုတော့ ၁၉၅၉ ခုနှစ်က ရှုမ၀တိုက်ကနေ
“ကဗျာ့ပုလဲကုံး” ဆိုတဲ့ စာအုပ်ထုတ်တယ်။ ကဗျာ၊ ၀တ္ထုတွေ ရေးရတာ
ငြီးငွေ့တုန်း အာရှ- အာဖရိက စာရေးဆရာ ညီလာခံအတွက် ကျွန်တော်
ဆိုဗီယက်ကို ပါသွားတယ်။ အဲဒီမှာ ကာရန်မဲ့ကဗျာ ဖန်တီးဖို့ စခဲ့တာပဲ။

ဟိုမှာ ဘာတွေ့ရသလဲဆိုတော့ စန္ဒရားဆရာမလေး တစ်ယောက်
စန္ဒရားတီးပြတယ်။ သီချင်း မဟုတ်ဘူး။ သူ တီးချင်တာ တီးနေတာ
ပဲ။ မုန်တိုင်းတိုက်တယ်၊ သစ်ရွက်ကြွေတယ်၊ လေတွေ ငြိမ်သွားတယ်၊
မြင်းခွာသံတွေ ဖြစ်ချင်ဖြစ်လာမယ်။ ပြောရရင် Song Without Words
ပေါ့။ ကျွန်တော်တို့ မြန်မာဂီတမှာလည်း တယောနဲ့ ပတ်သက်ပြီး
ရှိပါတယ်။ ဘိုးတံအဖျားကနေ အရင်းအထိ ထိုးချင်သလို ထိုးသွားတာ၊
နွဲ့သွားတာ၊ ဘယ်လူးညာလှည့် ၀င်ချင်သလို ၀င်လာတာတွေ။ စန္ဒရား
မှာ သူ အဲဒီလို လုပ်ချင်သလို လုပ်သွားတယ်။

နောက်တခါ ဘာတွေ့ရပြန်သလဲဆိုတော့ ဘဲလေး ကကွက်။ ကချင်
တာ ကသွားတာပဲ၊ ဇာတ်လမ်း မရှိဘူး။ Bellet Without Plot ပေါ့။
ဘဲလေးကကွက်တော့ ဟုတ်တယ်၊ ဒါပေမဲ့ ဇာတ်လမ်း မရှိဘူး။
နောက်ဆုံးကျတော့မှ ဒီကကွက်ရဲ့ နာမည်ကို စာတန်းထိုးပြလိုက်
တယ်။ Thief တဲ့၊ သူခိုးပေါ့။

Painting Without Subject ဆိုတာလည်း ရှိတယ်။ အကြောင်း
အရာမဲ့သော ပန်းချီကားပေါ့။ နောက် Sculpture Wihtout Object
ပန်းပုရုပ်တော့ ပန်းပုရုပ်ပဲ၊ ဒါပေမဲ့ ဘာရုပ်မှန်း မသိဘူး။ Abstract
ဆန်ဆန်ပေါ့။ အကြောင်းအရာတွေ ပျောက်သွားတယ်။ ဒါပေမဲ့
လွတ်လပ်စွာ ကွန့်မြူးခွင့်ဆိုတာတော့ ပါတယ်။ နောက်
Country Without Boarder နယ်နိမိတ်မဲ့သောနိုင်ငံ ဆိုတာတွေ
လည်း ရှိသေးတယ်။

အဲဒီအကြောင်းအရာတွေကို ကျွန်တော် သဘောကျပြီးတော့ ကဗျာ
မှာ တီထွင်ကြည့်ချင်လို့ ပြန်လာတော့ (ရှုမ၀) ဦးကျော်ကို ပြောပြ
တယ်။ ကျွန်တော် ဒီလို ရေးချင်တယ်လို့၊ ဦးကျော်ကလည်း ရေးပါ
ဆိုတာနဲ့ ကျွန်တော် ရေးဖြစ်သွားတယ်။ “မိုးသောက်ပန်း ကဗျာများ”
ဆိုပြီး သီးသန့်ကဏ္ဍ ထည့်ထားပါတယ်။ အဲဒီမှာ ကဗျာတွေအောက်
က ဘာကြောင့် ဒီကဗျာ ဖန်တီးတယ်ဆိုတာ မှတ်ချက်တွေ ထည့်ခဲ့
ပါတယ်။ “စောင်းသမားနှင့် မုန်တိုင်း” ဆိုတဲ့ ကဗျာအောက်မှာ ကျွန်တော်
ဒီလို ရေးခဲ့ပါတယ်။ (ကာရန်မပါသော ကဗျာစာတမ်းနုကို ၀တ္ထုကဲ့သို့
ရေးသားသီဖွဲ့သဖြင့် ဤကဗျာကို ကာရန်မဲ့ကဗျာဟု စမ်းသပ် အမည်
ပေးခြင်း ဖြစ်ပါသည်) အဲဒီလို ရေးခဲ့တယ်။

ဒီတုန်းက ၀ိုင်းဆဲခဲ့ကြတာ ခေါင်းတောင်မဖော်နိုင်ခဲ့ပါဘူး။ ဒါ ၁၉၅၉
ခုနှစ်က အဖြစ်အပျက်။ ဒီနေ့ ၁၉၈၄ ခုနှစ်ဆိုတော့ နှစ်အစိတ် ရှိခဲ့
ပါပြီ။ အခု ကာရန်မဲ့ကဗျာ ပြန်ပေါ်လာတယ်။ ဒါပေမဲ့ ဟိုလူ လုပ်
သလိုလို၊ ဒီလူ လုပ်သလိုလို ဖြစ်နေတယ်။ အမှန်က မှတ်တမ်းမှတ်ရာ
နဲ့ ရှိခဲ့တာပဲ။ သူတို့ ဆက်လုပ်လာကြာတာ တွေ့ရတော့ ကျွန်တော်
ဝမ်းသာပါတယ်။ ဒါပေမဲ့ သူတို့ လုပ်နေကြတာတွေက ကာရန်မဲ့ကဗျာ
ဆိုပြီး ကာရန်တွေ ချိတ်နေတယ်။ ကာရန်ပျက်တွေ ဖြစ်နေတယ်။
ကလေးတွေ လိုက်ရေးရင် ဒုက္ခရောက်ကုန်မယ်။ လွယ်လွယ်ကူကူနဲ့
ရေးတာမျိုးတွေ ဖြစ်နေတယ်။

ကာရန်ပျက်ကဗျာတွေရဲ့ အန္တရာယ်က တော်တော်ကြီးပါတယ်။
ကာရန်မဲ့ဆိုတာ ကျွန်တော် ပြောပြမယ်။ ဟောဒါ ကာရန်မဲ့။ ကဗျာ
နာမည်က “မွှေးလွန်းသောအဆိပ်”။ ကာရန်တစ်လုံးမှ မပါဘူး။
ကျွန်တော် ဖတ်ပြမယ်။

အချစ်ဟာ ငါရဲ့နန်းတော်
အချစ်ဟာ ငါရဲ့ရဲတိုက်
အချစ်ဟာ ငါရဲ့ရထား
အချစ်ဟာ ငါရဲ့လှေကား
အချစ်ဟာ ငါရဲ့တံခါး
အချစ်ဟာ ငါရဲ့ပလွေ
အချစ်ဟာ ငါရဲ့သီချင်း
အချစ်ဟာ ငါရဲ့စမ်းချောင်း
အချစ်ဟာ ငါရဲ့အိပ်မက်
အို ….. အချစ်ဟာ သေမင်းလက်ထဲက
ငါ့အတွက် မွှေးကြိုင်ဆုံးအဆိပ်ပန်း။

