Saturday, 30 August 2008

ခပ်သိမ်းကလျာ ရှုဖွယ်သာတည်း

ရေးသူ - တက္ကသိုလ်ဘုန်းနိုင်

(၁)
အလှ ....

တန်ခိုးကြီး လှသော စကား တစ်လုံး။ စာပေနှင့် အနုပညာ နယ်မှ စကား
လုံး တစ်လုံး။ သြော် ... အမှန်တော့ လူ့လောက၌လည်း တန်ခိုး ကြီးလှ
ပါပေသော စကား တစ်လုံး။
သူ့ကို လူတိုင်းက နားလည်သည် ထင်သည်။ နားလည် သကဲ့သို့ပင်
လူတိုင်းက ပြောနေကြသည်။ နားလည်သည်ဟု လူတိုင်းက ဆုံးဖြတ်တား
တော့ သူ့အနက် အဓိပ္ပါယ်ကို အထူး မဖွင့်ဆိုကြတော့။ နားလည်သည်
လေ။ နားလည်သည့်အတိုင်း ပြောမည်။ နားလည်သည် မဟုတ်လား။

တန်ခိုးကြီးလာလျှင် လူတိုင်းက သိသည် ထင်ကြသည်။ ပေါ်ထင်သည်
မဟုတ်လား။ ပေါ်ထင်တော့ သိသည်ပေါ့။ ဘာများ လျှို့ဝှက်ချက်တွေ
ရှိနေ၍နည်း။ ပေါ်ထင်နေသည့် နောက်မှ လျှို့ဝှက်ချက် ဆိုသည် ရှိနိုင်
ပါဦးမည်လား။

တစ်ခုတော့ ရှိသည် ... ။ ပလေတို ကတော့ သည်လို ပြောသည်လေ၊
အရစ္စတိုတယ်လ် ကလည်း သည်ပုံ ပြောခဲ့သေးသည်။ ကိတ်တို့၊ ရှယ်
လီတို့ ပြောတာလား။ သိသပေါ့။ သူ့တိုက ရိုမင်းတစ်ဆစ်တ် တွေပဲ။
ရီးရယ်လစ်ဇင်း ကတော့ အဟင်း ... ဟင်း ... ။ သိတယ်ပေါ့ဗျာ၊ သိပ်
သိတာပေါ့။ ခင်ဗျာ ... အရှင်မဟာရဋ္ဌသာရ။ သူက ပြောလို့လား။ ဦး
ပုည။ သူ့ သောနုတ္တိုရ်ကြီးတို့၊ ရေသည် လင်မယားတို့ ကတော့
အရုပ်ဆိုးပါ့ဗျာ။ သူ့ စာလား ...၊ လှတယ် ပြောရမှာပေါ့။ ဘာပြုလို့လဲ
ဆိုတော့ အင်း ... ဦးပုည မဟုတ်လား။ ဗျာ... မြတ်ဗုဒ္ဓ ဘုရား၊ ဗုဒ္ဓ၊
ဗုဒ္ဓက ဘာဟောလို့တုံး။ အဲဒါတော့ အဲဒါတော့ ... ။




ကျွန်တော်တို့က အလှကို ဤမျှ နားလည်ကြသည်။
ကျွန်တော်တို့ ဆိုသူများတွင် ကျွန်တော် ထိပ်က ပါသည်။ အမှန်က
ကျွန်တော်သည် ဖီလော်ဆော်ဖာ မဟုတ်။ စာရေးသူ၊ ကဗျာ ရေးသူ။
ကိုယ့်ရင်ထဲ လှသည်ထင်ရာကို စာရေးချလိုက်သည်။ ကဗျာဖွဲ့ ချ
လိုက်သည်။ သို့ရာတွင် စာရေးဆရာ၊ ကဗျာဆရာဟု ဘွဲ့အတပ်ခံရ
ပြီမင့် အလှနှင့်ဆိုင်သော ဒဿနလေး များကို ဟိုနည်းနည်း သည်
နည်းနည်း ပြောတတ်ရသည်။ ပြောတတ်အောင်လည်း ဟိုနည်းနည်း
သည်နည်းနည်း လေ့လာထားရသည်။ ငြင်းကြ ခုံကြတော့လည်း
ကိုယ်သိသမျှကို ကိုယ့်အစွဲနှင့်ကိုယ် အားကိုးပြီး ငြင်းသည်၊ ခုံသည်။

