Saturday, 31 October 2009

တိုးတက်လာသော မြန်မာ့သရဲတစ္ဆေ ဇာတ်လမ်းတစ်ခု

ရေးသူ- စစ်ငြိမ်းဒီရေ

ဒီ ရက်ပိုင်းအတွင်း “ကြယ်ကြွေချိန် ခဏလေး” ဆိုတဲ့ မြန်မာ့သရဲတစ္ဆေ
ဗွီဒီယို ဇာတ်လမ်းတစ်ခုကို ကြည့်ဖြစ်ပါတယ်။ ထုံးစံအတိုင်း အင်တာနက်ပေါ်
မှာ အခမဲ့ ကြည့်ရူလို့ရတဲ့ ၀က်ဆိုဒ် တစ်ခုရဲ့ ကျေးဇူးကြောင့် ကြည့်ရတာပါ။
ဒါရိုက်တာ ကိုပေါက် ရိုက်ကူးသော ဇာတ်လမ်းအမည်က ….
ကြယ်ကြွေချိန် ခဏလေး



ဒီတခါ သရဲက ကြမ်းကြမ်းတမ်းတမ်းတော့ မဟုတ်ပါဘူး။ နူးနူးညံ့ညံ့ ဇာတ်
လမ်းပါ။ သရဲတစ္ဆေ ဘ၀ကို ရောက်သွားတဲ့ မျက်မမြင်၊ ဆွံ့အ တစ်ယောက်
ကို ကောင်းကင်ဘုံလား ဘယ်ဘုံလဲတော့ မသိပါ၊ လူ့ပြည်မှာ နောက်ထပ်
ငါးရက် နေခွင့်ပြုပါတယ် (ဧည့်စာရင်းတိုင်ဖို့ မလို)။ သူ့ကို နေခွင့်ပြုလိုက်တဲ့
သူက ဥရောပ၀တ်စုံကို သပ်သပ်ရပ်ရပ် ၀တ်ထားတဲ့ ကုမ္ပဏီ ပိုင်ရှင် ပုံစံမျိုးပါ
(ယမမင်းက တော်တော်အထက်တန်းကျနေပါလား)။ အဲဒီ သရဲက သူ့အသုဘ
အခမ်းအနားကို သူကိုယ်တိုင် လိုက်ပါ ပို့ဆောင်ခွင့် ရသော မဟာကံထူးရှင် သရဲ
ဖြစ်ပါတယ်။

နောက်ဘ၀ကို လုံးဝရောက်ရှိလာတဲ့ သရဲ အဖြစ်က အင်မတန် ထူးဆန်းပါတယ်။
ယခင် လူ့ဘ၀မှာ မျက်မမြင် ဆွံ့အ။ သရဲ ဘ၀ရောက်တော့ မျက်စိလည်း မြင်ရ
တယ်၊ စကားလည်း ပြောတတ်လာပါတယ်။ ဒီထက် ပိုထူးဆန်းတာက သူက
ကိုယ်ပျောက်သရဲ လုံးဝ မဟုတ်ပါဘူး။ သူ့ကို လူတိုင်းက ထင်ထင်ရှားရှား ပေါ်ပေါ်
ထင်ထင် တွေ့ရပါတယ်။ သာမန်လူ အတိုင်းပါပဲ။ သူ့ခန္ဓာကိုယ်ပေါ်က မည်သည့်
အပုတ်နံ့မှ မထွက်ပါဘူး (ရေမွှေးဆွတ်ဖို့ လုံးဝမလို)။ မသေဆုံးခင်က သူသည်
သံပုရာရည်တွင် ဆားများစွာ ထည့်ပြီး သောက်တတ်သလို သရဲဘ၀သို့ ရောက်ပြီး
ချိန်မှာလည်း သံပုရည်ကို အားပေးသောက်သုံးနေဆဲ မဟာစွမ်းအားရှင် သရဲ တစ်ဦးပါ။

