Tuesday, 12 January 2010

လမ်းကြား သရဲ (၃)

ရေးသူ- စစ်ငြိမ်းဒီရေ

(မှတ်ချက်။ ။ အသက် ငယ်ရွယ်သူများ၊ ကြောက်ရွံ့ထိတ်လန့်တတ်
သူများ၊ နှလုံးရောဂါသည်များနှင့် ကိုယ်ဝန်ဆောင်သည်များ မဖတ်ရူ
ရန် မေတ္တာရပ်ခံအပ်ပါသည်။)

ယခင် အပိုင်း(၂)မှ အဆက် ...

တိုက်တိုက်ဆိုင်ဆိုင်ဆိုသလိုပဲ မြန်မာပြည်က ပြောင်းရွှေ့လာတဲ့
မိသားစုဟာ ယခင်က လူသတ်မှုဖြစ်ပွားခဲ့တဲ့ အခန်းနံဘေးက အခန်း
မှာ နေထိုင်ကြပါတယ်။ သူတို့မိသားစုမှာ ဆရာဝန် လင်မယား၊ သားသမီး
သုံးဦး၊ အဖွားဖြစ်သူတို့ ပါရှိတဲ့ လူခြောက်ဦးပါ။ သူတို့ ပြောင်းရွှေ့လာပြီး
လပိုင်းအတွင်း သူတို့အလွှာမှာ နေထိုင်တဲ့ တရုတ်မိသားစုတွေနဲ့
ခင်မင်ရင်းနှီးလာပါတယ်။ တရုတ်မိသားစုတွေဆီကနေ အမှိုက်ပြစ်တဲ့
လမ်းကြားမှာ ညဖက်ဆိုရင် သရဲခြောက်တယ်ဆိုတဲ့ သတင်းစကားကို
သူတို့ ကြားသိခဲ့ပါတယ်။

သူတို့ ကြားခါစက မယုံတ၀က် ယုံတ၀က်ပါ။ ခင်ပွန်းဖြစ်သူ ဆရာဝန်
က သရဲတစ္ဆေကို လုံးဝ မယုံကြည်သူပါ။ တနေ့တော့ အဲဒီတိုင်းပြည်မှာ
လာရောက် အလုပ် လုပ်နေတဲ့ ငယ်သူငယ်ချင်းတွေကို သူတို့ အခန်းမှာ
ညစား ခေါ်ကျွေးပါတယ်။ ညစား စားရင် အရက် သောက်ဖြစ်ကြပါ
တယ်။ ည တစ်နာရီ ပတ်ဝန်းကျင်လောက်မှာ အရက်ဝိုင်း သိမ်းပါတော့
တယ်။ ညစား စားပွဲကနေ အိမ်ပြန်ကြမယ့် သူငယ်ချင်းတွေကို အိမ်ရှင်
ဆရာဝန်နဲ့ နောက်တနေ့မနက်ကျမှ အိမ်ကိုပြန်မယ့် ငယ်သူချင်းတစ်ဦး
တို့က ကားဂိတ်အထိ လိုက်ပို့ကြပါတယ်။

ဒီလိုနဲ့ ငယ်သူငယ်ချင်းတွေကို အဌားကား(TAXI) ပေါ်တင်ပြီး တိုက်
ပေါ်ကို ပြန်တက်လာခဲ့ပါတယ်။ နှစ်ဦးစလုံး အနည်းငယ် မူးနေတာ
ကြောင့် သူတို့အခန်းရှိရာနဲ့ နီးကပ်တဲ့ လှေကားကနေ အပေါ်ထပ်
ကို တက်လာခဲ့ပါတယ်။ လှေကားအပေါ်ကို တက်ခါစမှာ အပေါ်က
စကားပြောနေသံလိုလို သူတို့ ကြားနေရပါတယ်။ သူ့တို့စိတ်ထဲ
မှာ သူတို့ နှစ်ဦးစလုံး မူးနေလို့ အိမ်ရှင် ဆရာဝန်မိသားစု အခန်း
တံခါး အပြင်ထွက်ပြီး စောင့်နေတာ ဖြစ်မယ်လို့ ထင်နေပါတယ်။

လှေကားကနေ သူတို့အလွှာထဲ ချိုးအကွေ့မှာ ရုတ်တရက်
နှစ်ဦးစလုံး ကြက်သီးတွေ ထ သွားပါတယ်။ မူးနေတာလည်း ပြေသလို
ခံစားလိုက်ရပါတယ်။ သူတို့ ခုနက ကြားနေရတဲ့ အသံကို သတိ
ရလိုက်ပါတယ်။ ဒါနဲ့ နံဘေးပတ်ပတ်လည်ကို လျှောက်ကြည့်
လိုက်တော့ အမှိုက်သွားပြစ်နေကြ လမ်းကြားထဲမှာ လူတစ်ယောက်
က ကျောပေးပြီး အမှိုက်ပြစ်တဲ့ အပေါက်ဝ အပေါ်က နံရံကို
လက်နှစ်ဖက်မြှောက်တွန်းလို့ ခပ်ကုန်းကုန်း ရပ်နေပါတယ်။
အဲဒီလူရဲ့ နောက်ဖက်မှာ ကလေးငယ်တစ်ဦးက ငိုနေပြီး ကျောပေး
ရပ်နေသူရဲ့ တင်ပါးကို တဖြန်းဖြန်းနဲ့ ရိုက်နေပါတယ်။ သူတို့ ရပ်လိုက်
တဲ့ ခဏလေးအတွင်းမှာပဲ ကလေးငယ်ဟာ သူတို့ဖက်ကို လှည့်ကြည့်
လာပါတယ်။ ကလေးရဲ့ မျက်လုံးနှစ်ဖက်ဟာ တော်တော်လေး ငို
ထားတဲ့ပုံစံမျိုးပါ။ မျက်လုံးတွေ ရဲရဲတောက်လို့။

