Saturday, 2 August 2008

တကယ့်လူ အတွက် ပဒုံမာ ဓါတ်ဘူး

ရေးသူ - စစ်ငြိမ်းဒီရေ

“မာနတွေ အရည်ပျော်ပြီး
သိက္ခာနဲ့ လဲခဲ့တာက
Evolution ။

ဆုတံဆိပ်တွေ မရခဲ့သလို
လက်ခုတ်သံကို မကြိုဆိုခဲ့တာက
Revolution ။”

သူ့သမီးရယ့် နွားနို့ဆိုင်လေး က မနက် (၁၀)နာရီ လောက်ဆို စဖွင့်ပါတယ်။
ကျနော် ဆိုင်ထဲမှာ ထိုင်နေလို့ မကြာခင်မှာပဲ သူ့ အပေါ်ထပ်က နေ
ဆင်းပြီး ဆိုင်ထဲ ၀င်လာပါတယ်။ ကျနော်ကို မြင်တော့ သူက တစ်ချက်ပြုံးပြပြီး
“ဟေ့ ကောင်လေး၊ ပျောက်လှချည်းလား၊ ငါတောင် အိမ်က လူတွေကို မေးနေ
သေးတယ် … ဒါနဲ့ စကားမစပ် … တောင်ဥက္ကလာပ က မောင်သန်း ဆုံးတုန်း
က … သူ့ အသုဘ ကို မင်းလိုက်ပို့ လား .. မင်းတို့ အိမ်က ဘယ်သူတွေ…
လိုက်ပို့ ကြလဲ”
“အဘပြောတဲ့ မောင်သန်း ဆိုတာ ဘယ်သူလဲ .. ကျနော်လည်း မေ့နေလို့”

သူ့မျက်မှန်အထူးကြီး ထဲက နေ မျက်လုံးကြီးပြူးပြီး ..
“ဟ .. မင်းအဖေရယ့် သူငယ်ချင်း … ဘတ်စ်ကား မောင်းတဲ့ မောင်သန်းကို
ပြောတာပေါ့ … သူ့ သားလေး နှစ်ယောက်က သူ့ကားမှာ … စပယ်ယာလုပ်
တယ် လေကွာ … မင်းအဖေနဲ့ ရှေ့ဆင့် နောက်ဆင့် ဆုံးသွားတာလေ”
“သြော် ကျနော် မှတ်မိပြီး၊ အဖေရှိတုန်းက တော်လှန်ရေးနေ့ မတိုင်ခင် …
သူတို့ ငယ်သူငယ်ချင်းတွေ အမှတ်တရ ညစား စားပွဲလုပ်ရင် … မိသားစု
တွေကို အသွားအပြန် ကြိုပို့ လုပ်ပေးတဲ့ ခေါင်းဖြူနေတဲ့ ဟို အဘကြီးကို
ပြောတာ မလား … ဦးသန်း အသုဘကို ကျနော့်အမကြီး ဘဲ လိုက်ပို့
ဖြစ်တယ် အဘ”

“မင်းမဆိုးဘူး … မှတ်မိသားပဲ” လို့ ပြောလိုက်တဲ့ သူ့ရယ့် လေသံက
သိပ်ကျေနပ်ပုံ မရပါဘူး။ ပေတရာပေါ်မှာ ကြိုးပြတ်သွားလို့ ကျလာတဲ့
စက္ကူ စွန်တစ်ခုရယ့် နောက်ကို ပြေးလိုက်နေသော ကလေး တစ်အုပ်ကို
ကြည့်ရင် ….
“အော် ယောနင်း တွေ … ယောနင်းတွေ … မန္တလေးက လက်ဖက်ရောင်းတဲ့
ကျော်သိန်းလောက်ပဲ...ကျန်ပါတော့လား …တခါတလေကြတော့ …သေမင်း
ဟာ မျက်နှာလိုက်နေ သလိုပဲ…သူတို့ထက် အသက်ကြီးတဲ့ ငါကို မခေါ် ပဲ…
ငယ်တဲ့သူတွေကို အရင် ခေါ်သွားပါလား”လို့ ပြောပြီး ရေနွေကြမ်း သောက်နေ
ပါတယ်။