ယခုတော့ အသက်ကလေး ရလာသည်။ နွယ်ကြိုးကို အဖျားမှတင်
ကိုင်ပြီး ပြောမိလေသလား၊ အလယ်ကသာ ဆုပ်ပြီး ငြင်းနေမိလေ
သလား၊ သြော် ... နွယ်ဆိုသည်ကလည်း ဘယ်က နွယ်နည်း။ သူ့
ရေမြေမှာ ပေါက်သည့် နွယ်လော၊ ကိုယ့်ရေမြေမှာ ပေါက်သည့်နွယ်
လော။
သူ့ရေမြေမှာ ပေါက်သည့် နွယ်ကို ဆုပ်ကိုင် ပြောနေမိသည်ဟု
မကြာခဏ ကျွန်တော် ထင်မိသည်။
မှားလျှင်လည်း ခွင့်လွှတ်ကြစေ လိုပါသည်။

(၂)
စာပေနှင့် အနုပညာနယ်တွင် အလှ ဟူသော စကားကို သုံးလာကြ
သည်မှာ မကြာသေးပါ။ ရှေးကတော့ ကောင်းသည်၊ ရသ ပေါ်သည်၊
ဂုဏ်မြောက်သည်။ ဤသို့သာ သုံးကြသည်။ အနောက်တိုင်း စာပေ
များကို ဖတ်လာ ကြသောအခါ အလှဟူသော စကားနှင့် ကျွန်တော်
တို့ ရင်းနှီးလာကြသည်။

လူအများ သိကြပြီးဖြစ်သော ကိတ်၏ ကဗျာမှ စ,ပြောရမည် ထင်
သည်။ ကိတ်က “အင်ဒီမီအင်” (Endymion) ဟူသော ကဗျာရှည်
ကြီးကို စပ်သည်။ အင်ဒီမီအင် ဆိုသည်မှာ သိုးကျောင်းသားလေး
တစ်ဦး၏ နာမည် ဖြစ်လေသည်။ သူ့ကိုမှ ချစ်မိသူ။ သြော် ... ည
အခါ များတွင် ချစ်ခင် သမှုနှင့် သူ့အပေါ် ယုယရသူက “ဆီလီးနီး”
(Silene)။ ဆီလီးနီး ဆိုသည်မှာ လနတ်သမီး၏ အမည်။

ကျွန်တော် ငယ်စဉ်က အလှမဖုရား တစ်ဦးအတွက် ကဗျာတစ်ပုဒ်
စပ်ဖူးသည်။ ပုံမနှိပ် ဘူးပါ။ သူ့အတွက်သာ ဖြစ်သဖြင့် ပုံမနှိပ်ပါ။
“စန်းငွေယုန်ပျံ
ဗိမာန်နန်းရှင်
သက်လည်လျှင်သို့
အံ့ထင်မူးရိပ်
ရွှန်းရွှန်းဖိတ်ခဲ့။”
သည်တုန်းက ဆီလီးနီးကို ကျွန်တော် မသိပါ။ အင်ဒီမီအင် ကိုလည်း
မသိပါ။

