ကမ္ဘာကျော်တွေရဲ့ ကဗျာ

Tuesday 16 December 2008

ကမ္ဘာကျော်တွေရဲ့ ကဗျာ

ရေးသူ- ဖူးငုံဆယ်ကျော်သက်မဂ္ဂဇင်းမှ အယ်ဒီတာတစ်ဦး
(Teen Magazine- ကဗျာကဏ္ဍမှ)

ဖူးငုံတွေက ကဗျာကို ချစ်တတ်ကြတာမို့ ဖတ်ခဲ့ဖူးတဲ့ထဲက ကမ္ဘာကျော်တွေ
ရဲ့ ကဗျာတချို့ကို မျှဝေပေးချင်ပါတယ်။ ဒီလအတွက် ဖော်ပြပေးလိုက်တဲ့
ကဗျာကတော့ တရုတ်နိုင်ငံခေါင်းဆောင်ကြီး မော်စီတုန်း အသက် ၄၂ နှစ်
အရွယ် ၁၉၃၅ ခုနှစ်က ရေးခဲ့တဲ့ လက်ရာကဗျာပါ။

လျူပန်တောင်

တိမ်ဟာ အမွေးအတောင်တွေရဲ့ အယောင်ဆောင်ခြုံလွှာတစ်ခု မဟုတ်
ကောင်းကင်မှာ ငန်းရိုင်းတွေ မမြင်ရ
ငါတို့ဟာ ဂရိတ်ဝေါလ်ကို မရောက်မချင်း သူရဲကောင်း မဟုတ်
ဖြတ်လျှောက်ခဲ့ပြီးတဲ့ခရီးက မိုင်နှစ်သောင်းကျော်စေဦးတော့။
လျူပန်တောင်ထိပ်က မြေကြီးပေါ်မှာ အလံနီတွေကို စိုက်ထူ
အနောက်လေ မြူးလိုက်ရင် ခပ်ကြမ်းကြမ်း တဖျပ်ဖျပ်လွင့်
လက်ထဲမှာ မှိန်း၊ စိတ်ထဲမှာ သတ္တိ၊
ငါတို့ဟာ နဂါးရိုင်းကို ဖမ်းချုပ်နိုင်တော့မှာ၊ ဒါပေမယ့် ဘယ်တော့တဲ့လဲ။ ။

မော်စီတုန်း (၁၈၉၃ - ၁၉၇၆)

အဲဒီအချိန်က ချန်ကေရှိတ်ခေါင်းဆောင်တဲ့ အမျိုးသားရေးဝါဒီတွေက
ကွန်မြူနစ်တွေကို တိုင်းပြည်ထဲမှာ မနေနိုင်အောင် တိုက်ထုတ်ခဲ့ချိန်ပါ။
အဲဒီမှာ ကွန်မြူနစ်တွေဟာ သူတို့ရဲ့ဌာနချုပ်ကို ချန်ကေရှိတ်အဖွဲ့တွေ
မတိုက်ခိုက်နိုင်အောင် လက်လှမ်းမမီ နိုင်တဲ့နေရာကို ရွှေ့ပြောင်းအခြေ
ချဖို့ ဆုံးဖြတ်ခဲ့ပါတယ်။ တရုတ်ပြည် အရှေ့တောင်ဒေသကနေ အနောက်
မြောက်ဒေသအထိ မိုင်ခြောက်ထောင်ကျော်ခရီးကို ချီတက်ပြီး ရွှေ့ပြောင်း
ခဲ့ကြရာမှာ ချန်ကေရှိတ်အဖွဲ့တွေကလည်း လိုက်တိုက်ခိုက်ပါသေးတယ်။
ခရီးစဉ်မှာ တောင်တန်းပေါင်း ၁၈ ခုနဲ့ မြစ်ပေါင်း ၂၄ ခုကို ဖြတ်သန်းခဲ့ကြ
ပြီး တစ်နှစ်နီးပါး ကြာမြင့်ခဲ့ကာ ခရီးစဉ်အတွင်း လူပေါင်း ငါးသိန်းလောက်
အသက်သေဆုံးခဲ့ရပါတယ်။ အောက်တိုဘာ ၁၉၃၅ မှာ အသက်မသေ
ကျန်ရစ်တဲ့တပ်သား ရှစ်ထောင်နဲ့အတူ ရှန်စီပြည်နယ်က ဌာနချုပ်အသစ်
ကို မော်စီတုန်းဦးဆောင်ပြီး အခြေချခဲ့နိုင်ပါတယ်။ အဲဒီနောက် မော်စီတုန်း
ရဲ့ ကွန်မြူနစ်ပါတီက ချန်ကေရှိတ်တို့ကိုပါ အနိုင်ရခဲ့ပါတယ်။ အခုဖော်ပြ
ထားတဲ့ကဗျာဟာ ဒီနာမည်ကျော် ခရီးရှည်ချီတက်ပွဲကာလ အတွင်းမှာ
မော်စီတုန်းကိုယ်တိုင် ရေးဖွဲ့ခဲ့တဲ့ ကဗျာပါ။ မော်စီတုန်းဟာ ၁၈၉၃ ခုနှစ်ဖွား
ဖြစ်ပြီး ၁၉၄၉ မှာ တည်ထောင်တဲ့ တရုတ်ပြည်သူ့သမ္မတနိုင်ငံရဲ့ စစ်ရေးနဲ့
နိုင်ငံရေးခေါင်းဆောင်ပါ။ အနုပညာဟာ အနုပညာအတွက်ဆိုတဲ့ အဆိုကို
လက်မခံခဲ့ သူလည်း ဖြစ်ပါတယ်။ ဒါပေမယ့် သူ့ကို နိုင်ငံရေးနဲ့ အတွေး
အခေါ်ဆိုင်ရာ ကဗျာဆရာအဖြစ်လည်း လူသိများပါတယ်။ သူ ဟာ ဂန္ထ၀င်
တရုတ်ကဗျာဟန်နဲ့ ရေးဖွဲ့လေ့ရှိပါတယ်။ ၁၉၇၆ ခုနှစ်မှာ ကွယ်လွန်
ခဲ့ပါတယ်။ ဒီကဗျာမူရင်းက တရုတ်ဘာသာဖြင့် ဖြစ်ပါတယ်။ အင်္ဂလိပ်
ဘာသာဖြင့် ပြန်ဆိုထားတဲ့ ကဗျာကနေ မြန်မာဘာသာသို့ ပြန်ဆိုပေး
လိုက်ရာမှာ သူ့လေနဲ့ သူ့ဟန်ကို ငုံမိအောင်၊ အနက် ထင်ဟပ်နိုင်အောင်
ကြိုးစားပေးထားပါတယ်။