ကလေးက သူတို့ကို မြင်မြင်ချင်း အံ့အားသင့်သလို ဖြစ်သွားပြီး စိုက်
ကြည့်နေပါတယ်။ ငိုနေတဲ့ ကလေးငယ်ကို ဆရာဝန်ဖြစ်သူက တချက်
ပြုံးပြပြီး သူ့တို့အခန်းဖက်ဆီ ထွက်ခဲ့ပါတယ်။ ခြေလှမ်း လေး …. ငါး
လှမ်းလောက် လှမ်းပြီးချိန်မှာ သူတို့ နောက်ကျောဖက်ကနေ အသံတစ်ခု
ကြားလိုက်ရပါတယ်။ “ညီလေးတို့” ဆိုတဲ့ အသံကို သူတို့နှစ်ဦး သေသေ
ချာချာ သဲသဲကွဲကွဲ ကြားလိုက်ရတာပါ။ ဒါနဲ့ နောက်ကို ပြန်လှည့်ကြည့်
တော့ နောက်မှာ ဘယ်သူကိုမျှ မတွေ့ရပါ။ သူတို့စိတ်ထဲ ဇဝေဇ၀ါ ဖြစ်ဖြစ်
နဲ့ အခန်းဆီ ဆက်မသွားသေးပဲ အခုလေးတင် ကျော်ဖြတ်ခဲ့တဲ့ အမှိုက်
ပြစ်တဲ့ လမ်းကြားဆီ နှစ်ဦးသား ပြန်သွားကြည့်ပါတယ်။ လမ်းကြားထိပ်
ကို ရောက်တော့ လမ်းကြားထဲမှာ ဘယ်သူကိုမျှ မတွေ့ရတာကြောင့်
အရမ်း အံ့သြသွားပါတယ်။ ခုနက ကျောပေးရပ်နေသူနဲ့ ကလေးငယ်တို့၊
ဒီလမ်းလေးထဲကနေ စက္ကန့်ပိုင်းလောက်သာ ရှိတဲ့ အချိန်အတွင်း
လျင်လျင်မြန်မြန်ကြီး ထွက်ခွာ ပျောက်ကွယ်သွားဖို့ဆိုတာ လုံးဝ
မဖြစ်နိုင်ပါဘူးလို့ အဓိပ္ပါယ်ရတဲ့ မျက်လုံးတွေနဲ့ တစ်ဦးနဲ့တစ်ဦး
ကြည့်မိလိုက်ပါတယ်။ အဲဒီအချိန်အထိ သူတို့နှစ်ဦးစလုံး သရဲခြောက်
ခံနေရတယ်လို့ သူတို့ကိုယ် သူတို့ မထင်သေးပါဘူး။

သူတို့နေထိုင်ရာ အခန်းရှေ့ရှိ ပထမ သံတခါးမှာ ခတ်ထားတဲ့ သော့
ခလောက်ကို ဖွင့်ရင်း အထဲကို အ၀င်မှာ သော့ခလောက်အိမ်က ကြမ်းပြင်
ပေါ် ပြုတ်ကျသွားပါတယ်။ အိမ်ရှင်ဆရာဝန်ဖြစ်သူက ပြုတ်ကျသွားတဲ့
သော့ခလောက်အိမ်ကို ကုန်းကောက်လိုက်ချိန်မှာ နံဘေးက ဧည့်သည်
သူငယ်ချင်းဖြစ်သူက …
“ဟိုနား ပုန်းနကွယ်ကနေ လူနှစ်ယောက် ခေါင်းလေးတွေ ထွက်ပြီး
ပြူးတစ် ပြူးတစ်နဲ့ ငါတို့ကို ကြည့်နေတယ်ကွ …”
လို့ ပြောပါတယ်။
အိမ်ရှင်ဆရာဝန်က လှမ်းကြည့်တော့ ဘာမျှ မတွေ့ရပါဘူး။
သော့ခလောက်ပြုတ်ကျသံ၊ သံတခါး ဖွင့်သံတွေကြောင့် အိမ်ထဲက
မိသားစုလည်း အတွင်း သစ်သားတံခါးကို ဖွင့်လာပါတယ်။ ဧည့်သည်
ဖြစ်သူက အိမ်ထဲက ထွက်လာတဲ့ မိသားစုကို ဒီတိုက်မှာ အခြား
မြန်မာ အလုပ်သမားတွေ စုပေါင်းနေထိုင်တဲ့ အခန်းများ ရှိသလား
လို့ မေးမြန်းစပ်စုရင်း အခန်းထဲကို ၀င်ခဲ့ကြပါတယ်။


(ဆက်ရန်။)

6 comments:

Zaw Myo Lwin said...