ကျွန်တော် သိသည်က သူ။ ကျွန်တော့် သူ။ သူ့ကို ဟောသည် မြေသို့
ခဏ သက်သက်လာသည့် စန်းငွေယုန်ပျံ၊ ဗိမာန်နန်းရှင်ဟု ကျွန်တော်
ထင်သည်။ ကိတ်၏ ကဗျာကို ဖတ်ဖူးထားလျှင် သူ့ကို ဆီလီးနီးဟု
ကျွန်တော် ခေါ်မိမည်လော မသိ။ ကိုယ်ကတော့ အင်ဒီမီအင် ပေါ့။
အမှန်က ဤမျှ ကျွန်တော် ကံမကောင်းခဲ့ပါ။

အင်ဒီမီအင်နှင့် ဆီလီးနီး တို့က ခေါမ ဂန္တ၀င်မှာ လာသည်။ လှပသော
လွမ်းဖွယ် ဂန္တ၀င်။ ကိတ်က ဤကဗျာကြီးကို လှလှပပ ဖွဲ့ဆို၏။ ဤ
ကဗျာ၏ ပထမဆုံး စာကြောင်းကပင် စာပေ သမိုင်းတွင် ကျန်ရစ်သည်။
ကမ္ဘာ့ လူသား အများ၏ နှုတ်ဖျားတွင် ရေပန်းစား၏။
“အလှ ဟူသည်မှာ
ထာဝရ ပျော်ရွှင်စရာ”

ထိုစဉ်က ကိတ်သည် ငယ်ပါသေး၏။ ငယ်သူပီပီ သူမြင်သော အလှကို
သူခံစားရ သကဲ့သို့ပင် ရိုးရိုးလေး ပြောချခဲ့သည်။ ဟိုးရှေးရှေးတုန်းက
အဘိုးကြီး ပလေတို ပြောသည်နှင့်တော့ မတူပါ။

အလှချင်းတော့ မတူပါ။ သြော် ... မတူဟု ထင်စရာပါ။

(၃)
ပလေတိုက ခက်သည်။
သြော် ...ခက်ခက်ကိုမှ တွေးသော ဖီလိုဆိုဖာကို ခက်သည်ဟု ပြောရ
သည်မှာ အားနာဖိုတော့ အကောင်းသား။

ခေါမ လူမျိုးတွေမှာ ပြဿနာ ခြောက်ရပ်အတွက် အစဉ် ခေါင်းရှုပ်နေ
တတ်ကြသည်။ အချစ်၊ အလှ၊ အကောင်း၊ တရားမျှတခြင်း၊ လွတ်လပ်
ခြင်း၊ အမှန်တရား။
အဲသည် အရာတွေက ဘာတွေနည်း။ ဘယ်သို့နည်း။ ဘယ်သဘော
နည်း။

အနောက် ကမ္ဘာမှာ သည်ကိစ္စကို စ,တွေးမိကြ သူတွေ ဖြစ်တော့ ကိုယ့်
ဘာသာ ကိုယ်ပဲ တွေးကြရသည်။ အခြား ဘယ်သူ့ကိုမှ အားကိုး၍ မရ။
တခြားလှမ်းလှမ်း ဌါးစရာ၊ လှမ်းချေးစရာ မရှိ။ ကိုယ့်ဟာနှင့် ကိုယ်။ ကိုယ့်
လမ်း ကိုယ်ထွင်။ ကိုယ့်စကားလုံး လေးတွေပင် ကိုယ်ထွင် သုံးရသည်။
သည်တော့ အနှစ် ထောင်နှင့်ချီ ကွာသည့် သည်မှာခေတ်ကနေ
ပလေတို ကို နားလည်ရန် လှမ်းပြီး ကြိုးစား ကြည့်ရသည်မှာ ခက်သည်။

ဖီလိုဆိုဖီ ဆိုသည်မှာ အမှန်တရားကို ဆွေးနွေးသည့် ပညာရပ်ဟု ယနေ့
ခေတ်တွင် လူတော်တော်များများက နားလည်း ထားကြသည်။ ဖီလို
ဆိုဖီဟု ဆိုလိုက်သည်နှင့် တစ်ပြိုင်နက် ခြောက်သွေ့သော၊ ခက်မာ
သော၊ နှလုံးသား ကိစ္စမှ ကင်းသော၊ ခံစားမှု သဘောများ သုဉ်းသော
ပျင်းစရာ ငြီးငွေ့စရာတွေကို ဆွေးနွေးတော့မည် ထင်တတ်ကြသည်။