“ဘာလဲ အဘရယ့် .. ယောနင်းဆိုတာ … အဘရော အဲဒီ ယောနင်းလား”
“ငါက .. ယောနင်း မဟုတ်ပါဘူး … ယောနင်း ဆိုတာ ဂျပန်ခေတ်တုန်းက
ဘီအိုင်အေမှာ ပါဝင်ခဲ့ပြီး … ဘီအိုင်အေ ဖျက်သိမ်းတော့ ဘီဒီအေ ခေတ်မှာ
အသက် (၁၆) အောက် ရဲဘော် ခြောက်ဆယ် လောက်ကို သင်ကြားပေး ခဲ့တဲ့
စစ်တက္ကသိုလ် မူလတန်း ပေါ့ …ဒီခေတ် အခေါ်ဆို ဒုဗိုလ် ပေါ့ကွာ … မင်းအဖေ
က တခါမှ မပြောပြဘူးလား .. ငါက အဲဒီ ယောနင်း တွေ ကို …ကောက်ရိုးခြေ
ထောက်.. မြက်ခြေထောက် တွေ လို့ ခေါ်တယ်… ဟား ဟား.. ” လို့ ပြော
ပြီး ရယ်မော နေပါတယ်။


“အဘပြောလိုက်ရင် .. အထူးအဆန်းတွေ ကြည့်ပဲ …ဘာလဲ ကောက်ရိုး
ခြေထောက် … မြက် ခြေထောက် ဆိုတာ”
“သူတို့က တောသားတွေ လေ … ဘယ်ခြေထောက် နဲ့ ညာခြေထောက်ကို
ဘယ်ညာ … ဘယ်ညာ ဆိုပြီး မခွဲခြားတတ်ဘူး …အဲဒါ ငါက တမင်စနောက်ပြီး
လှောင်ပြောင်တဲ့ အခေါ်အဝေါ် တစ်ခုပါ … ဘယ်ခြေထောက်မှာ ကောက်ရိုးကို
စည်း .. ပြီးတော် ညာခြေထောက်မှာ မြက်ကို စည်းပြီး… လေ့ကျင့်ရေး ကွင်းထဲ
ရောက်ရင်.. ကောက်ရိုး ခြေထောက် … မြက် ခြေထောက် အော်ပြီး လေ့ကျင့်တဲ့
သူတွေလို့ … အသက်တွေ ကြီးလာတော့ လမ်းမှာ တွေ့ရင် ဒီလို စနောက်ပြီး
ခေါ်နေကြလေ” လို့ ဟာသ ဆန်ဆန်ပြောနေပင်မဲ့ သူ့မျက်နှာ ပေါ်မှာ ပျော်ရွှင်
နေတဲ့ အပြုံးရိပ်တွေ မတွေ့ ရပါဘူး။

“အဘပြောတော့ အဘလည်း တောက တက်လာတဲ့ တောသား ဆို”
လို့ ကျနော်က ပြောလိုက်တော့၊ ပါးရည်တွေ တွန့်နေတဲ့ သူ့မျက်နှာကို
အားရ ပါးရ ပြုံးလိုက်ပြီး …
“ငါက ကြက်သမား … စစ်မဖြစ်ခင် ရန်ကုန် တက်လာတော့ … တိုက်ကြက်ဖ
တစ်ကောင်ကို ရင်ခွင်ထဲ ပိုက်ပြီး တက်လာတာ ကွ … သားခွဲခါစ ကြက်အထီး
လေး တစ်ကောင်ကို တိုက်ကြက် ဖြစ်အောင် …ဘယ်လို မွေးရမလဲ… သူ့အိပ်
တန်းကို ဘယ်လို အမြင့်မှာ ထားရမလဲ… ဘယ်လို ပတ်ဝန်းကျင်မှာ သူ့ကို
ထားရမလဲ ဆိုတာ ငါကောင်းကောင်း သိတယ် … အဲ မင်းဆရာတွေလို …
သီအိုရီတွေ … ဖော်မြူလာ တွေ တော့ ငါက မရဘူး … ရန်ကုန်ရောက်မှ
ကိုယ့်နာမည်ကို အင်္ဂလိပ်လို စာလုံးပေါင်း တတ်လာတာ … အခုတောင် ငါ
စဉ်းစား မိတယ် … ရပ်ကွပ်ထဲမှာ တချို့ ငါနဲ့ သက်တူ ရွယ်တူ အဘိုးကြီး
တွေ ပိုက်ဆံရအောင် အိမ်ရှေ့မှာ ဆိုင်းဘုတ်တွေ ချိတ်ထားတယ် ….
ဦးရှင်ကြီး တင်သည်တဲ့ … ငါလည်း ငါ့အိမ်ရှေ့မှာ ဆိုင်းဘုတ် ချိတ်မလို့…
ကြက်သမား ကောင်းကောင်း ဖြစ်ချင်ရင် ကြွခဲ့ပါ … ဆရာဖြစ် သင်ကြား
ပေးမည်လို့ … ဘယ်နဲ့လဲ မောင်ရေ မမိုက်ဘူးလား … ဟဲဟဲ ”