ဘယ်မှာလဲ ကာရန်၊ တစ်ခုမှ မပါပါဘူး။ အခု ရေးနေကြတဲ့ ကာရန်မဲ့
ကဗျာ ဆိုတာတွေက ကာရန်တွေ ပါနေကြတယ်။ ဒီကြားထဲမှာ ကာရန်
မဲ့ကဗျာကို “လွတ်လပ်ကာရန်” ဆိုပြီး ခေါ်တဲ့သူက ခေါ်တယ်။ “ဗလာ
ကဗျာ” လို့ ခေါ်တဲ့သူက ခေါ်သေးတယ်။ ဆောရီးပါပဲ။ ကျွန်တော်
ယူကတည်းကိုက အင်္ဂလိပ်စာလုံး Without ဆိုတာကို တိုက်ရိုက်
ဘာသာပြန် ယူထားတာပဲ။ တခြားစကားလုံး အစားထိုးလို့ ဘယ်နည်း
နဲ့မှ မရနိုင်ပါဘူး။ Free Verse ဆိုတာလည်း ကျွန်တော် လက်မခံပါဘူး။
Free Verse ဆိုတာ မရှိဘူး။ Blank Verse ပဲ ရှိတယ်။ ဂျပန်မှာလည်း
လုပ်တော့ လုပ်ခဲ့ကြသေးတာပဲ။

အဲဒီတော့ ကျွန်တော် ပြောချင်တာက ကာရန်မဲ့ကဗျာဆိုရင် ကာရန်
လုံးဝ မပါပါဘူး။ ကာရန်ချိတ် ရေးပြီး ကာရန်မဲ့ကဗျာပါလို့ ပြောရင်
ပြောတဲ့သူလည်း မှားတယ်၊ ရေးတဲ့သူလည်း မှားတယ်။ ကာရန်ကို
မလိုချင်လို့ ကာရန်မဲ့ကဗျာကို ရေးကာမှ ဘာကိစ္စ ကာရန်က ပါလာ
ရမှာလဲ။ ကာရန်မဲ့ကဗျာကို စောစောက ပြောသလို ၁၉၅၉ ခုနှစ်
ကတည်းက ကျွန်တော် ထွင်ခဲ့တယ်။ အောင်မြင်ချင်လည်း အောင်မြင်
မယ်၊ မအောင်မြင်ချင်ရင်လည်း မအောင်မြင်ဘူး။ ဒါပေမဲ့ ကာရန်မဲ့ကိစ္စ
လှိုင်းဂယက် ထလာတယ်ဆိုတော့ ကျွန်တော် အောင်မြင်တယ်
ဆိုရမှာပေါ့။

ကာရန်မဲ့ကဗျာဆိုပြီးမှ ကာရန်ပါလာရင် ကဗျာမှာ ဂုဏ်သိက္ခာ
အကျဆုံးပဲ။ ကျွန်တော်တို့ ကာရန် စည်းကြပ်ထားတဲ့အထဲက ကာရန်
ကို မတတ်သာလို့ ချိုးဖောက်တယ်ဆိုရင် ဒါက တစ်မျိုး။ အခုဟာက
လွယ်လွယ်နဲ့ လျှောက်လုပ်နေပြီး ကာရန်မဲ့ကဗျာပါလို့ တပ်လာရင်
တော့ ဆောရီးပဲ။ ကာရန်မဲ့ကဗျာက ပိုခက်တယ်။ စောစောက ပြောခဲ့
သလို ကဗျာ ၀တ္ထုရှည်တွေ အများကြီး ရေးခဲ့ပြီးမှ ကာရန်မဲ့ကဗျာ
ကျွန်တော် ရေးခဲ့တာပါ။
…... ….. …


စာအုပ်စာတမ်းများ-
တက္ကသိုလ်ဘုန်းနိုင် (လီရနာ၊ ဂင်္ဂါ၊ ဧရာဝတီ။ အခန်း-၂၃ )
မောင်သာနိူး (ဂျော့သွမ်ဆန်၊ ကဗျာသဘောတရား)
မောင်သာနိူး (ထင်းရှုးပင်ရိပ်)
ဝင်းငြိမ်း (၀င်းငြိမ်းနှင့် စာရေးဆရာများ-၃)

Read more »

မှတ်သား မျဉ်းတားခဲ့သည့် စာများ(၁)

ဒဂုန်တာရာ

(၀င်းငြိမ်း) ဆရာက ကဗျာတွေ အများကြီး ရေးခဲ့တာဆိုတော့
ကဗျာနဲ့ ပတ်သက်တာပဲ ဆက်မေးချင်ပါတယ်။ ကဗျာဆိုတဲ့
ဝေါဟာရကို ဆရာ ဘယ်လို အဓိပ္ပါယ်ဖွင့်ပါသလဲ …။

(ဒဂုန်တာရာ) ကဗျာကို တိုတိုရှင်းရှင်း အဓိပ္ပါယ်ဖွင့်ရရင်တော့
ရင်ခုန်သံပေါ့ဗျာ။ ရင်ခုန်သံ စိတ်ရဲ့ ခံစားချက်ကို လင်္ကာစာလုံး
နဲ့ ဖော်ပြတာဟာ ကဗျာပေါ့။

(၀င်းငြိမ်း) ဒါဆို ကဗျာဆိုတာဟာ မိမိရဲ့ ရင်ခုန်သံကို ဖွင့်ဟရုံ
သက်သက်ပဲလား …။



(ဒဂုန်တာရာ) ကဗျာဆိုတာ ရင်ထဲမှာ ခံစားမှုရှိလာမှ ရေးလို့
ရတာမျိုး။ ခံစားမှု ဆိုတာကို ရုပ်ပိုင်းနဲ့ ပြောရင်တော့ ရင်ခုန်
လာတယ်ပေါ့။ ရင်ခုန်စေတဲ့ အကြောင်းအရာဆိုတာ အမျိုးမျိုး
ရှိနိုင်တာပဲ။ တစ်ယောက်နဲ့ တစ်ယောက်တော့ တူမှာ မဟုတ်
ဘူးပေါ့ …။

(၀င်းငြိမ်း) ကဗျာဆရာတစ်ယောက်ဟာ မိမိကဗျာကတဆင့်
စာဖတ်သူကို တစုံတရာ Message ပေးနိုင်ဖို့ရော တာဝန်
မရှိဘူးလား …။

(ဒဂုန်တာရာ) အဲဒါကတော့ ကျွန်တော်ရေးခဲ့တဲ့ ကဗျာတွေ
မှတ်မိသလောက်ပြောရရင် ကိုယ်ခံစားလို့ တစ်ပါးသူ ခံစား
ရအောင် စာဖတ်ပရိသတ်ကို ပြောတာပဲ ရှိပါတယ်။ မျှဝေခံစားစေချင်
တဲ့ သဘောပေါ့ဗျာ။ ကိုဝင်းငြိမ်း ပြောတဲ့ Message ဆိုတဲ့ စကားလုံး
ကို ဘယ်လို အဓိပ္ပါယ် ပြန်မလဲတော့ ကျွန်တော် မသိဘူး။ ခံစားမှု
ဆိုတဲ့ နေရာမှာလည်း ဥပမာ- ကျွန်တော်ရေးတဲ့ “မတ်လ တော်လှန်ရေး”
ကဗျာ ဆိုပါတော့ဗျာ၊ ကျွန်တော်ရေးတဲ့အချိန်မှာ ဖက်ဆစ်တော်လှန်ရေး
အချိန်ကာလ၊ နွေရာသီရဲ့ အမှတ်အသားလေးတွေ၊ သီကျူးသံလေးတွေ၊
အပွင့်နီနီလေးတွေ ပွင့်နေတယ်။ အဲဒါလေးတွေ မြင်ရတော့ သတိရလာ
လို့ ရေးလိုက်တာပဲ။