အဘိုးကြီး ပလေတိုနှင့် သူ့ထက်ပင် အဘိုးကြီး ဖြစ်သော ဆိုကရေးတီးဇ်
တို့က အချစ်နှင့် အလှအကြောင်းကို ဆွေးနွေး ကြသောအခါ မျက်လုံး
ပြူးချင်ကြသည်။ မပြူးပါနှင့်။ သူတို့အတွက် အချစ်နှင့် အလှမှာ
သေရေး ရှင်ရေး။

တစ်ခုတော့ ရှိသည်။ သည်အဘိုးကြီးတွေနှင့် ခေါမလူမျိုးတွေ အတွက်
သေရေး ရှင်ရေး ဖြစ်နေသော အချစ်နှင့်အလှမှာ ကောင်လေးတွေ၊
ကောင်မလေးတွေ အတွက် သေရေး ရှင်ရေး ဖြစ်နေသည့် အချစ်နှင့်
အလှမျိုးတော့ မဟုတ်။ သို့ဖြစ်လျှင် ဘာကြောင့် အချစ်နှင့် အလှဟူ
သော စကားကို သုံးရသနည်း။ ကျုပ်တို့ အချစ်နှင့် ကျုပ်တို့ အလှ
နေပါရစေ။ သည်အဘိုးကြီးတွေက တခြားစကား ရှာသုံးပေါ့။
ခုတော့ ... ။
ခေတ္တ သည်းခံပါဦး။ ဟိုးမာ (Homer) ဆိုသည့် အဘိုးကြီး တစ်ဦး
ရှိသေးသည်။ ပလေတို၏ ဆရာ ဆိုကရေးတီးဇ် ထက်ပင် များစွာ...
များစွာ ပို၍ အဘိုးကြီး ဖြစ်လေသည်။ သူကတော့ ကဗျာ ဆရာကြီးပါ။
လောကမှ ဟိုအကြောင်း သည်အကြောင်းတွေကို ဖီလိုဆိုဖာ တွေ
ထက် စောပြီး ကဗျာဆရာတွေက ပြောကြသည်။ ကဗျာဆရာ တကယ်
ပြောလာပြီဆိုတော့ ဖီလိုဆိုဖာတွေ သတိထား နားထောင် ကြရသည်။
ဟိုးမာကို ဆိုကရေးတီးဇ်ရော ပလေတိုပါ နားထောင် ကြရသည်။

ဟယ်လင်ဟု ခေါ်သော မိန်းမချောလေး တစ်ယောက်ကြောင့် ခေါမ
တွေစစ်တိုက်ကြရသည်။ ထရွိုင်မြို့ကြီးကို ၀ိုင်းတိုက်သည့် ထရိုးဂျင်
စစ်ပွဲ ကြီးပါလေ။ ခရစ်မပေါ်မီ နှစ်ပေါင်း နှစ်ထောင်ခန့်မှာ တကယ်ကြီး
များတိုက်ခဲ့ကြသည်။ ကြားဖူးကြမည် ယုံသည်။ ဟိုးမာက ထိုဧရာမ စစ်
ပွဲကြီးကို “အိလိယက်” (Iliad) ဟူသော ကဗျာကြီး ဖွဲ့သည်။ ခေါမ စာ
ပေ၊ နောက် ဥရောပစာပေ အပေါင်း၏ ကဗျာ့ ဘိုးအေကြီး ဖြစ်သည်။
စာပေအကြောင်း ပြောပြော၊ လူ့သဘာဝ လူ့စရိုက် အကြောင်းပြော
ပြော သူတို့လောကမှာ ဟိုးမာနှင့် အိလိယက် အကြောင်း မပါလျှင်
မပြည့်စုံတတ်။