“မင်းတို့ အိမ်မှာ မင်းအဖေ မသေခင်က ရခဲ့တဲ့ သစ်သား ဘောင်ကြီးတပ်
ထားတဲ့ ကပစ ထုတ် တီဗွီရော ရှိသေးလား၊ ငါစီမှာတော့ မောင်သန်း…လက်
ဆောင် အတင်းထိုးပြီး ပေးခဲ့တဲ့ ပဒုံမာ ဓါတ်ဘူး လေးတော့ ရှိသေးတယ်”လို့
မေးပါတယ်။
“ရှိတော့ ရှိသေးတယ် အဘ၊ ဒါပင်မဲ့ ပုံရိပ်တွေ သိပ်မကောင်းလို့၊ အိမ်ပေါ်ထပ်
မှာပဲ ထားတယ်၊ အောက်ထပ်က ဧည့်ခန်းထဲမှာ အသစ်ထပ်ဝယ် ထားတဲ့ တီဗွီပဲ
သုံးတာ များတယ် အဘ၊ ဘာဖြစ်လို့လဲ” လို့ ပြန်မေးလိုက်တော့ …
“ဒီဇာတ်လမ်း ဘယ်လို စပြောရမလဲ မသိဘူး…ဒီလိုကွ…အဲ…မင်း..လွတ်လပ်ရေး
နေ့ကို သိလား” လို့ သူက ပြောပါတယ်။
“အဘ ကလဲ လာနောက်နေပြန်ပြီး၊ ဇန်န၀ါရီလ လေးရက်နေ့ လေ” လို့ ကျနော်
က လူတိုင်း သိပါတယ် ဆိုတဲ့ ပုံစံနဲ့ ပြောလိုက်တော့ သူက …

“အင်း …. ဒီလိုကွ … မင်းက ငယ်သေးတော့ ဘယ်မှတ်မိ မလဲ… မင်းတို့ ခပ်ငယ်
ငယ်တုန်းက … နှစ်စဉ်နှစ်တိုင်း မတ်လ (၂၆)ရက်နေ့ ညနေမှာ … ကင်းဝန်မင်းကြီး
လမ်းမှာ … ဆဲပွဲ …အဲ တော်လှန်ရေးနေ့ အထိန်းအမှတ် ညစား စားပွဲ လုပ်တယ်…
အဲဒီမှာ မင်းအဖေရယ့် ငယ်သူငယ်ချင်း ယောနင်း အုပ်စု သီးသန့် လုပ်တာ … သူတို့
မိသားစုတွေ..မယားတွေ သားသမီးတွေနဲ့ပေါ့…အဲဒီနေ့ တစ်ညနေ ကို အဲဒီလူကြီး
… ဗိုလ်နေ၀င်း က Pass ပေးထားတယ် ... မူးချင်သလို မူး.. ဆဲချင်ရာ ဆဲပေါ့…
တချို့ ရဲဘော်ဟောင်း တွေဆိုရင် … အဲဒီ ညစား စားပွဲက ပြန်လာရင်….တော်လှန်
ရေးပန်းခြံ ကို … သေးနဲ့ ကော့ပန်း တာတောင် ဘယ်သူမျှ မဖမ်းရဲဘူး…တစ်ချို့ဆို
ဗိုလ်နေ၀င်း ကို စိတ်နာပြီး…အိမ်အပြန် လမ်းတလျှောက်…နာမည်တပ်ပြီး အော်ဆဲ
တာ… ထောက်လှမ်းရေး ဆို… အဲဒီ တစ်ညနေ ကို အရမ်းလည်း အလုပ်ရှုပ်…
မူးနေတဲ့ အဘိုးကြီးတွေ ကို အိမ်အထိ လိုက်ပို့ရပေါ့ …ဒါကြောင့် အဲဒီနေ့ကို
လွတ်လပ်ရေး နေ့ လို့ ထောက်လှမ်းရေး က နာမည် ပေးထားတာ … တစ်နှစ်ကျ
တော့… မောင်သန်း တစ်ယောက် …အဲဒီ အခမ်းအနား ကနေ မူးပြီး ငါ့အိမ်ကို
ရောက်လာတယ်… အကိုတဲ့… လူတိုင်း မော်ကွန်းဝင်တိုင်း… နိုင်ငံဂုဏ်ရည်တိုင်း…
ပြည်တွင်းစစ်မှာ လုပ်အားပေးဘူးတဲ့ သူတိုင်း … ကပစ ထုတ် တီဗွီ ရတယ်…
ကျနော် ကြတော့ မရဘူးဗျာ… ကျနော်က လိုချင်လို့ မဟုတ်ပါဘူး … အိမ်က
ကလေးတွေ က အိမ်မှာ တီဗွီမရှိလို့ သူများအိမ် သွားကြည့်တော့… အခုလို
တော်လှန်ရေးနေ့ နီးရင် ရုပ်မြင် သံကြားက လွှင့်တဲ့… ဘာလဲ… အမိမြေက
သား ကောင်းများ…ဆိုတဲ့ ရုပ်ရှင်ကို တီဗွီမှာကြည့်ရတော့.. သူတို့ ရှက်တယ်
တဲ့…သူတို့ကို တခြားသူတွေက… နင်တို့အဖေလည်း မော်ကွန်းဝင်ဖြစ်ပြီး
ကပစ ထုတ် တီဗွီ မရ ဘူးလားတဲ့…အကိုရာ…ကျနော် အရမ်းရှက်တယ်
လို့… ညစား စားပွဲက တိုက်တဲ့ အရက်တွေ ဇွတ်သောက်လာပြီး ငိုသံကြီးနဲ့…
ငါကို ပြောတယ်”