အဲဒါကို Message လို့ ဆိုတာတော့ ကျွန်တော် မသိဘူး။ ကျွန်တော့်
အထင်ကတော့ ကိုယ့်ကဗျာဖတ်တဲ့ ပရိသတ် (သို့မဟုတ်) ဝေဖန်ရေး
ဆရာတွေက (ဝေဖန်ရေးဆရာကတော့ သရုပ်ခွဲပြီး နာမည်တပ်ပေးကြ
တာပေါ့ဗျာ။) ဒီကဗျာဆရာက ဘယ်လိုကဗျာမျိုးတွေ ရေးတယ်ပေါ့လေ။
အဲဒီလို နာမည်တပ်ဖို့အတွက် ဖြစ်မယ်။ ကျွန်တော် ရေးတဲ့သူအနေနဲ့
ကတော့ Message ပေးဖို့ရယ်လို့ သတ်သတ်ရေးတာ မဟုတ်ပါဘူး …။
…… ….. …

တက္ကသိုလ်မင်းမော်

(၀င်းငြိမ်း) ကဗျာဆရာနဲ့ တွေ့ရမယ်ဆိုတော့ ကျွန်တော်
မေးချင်တဲ့ ပထမဆုံး မေးခွန်းက ကဗျာဆိုတာ ဘာလဲဆိုတဲ့
မေးခွန်းပါပဲ။ ဒီမေးခွန်းကို ကျွန်တော် ကဗျာဆရာနဲ့ တွေ့ရတိုင်း
မေးခဲ့ပါတယ်။ မေးရခြင်း အကြောင်းကလည်း တစ်ယောက်နဲ့
တစ်ယောက် အဓိပ္ပါယ်ဖွင့်ဆိုချက်ချင်း ကွဲပြားတတ်တာကြောင့်
ပါ။ ဆရာ့အဓိပ္ပါယ် ဖွင့်ဆိုချက်ကို သိပါရစေ ….။

(တက္ကသိုလ်မင်းမော်) ကဗျာဆိုတာ ဘာလဲဆိုတဲ့ မေးခွန်းမျိုးကို
တော့ ဘယ်နှစ်ယောက် လျှောက်မေးမေး တစ်ယောက်ကို အဖြေ
တစ်မျိုးပဲ ပေးကြမှာပဲ ထင်ပါတယ်။ ဒီလို ဖြေတာဟာ သဘာဝ
ကျတယ်လို့ ထင်ပါတယ်။ စဉ်းစားကြည့်ပါ။ ကဗျာဆိုတာ သိပ္ပံ
ပညာနဲ့ မတူပါဘူး။ သိပ္ပံပညာတွေဟာ ကျဉ်းချင်လည်း ကျဉ်းမယ်၊
ကျယ်ချင်လည်း ကျယ်မယ်၊ ကျဉ်းကျဉ်း ကျယ်ကျယ် ကျဉ်းလည်း
ဘောင်နဲ့၊ ကျယ်လည်းဘောင်နဲ့ အားလုံး ဘောင်နဲ့ချည်းပဲ။ ဒီလို
ဘောင်နဲ့ရှိတဲ့ သိပ္ပံပညာတွေမှာတောင်မှ အကြောင်းအရာ
တော်တော်များများကို ဖွင့်ဆိုချက်တို့၊ သတ်မှတ်ချက်တို့ အတိ
အကျပေးဖို့ ခက်လှပါတယ်။ ပေးလို့ မရနိုင်တာ များပါတယ်။
ကိုယ်လုပ်ဆောင်မယ့် အကြောင်းအရာရဲ့ သဘာဝကို ကြည့်ပြီး
တော့ အလုပ်ဖြစ်ရုံ သတ်မှတ်ချက် (Workable Definition)
မျိုးသာ ပေးလို့ ရပါတယ်။ ကဗျာဆိုတာကတော့ သိတဲ့အတိုင်းပဲ၊
နယ်နိမိတ်တို့ ဘောင်တို့ကို ခြံခတ်သလိုခတ်ပြီး သတ်မှတ်လို့
မရနိုင်အောင် ကျယ်ဝန်းပါတယ်။ အဲသည်လောက် ကျယ်ဝန်းတဲ့
ကဗျာကို အားလုံးခြုံငုံမိအောင် ဘယ်လိုလုပ်များ ဖွင့်ဆိုပါ့မလဲ၊
ဖွင့်ဆိုကြည့်လည်း မိုးကုတ်စက်ဝိုင်းရဲ့ အချင်းတို့၊ အနက်တို့၊
အနိမ့်အမြင့်တို့၊ အကျယ်အ၀န်းတို့ကို တိုင်းပြနေသလို ဖြစ်မှာ
ပဲလို့ ထင်ပါတယ်။ ဒီတော့ ကဗျာဆိုတာ ဘာလဲဆိုတာကို
ကဗျာလောကကြီး တစ်ခုလုံး အကျုံးဝင်မယ့် ဖွင့်ဆိုချက်မျိုး
မပြောပါရစေနဲ့။ ကျွန်တော် ရေးခဲ့တဲ့ ကဗျာတွေနဲ့သာ အကျုံး
ဝင်မယ့် ဖွင့်ဆိုချက်မျိုးကိုပဲ ပေးပါရစေ။

ကျွန်တော်ပေးမယ့် ဖွင့်ဆိုချက်ကတော့ ခံစားမှုတစ်ခုကို ရရာကနေ
ကဗျာရေးဖြစ်တဲ့အထိ ဖြစ်စဉ်ပေါ်မှာ အခြေခံပြီးပေးမှာပါ။ ဆိုပါစို့-
ကျွန်တော်ရဲ့ လောကပတ်ဝန်းကျင်ကို အကြောင်းပြုပြီး ခံစားမှု
တစ်ခုခုကို မကြာမကြာ ရလာတတ်ပါတယ်။ ရလာတဲ့ ခံစားမှုကို
ကျွန်တော့်ရင်ထဲမှာပဲ ထည့်ပြီး တစိမ့်စိမ့် ခံစားနေရုံ မကပါဘူး၊
ခေါင်းထဲမှာလည်း ထည့်ပြီး တနုံ့နုံ့ စဉ်းစားကြည့်ပါတယ်။ အဲဒီလို
စဉ်းစားရာက ကျွန်တော် ခံစားရသလို ကျွန်တော့် လောက
ပတ်ဝန်းကျင်က လူတွေကိုပါ ခံစားစေချင်တဲ့ စေတနာမျိုး ဖြစ်
လာပါတယ်။ ဖြစ်လာတဲ့ စေတနာကို ကျွန်တော် ကဗျာဖြစ်အောင်
ရေးလိုက်တာပါပဲ။ အဲဒီဖြစ်စဉ်ကို အခြေခံပြီး ကျွန်တော့် ကဗျာတွေ
နဲ့ အကျုံးဝင်မယ့် ဖွင့်ဆိုချက်မျိုးကို အရှင်းဆုံးရေးရရင် ကဗျာ
ဆိုတာ ခံစားမှုကို စဉ်းစားရာက ဖြစ်လာတဲ့ စေတနာကို ဝေမျှပေး
ခြင်းလို့ ဆိုရမယ် ထင်ပါတယ်။ ဒါဟာ ကျွန်တော့်ဖွင့်ဆိုချက်
သက်သက်ပါပဲ ….။
…… ….. …