သူ့ ဧရာမ ကဗျာကြီး၏ ဧရာမ သင်ခန်းစာကြီးနှင့် ပက်သက်၍ ဟိုးမာ
က ဟောသည်ပုံ ကြွေးကြော် မြွက်ဟ, ခဲ့သည်။
“Two things greater than all things are:
One is Love, the other is War.”
“အရာ ခပ်သိမ်းတို့ထက် ကြီးကျယ်သော အရာနှစ်ခု ရှိသတည်း။ တစ်
ခုကား အချစ်၊ တစ်ခုကား စစ်”

ကောင်လေးတွေ ကောင်မလေးတွေ ဟိုးမာကို အရမ်း ပစ်ကြည်ညိုသွား
ကြမည် ထင်သည်။ စစ်ကို အသာထားဦး။ အချစ်အကြောင်း သို့ သွား
ကြမည်။ ဟိုးမာကြီး ကိုယ့်၌က အချစ်ကို ရေးကြီး ခွင့်ကျယ် လုပ်လိုက်
သောအခါ ဆိုကရေးတီးဇ်တို့ ပလေတို တို့လည်း ရေးကြီးခွင့်ကျယ်
လုပ်လာ ကြရတော့၏။

အချစ်အကြောင်း ပြောသောအခါ အလှအကြောင်း ပါလာ ရသည်။
မပါ မဖြစ်။ အလှအကြောင်း ပြောသောအခါလည်း အချစ် အကြောင်း
ပါလာရသည်။ မပါ မဖြစ်။ ကောင်လေးတွေ ကောင်မလေးတွေလည်း
သည်အတိုင်း ပြောနေကြသည်။ အဘိုးကြီး ပလေတို တို့လည်း သည်
အတိုင်း ပြောခဲ့ကြသည်။ အချစ်နှင့် အလှ၊ ပြီးတော် အလှနှင့် အချစ်။

ပြောရမည်။ အချစ် ဆိုသည်မှာ လူမှာ ဖြစ်သည်။ အခြားမှာ မဖြစ်။
တိရစ္ဆာန်တွေမှာ ဖြစ်ချင် ဖြစ်မည်။ သို့ရာတွင် သူတို့ စကား မပြော
တတ်။ သည်တော့ သူတို့ အချစ်အကြောင်းက သိပ်မရေရာ၊ မသေ
ချာ။ လူမှာ ဖြစ်သော အချစ်ကမူ သေချာသည်။ ရေရာသည်။ အလှ
ဆိုသည်မှာလည်း လူမှာ ဖြစ်သည်။ အခြားမှာ မဖြစ်။ အခြားမှာ ဖြစ်
ချင်တာ ဖြစ်နေတာသည် “ဖြစ်နေတာ” ပဲဖြစ်သည်။ အလှ မဖြစ်
သေး။ လူက လှလိုက်တော့မှ အလှ ဖြစ်သွားသည်။

ဤအထိ ကောင်လေးတွေ၊ ကောင်မလေးတွေနှင့် အဘိုးကြီး
ပလေတို တို့ တူကြသည်။ အဘိုးကြီး အမယ်ကြီးတွေသည်
ကောင်လေးတွေ ကောင်မလေးတွေ ဖြစ်ပြီးမှ အဘိုးကြီး အမယ်
ကြီး ဖြစ်လာရသည်။
ဤသဘောကို ကဗျာဆရာ ၀တ်ဇ်ဝတ်သ် (Wordsworth) က
အားမနာ ပါးမနာ ပြောချခဲ့သည်။
“The Child is Father of the Man.”
“ကလေးဘ၀ ဆိုသည့်မှာ လူကြီးဘ၀၏ ဖအေပါ။”