“ငါက ပြောတယ်၊…ငါလည်း အဲဒီတီဗွီ လျှောက်လည်း မလျှောက်ဘူး…ရလည်း
မရဘူး …ဒါပင်မဲ့ မင်းကလေးတွေ သူများအိမ်မှာ မျက်နှာ အငယ်ခံပြီး တီဗွီ
သွားကြည့် နေရတယ် ဆိုရင်…ငါအိမ်က တီဗွီ မင်းယူသွားလို့…ပြောတော့လည်း
သူက လက်မခံဘူး…ဒါနဲ့ မင်းဘယ်လို ဘယ်သူစီကို လျှောက်လဲလို့ မေးလိုက်
တော့…နိုင်ငံတော် ကောင်စီ တွဲဖက် အတွင်းရေးမှူးစီ လျှောက်လွှာ တင်ရတယ်
တဲ့…ဘယ်သူက လျှောက်လွှာရေး ပေးလဲ ဆိုတော့ …သူ့ချွေးမက ရေးပေးတယ်
လို့ ပြောတယ်… အဲဒါနဲ့ ငါလည်း မင်းဘာတွေ ရေးလည်းဆိုတော့…သူ…ဂျပန်
တော်လှန်ရေး မှာပါဝင် ခဲ့ပြီး…စစ်တောင်း မြစ်ကမ်း တိုက်ပွဲမှာ… ပထမ တိုက်ပွဲ
အောင်ပွဲ ရရှိသောကြောင့်… အောင်ပွဲခံသော အနေဖြင့် တပ်စု တစ်စုလုံး မူးနေ
ပြီး…ဒုတိယ အကြိမ် ဂျပန် စစ်ကြောင်းဆင်းလာသော အခါ…ကင်းသမား…
အမူးလွန်၍…ကင်းငိုက်သောကြောင့် ဂျပန်က စခန်းတစ်ခုလုံးကို…အသံတိတ်…
လှံစွပ်ဖြင့် ထိုးသတ်သွားရာ… အမူး လွန်ပြီး ..ကုတင်အောက် ပြုတ်ကျနေသော
…သူ လွတ်မြောက် ခဲ့ပါတယ်လို့ …ရေးလိုက်မိတယ်လို့ ပြောတော့ …. ငါဖြင့်
ရီ လိုက်ရတာ …. အူတောင် နာတယ်… ငါလည်း သူကို အားပေးလိုက်ပါတယ်
ခဏလောက် စောင့်ပါ… မင်း ပြဿနာကို … ငါကြိုးစားပြီး ဖြေရှင် ပေးမယ်
လို့… ကတိ ပေးလိုက်တယ်”

“အဘက ဘယ်လို ဖြေရှင်း ပေးလိုက် သလဲ” လို့ ကျနော်က မေးလိုက်တော့
သူမျက်နှာ က ရုပ်ရှင်ထဲက အောင်ပွဲရခဲ့တဲ့ စစ်သူကြီး တစ်ယောက်လို ပြုံးနေ
ပါတယ်။