မြသန်းတင့်

(၀င်းငြိမ်း) နောက်မေးခွန်းတစ်ခုကတော့ ကဗျာနဲ့ ပက်သက်
ပါတယ်။ ဘာသာပြန်အကြောင်းဆိုက်လာတော့ ဘာသာပြန်
ကဗျာတွေအကြောင်း ဆိုပါတော့။ ဆရာဟာ မောင်သစ်တည်
ဆိုတဲ့ ကလောင်အမည်နဲ့ ဘာသာပြန်ကဗျာတွေ တော်တော်
များများ ရေးခဲ့တာကို တွေ့ရပါတယ်။ ဒီတော့ ပထမဆုံး မေး
ချင်တာက ကဗျာကို ဘာသာပြန်ရခြင်းရဲ့ ရည်ရွယ်ချက်ကို
သိပါရစေ။

(မြသန်းတင့်) ကျွန်တော် ကဗျာကို ၀ါသနာပါတယ်။ ၀ါသနာ
ပါတယ်ဆိုရာမှာ ကဗျာဖတ်ရတာကိုလည်း ၀ါသနာပါတယ်။
ကဗျာစပ်ရတာကိုလည်း ၀ါသနာပါတယ်။ ဒါက တစ်ချက်။ နောက်
တစ်ချက်က ဒီနေ့ ကဗျာဆရာ လူငယ်တွေဟာ အနောက်နိုင်ငံတွေ
မှာ ခေတ်စားနေတဲ့ ခေတ်ပေါ်ကဗျာအကြောင်းကို သိချင်နေကြ
တယ်။ ကျွန်တော်လည်း သိချင်တယ်။ ကဗျာဝါသနာပါတဲ့ လူတွေ
လည်း သိချင်နေတယ်။ ခေတ်ပေါ်ကဗျာဆိုတာ နှစ်ဆယ်ရာစုကဗျာ
ဆိုပါတော့။ နှစ်ဆယ်ရာစုအတွင်းမှာ အနောက်နိုင်ငံမှာ ခေတ်ပေါ်
ကဗျာ ဂိုဏ်းသစ်တွေ ပေါ်ခဲ့ကြတယ်။ အနာဂတ်ဝါဒဂိုဏ်း၊ သင်္ကေတ
ဝါဒဂိုဏ်း၊ နိမိတ်ပုံဝါဒဂိုဏ်း စသဖြင့် အယူအဆ အသီးသီး ပေါ်ခဲ့
ကြတယ်။ ကျွန်တော်တို့ ကဗျာဝါသနာရှင်တွေမှာ တချို့က အင်္ဂလိပ်
ကဗျာကို ကောင်းကောင်းမဖတ်နိုင်ကြဘူး။ သူတို့မှာ အင်္ဂလိပ်စာ
အခြေခံ နည်းခဲ့ကြတော့ အရသာ မခံနိုင်ကြဘူး။ အင်္ဂလိပ်စာ ကောင်း
စွာ ဖတ်နိုင်သူများ ကျပြန်တော့လည်း စာအုပ်စာတမ်း မရှိကြဘူး။
အလွန်ရှားပါးတယ်။ ဒါ့ကြောင့် ဒီနေ့ စာဖတ်ပရိသတ်တွေ၊ အထူး
သဖြင့် ကဗျာဝါသနာရှင်တွေ ဖတ်နိုင်ပါစေဆိုတဲ့ သဘောလည်း
ပါတယ်။ ဒီအကြောင်းတွေကြောင့် ဘာသာပြန်ကဗျာတွေကို
ကျွန်တော်ရေးတာပါ။
…… ….. …


စာအုပ်များ -
မြသန်းတင့်နှင့် တွေ့ဆုံခြင်း (၀င်းငြိမ်း)
ဝင်းငြိမ်းနှင့် စာရေးဆရာများ (၃)

Read more »

မန္တလေးမြို့သစ် (၁၂.၁၀.၂၀၁၀)အခြေအနေ

ဒီနေ့ (၁၂.၁၀.၂၀၁၀)နေ့မှာ မိုးရွာသွန်းမှု ရပ်နေပါတယ်။
ဓါတ်ပုံများက မန္တလေးမြို့သစ်ဖက်က အခြေအနေများပါ။
မတ္တရာမြို့နယ်နှင့် ပုသိမ်ကြီး မြို့နယ်တို့ဖက်မှာ အခြေအနေ
ဆိုးရွားနေဆဲပါ။ ထွန်တုံး၊ အောင်ပင်လယ်ဖက်မှာလည်း
ရေကြီးနေဆဲပါ။ မေမြို့ဖက်ကို သွားတဲ့ ကားလမ်းပေါ်ရှိ ကျေးရွာ
တွေမှာလည်း ရေကြီးမှု လျှော့မသွားသေးပါဘူး။ “ဆည်တော်ကြီး၊
ဆည်တော်လေး” ကျိုးသွားလို့ ရေပိုကြီးသွားကြောင်း ပြောတဲ့
အပြစ်မဲ့ ပြည်သူတွေကို ဖမ်းဆီးနေပါတယ်။ ဌာနေ ပြည်သူ
တွေ မပြောင်းရွှေ့ရသေးခင် ဆည်ရေ ဖောက်ချလိုက်လို့
အခုလို အခြေအနေတွေ ဆိုးဝါးသွားတာလို့ ပြောနေကြ
ပါတယ်။ ဓါတ်ပုံရိုက်မှုတွေကို တားဆီးနေပါတယ်။ လက်ကိုင်ဖုန်း
ဖြင့် ဓါတ်ပုံရိုက်တာတောင် ခွင့်မပြုပါဘူး။ စစ်အစိုးရအနေနဲ့
ကယ်ဆယ်ရေးနဲ့ ယာယီစခန်းတွေ လုံးဝ မဖွင့်လှစ်သေးပါ။
မန္တလေးမြို့ပေါ်ရှိ ကုသိုလ်ဖြစ် အသင်းအဖွဲ့များ၏ အကူအညီ
ဖြင့် ရေဘေးဒုက္ခသည် ပြည်သူများ စားဝတ်နေရေး ဖြေရှင်း
နေရပါတယ်။
ကူညီလိုသူများ ....
“ဗြဟ္မစိုရ်အသင်း ၀၂- ၆၆၄၀၀/၀၂- ၃၉၁၄၃
သို့ဆက်သွယ် လှူဒါန်း ကူညီနိုင်ကြပါကြောင်း။

Read more »

မန္တလေးမြို့ရေဘေး (၁၀.၁၀.၂၀၁၀)မြင်ကွင်း

ဇော်လင်းဒွေး၏ facebook မှထပ်ဆင့် ကူးယူ တင်ပြပါတယ်။
ဓါတ်ပုံပိုင်ရှင်က Kyaw Min Htet(Mdy) ဖြစ်ပါတယ်။

Read more »