ဖီလိုဆိုဖာတွေ၊ စိတ်ပညာရှင်တွေ ရေးကြီး ခွင့်ကျယ် လုပ်၍ ကိုး
ကားရ၊ ဆွေးနွေးကြရသည့် ကဗျာဆရာ၏ စကားတစ်ခု ဖြစ်ပြန်
သတည်း။ သည်တော့ ကောင်လေးတွေ၊ ကောင်မလေးတွေနှင့်
အဘိုးကြီး ပလေတို တို့မှာ အခြေခံ တူညီမှုတွေ များစွာ ရှိသည်။
“အချစ်ဟူသည်မှာ ပိုင်ဆိုင်လိုခြင်းပါ”

သူ့ ဆရာ ဆိုကရေးတီးဇ်ကို ကိုးကားပြီး အဘိုးကြီး ပလေတိုက ပြော
သည်။
ကန့်ကွက်ရန် ရှိပါသလား။
အဘိုးကြီး ပလေတိုက ထပ်ဆင့်၍ ကြွေးကြော်သည်။
“အချစ်ပိုင်ဆိုင်လိုသော အရာမှာ အခြားမဟုတ်။ အလှတည်း။”
ဘာပြောချင်ကြသေး သနည်း။

ဘာမျှ ပြောကြမည် မဟုတ်ပါ။ ကောင်လေးတွေ၊ ကောင်မလေးတွေ
အပြောနှင့် ပြောကြည့်မည်။
ထောက်ခံသည်။ အရမ်းကြီး ပစ်ထောက်ခံသည်။
အဘိုးကြီး ပလေတိုက အလှဆိုသည်ကို ဆက်လက် ဖွင့်ဆိုသည်။
အဲသည်မှာတော့ ခွကျချင်လာသည်။ ခွကျသည်ဟု မပြော။
ခွကျချင်လာသည်။

(၄)
အဘိုးကြီး ပလေတိုက အချစ် ပိုင်ဆိုင်လိုသော အလှဆိုသည်မှာ
ကောင်းခြင်း ဖြစ်သည်ဟု ဖွင့်ဆိုလိုက်သည်။
ကောင်းခြင်း။ အဲ… ကောင်းတာပေါ့။ အချစ် ပိုင်ဆိုင်ချင်တဲ့ အလှ
ဆိုတာဟာ … ကောင်းတာ။
အလှ ဆိုတာဟာ ကောင်းတာ။ အင် … အင် … တစ်မျိုးကြီးပဲ။

zzplato.jpg

ကျွန်တော် ကိုယ်တိုင်လည်း တစ်မျိုးကြီးပဲဟု ထင်ခဲ့သည်။
မြန်မာလို ရိုးရိုး ပြောကြည့်မည်။ အချစ် ဆိုတာဟာ လှတာကို
လိုချင်တာဟေ့။ အဲသည် လှတာ ဆိုတာကလဲ ကောင်းတာတဲ့
ဟေ့။ အဘိုးကြီး ပလေတို နောက်တီးနောက်တောက် ပြောနေ
သည် မဟုတ်။ ရှုကြီး၊ အတည်ကြီးနှင့် ပြောနေသည်။

ခေါမ တစ်ယောက် အနေနှင့် မူလပြဿနာကြီး ခြောက်ရပ်ဆီ
သူပြန် ရောက်သွား၏။ အချစ်၊ အလှ၊ အကောင်း၊ တရားမျှတခြင်း၊
လွတ်လပ်ခြင်း၊ အမှန်တရား … ။ သည်ပြဿနာ ခြောက်ရပ်နှင့် ကင်း
ပြီး သူ မစဉ်းစားတတ်။ သည်ပြဿနာ ခြောက်ရပ် ကလည်း တစ်ခု
နှင့်တစ်ခု ကင်းပြီး စဉ်းစား၍က မရ။