“ငါကို နှစ်စဉ် နှစ်တိုင်း မင်းပြောတဲ့ ဇန်န၀ါရီလ လေးရက်နေ့…ဦးနု လွတ်လပ်ရေး
နေ့ အခမ်းအနားကို ဖိတ်တယ်… ကိုလေးတို့ ဦးနုတို့ ထိုင်းပြေးပြီးတဲ့ နောက်ပိုင်း
…ငါ အဲဒီ အခမ်းအနား မတက်တာ နှစ်တွေ တော်တော်ကြာလာ လို့…ဖိတ်စာ
လိုက်ပို့တဲ့ ထောက်လှမ်းရေး ကတောင်… အိမ်လာပြီး ဟိုမေး ဒီမေးနဲ့…ဒါနဲ့
မောင်သန်း ကိစ္စလည်း ကြားရော… ငါစိတ်ထဲ ထောင်းခနည်း.. ဖြစ်သွားတာနဲ့…
ငါလည်း အဲဒီ အခမ်းအနား သွားတက်တာပေါ့…ငါ့ မျက်နှာလည်း မြင်ရော…အဲဒီ
လူကြီး တော်တော် အံသြ နေတယ်…စားသောက်တဲ့ အချိန်မှာ စားပွဲတစ်ဝိုင်းကို
လူ လေး ငါးယောက် လောက်ဘဲ ထိုင်စားကြတာ… စားလဲ ပြီးရော…အချိုတည်ဖို့
ရှေ့ဟောင်း နှောင်းဖြစ်တွေ ပြောဖို့….စားပွဲခုန် တွေ စီပြီး ထိုင်ကြတော့…နှစ်အုပ်
စု ဖြစ်သွားတယ်…ငါ့ နံဘေးမှာ ဆရာကြီး ဦးသိန်းဟန် ထိုင်တယ်…ငါလည်း စကား
ပြောဖို့ ခြောင်းနေတာ….အင်း…ငဖားတွေ…. တစ်ယောက်ပြီး တစ်ယောက် အဲဒီ
လူကြီး ကို ဖားနေလိုက် တာ ပြီးကို မပြီး နိုင်ဘူး… ဒါနဲ့ နည်းနည်းလောက် ကြာ
တော့… ဒို့ နံဘေး ရောက်လာတယ်… ”

“အဲဒီတော့ အဘက ဘာပြော လိုက်လဲ”
“သူက စပြောတယ်… မင်းနေကောင်းလား တဲ့ … တခါတလေ ကြရင် မင်းကို
…ငါ အရမ်း သတိရ ပါတယ်တဲ့… မိသားစုရော စီးပွားရေးတွေ ဘာတွေ အဆင်
ပြေလားတဲ့… သူ့ ပါးစပ်က အဲလို့ စပြောတော့ ကျန်တဲ့ သူတွေလည်း ငါ့ကို
ဝိုင်းကြည့်နေ ကြတာပေါ့… ငါလည်း ပြောလိုက်ပါတယ်… ကျနော် အဆင်ပြေပါ
တယ်…ဒုက္ခရောက် မှာလည်း မကြောက်ပါဘူး … ဒါပင်မဲ့ တခါတလေ ကြရင်
ကျနော် ကိုယ်တိုင်ရော ကျနော်နဲ့ ပက်သက်တဲ့ သူတွေရော ဒုက္ခရောက်တာ
ကြည့် ပြီး… ကျနော် တော်တော် သံဝေဂ ရတယ်… ကျနော် ဘ၀က ဆရာကို
ပြစ်မှားမိလို့ ကျေးဇူးကန်းမိလို့ ကျိန်စာ သင့်နေတယ်လို့ ခံစားရတယ် ပြော
လိုက်တော့ …. သူက… မင်းက တိုင်းပြည်အတွက် အလုပ် လုပ်ခဲ့တဲ့ သူပါ ….
ဘယ်လို ကျိန်စာ တွေမှ မရှိနိုင်ပါဘူးတဲ့…. ငါက… ကျနော် ဆိုလိုတာ က
ကျနော်တို့ ဂျပန်စီမှာ စစ်ပညာ သင်ယူခဲ့ပြီး သူတို့ကို… ကျနော် ပြန်တိုက် ပြန်
သတ်ခဲ့လို့ အခု ကျနော့် ရဲဘော်ရဲဘက် တစ်ယောက် ဆိုရင် ဂျပန်က လာတဲ့
ပစ္စည်းတွေ နဲ့ ထုတ်တဲ့ တီဗွီလေး တစ်လုံးတောင် မ၀ယ်နိုင် ရှာဘူးလို့ ပြော
ထည့် လိုက်တယ်… အဲဒါနဲ့ အဲဒီလူကြီးက… ဘယ်သူ တီဗွီ မရတာ လည်းလို့
မေးလည်း မေးလိုက် ရော …. ငါက …. ဂျပန်ခေတ် တုန်းက တော်ဘုရားကြီး
နတ်ရွာစံ ဖို့ ကိစ္စ မှာ အမိန့်စာ လာပေးတဲ့… မောင်သန်း တစ်ယောက် အခု
တော်လှန်ရေးနေ့ ဂုဏ်ပြု ရုပ်ရှင် …အမိမြေက သူရဲကောင်းများ ဆိုတာကို
မကြည်နိုင်ရှာဘူး ဗျာလို့ ပြောလိုက်တော့… ကျော်ထင်က.. အကိုကလည်း..
ရုပ်ရှင် နာမည်က အမိမြေက သားကောင်းများ ပါတဲ့…. ဆရာကြီး ဦးသိန်းဟန်
က ရီ ပြီး… မင်းလည်း သူရဲကောင်း တစ်ဦးပါတဲ့ … ၀င်ပြောတယ်… ငါက …
ကျနော် အရွယ်လည်း ရလာပြီး ဆရာရယ်… သူရဲကောင်းတော့ မဖြစ်ချင်
တော့ဘူး…. သူတော်ကောင်းဘဲ ဖြစ်ချင်တာ ဗျာလို့ ပြောချ လိုက်တော့ …
ဆရာကြီးတောင် ပါးစပ် အဟောင်းသာ ဖြစ်သွားတယ်”လို့ ပြောပြီး နံရံကို အကြာ
ကြီး စိုက်ကြည့်နေတယ်၊ တော်တော်လေး ကြာမှ ရေနွေးတွေ တခွက်ပြီး တခွက်
ဆက်တိုက် သောက်ပြီး အမောဖြေနေတယ်။