ကျနော်သိသမျှ ဗုဒ္ဓဘာသာကျင့်စဉ်

ရေးသူ- စစ်ငြိမ်းဒီရေ

ကျနော့်ဘလော့မှာ အခုချိန်အထိ ဘာသာရေးအကြောင်း လုံးဝ
မရေးခဲ့သေးပါဘူး။ အလှူအတန်းနဲ့ ပက်သက်ပြီး ဓါတ်ပုံနဲ့ ဗွီဒီယို
မှတ်တမ်းပဲ တင်ခဲ့ဖူးပါတယ်။ ဒါကြောင့် ဘလော့ ရေးဖေါ်ရေးဖက်
ညီအကို မောင်နှမတချို့ဆိုရင် တခါတရံ မေးလေ့ရှိပါတယ်။
“အကိုက ဘယ်ဘာသာ ကိုးကွယ်သလဲ၊ ဗုဒ္ဓဘာသာဝင် မဟုတ်
ဘူးလား … ”တဲ့။ ဒီပို့စ်ဟာ ပထမဆုံးရေးတဲ့ ဘာသာရေးပို့စ်ပါ၊
တစ်ခုတည်းသော ဘာသာရေးပို့စ်လည်း ဖြစ်နိုင်ပါတယ်။



အမေရိကန်ပြည်ထောင်စုမှာ လက်ရှိနေထိုင်တဲ့ ဘလော့ဂါ
ကိုကြီးကျောက် (ရွှေရတုမှတ်တမ်း) ရဲ့ ကျန်းမာရေး အခြေအနေ
ကြောင့် ကျနော် အပါအ၀င် ဘလော့ဂါအတော်များများ စိုးရိမ်း
ပူပန် မိကြပါတယ်။ ကျနော်လည်း တော်တော်လေး တုန်လှုပ်မိ
ပါတယ်။ အခုချိန်ထိလည်း ဆုတောင်းနေတုန်းပါ၊ ကိုကြီးကျောက်
ကျန်းမာရေးနဲ့ ပက်သက်ပြီး ဆေးရုံက ဆရာဝန်များရဲ့ ဆုံးဖြတ်
ချက်ဟာ ကောင်းတဲ့ဖက်ကို ပြန်ပြီး ပြင်လာပါစေလို့၊ တကယ်ပါ။

စာဆက်မရေးခင် စကားပလ္လင် ခံခွင့်ပြုပါ၊ ကျနော် အခုရေးနေတာ
ကျနော် သိသလောက်ပါ၊ ဗုဒ္ဓဘာသာသုံး ပါဠိ စာလုံးပေါင်းများ
အမှားအယွင်း ရှိခဲ့ရင် သည်းခံကြပါ …. ။

အသက်ရှင်ခြင်းနဲ့ သေဆုံးခြင်းဟာ တကယ်တော့ ကျောချင်းကပ်
ပါ။ လူတစ်ယောက်ဟာ သူ့ဘ၀ရဲ့ “ကမ္မသတ္တိ” ပြဋ္ဌာန်းချက်
အရပဲ ရှင်သန်ခွင့် ရကြပါတယ်။ ကမ္မပစ္စည်း ခေါ် ကမ္မသတ္တိ
အကြောင်းကို ဆရာတော်ကြီး ရှင်ဇနကာဘိဝံသ ဟောကြားတော်မူတဲ့
“အခြေပြု ပဋ္ဌာန်းတရားတော်” စာအုပ် စာမျက်နှာ ၁၇၂ မှ ၂၀၉
အထိ ဖတ်ရူ့ကြည့်ပါ။ (ဒီနေရာကလင့်ခ်မှာ ဒေါင်းလုပ်ယူနိုင်ပါတယ်)
….

ဝိပဿနာ တရားရူ့မှတ်တဲ့ ကိစ္စနဲ့ ပက်သက်ပြီး မိုးကုတ်
ဆရာတော်ကြီးက “ခွေးဟောင်တဲ့ ဟာ” (ရုပ်ခန္ဓာ) တစ်ခု
တည်းကိုပဲ အားစိုက်ပြီး မမှတ်ဖို့ မိန့်တော် မူခဲ့ဖူးပါတယ်။
ဥပမာ … ခွေးသည် လူတစ်ယောက်ကို မြင်၍ ဟောင်သည်ပေါ့၊
ခွေးရဲ့ အမြင်အာရုံမှာ ဟောင်ခြင်း ခံရတဲ့ ရုပ်ခန္ဓာ တစ်ခုတည်း
ကိုပဲ အားထားပြီး မမှတ်ကြနဲ့ဆိုတဲ့ သဘောပါ။ ဗွီဒီယို မှတ်တမ်း
တစ်ခုမှာ ထိုင်းနိုင်ငံက ထိုင်းဗုဒ္ဓဘာသာ ဘုန်းတော်ကြီးကျောင်း
တစ်ကျောင်းမှာ လူသေအလောင်းတွေ ထားပြီး တရားမှတ်
ကြပါတယ်။ အလောင်းပုံစံ အမျိုးမျိုးပါ၊ လောလောလတ်လတ်
သေခါစ အလောင်း၊ လွန်ခဲ့တဲ့ ရက်အနည်းက သေထားတဲ့
အလောင်းမျိုးစုံပါ၊ မမြဲခြင်း အနိစ္စကို မှတ်ကြတာပါ။

ကျနော်တို့ဟာ ဗုဒ္ဓဘုရားရှင် ဟောတော်မှုထားတဲ့ “မတွေဝေ
မှု” ခေါ် “ပညာ(အ မောဟ)” ခေါ် “ခန္ဓ ဥာဏ်ရောက် တရား”
ကို ရှာဖွေ သင့်ပါတယ်။ အဲဒီ “ပညာ” ဆိုတဲ့ အရာဟာ တက္ကသိုလ်မှာ
သွားသင်လို့ ရတဲ့ ပညာမျိုးတွေ မဟုတ်ပါဘူး။ ၀ိညာဏ(၆)ပါး ကို
“သစ္စ ဥာဏ်၊ ကိစ္စ ဥာဏ်၊ ကတ ဥာဏ်” ရူ့မှတ်ပြီး ဝေဒနာ
နဲ့ တဏှာ ကြားမှ ဖောက်ထွက်ဖို့ ပဋိစ္စသမုပ္ပါဒ် ဒေသနာတော်
မှာ မိန့်တော်မူထားပါတယ်။

“အာယတန(၆)ပါး + အာရုံ (၆)ပါး = ၀ိညာဏ (၆)ပါး”
အပေါင်း လက္ခဏာ (+)က “ဖဿ” (ထိတိုက်မိခြင်း)ကို ဆိုလိုတာ
ပါ။ အာယတနဆိုတာ အလွယ်ပြောရင် ဖြစ်ကြောင်းတရားပါ။
အဲဒီ စုစုပေါင်း (၁၈)ပါးကို “နိပ္ပန္နရုပ်” လို့ ခေါ်ပါတယ်။

“အာယတန(၆)ပါး + အာရုံ(၆)ပါး = ၀ိညာဏ(၆)ပါး”
(၁) မျက်လုံး(စက္ခုသမ္ဖဿာယတန)+ အဆင်း(ရူပါရုံ)= မြင်စိတ်
(၂)နား(သောတသမ္ဖဿာယတန)+အသံ = ကြားစိတ်
(၃)နှာခေါင်း(ဃာနသမ္ဖဿာယတန)+အနံ့=နံစိတ်
(၄)လျှာ(ဇိဝှါသမ္ဖဿာယတန)+အရသာ=စားသိစိတ်
(၅)ကိုယ်(ကာယသမ္ဖဿာယတန)+ဖောဋ္ဌဗ္ဗာရုံ=ယား/နာကောင်း စိတ်
(၆)စိတ်(မနောသမ္ဖဿာယတန)+အာရုံ(ဓမ္မာရုံ)= တွေးတောစိတ်