အလှကို သူချစ်သည်။ လှသော လောကမှာ သူနေလိုသည်။ အနည်း
ဆုံး လှသော လူ့ဘောင်မှာ သူနေလိုသည်။ လူ့ဘောင်ကြီး လှအောင်
ဘယ်သို့ လုပ်မည်နည်း။ လူ့ဘောင်ကြီး လှပအောင် လူတွေကို လှ
အောင် လုပ်ပစ်ရမည်။ လူတွေ လှအောင် ဆိုတော့ လူကြီး ဘ၀၏
ဖခင်ဖြစ်သော ကလေးဘ၀ကို လှပအောင် လုပ်ပစ်ရမည်။
ကလေးတွေကို အလှချစ်တတ်ပြီး အရုပ်ဆိုးမှု မုန်းတတ်အောင် သင်
ကြား ပေးရမည်။ သည်တွင် မပြီးသေး … ။

ကြောင်းကျိုးဆက်သွယ် ဆင်ခြင်မှုကို ဂရုဓမ္မပြုကာ နှစ်လိုလက်ခံ
တတ်ရန်လည်း သင်ပေး ရဦးမည်။ သည်တော့မှ ပညာရှိမည်။ ပညာ
ဆိုသည်ကလည်း အလှတစ်မျိုး။ ပညာစစ်ဆိုလျှင် လှရမည်။ အလှ
စစ်ဆိုလျှင်လည်း ပညာ ဖြစ်ရမည်။

အလှနှင့် ပညာ ဆိုသည်မှာ ဘုရားသခင် ဆိုသည့် သဘော၏ အနှစ်
အသား၊ အမြုတေ။ ပညာတတ်သည် ဆိုခြင်းမှာ ဘုရားသခင် သဘော
ကို မျက်မှောက် ပြုလိုက်ခြင်း ဖြစ်ဘိသကဲ့သို့ လူသား အကျိုးကို ရွက်
ဆောင်ခြင်းလည်း မည်သည်။

အဘိုးကြီး ပလေတို၏ အထင်ရှားဆုံး ကျမ်းဖြစ်သည့် “သမ္မတ နိုင်ငံ”
(The Republic) ခေါ်သော ကျမ်းမှ အချစ်၊ အလှ၊ ပညာ တို့အကြောင်း
ဖြစ်သတည်း။


(ဒီနေရာတွင် အဆုံးသတ်ခွင့် ပြုပါ။)
(မှတ်ချက်။ ။၃၁.၈.၂၀၀၈ နေ့တွင် ကျရောက်မည့် ဘလော့ဒေး အား
ကြိုဆိုသော အားဖြင့် ဤပို့စ်ကို ဆရာ တက္ကသိုလ်ဘုန်းနိုင်၏ ခပ်သိမ်း
ကလျာ ရှုဖွယ်သာတည်း စာအုပ်မှ ကောက်နုတ်၍ ထပ်ဆင့် ကူးယူ
ဖော်ပြ ပါသည်။)

4 comments:

မမသီရိ said...

ခပ်သိမ်းကလျာ ပြန်ဖတ်သွားတယ် ကိုအောင်

စီဘောက်လဲ မတွေ့တော့ဘူးနော်

SHWE ZIN U said...

ဖတ်သွားတယ် ကိုအောင်ရေ
ကျေးဇူး အဆက်လေး လုပ်ပါအုန်း

ခင်တဲ့
ရွှေစင်

Vigor said...

Love to read these type of knowledgeable post. Great post. Well done.

သိင်္ဂါကျော် said...

ဖတ်သွားပါတယ်..
တက္ကသိုလ်ဘုန်းနိုင် နောက်ပိုင်းရေးတဲ့ ဒဿန ဆောင်းပါးတွေကို သိပ်မကြိုက်ဘူး.. နားလည်းသိပ်မလည်လို့.. ဂရိပုံပြင်တွေကိုတော့ စိတ်ဝင်စားပါတယ်..