5 comments:

ဆောင်းယွန်းလ said...: တိမ်ဟာ အမွေးအတောင်တွေရဲ့ အယောင်ဆောင်ခြုံလွှာတစ်ခု မဟုတ်
ကောင်းကင်မှာ ငန်းရိုင်းတွေ မမြင်ရ
ငါတို့ဟာ ဂရိတ်ဝေါလ်ကို မရောက်မချင်း သူရဲကောင်း မဟုတ်
ဖြတ်လျှောက်ခဲ့ပြီးတဲ့ခရီးက မိုင်နှစ်သောင်းကျော်စေဦးတော့။
လျူပန်တောင်ထိပ်က မြေကြီးပေါ်မှာ အလံနီတွေကို စိုက်ထူ
အနောက်လေ မြူးလိုက်ရင် ခပ်ကြမ်းကြမ်း တဖျပ်ဖျပ်လွင့်
လက်ထဲမှာ မှိန်း၊ စိတ်ထဲမှာ သတ္တိ၊
ငါတို့ဟာ နဂါးရိုင်းကို ဖမ်းချုပ်နိုင်တော့မှာ၊ ဒါပေမယ့် ဘယ်တော့တဲ့လဲ။ ။
ဘာသာပြန်ချက်ကထက်လှချည့်လားကိုအောင်ရေ..
ကောင်းတယ်ဗျာ...ကျေးဇူးဘဲအခုလိုဖတ်ခွင့်ရတဲ့အတွက်..
ခင်မင်လျက်....; 17 December 2008 at 04:16
ကိုအောင် said...: This comment has been removed by the author.; 17 December 2008 at 18:12
Welcome said...: အများကြီး လေ့လာသွားပါတယ်

http://winzaw-mdy.blogspot.com/; 18 December 2008 at 02:20
Nyein Chan Aung said...: မော်စီတုန်းကဗျာဖတ်သွားတယ်ကိုအောင်။; 18 December 2008 at 02:50
Phoo Ngone said...: ဒီကဗျာကို ဘာသာပြန်တင်ပြသူဟာ သူမ မဟုတ်ပါဘူး။ ဖူးငုံဆယ်ကျော်သက်မဂဇင်းအယ်ဒီတာတစ်ဦးသာ ဖြစ်ပါတယ်။ ၀ဘ်ပေါ်မှာ တင်ထားတာ မှားနေပါတယ်။; 31 December 2008 at 06:48