အဲဒီ “အာယတန” နဲ့ အာရုံ(၆)ပါး ထိတိုက်မိ(ဖဿ) ပြီး
ဖြစ်လာတဲ့ “၀ိညာဏ (၆)ပါး” ကို “သစ္စ ဥာဏ်” ခေါ်
သိမြင်နာယူ သင်ကြားခြင်း၊ “ကိစ္စ ဥာဏ်” ခေါ် လက်တွေ့
ကျင့်သုံး အားထုတ်ခြင်း၊ “ကတ ဥာဏ်” ခေါ် ပိုင်ပိုင်နိုင်နိုင်
ဆုံးဖြတ်သိမှုနဲ့ ပြီးပြည့်စုံစွာ ကျင့်ကြံ အားထုတ်ခြင်း … ဖြင့်
“ပညာ(အ မောဟ)” ခေါ် “မတွေဝေမှု” ကို ရရှိနိုင်ပါတယ်။
အဲဒီအဆင့်ကို ရောက်ရင် “အရိယာ” ခေါ် သူတော်ကောင်း
လို့ ခေါ်ရမှာပေါ့ ….။

အထက်မှာ ဖော်ပြတဲ့ နည်းက “ပဋိစ္စသမုပ္ပါဒ်” ဒေသနာတော်
နဲ့ “၀ိညာဏ(၆)ပါး” ကို ရူ့မှတ်တဲ့ နည်းပါ။ နောက်တစ်မျိုး
ရှိပါသေးတယ်။ ဗုဒ္ဓဘုရားရှင် ဟောတော်မူထားတဲ့ “ဓမ္မစကြာ”
ပါဠိတော်မှာ ပါတဲ့ “ကာရက မဂ္ဂင်(၅)ပါး” ကို ရူ့မှတ်တဲ့ ပုံစံပါ။
အဲဒီတရားဟာ “ခန္ဓာ ဥာဏ်ရောက်” တရားပါ။ “ကာရကမဂ္ဂင်”
ဆိုတဲ့ ပါဠိစာလုံးကို မကြောက်ပါနဲ့။ “ကာရကမဂ္ဂင်” ဆိုတာ
အလုပ်တရား အလုပ်မဂ္ဂင်လို့ ဆိုလိုတာပါ။ အဲဒီမှာ မဂ္ဂင်(၈)ပါး
ထဲက “ပညာမဂ္ဂင်” အောက်ရှိ …
(၁)မှန်ကန်သော သိမှု (သမ္မာဒိဋ္ဌိ)
(၂)မှန်ကန်သော သုံးသပ်မှု (သမ္မာသင်္ကပ္ပ) …
နှစ်ပါးနဲ့ …
“သမာဓိမဂ္ဂင်” အောက်ရှိ ….
(၃)မှန်ကန်သော အားစိုက်မှု(သမ္မာဝါယမ)
(၄)မှန်ကန်သော သတ္တိ(သမ္မာသတိ)
(၅)မှန်ကန်သော တည်ကြည်မှု(သမ္မာသမာဓိ) …
သုံးပါးနဲ့ ပေါင်းပြီး “အလုပ်မဂ္ဂင်” ခေါ် “ကာရကမဂ္ဂင်”(၅)မျိုး
ရှိပါတယ်။ အဲဒီတရား (၅)ပါးကို ၀ိပဿနာ ရူ့မှတ်ခြင်းဖြင့်လည်း
“ပညာ(အ မောဟ)” ခေါ် “ခန္ဓာ ဥာဏ်ရောက်” တရားကို
ရနိုင်ပါတယ်။

သတိပဋ္ဌာန်တရား (၄)ပါးထဲက “စိတ္တာနုပသာနာ” တရားတွင်လည်း
“၀ိညာဏ(၆)ပါး”ကို မမြဲခြင်း(အနိစ္စ)၊ ဆင်းရဲခြင်း(ဒုက္ခ)၊ အစိုးမရ
ခြင်း(အနတ္တ) (၃)ပါး ခေါ် လက္ခဏာရေး(၃)ပါး ဖြင့် ရူ့မှတ်ခြင်းဖြင့်
“ပညာ(အ မောဟ)” ခေါ် “ခန္ဓာ ဥာဏ်ရောက်” တရားကို ရနိုင်
ပါတယ်။

ကျနော့် တင်ပြချက်များတွင် အမှားအယွင်းများ ရှိခဲ့ပါက ကျနော့်
ချို့ယွင်းမှုကြောင့်ပါ။ မှန်ကန်မှုများ ရှိခဲ့ပါက ဆရာတော်ကြီးများ
၏ ကျေးဇူးကြောင့်ပါ …. ။


(ဤမျှသာ။)

Read more »

ဖိတ်ကြားခြင်း

(၅) ကြိမ်မြောက် ကမ္ဘာ့ရာသီဥတုပြောင်းလဲမှု အထိမ်းအမှတ်နေ့
သစ်ပင်စိုက်ပွဲ၊ လေးထောင့်ကန်ကို လိုက်ပါမယ့် အဖွဲအစည်းတွေက
လက်ရှိ စပက်ထရမ် (Spectrum Sustainable Development Network)၊
ဒဘလျူအာရ်တီစီ (WRTC)၊ မြသားလွင်ပြင် (Emerald Green)၊ စိမ်းလန်း
ကမ္ဘာ (Global Green Group)၊ အေဂျီအမ်ပီ ( Action Group Of Myanmar poets)
နဲ့ အခြား လူငယ်အဖွဲ့များ၊ မီဒီယာအသီးသီးမှ ဂျာနယ်လစ်များ ဖြစ်ပါတယ်။
အခြားသဘာ၀၀န်းကျင်ထိန်းသိမ်းရေး လှုပ်ရှားတက်ကြွသူများလည်း ပါဝင်နိုင်ကြ
ပါတယ်။

(၁၀၊ ၁၀၊ ၂၀၁၀ )ရက်နေ့

အစီအစဉ်

စုရပ် (၁)ဒဂုံစင်တာနဲ့ မြေနီကုန်းပလာဇာကြား
စုရပ် (၂) ၃၈- လမ်းထိပ်၊ ဗိုလ်ချုပ်လမ်း
စုရပ်အချိန်။ နံနက် ၇း ၃၀

လေးစားစွာဖြင့် ....

Read more »

ဒေါ့စတာယက်စကီ (ရုရှား စာရေးဆရာ)

ရေးသူ- ဆရာနတ်နွယ်

-၁၈၂၁ ခုနှစ်၊ အောက်တိုဘာလ (၃၀)ရက်နေ့တွင် ဖျိုဒါ
မစ်ခေးလိုဗစ် ဒေါ့စတာယက်စကီ (Fyodor Mikhaylovich Dostoyevsky)
ကို ရုရှနိုင်ငံ မော်စကိုမြို့တွင် မွေးဖွားသည်။

-၁၈၃၃ -၃၇ အထိ မော်စကိုမြို့ရှိ ကျောင်းအိပ်ကျောင်းစား
ကျောင်းများတွင် ပညာ သင်ကြားခဲ့သည်။

-၁၈၃၇ ခုနှစ် မေလတွင် ဒေါ့စတာယက်စကီနှင့် သူ့အကို မစ်ခေး
တို့ စိန့်ပီတာစဘတ်မြို့သို့ ပြောင်းရွှေ့ကြသည်။