သံပုရာရည်သောက်တတ်သော အမိန့်ရ သရဲသည် ဇာတ်လမ်းထဲတွင် ခင်မင်
ရင်းနှီး ခဲ့ဖူးသော မိတ်ဆွေအား အညောင်းပြေစေရန် ဇက်ကြောတောင် ဆွဲပေး
ပါတယ် (တော်တော် လိမ္မာလိုက်တဲ့ သရဲ ပါလားနော်)။ သရဲထံမှ အညောင်းပြေ
အနှိပ်ခံသော မိတ်ဆွေဖြစ်သူကလည်း ထိုသရဲအား အကူအညီ တောင်းခံပါတယ်။
ကွယ်လွန်သွားရှာပြီဖြစ်တဲ့ မိမိ၏ တစ်ဦးတည်းသော ချစ်သမီးလေးကို တမလွန်တွင်
တွေ့ရှိပါက ညီမလေး တစ်ဦးလို သဘောထားပြီး ကူညီစောင့်ရှောက်ပေးပါကွာတဲ့ …
(သရဲတောင် ရိုးရိုးသရဲ မဟုတ်ဘူး NGO သရဲတစ္ဆေ)။

သူ့ချစ်သူ အိမ်ထဲအထိ သွားရောက်လည်ပတ်ခဲ့သော သရဲ ….
အသက်အာမခံဌာနသို့ တယ်လီဖုန်း ဆက်နိုင်သော သရဲ …
အရက်သောက်တတ်သော တာဝန်ကျ ၀န်ထမ်းအား သတိပေးနိုင်သော သရဲ …
သေဆုံးခါနီး လူနာအတွက် လမ်းကြုံ၍ ပန်းစည်းကို အလှူပြုခဲ့သော သရဲ ….
လေမှုတ်တူရိယာ မှုတ်နိုင်သော သရဲ …
ရေနစ်နေသော ချစ်သူအား ရေကူးပြီး ကယ်တင်ခဲ့သော သရဲ ….

ထိုသရဲသည် နောက်ဆုံးတွင် ကောင်းကင်ဘုံဟု ထင်ရသော နေရာတစ်ခုမှ
အလင်းတန်းအတိုင်း ချစ်သူကို လက်ပြနူတ်ဆက်၍ မိုးပေါ်သို့ ပြန်လည်
ထွက်ခွာသွားပါတယ်။
သြော် ထူးဆန်းထွေးလာ သရဲပါလားနော်။ မြန်မာပြည်က သရဲ …
အဲမှားလို့ပါ … မြန်မာ့ဗွီဒီယို ဖန်တီးမှုဇာတ်လမ်းထဲမှ သရဲသည်
စွမ်းပကား ကြီးမားလေစွ … ကြီးမားလေစွ … အံ့သြဖို့ ကောင်းလိုက်ပါဘိ။

5 comments:

Nai ရဲ့  ရွှေရတုမှတ်တမ်း said...

အံ့ဘွယ်သရဲပါလားနော်...

ဖြိုးဝေ-mmp said...

သရဲတောင် ရိုးရိုးသရဲ မဟုတ်ဘူး NGO သရဲတစ္ဆေ ဆိုပါလား

သိင်္ဂါကျော် said...

အဲလို သဘာဝမကျတာတွေကြောင့် မြန်မာကားတွေ မကြည့်ဖြစ်တာ ....

Antonnie said...

Fly me to Polaris ဆို တဲ့ ဟောင် ကောင် တရုတ် ကား ကို တသဝေ မတိမ်း ကူး ချ ထား တာ ပါ သိပ် တော့ အံ သြ စရာ မ ရှိ ပါ ဘူး အောက် မှာ လင့် ပေး ထား ပါ တယ်
http://www.youtube.com/watch?v=7X-_K_pch2c

ဆောင်း said...

အခုမှ ဖတ်မိတယ် ရယ်ရတာ အတော်တောင် နောက်ကျ နေပါပကော