ကိုအောင်ခင်မြင့်... ထောင်ထဲမှာတုန်းက ဒါကိုဘာလို့ ပြောမပြသွားတာလဲ။ မြန်မြန် များများနဲ့ မှန်မှန်လေး ရေးတင်ပေးပါ။ စောင့်ဖတ်ရသူတွေမှာ အားမလိုအားမရ အိပ်လို့တောင်မှ မရတော့ဘူး။

ရွှေရတုမှတ်တမ်း said...

ကိုအောင်ကလည်း ကောင်းခန်းရောက်ရင်..အဲလိုချည့်ပဲ

ကိုအောင်(ပျူနိုင်ငံ) said...

ကိုဇော်မျိုးလွင်နဲ့ အကိုကြီး ကိုကျောက်ခဲတို့ ကော်မန့်
လာရေးတာ ကျေးဇူးပါ ..

ကိုဇော်မျိုးလွင် ...
နေကောင်းလား အကို၊ ကျနော် မလေးရှားမှာ ကျင်လည်ခဲ့တဲ့
ကျနော့်ဘ၀ကို ကျနော်ဇွတ်အတင်း မေ့ပြစ်ချင်တာ၊ ဘ၀က အစုံဘဲလေ၊ over stay ဘ၀နဲ့ ညဖက်ထွက်ပြေးပြီး တရုတ်သင်္ချိုင်းမှာ သွားအိပ်ခဲ့တာတွေ၊ အတူတူထွက်ပြေးတဲ့ ဘ၀တူ အလုပ်သမားတွေ မိလ္လာကန်ထဲ ပြုတ်ကျပြီး သေကြတာတွေ၊ အလုပ်ထဲမှာ မလေးရှား တစ်ရာကျော်နဲ့ မြန်မာ အလုပ်သမားတွေ အချိန်ပို အလုပ်ရဖို့ သံပိုင်းလုံးတွေနဲ့ တဖက်နဲ့ တဖက် ရိုက်ကြတာတွေ၊ မှတ်မိသေးလား ဆွတ်ခဘလို့ ထောင်ထဲမှာ ထောင်တစ်ခုလုံးကို သရဲစီးတာတွေ၊ နောက် တော့ ကျနော် ရေးပါ့မယ် ..
ကိုဇော်မျိုးလွင်ကို အမြဲပဲ သတိရပါတယ် ..
ပူလူးထောင်ထဲမှာ ဆေးလိပ်သောက်တာကို ထောင်ရဲတွေ ၀င်စစ်ချိန်မှာ ကျနော့်ကြောင့် အကို့မျက်မှန် ပျောက်ဆုံးခဲ့တာရော ကျနော် အမြဲ သတိပါတယ် အကို။
သတိရလျက် ...

YoungGun said...

ဖတ်လေ့ ဖတ်ထ မရှိတဲ့ သရဲအကြောင်းကို အဆုံးထိ.. အရင်အဟောင်းတွေအထိ ဆွဲဖတ်အောင် ..ရေးတတ်ပါပေ့။ ဆန့်တငံ့ငံ့ ဖြစ်၇တာတော့ မကောင်းဘူးဗျာ။ အထက်က လူတွေပြောသွားသလို များများရေးပါဗျို့။

TNS said...

ဟာကွာ.......။
အခုတောင် ဒိန်းမတ်လေယာဉ်လက်မှတ်ဝယ်ပြီး
တစ်ထိုင်ထဲသာ ပြောခိုင်းချင်တော့တာဘဲ..။

Zaw Myo Lwin said...

စီဘောက်မရှိလို့ ဒီအောက်မှာပဲ ဆက်ရေးလိုက်ပါတယ်။ အင်္ဂါနေ့ ည ၁၂ နာရီတိတိကလာစောင့်နေတာ ယခု၁၂း၄၅နာရီထိကို အခန်းဆက်က တက်မလာသေးဘူး။ ရန်ကုန်မှာလို မီးများဖြတ်ခံထားရလား-) ကိုအောင်ခင်မြင့်နဲ့တကွ အားလုံးကို အမြဲသတိရပါတယ်။ ဒီကြားထဲတော့ ချမ်းချမ်းစီးစီးမှာ ဆောင်းအိပ်မက်တွေနဲ့ အတိတ်ကိုပဲ ပြန်ရှာနေရပေါ့။ ထောင်ထဲမှာ သရဲစီးကြတုန်းက ကျနော် အိပ်ပျော်နေခဲ့သလားပဲ။ သေချာလဲပြန်မမှတ်မိဘူး။ အခြား အဖြစ်အပျက်တွေ အပါအဝင် အဲဒီ အတွေ့အကြုံတွေ တတ်နိုင်သရွေ့ များများကြီး ရေးပေးပါဦး။
အားလုံးလဲ ချမ်းမြေ့ပါစေ။