-၁၈၃၈ ခုနှစ် ဇန်န၀ါရီလတွင် ဗဟိုအင်ဂျင်နီယာကျောင်းသို့
တက်ရောက်သည်။

-၁၈၄၃ ခုနှစ် သြဂုတ်လတွင် အရာရှိသင်တန်းပြီးဆုံး၍ အင်ဂျင်နီ
ယာဌာနတွင် အမှုထမ်းရသည်။

-၁၈၄၄ ခုနှစ် ဇွန်- ဇူလိုင်တွင် ဒေါ့စတာယက်စကီ ဘာသာပြန်
ဆိုသော ပြင်သစ် စာရေးဆရာကြီး ဘောလ်ဇက်၏ ယူဂျင်း ဂရင်းဒစ်
Eugenie Grandet ထုတ်ဝေသည်။

-၁၈၄၅ ခုနှစ် မေလတွင် ၎င်း၏ ပထမဆုံး ၀တ္ထုရှည်ဖြစ်သော
ဆင်းရဲသား Poor Folk ရေးသားပြီးစီးသည်။

-၁၈၄၆ ခုနှစ်၊ ဇန်န၀ါရီလတွင် နီကရာဆော့ တည်းဖြတ်ထုတ်
ဝေသော “ပီတာစဘတ် မဂ္ဂဇင်း” တွင် ဆင်းရဲသားဝတ္ထု
ဖော်ပြပါရှိသည်။

-၁၈၄၇ ခုနှစ် နွေဦးရာသီတွင် ရုရှား တော်လှန်ရေးသမား မစ်ခေး
ပီထရာရှက်စကီး၏ လျှို့ဝှက် အစည်းအဝေးများသို့ ဒေါ့စတာ
ယက်စကီ တက်ရောက်သည်။

-၁၈၄၈ ခုနှစ် ဒီဇင်ဘာလတွင် ညဖြူဖြူများ White Nights ထုတ်
ဝေသည်။

-၁၈၄၉ ခုနှစ် ဧပြီလ ၂၃ ရက်နေ့တွင် ပီထရာရှက်စကီ အုပ်စုဝင်
တစ်ဦးအဖြစ် အဖမ်းခံရသည်။ ဧပြီလ ၂၉ ရက်- နိုဝင်ဘာလ ၁၆
ရက်နေ့တွင် ပီထရာရှက်စကီနှင့် နောက်လိုက်များကို ရုံးတင် စစ်
ဆေးသည်။ ဒေါ့စတာယက်စကီ အပါအ၀င် အဓိက တရာခံများကို
သေဒဏ်ပေးသည်။ ဒီဇင်ဘာလ ၂၂ ရက်နေ့တွင် ဆီမျိုနော့စကီ
ရင်ပြင်တွင် တရားခံများကို သေဒဏ် အမိန့်ဖတ်ပြပြီး ကွပ်မျက်ရန်
စီစဉ်သည်။ နောက်ဆုံး “ပစ်” ဟူသော အမိန့်ပေးခါနီးတွင်မှ
သေဒဏ်မှ လွတ်ငြိမ်းခွင့်အမိန့် ရောက်ရှိလာသည်။ ဒီဇင်ဘာလ
၂၄ ရက်နေ့ညတွင် ဒေါ့စတာယက်စကီ အပါအ၀င် အကျဉ်းသား
များကို သံခြေချင်းခတ်ပြီး အကျဉ်းထောင်မှ ဆိုက်ဗေးရီးယားသို့
ပို့သည်။

-၁၈၅၀ ခုနှစ် ဇန်န၀ါရီလ ၂၃ ရက်နေ့တွင် ဒေါ့စတာယက်စကီ
ကို အွန်မာ့စ် အကျဉ်းထောင်သို့ ပြောင်းရွှေ့ပြီး အလုပ်ကြမ်းနှင့်
ပြစ်ဒဏ်ချခံစေသည်။

-၁၈၅၀- ၅၄ အွန်မာ့စ် အကျဉ်းထောင်။

-၁၈၅၄ ခုနှစ် ဖေဖ်ါဝါရီလတွင် အလုပ်ကြမ်းနှင့် ပြစ်ဒဏ် နှစ်စေ့
အောင် ကျခံပြီးသောအခါ စစ်တပ်တွင် သာမန်တပ်သားတစ်ဦး
အဖြစ် တာဝန်ထမ်းဆောင်ခွင့်ပြုသည်။

-၁၈၅၄- ၅၉ စစ်မှုထမ်း။

-၁၈၅၆ ခုနှစ် အောက်တိုဘာလတွင် အရာရှိအဆင့်သို့ တိုးမြှင့်သည်။

-၁၈၅၇ ခုနှစ် ဖေဖ်ါဝါရီလတွင် မုဆိုးမ မာရီယာ အိုင်ဆာယီဗာနှင့်
ကုဇနက်မြို့ကလေးတွင် လက်ထပ်သည်။

-၁၈၅၉ ခုနှစ် မတ်လတွင် စစ်တပ်မှ အငြိမ်းစားယူသည်။
မတ်လတွင် ဦးလေး၏ အိပ်မက် Uncle’s Dream ထုတ်ဝေသည်။
နိုဝင်ဘာလ- ဒီဇင်ဘာလတွင် မိသားစု၏ မိတ်ဆွေ Friend of the
Family ထုတ်ဝေသည်။ ဒီဇင်ဘာ လ’၀က်တွင် စိန့်ပီတာစဘတ်မြို့
သို့ ပြောင်းရွှေ့သည်။

-၁၈၆၀ ခုနှစ် စက်တင်ဘာလတွင် ရုရှကမ္ဘာ Russki Mir သတင်းစာ
တွင် မရဏဂေဟာ The House of the Dead ကို စတင်ဖော်ပြသည်။

-၁၈၆၁ ခုနှစ် ဇန်န၀ါရီလတွင် ဒေါ့စတာယက်စကီနှင့် သူ့အကို မစ်ခေး
တို့ ထုတ်ဝေသော “ခေတ်” Vremya မဂ္ဂဇင်း အမှတ်(၁) ထွက်သည်။
ယင်းလတွင် စော်ကားသူနှင့် အနှိမ်ခံ The Insulted and Injured အခန်း
ဆက် ၀တ္ထုရှည် စတင်ပါရှိသည်။

-၁၈၆၁- ၁၈၆၂ ခုနှစ်၌ “ခေတ်” မဂ္ဂဇင်းတွင် “မရဏဂေဟာ”ကို ဖော်
ပြသည်။ ဇွန်လတွင် နိုင်ငံခြားသို့ ခရီးထွက်သည်။

-၁၈၆၃ ခုနှစ် မေလတွင် “ခေတ်” မဂ္ဂဇင်း အပိတ်ခံရသည်။ သြဂုတ်-
အောက်တိုဘာလအထိ နိုင်ငံခြားတွင် နေထိုင်သည်။

-၁၈၆၄ ခုနှစ် ဇန်န၀ါရီလတွင် “ခေတ်သစ်” Epokha ထုတ်ဝေခွင့်ရသည်။
မတ်လတွင် “ခေတ်သစ်” မဂ္ဂဇင်း အမှတ်(၁) တွင် မြေအောက်မှ
မှတ်စုများ Note from Underground ပါရှိသည်။ ဧပြီလတွင် ဇနီး
ဖြစ်သူ မာရီယာ ကွယ်လွန်သည်။ ဇူလိုင်လတွင် သူ၏ အကို မစ်ခေး
ဒေါ့စတာယက်စကီ ကွယ်လွန်သည်။