“အဘ…. အဲဒါနဲ့ ဦးသန်း တီဗွီ ရသွားလား အဘ”
“အေး ... မောင်သန်းအိမ်ရော ငါအိမ်ရော တီဗွီ တစ်လုံးစီ ထောက်လှမ်ရေးက
လာပို့ပါတယ်၊ ငါက လက်မခံ ပါဘူး၊ အတင်းငြင်းပြီး ပြန်ပေးလိုက်တယ်၊ မောင်သန်း
ကိုတော့ တောင်ပန်းတဲ့ အနေနဲ့ တီဗွီအပြင် အဲဒီ ပဒုံမာ ဓါတ်ဘူးလေးတွေ ငါးဘူး
လက်ဆောင် ပေးသွားတယ် …. အဲဒါ မောင်သန်း က ငါကိုပေးရင် လက်မခံမှာ သိလို့….
ငါ..အိမ် မှာ မရှိတဲ့ အချိန် … အိမ်က ကလေးတွေကို ဇွတ်အတင်း ထိုးပေးသွားတာ
…. အခုတော့ မောင်သန်းလည်း လောကကြီးထဲက ထွက်သွားပြီးလေ”

(ပြီးပါပြီး)

2 comments:

MyowinZaw said...

အလွန်ကောင်းပါသည် ဟုပြောသည်ထက်ပို ပြောချင်သည်။ ၀တ္ထုကောင်းဆိုသည် သမိုင်းကိုလည်းထင်ဟတ် ရမည် ပစ္စပန်ကိုဖော်ကျူးရမည် အနာဂတ်ကိုလည်း လှမ်းမျော်ရမည်။ အဓိက ကျွန်တော်ထင်သည် လူတစ်ဦးခြင်းစီ၏ အတိတ် ပစ္စပန် အနာဂတ် တွင် ဖြတ်သန်းမှုများဖြစ်သည်။

စန္ဒီမိုးမြင့် said...

ဦးအောင်
မန္တလေး က လက်ဘက်ရောင်းတဲ့ ကျော်သိန်းဆိုတာ
အရီးတောင်းလက်ဘက် က ဦးကျော်သိန်းလား:P
သမီး မသိတာသေးတာတွေကို ဦးအောင် ဘလောခ်မှာ ဖတ်လိုက်ရလို့ ကျေးဇူးတင်ပါတယ်
ဒီ မှာ က အဲလို စာမျိုးဖတ်ရဘို့ မလွယ်ဘူး