Wednesday, 19 August 2009

ရွှေသုန္နရီ ရေနစ်ခြင်း



ကျိုက်ထီးရိုး ဘုရားက
ကျီးကန်းပါးစပ်မှာ
“နှစ်သိမ့်ခြင်း” ဆိုတဲ့
အကြွေစေ့ကို
ကျွန်တော် ထည့်ခဲ့မိသလား
ရွှေသုန္နရီ။

လမ်းချင်းတူလို့
ဆုံဖြစ်ခဲ့တဲ့လူတွေဟာ
အလှူခံတွေလား
ရွှေသုန္နရီ …..

အရာရာကို အပေါ်စီးကနေ
ခေါင်းငုံကြည့်တဲ့
ခင်ဗျားရဲ့ အပြုံးနဲ့
စိတ်ပျက်လက်ပျက်
ခေါင်းငုံသွားတဲ့
ကျွန်တော့် ညနေခင်းများ
တိုးဝှေ့မိတာ
ပလက်ဖောင်းကြောင့်ပေါ့
ရွှေသုန္နရီ။

ပလွေသံ တိတ်လို့
ပခြုပ်ထဲ ၀င်အိပ်တော့မလား
ရွှေသုန္နရီ
မရယ်တတ်သော အရပ်မှာ
မွေးဖွားရော့သလား
ရွှေသုန္နရီ
မှန်ထဲက အရိပ်မှာ
တံဆိပ်ဆိုးတွေ မပါကြေးနော်
ရွှေသုန္နရီ
တာတိုချန်ပီယံများ အကြား
အသက်ရှုခွင့် ပုံစံမှားခဲ့ပြီးလား
ရွှေသုန္နရီ
အရသာခံမှု ဧည့်ခံပွဲမှာ
ပဒိုင်းသီးတွေ စားသုံးကြမလား
ရွှေသုန္နရီ
အသုဘသုံး နှင်းဆီတချို့အတွက်
လက်ခုပ်တီးပါ
ရွှေသုန္နရီ ….။

ရွှေသုန္နရီရေ
ကျွန်တော်တို့ ပြန်ဆုံဖြစ်ဖို့
ရေကူးပြီး မလာခဲ့နဲ့နော်
အရူးနဲ့အတူ ရေမကူးနဲ့နော်
ရေနစ်တိုင်လည်း မဆယ်နဲ့နော်
အရူးရေနစ်လည်း မကယ်နဲ့နော်
ကျွန်တော့်ကိုလည်း မကယ်နဲ့နော်
သူတို့ကိုလည်း မဆယ်နဲ့နော်
….
ကမ်းမရှိတဲ့ အရပ်က
ခွာခဲ့တော့ပေါ့
ရွှေသုန္နရီ။ ။

-စစ်ငြိမ်းဒီရေ

1 comments:

Maydarwii said...

ကဗျာလေးလာဖတ်ပါတယ်။
ကမ်းမရှိတဲ့အရပ်က မခွါခင်
ရွှေသုန္ဒရီ ရေနစ်ပြီလား ...
အတွေးတွေနဲ့ပြန်သွားတယ်။