-၁၈၆၅ ခုနှစ် ဇွန်လတွင် “ခေတ်သစ်” မဂ္ဂဇင်း ရပ်သွားသည်။ ဇူလိုင်မှ
အောက်တိုဘာလအထိ ဒေါ့စတာယက်စကီ နိုင်ငံခြားသို့ သွားပြန်သည်။

-၁၈၆၆ ခုနှစ်တွင် ပြစ်မှုနှင့် ပြစ်ဒဏ် Crime and Punishment ထွက်
သည်။ အောက်တိုဘာလတွင် “လောင်းကစားသမား” The Gambler
ဝတ္ထုကို သူ၏ လက်ရေးတိုစာရေးမ အန်နာဆနစ်ကီနာကို နှုတ်မှ
ပြောပြသည်။

-၁၈၆၇ ခုနှစ် ဖေဖ်ါဝါရီလတွင် အန်နာဆနစ်ကီနာနှင့် လက်ထပ်သည်။

-၁၈၆၈ ခုနှစ်တွင် “အန္ဓ” The Idiot ၀တ္ထုရှည်ကြီး ထွက်သည်။

-၁၈၇၀ ခုနှစ်တွင် ၀တ္ထုလတ် “ထာဝရခင်ပွန်း” The Eternal Husband
ထွက်သည်။

-၁၈၇၁ ဇူလိုင်လတွင် “အမှောင့် ပယောဂ” The Possessed ကို
စတင် ရေးသားသည်။ ၁၈၇၂ ခုနှစ်တွင် ပြီးသည်။

-၁၈၇၃ ခုနှစ်တွင် “နိုင်ငံသား” Citizen အပတ်စဉ်ကို စတင် တည်း
ဖြတ်သည်။ ယင်းဂျာနယ်တွင် “စာရေးဆရာတစ်ဦး၏ မှတ်တမ်း”
The Diary of a Writer ဆောင်းပါးများ ပါရှိသည်။

-၁၈၇၄ ခုနှစ်တွင် “နိုင်ငံသား” စာစောင် အယ်ဒီတာအဖြစ်မှ
နှုတ်ထွက်သည်။

-၁၈၇၅ ခုနှစ်တွင် “အရိုင်း” A Raw Youth ၀တ္ထု ထွက်သည်။

-၁၈၇၉ မှ ၁၈၈၀ ခုနှစ်များအတွင်း “ကာရာမာဇော့ ညီအကိုများ”
The Brothers Karamazov ရေးသား ပြီးစီးသည်။

-၁၈၈၁ ခုနှစ် ဇန်န၀ါရီလ (၂၈)ရက်နေ့တွင် ဖျိုဒါ မစ်ခေးလိုဗစ်
ဒေါ့စတာယက်စကီ (Fyodor Mikhaylovich Dostoyevsky)
ကွယ်လွန်သည်။


(မှတ်ချက်။ ။ ဆရာနတ်နွယ် ဘာသာပြန်သော ကာရာမာဇော့
ညီအကိုများ စာအုပ်မှ ကူးယူ ဖော်ပြပါသည်။)

Read more »

မြန်မာပြည်အတွက် ကျမတို့ -ဝေနှင်းပွင့်သုန်

အဘ သခင်အုန်းမြင့် ကွယ်လွန်ခြင်း ၀မ်းနည်းမှု
အထိမ်းအမှတ် .....
မိုးမခ ရုပ်သံမှ ထပ်ဆင့်ကူးယူဖော်ပြပါသည်။

Read more »

ဒုတိယမြောက် အရက်ပုလင်း

သူငယ်ချင်းရေ ဟေ့ သူငယ်ချင်းရေ …
အမိန့်ရအပေါင်ဆိုင်မှာ
ပေါင်နှံခဲ့တဲ့ စာမူခကို
ဒီအရက်ဖြူဆိုင်ထဲ
ဒို့တတွေ ပျော်ပျော်ပါးပါး
အရက်သောက်ကြမယ် အရက်သောက်ကြမယ်
အချစ်နဲ့ အမုန်းတွေကို
ဆိုင်ပေါက်ဝမှာ ထားခဲ့ကြနော်
သူငယ်ချင်းရေ ဟေ့ သူငယ်ချင်းရေ ….

ပထမ တခွက်ကြောင့်
ရှုံ့မဲ့သွားတဲ့ မင်းမျက်နှာကြီး
မိုနာလီဇာအပြုံးထက်
ပိုပြီးလှတယ် ပိုပြီးလှတယ်
သူငယ်ချင်းရေ ဟေ့ သူငယ်ချင်းရေ ….
ဘီယာဆိုင်မှာ
ဟစ်တလာ အာဏာသိမ်းတုန်းက
အလစ်သုတ်လာတဲ့ မြေပဲဆားလှော်ကို
ထုတ်ပါအုံးလေ ကျွေးပါအုံးလေ
သူငယ်ချင်းရေ ဟေ့ သူငယ်ချင်းရေ ….
“မေတ္တာတရားရပ်ကွက်က ကိုသစ္စာ’တစ်ယောက်
နောက်ကျောကို ဓါးနဲ့အထိုးခံရကြောင်း ….
အယဉ်ကျေးဆုံး ရွာသားများကို
အရက်စက်ဆုံးဒီရေများက ခေါ်ဆောင်သွားကြောင်း ….
ကမ္ဘာမြေရဲ့အချစ်ဆုံးသူ ကွယ်လွန်သောအခါ
မြုပ်စရာမြေကွက် မပေးဝေနိုင်သောကြောင့်
မီးသင်္ဂြိုလ်စက်အတွင်း ထည့်လိုက်ရကြောင်း ….
ဒုတိယကမ္ဘာစစ်အတွင်း မဟာမိတ်များ၏
ဒုတိယစစ်မျက်နှာဖွင့်လှစ်ရန် နှောင့်နှေးမှုကြောင့်
ရုရှားလူမျိုးများ ရွာလုံးကျွတ်အသတ်ခံရကြောင်း ….
….ကြောင်း ….ကြောင်း ….ကြောင်း ”
ကြောင်းပေါင်းများစွာထဲ ညောင်းသွားတဲ့
ဟောသည့်ဆိုင်လေးထဲမှာ
ပျော်ပျော်ပါးပါး သောက်လိုက်ကြအောင်
သူငယ်ချင်းရေ ဟေ့ သူငယ်ချင်းရေ ….

တစ်လုံးတော့ကုန်သွားပြီ သူငယ်ချင်း …..
ဒုတိယမြောက် အရက်ပုလင်းကို
ဖွင့်လိုက်ကြစို့ မော့လိုက်ကြစို့
သူငယ်ချင်းရေ ဟေ့ သူငယ်ချင်းရေ ….
မီးပျက်ခဲ့တဲ့ ဘ၀တွေအောက်မှာ ….
လှောင်ရယ်သံတွေအောက်မှာ ….
ဟုန်သွားတဲ့ ထုံကြင်မှုတွေအောက်မှာ …..
ပျောက်မသွားတဲ့ မြေပုံဆိုးတွေအောက်မှာ …..
စေတနာအမည်ခံ
ရေရောခံရတဲ့ ဒီအရက်ပုလင်းကို
ဒီဒုတိယမြောက် အရက်ပုလင်းကို
စပိန်ပြည်တွင်းစစ်မှာ
ရှုံးခဲ့ဘူးတဲ့ ပီကာဆိုလို
မှောက်လိုက်ပါအုံး … လဲပါအုံးနော်
သူငယ်ချင်းရေ ဟေ့ သူငယ်ချင်းရေ …. ။ ။


-စစ်ငြိမ်းဒီရေ

Read more »